Suu 12
12
1Min mɛn bɛ́ gɔn waa ma-n narɛ,
a n giɛ doɛ̃ li.
Sɛnɛ, min mɛn bɛ́ n piɛ̃
ka doroo ne, baãnaa nɛ.
2Sii sonbore-zɛnaali n kɔɔ̃n
dɛnaa Lawa ganaa.
Sɛnɛ min mɛn bɛ́ ǹ miãn siɛ̃,
Lawa n zɛ̀rɛ diɛ bɛn la.
3Min mɛn bɛ́ sii baraa zɛnɛɛ,
a gòã á tán wa.
Sɛnɛ, sii sonbore zɛnaa wole
gòã n we-n tán,
bìn ba n diɛ a ganaa wa.
4Lɔ yiridɛnaa nə ǹ zuũ tɔ boe.
Sɛnɛ lɔ mɛn bɛ́ sìi diɛ
ǹ zuũ ganaa,
bɛ n ka busu bɛ́ lɔn a wen sɔsoɛ̃.
5Min sonbore a taasiɛ n
doa-n peperebaa ganaa.
Min baraa wɔ n ka ǹ miãn sã nɛ.
6Min baraa lɛ gɔ́ɔ̃ ǹ boo
n kan lɛa gɛ̀ dii.
Sɛnɛ min sonbore wɔ nə
ǹ miãn sii ǹ kiɛ.
7Bɛ̀ min baraa mɛnaa,
a wɔ na á nya.
Sɛnɛ min mɛnɛn bɛ́
sii sonbore zɛnɛɛ,
bɛn kion gòã n we-n tán kaka.
8Maǹ min tɔ boe
a yiriwoorobaa taman yii.
Yirikɔkɔrɔdɛnaa wɔ n ka
papaã nɛ.
9Á soɛ ǹ nə n pɔpɔsɛ
a da yaa dí-nyali tá n lon,
bɛ á soɛ din gole kɔ nɛ
màn-bii din ná a ba n lon wa.
10Min pepere tá n yiri koɛ
a tɔɔn li.
Sɛnɛ min baraa ba
makara goon din doɛ̃ wa.
11Min mɛnɛn bɛ́ ǹ wuru kɔsɛ,
màn-bii a nyaabiɛ ǹ ganaa wa.
Sɛnɛ, min mɛnɛn bɛ́ baa sii
màn kooro kio,
yiriwɛɛnaan manɛ.
12Min baraan manə n yii boe
koɛɛ̃n mànan li.
Sɛnɛ min peperen sii n bǐɛ̃ koe.
13Min baraan man kòso-n
ǹ soɛn taman yii.
Sɛnɛ, koe a sii sonbore-zɛnaali yii wa.
14Min a sii á boe la a yɔrɔ yɛ
lɛ gɔ́ɔ̃ ǹ boo barka nɛ
ka dí bɛ́ saraa koe min la lɔn.
15Baãnaan man taasɛ mà ǹsɛn
zɛnaa ǹ sii n siĩn duduu.
Sɛnɛ, sii-dɔ̃li manə
n too koe doroo li.
16Baãnaan foo n siɛ lɛlɛ
bɛ̀ a n da ǹ lɛ la.
Sɛnɛ, yiridɛnaa n sii sii a ganaa.
17Min mɛn bɛ́ sonbore pii,
a nə n doe kiri a peperebaa lɛ.
Min mɛn bɛ́ siére baraa pii,
a n màn diɛ siɛ̃ li.
18Min mɛn bɛ́ boo diɛ
a mìi gialaa,
a n goon ka gɔya sa nɛ busu diɛ.
Sɛnɛ min mɛn bɛ́ boo diɛ
ka sii-doɛ̃ nɛ,
a n dagòã lɛa busu nyɛɛ.
19Sonbore n duduu wɔ lɛa.
Sɛnɛ, soɛ n beleboe
yii-tã a buĩ dinsɔɔ̃.
20Baraa-zɛnaalin foo n piɛ̃ nɛ
ka soɛ nɛ.
Sɛnɛ, min mɛnɛn bɛ́
doroo sonbore koe,
foo kɔɔ̃n nə bɛn wɔ lɛa.
21Koe a min pepere yii wa.
Sɛnɛ, min baraa wɔ n ka fuu ni.
22Soɛ-bɔli tìĩ n boe ne
Dɛnaa Lawa nyin ni.
Sɛnɛ min mɛnɛn bɛ́ sonbore pii,
bɛn sii n kɔɔ̃n a ganaa.
23Boo ma din la wole
n pìi koe a sii-doɛ̃ lɛ.
Sɛnɛ baãnaa nə n lɛ dii
ka a gàãn nɛ.
24Min mɛn a dí boo bɛ́ kaka,
bɛ n goɛ̃ ǹ miãn mìi la.
Sɛnɛ, yoobaali á re bɛ̀rɛ biɛ.
25Nɔmaa n min foo ziziɛ̃.
Sɛnɛ, boo sonbore n min
foo basɛ̃.
26Sii sonbore-zɛnaalin man
nyɛɛnaan-bɔle sonboren lɛa.
Sɛnɛ sii baraa-zɛnaalin man siɛ̃
ǹ zii ganaa.
27Yoo-baali ba a don siĩ tiɛ̃ wa.
Sɛnɛ dí-nyali n là sonbore yii
a dí ganaa.
28Yiikoonaabaa n peperebaa ǹ zii la.
Min woo min kɔ bɛa zii lɛ lɛ,
a n kanbiɛ gɛ̀ ganaa.
Currently Selected:
Suu 12: SBPE2011
Highlight
Copy
Compare
Share
Want to have your highlights saved across all your devices? Sign up or sign in
San Bible Protestant Edition © Bible Society of Burkina Faso, 2011.
Suu 12
12
1Min mɛn bɛ́ gɔn waa ma-n narɛ,
a n giɛ doɛ̃ li.
Sɛnɛ, min mɛn bɛ́ n piɛ̃
ka doroo ne, baãnaa nɛ.
2Sii sonbore-zɛnaali n kɔɔ̃n
dɛnaa Lawa ganaa.
Sɛnɛ min mɛn bɛ́ ǹ miãn siɛ̃,
Lawa n zɛ̀rɛ diɛ bɛn la.
3Min mɛn bɛ́ sii baraa zɛnɛɛ,
a gòã á tán wa.
Sɛnɛ, sii sonbore zɛnaa wole
gòã n we-n tán,
bìn ba n diɛ a ganaa wa.
4Lɔ yiridɛnaa nə ǹ zuũ tɔ boe.
Sɛnɛ lɔ mɛn bɛ́ sìi diɛ
ǹ zuũ ganaa,
bɛ n ka busu bɛ́ lɔn a wen sɔsoɛ̃.
5Min sonbore a taasiɛ n
doa-n peperebaa ganaa.
Min baraa wɔ n ka ǹ miãn sã nɛ.
6Min baraa lɛ gɔ́ɔ̃ ǹ boo
n kan lɛa gɛ̀ dii.
Sɛnɛ min sonbore wɔ nə
ǹ miãn sii ǹ kiɛ.
7Bɛ̀ min baraa mɛnaa,
a wɔ na á nya.
Sɛnɛ min mɛnɛn bɛ́
sii sonbore zɛnɛɛ,
bɛn kion gòã n we-n tán kaka.
8Maǹ min tɔ boe
a yiriwoorobaa taman yii.
Yirikɔkɔrɔdɛnaa wɔ n ka
papaã nɛ.
9Á soɛ ǹ nə n pɔpɔsɛ
a da yaa dí-nyali tá n lon,
bɛ á soɛ din gole kɔ nɛ
màn-bii din ná a ba n lon wa.
10Min pepere tá n yiri koɛ
a tɔɔn li.
Sɛnɛ min baraa ba
makara goon din doɛ̃ wa.
11Min mɛnɛn bɛ́ ǹ wuru kɔsɛ,
màn-bii a nyaabiɛ ǹ ganaa wa.
Sɛnɛ, min mɛnɛn bɛ́ baa sii
màn kooro kio,
yiriwɛɛnaan manɛ.
12Min baraan manə n yii boe
koɛɛ̃n mànan li.
Sɛnɛ min peperen sii n bǐɛ̃ koe.
13Min baraan man kòso-n
ǹ soɛn taman yii.
Sɛnɛ, koe a sii sonbore-zɛnaali yii wa.
14Min a sii á boe la a yɔrɔ yɛ
lɛ gɔ́ɔ̃ ǹ boo barka nɛ
ka dí bɛ́ saraa koe min la lɔn.
15Baãnaan man taasɛ mà ǹsɛn
zɛnaa ǹ sii n siĩn duduu.
Sɛnɛ, sii-dɔ̃li manə
n too koe doroo li.
16Baãnaan foo n siɛ lɛlɛ
bɛ̀ a n da ǹ lɛ la.
Sɛnɛ, yiridɛnaa n sii sii a ganaa.
17Min mɛn bɛ́ sonbore pii,
a nə n doe kiri a peperebaa lɛ.
Min mɛn bɛ́ siére baraa pii,
a n màn diɛ siɛ̃ li.
18Min mɛn bɛ́ boo diɛ
a mìi gialaa,
a n goon ka gɔya sa nɛ busu diɛ.
Sɛnɛ min mɛn bɛ́ boo diɛ
ka sii-doɛ̃ nɛ,
a n dagòã lɛa busu nyɛɛ.
19Sonbore n duduu wɔ lɛa.
Sɛnɛ, soɛ n beleboe
yii-tã a buĩ dinsɔɔ̃.
20Baraa-zɛnaalin foo n piɛ̃ nɛ
ka soɛ nɛ.
Sɛnɛ, min mɛnɛn bɛ́
doroo sonbore koe,
foo kɔɔ̃n nə bɛn wɔ lɛa.
21Koe a min pepere yii wa.
Sɛnɛ, min baraa wɔ n ka fuu ni.
22Soɛ-bɔli tìĩ n boe ne
Dɛnaa Lawa nyin ni.
Sɛnɛ min mɛnɛn bɛ́ sonbore pii,
bɛn sii n kɔɔ̃n a ganaa.
23Boo ma din la wole
n pìi koe a sii-doɛ̃ lɛ.
Sɛnɛ baãnaa nə n lɛ dii
ka a gàãn nɛ.
24Min mɛn a dí boo bɛ́ kaka,
bɛ n goɛ̃ ǹ miãn mìi la.
Sɛnɛ, yoobaali á re bɛ̀rɛ biɛ.
25Nɔmaa n min foo ziziɛ̃.
Sɛnɛ, boo sonbore n min
foo basɛ̃.
26Sii sonbore-zɛnaalin man
nyɛɛnaan-bɔle sonboren lɛa.
Sɛnɛ sii baraa-zɛnaalin man siɛ̃
ǹ zii ganaa.
27Yoo-baali ba a don siĩ tiɛ̃ wa.
Sɛnɛ dí-nyali n là sonbore yii
a dí ganaa.
28Yiikoonaabaa n peperebaa ǹ zii la.
Min woo min kɔ bɛa zii lɛ lɛ,
a n kanbiɛ gɛ̀ ganaa.
San Bible Protestant Edition © Bible Society of Burkina Faso, 2011.