BPS 3
3
Foo doa á tɔn a tan
1Masɛ n min lɛa fuu n ma mìi ni.
Dɛnaa Lawa a foo-yoo na
á bɛa fuu lɛ da ma mìi ni.
2Á ma nɔɔ á ma da a nyɛɛnɛ.
Á ma da tɔ wɔ ganaa wɔlɔ tì li.
Wɔlɔ fúlu boo bie wa.
3A n masɛ didii,
lɛawaa tumaa li.
4Má kũ má nya ma gòãn la.
Á ma wen yiyiɛ.
5Á ma kũ á ma lɛ tã.
Á ma lɛnpɛnɛ ka
foo-busii laanka nɔmaa nɛ.
6Á ma da giã wɔlɔ tì li ganaa,
ka min mɛnɛn bɛ́ ǹ nə́ gã haalɛ bibi.
7Á ma lɛnpɛnɛ ka kungɔn nɛ,
a n ma kurii soo ganaa.
Á zɔrɔka gugurun kaa ma ganaa.
8Ta ma nə n lɛ wurii,
ta ma n gu diɛ,
a nə n too tiɛ̃ maa nyankɔ li.
9Á maa zii tã ka kɔlɔ dadaran nɛ.
Á ma da zii kɔkɔrɔ la.
10Dɛnaa Lawa lɛ n gòon màn gole lɛa
masɛ ganaa, zoɛ̃ li mà a parɛ.
A n ka yàra bɛ́ lɔn durii-n tewon ne.
11Á ma baã á ma bɔ maa zii la.
Á ma tɔtoɛ̃, á ma ziziɛ̃.
12A ná a sa dii,
á kiɛ lɛ doa ma ganaa.
13A koã kiɛn kɛn,
á bɛn tumaa dɔrɔ ma kii ni.
14Maa zaman tumaa
n ma diɛ yaa lɛa,
ǹ nə́ loe loe ma ganaa lɛawaa yii li.
15Dɛnaa Lawa ma kã
ka foo-busii gole ne.
Á ma da màn kɔɔsɛ mii ganaa.
16Á gɛ̀pɛn kaa maa màn-bii li.
Á ma tuturu tán bonbolon ne.
17Á yii-nyɛɛ si ma la.
Ma yiri bɔ ka là nyantoro ne.
18Bɛ lɛ nɛ má tɔn pɛ:
Masɛ wɔ nya.
Ma foo á doa-n
Dɛnaa Lawa ganaa doo wa.
19N taasɛ maa fuu kɛ
laanka maa nɔmaa kɛ nɛ,
maa foo ziziɛ̃ laanka
màn kɔɔsɛ kɛ nɛ.
20Ma nə n taasɛ a ganaa
biikoo tumaa li.
Á ma gù dɛ.
21Sɛnɛ, taasiɛ mɛn bɛ́ die ma yiri ni,
á ke,
bɛ lɛ n toɛ ma foo á doa nɛ:
22Dɛnaa Lawa a bǐɛ̃ a nyɛɛ wa.
A minin narɛɛ dɔ ba n lɛ doɛ wa.
23Maǹ màn dii lɛa
baraabaraa baayɛlɛ.
A bɔlɔgoondɛnaabaa miã banban.
24Bɛ lɛ nɛ ma á pii:
«Dɛnaa Lawa n maa naforo lɛa»
bɛ lɛn toɛ ma foo á doa nɛ a ganaa.
25Min mɛn foo bɛ́ doa-n
Dɛnaa Lawa ganaa,
a n giɛ li ka a parsiini,
a n bǐɛ̃ biɛ bɛ la.
26N yii da Dɛnaa Lawa
a bɔ sii-n la, kiĩn ni,
sii sonbore ne.
27N sii si n ganaa n tenmaa waáraa,
sii sonbore ne.
28Bɛ̀ Dɛnaa Lawa sii da min mìi ni,
á kɔnbɔ n dɛnaa giã tán
wɔlɔ para-a a dinsɔɔ̃, kiĩn ni.
29A kaa tán a lɛ la gusuũ li!
Kɔntan, foo doa ma-a tɔn yii!
30A n para dia a dɛli la,
a toa ǹ sɔ kaa la!
31Sonbore, Dɛnaa Lawa a min daa
a goɛ̃ duduu lɛa wa.
32Ta a na á fuu da n mìi ni,
a n wusii doo a n narɛ,
a giala a bǐɛ̃baa á gole.
33Haayii! A bie Dɛnaa Lawa duũ lɛa
a sìi da minbuiin nɛ ganaa,
a fuu yɛ wa.
34Bɛ̀ n tɔtɔrɔ gána goon a
kòso nɛn tumaa la,
Dɛnaa Lawa yii ba a ganaa wa?
35Bɛ̀ n mɛnaa n miã minbuiin nɛ la,
lon a Lawa yii giulun,
36bɛ̀ n tá kiri diɛ min la
kiri kuru ǹ bǎã nɛ biikoo mɛn li,
Dɛnaa Lawa yii ba a ganaa wa?
37Die n boe la a boo da,
a toa bɛa boo lɛ kaa lɛ?
Dɛnaa Lawa din bie wa?
38Lon a Lawa a boo bie die
ka sii tumaa-n wa?
Koe ne ka là nyantoro ne.
39Min bɛ́ á sii baraa zɛnaa
Lawa nə́ ǹ dɛnaa yii toa koo,
a n siɛ lɔn doo á gungunun sii kəni?
40Ka daa wɔ ga wɔa giã ǹ gɔn
ganaa taãn nɛ,
wɔ n bɔyaa wɔ da Dɛnaa Lawa li.
41Ka daa wɔ lon a Lawa nyankɔ
ka wɔ foo tumaa nɛ,
wɔ n gɔnɔn goa wɔ dia la.
42Wɔ n wɔ́ sii baraa zɛnaa,
wɔ n piã n nɛ.
Nsɛ, n wɔa sãn toa wɔ-n wa.
43N foo-yoo taman yii n wɔ kio loo,
n wɔ dɛ, n makara bɔ wɔ ganaa wa.
44N nə́ n dɔ labara gɔ́ɔ̃ nɛ
màn mɛn bɛ́ toɛ wɔa nyankɔ
nyan dɔ n li wa.
45N wɔ baa yisi lɛa,
màn tìĩ bɔ wolen lɛa tɔrɔ kɔsɔn bii.
46Wɔa zɔ́ɔn tumaa n
yaa we wɔ ganaa.
47Nyɛ́ɛ laanka gɔ̀nɔn bìn diɛ nɛ,
bɛn man wɔ yii,
kɔnlɛ ka basaã nɛ ka koe ne.
48Ma yii mu n suù,
baa sii ka mu bɛ́ lɔn,
koe kɛa lɛa, maa zaman mìi ni.
49Ma yii mu n gisĩ miɛ̃
a ba n lɛ kuĩ wa.
Susui ba ma la wa,
50yǎa Dɛnaa Lawa nə n toɛ lon,
a n yii kanɛɛ, a ma yɛ.
51Ǹ bɛ́ sii mɛn zɛnɛɛ
maa kiwi kɛa nɛlɔn manɛ,
bɛ n busi ma-a parsiini.
52Min mɛnɛn nə ma baa zɔ́ɔ
mìi ná a ba la wa,
ǹ nə́ bɔ ǹ nə́ kaa ma kio,
ka bàan wɔ bɛ́ lɔn.
53Ǹ nə́ ma da yala-n ma yii n koo,
ǹ ná a lɛ tã ka kɔlɔ nɛ.
54Mu dii á ma muĩ.
Má pɛ ma gɔ́ɔ̃ nɛ maa masɛ wɔ nya.
55Má n toa yala lɛ gɔ́ɔ̃ nɛ
ma lɛ dia n din Dɛnaa Lawa la.
56N maa lɛ dɛ ma,
n nyan nə n too tã maa lɛ-dɛ laanka
maa ginii kɛ la wa.
57Ma bɛ́ ma lɛ dia n la,
n nə́ n zɔ̃ n dɔ,
n pɛ ma nɛ:
«Nyɛ́ɛ nyan nə n kũ wa.»
58Dɛnaa Lawa, ń ma kirisibaa,
ń ma nyin si.
59Ǹ mɛnaa ma la lɔn,
Dɛnaa Lawa, ń yɛ.
Maa kiri kuru ka peperebaa nɛ.
60Ǹ gɛ̀ dòo bɔ ma ganaa
ka yɔrɔ mɛn nɛ,
ǹ siin mɛnɛn wɔ kɔn ma ganaa,
ń nə́ ǹ yɛ.
61Dɛnaa Lawa, ń nə́ ǹ sɔ kɔ kɛ ma
ka ǹ bɛ́ siin mɛnɛn we kɔn ma ganaa.
62Maa zɔ́ɔn lɛn man
taasiɛ baraan we,
ǹ tá boo diɛ masɛ ganaa baraabaraa.
63Ga ǹ ganaa, ta maǹ giã-n tán,
hinlaa ta manə ǹ gòãn la,
maǹ loe loe ma ganaa.
64Ǹ sii mɛn zɛnaa ma nɛ,
a saraa ǹ la Dɛnaa Lawa.
65Ǹ foo kaka kɔ,
n liɛ baraa da ǹ mìi ni.
66Ǹ kio loo ka foo-yoo gole ne,
n nə ǹ loo n nə ǹ bɔ tán la.
Currently Selected:
BPS 3: SBPE2011
Highlight
Copy
Compare
Share
Want to have your highlights saved across all your devices? Sign up or sign in
San Bible Protestant Edition © Bible Society of Burkina Faso, 2011.
BPS 3
3
Foo doa á tɔn a tan
1Masɛ n min lɛa fuu n ma mìi ni.
Dɛnaa Lawa a foo-yoo na
á bɛa fuu lɛ da ma mìi ni.
2Á ma nɔɔ á ma da a nyɛɛnɛ.
Á ma da tɔ wɔ ganaa wɔlɔ tì li.
Wɔlɔ fúlu boo bie wa.
3A n masɛ didii,
lɛawaa tumaa li.
4Má kũ má nya ma gòãn la.
Á ma wen yiyiɛ.
5Á ma kũ á ma lɛ tã.
Á ma lɛnpɛnɛ ka
foo-busii laanka nɔmaa nɛ.
6Á ma da giã wɔlɔ tì li ganaa,
ka min mɛnɛn bɛ́ ǹ nə́ gã haalɛ bibi.
7Á ma lɛnpɛnɛ ka kungɔn nɛ,
a n ma kurii soo ganaa.
Á zɔrɔka gugurun kaa ma ganaa.
8Ta ma nə n lɛ wurii,
ta ma n gu diɛ,
a nə n too tiɛ̃ maa nyankɔ li.
9Á maa zii tã ka kɔlɔ dadaran nɛ.
Á ma da zii kɔkɔrɔ la.
10Dɛnaa Lawa lɛ n gòon màn gole lɛa
masɛ ganaa, zoɛ̃ li mà a parɛ.
A n ka yàra bɛ́ lɔn durii-n tewon ne.
11Á ma baã á ma bɔ maa zii la.
Á ma tɔtoɛ̃, á ma ziziɛ̃.
12A ná a sa dii,
á kiɛ lɛ doa ma ganaa.
13A koã kiɛn kɛn,
á bɛn tumaa dɔrɔ ma kii ni.
14Maa zaman tumaa
n ma diɛ yaa lɛa,
ǹ nə́ loe loe ma ganaa lɛawaa yii li.
15Dɛnaa Lawa ma kã
ka foo-busii gole ne.
Á ma da màn kɔɔsɛ mii ganaa.
16Á gɛ̀pɛn kaa maa màn-bii li.
Á ma tuturu tán bonbolon ne.
17Á yii-nyɛɛ si ma la.
Ma yiri bɔ ka là nyantoro ne.
18Bɛ lɛ nɛ má tɔn pɛ:
Masɛ wɔ nya.
Ma foo á doa-n
Dɛnaa Lawa ganaa doo wa.
19N taasɛ maa fuu kɛ
laanka maa nɔmaa kɛ nɛ,
maa foo ziziɛ̃ laanka
màn kɔɔsɛ kɛ nɛ.
20Ma nə n taasɛ a ganaa
biikoo tumaa li.
Á ma gù dɛ.
21Sɛnɛ, taasiɛ mɛn bɛ́ die ma yiri ni,
á ke,
bɛ lɛ n toɛ ma foo á doa nɛ:
22Dɛnaa Lawa a bǐɛ̃ a nyɛɛ wa.
A minin narɛɛ dɔ ba n lɛ doɛ wa.
23Maǹ màn dii lɛa
baraabaraa baayɛlɛ.
A bɔlɔgoondɛnaabaa miã banban.
24Bɛ lɛ nɛ ma á pii:
«Dɛnaa Lawa n maa naforo lɛa»
bɛ lɛn toɛ ma foo á doa nɛ a ganaa.
25Min mɛn foo bɛ́ doa-n
Dɛnaa Lawa ganaa,
a n giɛ li ka a parsiini,
a n bǐɛ̃ biɛ bɛ la.
26N yii da Dɛnaa Lawa
a bɔ sii-n la, kiĩn ni,
sii sonbore ne.
27N sii si n ganaa n tenmaa waáraa,
sii sonbore ne.
28Bɛ̀ Dɛnaa Lawa sii da min mìi ni,
á kɔnbɔ n dɛnaa giã tán
wɔlɔ para-a a dinsɔɔ̃, kiĩn ni.
29A kaa tán a lɛ la gusuũ li!
Kɔntan, foo doa ma-a tɔn yii!
30A n para dia a dɛli la,
a toa ǹ sɔ kaa la!
31Sonbore, Dɛnaa Lawa a min daa
a goɛ̃ duduu lɛa wa.
32Ta a na á fuu da n mìi ni,
a n wusii doo a n narɛ,
a giala a bǐɛ̃baa á gole.
33Haayii! A bie Dɛnaa Lawa duũ lɛa
a sìi da minbuiin nɛ ganaa,
a fuu yɛ wa.
34Bɛ̀ n tɔtɔrɔ gána goon a
kòso nɛn tumaa la,
Dɛnaa Lawa yii ba a ganaa wa?
35Bɛ̀ n mɛnaa n miã minbuiin nɛ la,
lon a Lawa yii giulun,
36bɛ̀ n tá kiri diɛ min la
kiri kuru ǹ bǎã nɛ biikoo mɛn li,
Dɛnaa Lawa yii ba a ganaa wa?
37Die n boe la a boo da,
a toa bɛa boo lɛ kaa lɛ?
Dɛnaa Lawa din bie wa?
38Lon a Lawa a boo bie die
ka sii tumaa-n wa?
Koe ne ka là nyantoro ne.
39Min bɛ́ á sii baraa zɛnaa
Lawa nə́ ǹ dɛnaa yii toa koo,
a n siɛ lɔn doo á gungunun sii kəni?
40Ka daa wɔ ga wɔa giã ǹ gɔn
ganaa taãn nɛ,
wɔ n bɔyaa wɔ da Dɛnaa Lawa li.
41Ka daa wɔ lon a Lawa nyankɔ
ka wɔ foo tumaa nɛ,
wɔ n gɔnɔn goa wɔ dia la.
42Wɔ n wɔ́ sii baraa zɛnaa,
wɔ n piã n nɛ.
Nsɛ, n wɔa sãn toa wɔ-n wa.
43N foo-yoo taman yii n wɔ kio loo,
n wɔ dɛ, n makara bɔ wɔ ganaa wa.
44N nə́ n dɔ labara gɔ́ɔ̃ nɛ
màn mɛn bɛ́ toɛ wɔa nyankɔ
nyan dɔ n li wa.
45N wɔ baa yisi lɛa,
màn tìĩ bɔ wolen lɛa tɔrɔ kɔsɔn bii.
46Wɔa zɔ́ɔn tumaa n
yaa we wɔ ganaa.
47Nyɛ́ɛ laanka gɔ̀nɔn bìn diɛ nɛ,
bɛn man wɔ yii,
kɔnlɛ ka basaã nɛ ka koe ne.
48Ma yii mu n suù,
baa sii ka mu bɛ́ lɔn,
koe kɛa lɛa, maa zaman mìi ni.
49Ma yii mu n gisĩ miɛ̃
a ba n lɛ kuĩ wa.
Susui ba ma la wa,
50yǎa Dɛnaa Lawa nə n toɛ lon,
a n yii kanɛɛ, a ma yɛ.
51Ǹ bɛ́ sii mɛn zɛnɛɛ
maa kiwi kɛa nɛlɔn manɛ,
bɛ n busi ma-a parsiini.
52Min mɛnɛn nə ma baa zɔ́ɔ
mìi ná a ba la wa,
ǹ nə́ bɔ ǹ nə́ kaa ma kio,
ka bàan wɔ bɛ́ lɔn.
53Ǹ nə́ ma da yala-n ma yii n koo,
ǹ ná a lɛ tã ka kɔlɔ nɛ.
54Mu dii á ma muĩ.
Má pɛ ma gɔ́ɔ̃ nɛ maa masɛ wɔ nya.
55Má n toa yala lɛ gɔ́ɔ̃ nɛ
ma lɛ dia n din Dɛnaa Lawa la.
56N maa lɛ dɛ ma,
n nyan nə n too tã maa lɛ-dɛ laanka
maa ginii kɛ la wa.
57Ma bɛ́ ma lɛ dia n la,
n nə́ n zɔ̃ n dɔ,
n pɛ ma nɛ:
«Nyɛ́ɛ nyan nə n kũ wa.»
58Dɛnaa Lawa, ń ma kirisibaa,
ń ma nyin si.
59Ǹ mɛnaa ma la lɔn,
Dɛnaa Lawa, ń yɛ.
Maa kiri kuru ka peperebaa nɛ.
60Ǹ gɛ̀ dòo bɔ ma ganaa
ka yɔrɔ mɛn nɛ,
ǹ siin mɛnɛn wɔ kɔn ma ganaa,
ń nə́ ǹ yɛ.
61Dɛnaa Lawa, ń nə́ ǹ sɔ kɔ kɛ ma
ka ǹ bɛ́ siin mɛnɛn we kɔn ma ganaa.
62Maa zɔ́ɔn lɛn man
taasiɛ baraan we,
ǹ tá boo diɛ masɛ ganaa baraabaraa.
63Ga ǹ ganaa, ta maǹ giã-n tán,
hinlaa ta manə ǹ gòãn la,
maǹ loe loe ma ganaa.
64Ǹ sii mɛn zɛnaa ma nɛ,
a saraa ǹ la Dɛnaa Lawa.
65Ǹ foo kaka kɔ,
n liɛ baraa da ǹ mìi ni.
66Ǹ kio loo ka foo-yoo gole ne,
n nə ǹ loo n nə ǹ bɔ tán la.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
San Bible Protestant Edition © Bible Society of Burkina Faso, 2011.