Zoz 4
4
Kɔlɔ fulupaa
1Zaman lɛ tumaa bɛ́ á Zurdɛ̃ tà kuru á nya, Dɛnaa Lawa pɛ Zozoe ne: 2«Min fulupaa bɔ zaman lɛ bii, tɔrɔ gogoonmaa a min goon. 3Ka pɛ bɛn nɛ mà ǹ kɔlɔ fulupaa goa kànaa Zurdɛ̃ tà lɛ bii, wúlu-bɔlen lɛn nə golee ǹ gòãn la bǎã mɛn lɛ nɛ. Ǹ bɛ́ re lɛ̀ wɛɛ bǎã mɛn nɛ, ǹ doamaa nɛ, ǹ wo ka kɔlɔn lɛn nɛ, ǹ nə ǹ kaa tán walan.» 4Zozoe min fulupaa mɛn bɔ Izirayeli minin lɛn bii, á lɛ dia bɛn la. A na á min goon bɔ tɔrɔ gogoonmaa bii. 5Zozoe tɔ́n pɛ ǹ nɛ kɛnɛn: Dɛnaa Lawa lɛ, kaa Lawa lɛa, ka kiɛ̃ ka mɛ a goo lɛ nyɛɛnɛ, ka wo Zurdɛ̃ tà lɛ bii. Ka dinin gogoonmaa kɔlɔ goon saa ka da ka kɔrɔn, Izirayeli nɛnyaanan lɛn tɔrɔn lɛ yii li, 6màn mɛn bɛ́ toɛ, bɛ goã sii a kɔnboe lɛa ka bii. A giala, ǹ kɔn pinaa, kaa nɛnyaanan tá re nɔ̀n diɛ ka la ǹ pɛ mà kɔlɔn kɛn man wàa mɛn sii giala pii ka nɛ? 7Ka pɛ ǹ nɛ kɛnɛn: «Zurdɛ̃ tà a mu na á goã á n na kɔn Dɛnaa Lawa a *lɛ kɔ kɔn la ǹ goo lɛ nyɛɛn lɛlɛ. Ǹ bɛ́ Zurdɛ̃ tà lɛ kuri ni, Zurdɛ̃ tà a mu lɛ na á n na kɔn. Kɔlɔn kɛn lɛn man die Izirayeli minin yiri gisĩ bɛa sii lɛ nɛ yǎa duduu.» 8Izirayeli minin lɛn nə́ zɛnaa ka Zozoe goã á pɛ ǹ nɛ lɔn. Ǹ nə́ kɔlɔ fulupaa lɛ goa Zurdɛ̃ tà lɛ bii, Izirayeli minin tɔrɔn lɛn lɛ yii li, ka Dɛnaa Lawa bɛ́ á goã á pɛ Zozoe-n lɔn. Ǹ nə́ ǹ gũ ǹ nə́ kiɛ̃ ǹ nɛ. Ǹ dinin bɛ́ re golee bǎã mɛn nɛ bɔrɔ, ǹ nə́ woo ǹ kaa tán walan. 9Lawa a wúlu-bɔlen mɛnɛn nə goã lɛ kɔ kɔn la ǹ goo lɛ guĩ, bɛn nə golee ǹ gòãn la bǎã mɛn nɛ, Zozoe kɔlɔ fulupaa da kɔn la walan dɔ nɛ, Zurdɛ̃ tà lɛ bii. Maǹ tɔn walan a da kaa pelo lɛ. 10Wúlu-bɔlen mɛnɛn nə goã goo lɛ guĩ, bɛn nə́ golee Zurdɛ̃ tà lɛ bii. Dɛnaa Lawa goã á boo mɛn tumaa pɛ Zozoe ne mà a pɛ zaman lɛ nɛ, ǹ nə́ golee yǎa bɛ tumaa a sii nə́ n zɛnaa lenlen á nya. Muizu goã á boo mɛn tumaa pɛ Zozoe ne, Zozoe na á zɛnaa á kɔnpɛ ka bɛ nɛ. Bɛ kio, Zaman lɛ nə́ n nanaa á kiɛ̃.
11Zaman lɛ tumaa bɛ́ á kiɛ̃ á nya ǹ mɛn waáraa, Dɛnaa Lawa a goo lɛ laanka wúlu-bɔlen lɛn nə́ kiɛ̃, ǹ nə́ mɛ zaman lɛ nyɛɛnɛ. 12Urubɛn tɔrɔ minin ni, Gaadi wɔn nɛ, ka Manaasee tɔrɔ minin kɛn talɛɛ nɛ, bɛn nə́ ǹ ziabaa ǹ mànan goa, ǹ nə́ mɛ Izirayeli minin gialakunun lɛn nyɛɛnɛ, ka Muizu bɛ́ á goã á pɛ ǹ nɛ lɔn. 13Zia-baali duu pusi kɛ miã na á kiɛ̃ Dɛnaa Lawa din yii ni, ka ǹ ziabaa ǹ mànan nɛ ǹ ganaa, ǹ nə́ woe zia biɛ Zerikoo a nyankɔrɔ basa kɛ nɛ. 14Bɛa pinaa kɛ lɛ nɛ, Dɛnaa Lawa nyaa Izirayeli minin lɛn tumaa nɛ, mà asɛ din na á tɔ kɔ Zozoe la. A saa bɛ lɛ ganaa lɔn, ǹ nə́ nyɛ́ɛ baa Zozoe ne, ka ǹ bɛ́ ǹ nə́ goã nyɛ́ɛ biɛ Muizu-n lɔn a tá kanaa lɛawaa tumaa gɔ́ɔ̃ nɛ.
15Dɛnaa Lawa tɔ́n boo da Zozoe ne á pɛ nɛ: 16«Wúlu-bɔlen kɛn lɛn, Lawa a lɛ kɔ kɔn la ǹ goo lɛ guĩ, a pɛ ǹ nɛ, mà ǹ soo ǹ nə n bɔ Zurdɛ̃ tà lɛ gɔ́ɔ̃ nɛ.» 17Zozoe tɔ́n pɛ ǹ nɛ ma ǹ soo ǹ nə n bɔ Zurdɛ̃ tà lɛ gɔ́ɔ̃ nɛ. 18Wúlu-bɔlen mɛnɛn bɛ́ Dɛnaa Lawa a lɛ kɔ kɔn la ǹ goo lɛ guĩ, bɛn bɛ́ soe n boe Zurdɛ̃ tà lɛ gɔ́ɔ̃ nɛ ǹ mɛn waáraa, ǹ gòã tisi n die miɛ̃ tán gere la, Zurdɛ̃ tà lɛ a mu wusoo á daa a bǎã nɛ, á baa si a lɛkoro tumaa li ka a lɛlɛn bɛ́ lɔn. 19Mui bibinaa a lɛawaa fùbaa ǹ wɔ nɛ, zaman lɛ soo á n bɔ Zurdɛ̃ tà lɛ gɔ́ɔ̃ nɛ. Ǹ nə́ woo golee Gilgaali bɔrɔ, Zerikoo kiwi a lɛ̀giala gɔn la.
20Ǹ goã ǹ nə́ kɔlɔ fulupaa mɛn goa Zurdɛ̃ tà lɛ bii, Zozoe bɛn da kɔn la Gilgaali. 21Á tɔ́n boo da ka Izirayeli minin lɛn nɛ á pɛ ǹ nɛ mà bɛ̀ ǹ nɛnyaanan nə́ nɔ̀n da ǹ la ǹ mɛn pinaa, mà kɔlɔn kɛn man wàa mɛn sii giala pii, 22mà ǹ nə ǹ nɛnyaanan lɛn daraa ǹ pɛ ǹ nɛ kɛnɛn: «Lɛlɛ, Izirayeli minin lɛn man nə́ Zurdɛ̃ tà kɛ lɛ gɔ́ɔ̃ geremaa kuru ǹ nə́ kiɛ̃. 23A giala, Dɛnaa Lawa lɛ, kaa Lawa lɛa, bɛ na á Zurdɛ̃ tà lɛ a mu piɛ̃ á bɔ ka nyɛɛnɛ, yǎa ka kiɛ̃ ka nya. Dɛnaa Lawa lɛ, kaa Lawa lɛa, a na á zɛnaa miɛ̃ Sawɛɛ tà dɔ lɛ-a, á ná a mu piɛ̃ á bɔ ka nyɛɛnɛ, yǎa ka kiɛ̃ ka nya. 24A na á bɛ zɛnaa, màn mɛn bɛ́ toɛ, kanaa minbuiinin tumaa dɔ̃, mà Dɛnaa Lawa pàã á gole. Màn mɛn bɛ́ toɛ dɔn, ka dininmaan lɛn nə nyɛ́ɛ baa kaa Lawa, Dɛnaa Lawa nɛ biikoo tumaa li.»
Currently Selected:
Zoz 4: SBPE2011
Highlight
Copy
Compare
Share
Want to have your highlights saved across all your devices? Sign up or sign in
San Bible Protestant Edition © Bible Society of Burkina Faso, 2011.
Zoz 4
4
Kɔlɔ fulupaa
1Zaman lɛ tumaa bɛ́ á Zurdɛ̃ tà kuru á nya, Dɛnaa Lawa pɛ Zozoe ne: 2«Min fulupaa bɔ zaman lɛ bii, tɔrɔ gogoonmaa a min goon. 3Ka pɛ bɛn nɛ mà ǹ kɔlɔ fulupaa goa kànaa Zurdɛ̃ tà lɛ bii, wúlu-bɔlen lɛn nə golee ǹ gòãn la bǎã mɛn lɛ nɛ. Ǹ bɛ́ re lɛ̀ wɛɛ bǎã mɛn nɛ, ǹ doamaa nɛ, ǹ wo ka kɔlɔn lɛn nɛ, ǹ nə ǹ kaa tán walan.» 4Zozoe min fulupaa mɛn bɔ Izirayeli minin lɛn bii, á lɛ dia bɛn la. A na á min goon bɔ tɔrɔ gogoonmaa bii. 5Zozoe tɔ́n pɛ ǹ nɛ kɛnɛn: Dɛnaa Lawa lɛ, kaa Lawa lɛa, ka kiɛ̃ ka mɛ a goo lɛ nyɛɛnɛ, ka wo Zurdɛ̃ tà lɛ bii. Ka dinin gogoonmaa kɔlɔ goon saa ka da ka kɔrɔn, Izirayeli nɛnyaanan lɛn tɔrɔn lɛ yii li, 6màn mɛn bɛ́ toɛ, bɛ goã sii a kɔnboe lɛa ka bii. A giala, ǹ kɔn pinaa, kaa nɛnyaanan tá re nɔ̀n diɛ ka la ǹ pɛ mà kɔlɔn kɛn man wàa mɛn sii giala pii ka nɛ? 7Ka pɛ ǹ nɛ kɛnɛn: «Zurdɛ̃ tà a mu na á goã á n na kɔn Dɛnaa Lawa a *lɛ kɔ kɔn la ǹ goo lɛ nyɛɛn lɛlɛ. Ǹ bɛ́ Zurdɛ̃ tà lɛ kuri ni, Zurdɛ̃ tà a mu lɛ na á n na kɔn. Kɔlɔn kɛn lɛn man die Izirayeli minin yiri gisĩ bɛa sii lɛ nɛ yǎa duduu.» 8Izirayeli minin lɛn nə́ zɛnaa ka Zozoe goã á pɛ ǹ nɛ lɔn. Ǹ nə́ kɔlɔ fulupaa lɛ goa Zurdɛ̃ tà lɛ bii, Izirayeli minin tɔrɔn lɛn lɛ yii li, ka Dɛnaa Lawa bɛ́ á goã á pɛ Zozoe-n lɔn. Ǹ nə́ ǹ gũ ǹ nə́ kiɛ̃ ǹ nɛ. Ǹ dinin bɛ́ re golee bǎã mɛn nɛ bɔrɔ, ǹ nə́ woo ǹ kaa tán walan. 9Lawa a wúlu-bɔlen mɛnɛn nə goã lɛ kɔ kɔn la ǹ goo lɛ guĩ, bɛn nə golee ǹ gòãn la bǎã mɛn nɛ, Zozoe kɔlɔ fulupaa da kɔn la walan dɔ nɛ, Zurdɛ̃ tà lɛ bii. Maǹ tɔn walan a da kaa pelo lɛ. 10Wúlu-bɔlen mɛnɛn nə goã goo lɛ guĩ, bɛn nə́ golee Zurdɛ̃ tà lɛ bii. Dɛnaa Lawa goã á boo mɛn tumaa pɛ Zozoe ne mà a pɛ zaman lɛ nɛ, ǹ nə́ golee yǎa bɛ tumaa a sii nə́ n zɛnaa lenlen á nya. Muizu goã á boo mɛn tumaa pɛ Zozoe ne, Zozoe na á zɛnaa á kɔnpɛ ka bɛ nɛ. Bɛ kio, Zaman lɛ nə́ n nanaa á kiɛ̃.
11Zaman lɛ tumaa bɛ́ á kiɛ̃ á nya ǹ mɛn waáraa, Dɛnaa Lawa a goo lɛ laanka wúlu-bɔlen lɛn nə́ kiɛ̃, ǹ nə́ mɛ zaman lɛ nyɛɛnɛ. 12Urubɛn tɔrɔ minin ni, Gaadi wɔn nɛ, ka Manaasee tɔrɔ minin kɛn talɛɛ nɛ, bɛn nə́ ǹ ziabaa ǹ mànan goa, ǹ nə́ mɛ Izirayeli minin gialakunun lɛn nyɛɛnɛ, ka Muizu bɛ́ á goã á pɛ ǹ nɛ lɔn. 13Zia-baali duu pusi kɛ miã na á kiɛ̃ Dɛnaa Lawa din yii ni, ka ǹ ziabaa ǹ mànan nɛ ǹ ganaa, ǹ nə́ woe zia biɛ Zerikoo a nyankɔrɔ basa kɛ nɛ. 14Bɛa pinaa kɛ lɛ nɛ, Dɛnaa Lawa nyaa Izirayeli minin lɛn tumaa nɛ, mà asɛ din na á tɔ kɔ Zozoe la. A saa bɛ lɛ ganaa lɔn, ǹ nə́ nyɛ́ɛ baa Zozoe ne, ka ǹ bɛ́ ǹ nə́ goã nyɛ́ɛ biɛ Muizu-n lɔn a tá kanaa lɛawaa tumaa gɔ́ɔ̃ nɛ.
15Dɛnaa Lawa tɔ́n boo da Zozoe ne á pɛ nɛ: 16«Wúlu-bɔlen kɛn lɛn, Lawa a lɛ kɔ kɔn la ǹ goo lɛ guĩ, a pɛ ǹ nɛ, mà ǹ soo ǹ nə n bɔ Zurdɛ̃ tà lɛ gɔ́ɔ̃ nɛ.» 17Zozoe tɔ́n pɛ ǹ nɛ ma ǹ soo ǹ nə n bɔ Zurdɛ̃ tà lɛ gɔ́ɔ̃ nɛ. 18Wúlu-bɔlen mɛnɛn bɛ́ Dɛnaa Lawa a lɛ kɔ kɔn la ǹ goo lɛ guĩ, bɛn bɛ́ soe n boe Zurdɛ̃ tà lɛ gɔ́ɔ̃ nɛ ǹ mɛn waáraa, ǹ gòã tisi n die miɛ̃ tán gere la, Zurdɛ̃ tà lɛ a mu wusoo á daa a bǎã nɛ, á baa si a lɛkoro tumaa li ka a lɛlɛn bɛ́ lɔn. 19Mui bibinaa a lɛawaa fùbaa ǹ wɔ nɛ, zaman lɛ soo á n bɔ Zurdɛ̃ tà lɛ gɔ́ɔ̃ nɛ. Ǹ nə́ woo golee Gilgaali bɔrɔ, Zerikoo kiwi a lɛ̀giala gɔn la.
20Ǹ goã ǹ nə́ kɔlɔ fulupaa mɛn goa Zurdɛ̃ tà lɛ bii, Zozoe bɛn da kɔn la Gilgaali. 21Á tɔ́n boo da ka Izirayeli minin lɛn nɛ á pɛ ǹ nɛ mà bɛ̀ ǹ nɛnyaanan nə́ nɔ̀n da ǹ la ǹ mɛn pinaa, mà kɔlɔn kɛn man wàa mɛn sii giala pii, 22mà ǹ nə ǹ nɛnyaanan lɛn daraa ǹ pɛ ǹ nɛ kɛnɛn: «Lɛlɛ, Izirayeli minin lɛn man nə́ Zurdɛ̃ tà kɛ lɛ gɔ́ɔ̃ geremaa kuru ǹ nə́ kiɛ̃. 23A giala, Dɛnaa Lawa lɛ, kaa Lawa lɛa, bɛ na á Zurdɛ̃ tà lɛ a mu piɛ̃ á bɔ ka nyɛɛnɛ, yǎa ka kiɛ̃ ka nya. Dɛnaa Lawa lɛ, kaa Lawa lɛa, a na á zɛnaa miɛ̃ Sawɛɛ tà dɔ lɛ-a, á ná a mu piɛ̃ á bɔ ka nyɛɛnɛ, yǎa ka kiɛ̃ ka nya. 24A na á bɛ zɛnaa, màn mɛn bɛ́ toɛ, kanaa minbuiinin tumaa dɔ̃, mà Dɛnaa Lawa pàã á gole. Màn mɛn bɛ́ toɛ dɔn, ka dininmaan lɛn nə nyɛ́ɛ baa kaa Lawa, Dɛnaa Lawa nɛ biikoo tumaa li.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
San Bible Protestant Edition © Bible Society of Burkina Faso, 2011.