Zoz 12
12
Izirayeli minin nə boo kiin mɛnɛn la
1 #
MNS 21.21-35; TDP 2.26–3.11 Kiin mɛnɛn tumaa goã gána lɛ nɛ, Zurdɛ̃ tà kio lɛ̀giala-n, a saa Arnɔn tà lɛ-a ganaa yǎa Ɛrmɔn kele li ka Zurdɛ̃ a nyankɔrɔ lɛ kɛ tumaa nɛ, dia-n woe lɛ̀giala la, Izirayeli minin nə́ bɛa kiin lɛn dɛ, ǹ nə́ ǹ bǎãn si ǹ la. Ǹ kiin mɛnɛn dɛ, bɛn tɔn nə́ ke: 2Sihɔn nɛ, Amɔɔrɔ tɔrɔn kii mɛn goã giã-n Ɛsibɔn kiwi. A na á goã giã-n Arnɔn tà lɛ-a minin kɛn talɛɛ mìi la, a saa Aroɛɛrɛ kiwi ganaa, ka Galaati gána kɛa talɛɛ nɛ yǎa Yabɔki tà lɛ-a. Bɛ lɛ n Amɔn tɔrɔn lɛn gèlè lɛa. 3A saa Zurdɛ̃ a nyankɔrɔ lɛ kɛ dɔ ganaa yǎa Kinerɛti tà lɛ-a, dia-n woe lɛ̀nyɛɛnɛ, a wo yǎa diə gɔ́ɔ̃ a kɔ̀ kɛ lɛ-a, yìsi mu kɔ̀ lɛ lɛ̀giala-n, dia-n woe Bɛti-Yesimɔti kiwi la, a wo gusin a lɛ̀gɔn la, Pisigaa kele gòã lasadɛnan kɛn bǎã nɛ, bɛ tumaa na á goã a din gɔn. 4Kii lɛ a goon ne ka Ɔgu ni, Basan kiwi. Refayimu tɔrɔn mɛnɛn nə goã, bɛn min goon ne. A na á goã gia-n Asitarɔti kiwi laanka Edreyii kiwi mìi la. 5A na á goã giã-n Ɛrmɔn kele bǎã kɛ dɔ mìi la, ka Salkaa kiwi ni, ka Basan bǎã kɛ tumaa nɛ, a wo yǎa Gesuuru tɔrɔn kɛn laanka Makaati tɔrɔn kɛn gèlè la, a wo kaa Ɛsibɔn kii Sihɔn kɛa bǎã a talɛɛ lɛ Galaati gána nɛ. 6#MNS 32.33; TDP 3.12 Dɛnaa Lawa a dí-nyali Muizu laanka Izirayeli minin lɛn nə́ goã ǹ nə́ ǹ dɛ. Dɛnaa Lawa a dí-nyali Muizu na á goã á ǹ bǎãn lɛn kɔ Urubɛn tɔrɔn laanka Gaadi tɔrɔn la ka Manaasee tɔrɔn kɛn talɛɛ la.
7Bɛ kio, kiin mɛnɛn nə goã Zurdɛ̃ tà kio lɛ̀nyɛɛnɛ, Zozoe laanka Izirayeli minin lɛn nə́ bɛn dɛ. Ǹ bǎã lɛ na á goã siɛ Baali-Gaadi ganaa Liban a nyankɔrɔ basa kɛ nɛ, yǎa Hakali kele li, kunu Seyiiri kiwi ganaa. Zozoe bɛa bǎãn lɛn gii Izirayeli tɔrɔn lɛn lɛ yii li, á kɔ ǹ la. 8A bǎãn mɛnɛn gii ǹ bii, bɛn nə́ ke: kele yii bǎã kɛ nɛ, diə bǎã kɛ nɛ, Zurdɛ̃ a nyankɔrɔ basa kɛ nɛ, kele gòã lasa bǎãn kɛn nɛ, diə gole bǎã kɛ nɛ ka gusin a lɛ̀gɔn la bǎã kɛ nɛ. Ɛti tɔrɔn nɛ, Amɔɔrɔ tɔrɔn nɛ, Kanaan minin ni, Perɛzi tɔrɔn nɛ, Evii tɔrɔn nɛ ka Zebuzu tɔrɔn nɛ, bɛn man nə́ goã giã-n bɛa bǎãn lɛn nɛ. 9Ǹ kiwin mɛnɛn kiin dɛ, bɛn nə́ ke: Zerikoo, Ayii kunu Betɛli li, 10Zeruzalɛmu, Ebrɔn, 11Yarmuti, Lakiisi, 12Egulɔn, Gezɛɛrɛ, 13Debiiri, Gedɛɛrɛ, 14Hɔrma, Aradi, 15Libnaa, Adulaamu, 16Makedaa, Betɛli, 17Tapuwa, Hefɛɛrɛ, 18Afɛki, Lasarɔn, 19Madɔn, Asɔɔrɔ 20Simrɔn-Merɔnu, Aksafu, 21Tanaaki, Megidoo, 22Kedɛsi, Yanoamu Karmɛli kele li, 23Dɔɔrɔ ke tenten la, Goyimu ke Galilee gána nɛ 24ka Tirsaa nɛ. Kiin lɛn tumaa a kaa kun na á goã kii pɔsɔɔwengoon.
Currently Selected:
Zoz 12: SBPE2011
Highlight
Copy
Compare
Share
Want to have your highlights saved across all your devices? Sign up or sign in
San Bible Protestant Edition © Bible Society of Burkina Faso, 2011.
Zoz 12
12
Izirayeli minin nə boo kiin mɛnɛn la
1 #
MNS 21.21-35; TDP 2.26–3.11 Kiin mɛnɛn tumaa goã gána lɛ nɛ, Zurdɛ̃ tà kio lɛ̀giala-n, a saa Arnɔn tà lɛ-a ganaa yǎa Ɛrmɔn kele li ka Zurdɛ̃ a nyankɔrɔ lɛ kɛ tumaa nɛ, dia-n woe lɛ̀giala la, Izirayeli minin nə́ bɛa kiin lɛn dɛ, ǹ nə́ ǹ bǎãn si ǹ la. Ǹ kiin mɛnɛn dɛ, bɛn tɔn nə́ ke: 2Sihɔn nɛ, Amɔɔrɔ tɔrɔn kii mɛn goã giã-n Ɛsibɔn kiwi. A na á goã giã-n Arnɔn tà lɛ-a minin kɛn talɛɛ mìi la, a saa Aroɛɛrɛ kiwi ganaa, ka Galaati gána kɛa talɛɛ nɛ yǎa Yabɔki tà lɛ-a. Bɛ lɛ n Amɔn tɔrɔn lɛn gèlè lɛa. 3A saa Zurdɛ̃ a nyankɔrɔ lɛ kɛ dɔ ganaa yǎa Kinerɛti tà lɛ-a, dia-n woe lɛ̀nyɛɛnɛ, a wo yǎa diə gɔ́ɔ̃ a kɔ̀ kɛ lɛ-a, yìsi mu kɔ̀ lɛ lɛ̀giala-n, dia-n woe Bɛti-Yesimɔti kiwi la, a wo gusin a lɛ̀gɔn la, Pisigaa kele gòã lasadɛnan kɛn bǎã nɛ, bɛ tumaa na á goã a din gɔn. 4Kii lɛ a goon ne ka Ɔgu ni, Basan kiwi. Refayimu tɔrɔn mɛnɛn nə goã, bɛn min goon ne. A na á goã gia-n Asitarɔti kiwi laanka Edreyii kiwi mìi la. 5A na á goã giã-n Ɛrmɔn kele bǎã kɛ dɔ mìi la, ka Salkaa kiwi ni, ka Basan bǎã kɛ tumaa nɛ, a wo yǎa Gesuuru tɔrɔn kɛn laanka Makaati tɔrɔn kɛn gèlè la, a wo kaa Ɛsibɔn kii Sihɔn kɛa bǎã a talɛɛ lɛ Galaati gána nɛ. 6#MNS 32.33; TDP 3.12 Dɛnaa Lawa a dí-nyali Muizu laanka Izirayeli minin lɛn nə́ goã ǹ nə́ ǹ dɛ. Dɛnaa Lawa a dí-nyali Muizu na á goã á ǹ bǎãn lɛn kɔ Urubɛn tɔrɔn laanka Gaadi tɔrɔn la ka Manaasee tɔrɔn kɛn talɛɛ la.
7Bɛ kio, kiin mɛnɛn nə goã Zurdɛ̃ tà kio lɛ̀nyɛɛnɛ, Zozoe laanka Izirayeli minin lɛn nə́ bɛn dɛ. Ǹ bǎã lɛ na á goã siɛ Baali-Gaadi ganaa Liban a nyankɔrɔ basa kɛ nɛ, yǎa Hakali kele li, kunu Seyiiri kiwi ganaa. Zozoe bɛa bǎãn lɛn gii Izirayeli tɔrɔn lɛn lɛ yii li, á kɔ ǹ la. 8A bǎãn mɛnɛn gii ǹ bii, bɛn nə́ ke: kele yii bǎã kɛ nɛ, diə bǎã kɛ nɛ, Zurdɛ̃ a nyankɔrɔ basa kɛ nɛ, kele gòã lasa bǎãn kɛn nɛ, diə gole bǎã kɛ nɛ ka gusin a lɛ̀gɔn la bǎã kɛ nɛ. Ɛti tɔrɔn nɛ, Amɔɔrɔ tɔrɔn nɛ, Kanaan minin ni, Perɛzi tɔrɔn nɛ, Evii tɔrɔn nɛ ka Zebuzu tɔrɔn nɛ, bɛn man nə́ goã giã-n bɛa bǎãn lɛn nɛ. 9Ǹ kiwin mɛnɛn kiin dɛ, bɛn nə́ ke: Zerikoo, Ayii kunu Betɛli li, 10Zeruzalɛmu, Ebrɔn, 11Yarmuti, Lakiisi, 12Egulɔn, Gezɛɛrɛ, 13Debiiri, Gedɛɛrɛ, 14Hɔrma, Aradi, 15Libnaa, Adulaamu, 16Makedaa, Betɛli, 17Tapuwa, Hefɛɛrɛ, 18Afɛki, Lasarɔn, 19Madɔn, Asɔɔrɔ 20Simrɔn-Merɔnu, Aksafu, 21Tanaaki, Megidoo, 22Kedɛsi, Yanoamu Karmɛli kele li, 23Dɔɔrɔ ke tenten la, Goyimu ke Galilee gána nɛ 24ka Tirsaa nɛ. Kiin lɛn tumaa a kaa kun na á goã kii pɔsɔɔwengoon.
San Bible Protestant Edition © Bible Society of Burkina Faso, 2011.