SYB 19
19
Levii tɔrɔ goon laanka a lɔ a sii Gibeya kiwi
1Kii bɛ́ a goã Izirayeli minin lɛn mìi la ǹ mɛn waáraa wa, Levii tɔrɔ goon na á goã giã-n Efrayimu a kele yii bǎã kɛ kio. Á goã we lɔ goon lɛ Bɛtlehɛmu kiwi, Zudaa gána nɛ. 2Lɔ lɛ kɔrɔbaa zɛnaa nɛ, á soo á n bɔ li, á woo ǹ di kion, Bɛtlehɛmu kiwi, Zudaa gána nɛ. Á giã walan yǎa mui sii. 3Ǹ zuũ lɛ yoo á woo a kio, a n woe boo diɛ nɛ, màn mɛn bɛ́ toɛ, ǹ kũ ǹ da-n piɛ. A dí-nyali na á goã kun ni, ka dundun màn paa nɛ. Lɔ lɛ kũ á wɔ nɛ ǹ di a kion. Lɔ lɛ di bɛ́ á yɛ, á yoo á n da lɛ ka nyɛnyɛɛ nɛ. 4Ǹ daãgiĩ lɛ, a lɔ lɛ a yɛ ǹ di lɛa, bɛ́ kurəə, á giã a piɛ yǎa lɛawaa sɔɔ. Ǹ nə́ màn bii, ǹ nə́ màn mi bɛ̀ ǹ lɛ̀ waa walan. 5A lɛawaa siibaa ǹ wɔ pinaa, ǹ nə́ yoo baayɛlɛ yiisoone. Levii min lɛ bɛ́ á n yɔrɔ bɔ mà a n die woe, lɔ lɛ a díi pɛ nɛ mà a màn-bii kɔn bii a n gù doa nɛ, bɛ kio, a tɔn woo. 6Ǹ dinin min paa giã tán, ǹ nə́ màn bii, ǹ nə́ màn mi. Lɔ lɛ a díi tɔ́n pɛ giĩ lɛ nɛ: «Masɛ nə n nyankoe, lɛ kɔ n waa kànaa pelo, ń giɛ ma dɔ foo á kɔɔ̃n koe.» 7Giĩ lɛ bɛ́ á goã n yɔrɔ boe mà a n die woe, ǹ daãgiĩ lɛ nə́ n lɛ laa a ganaa. Á nɔmaa á n susu, á tèlò goon lɛ zɛnaa walan doo. 8A lɛawaa soorobaa ǹ wɔ pinaa, á yoo baayɛlɛ yiisoone, mà a n die woe. Sɛnɛ, lɔ lɛ a díi pɛ giĩ lɛ-n doo: «Ma nə n nyankoe n màn bii, n golee yǎa wasa basɛ̃.» Ǹ dinin min paa màn bii kun. 9Giĩ lɛ nə́ n yɔrɔ bɔ mà a n die woe, a laanka a lɔ lɛ nɛ, ka a dí-nyali lɛ nɛ. Sɛnɛ, ǹ daãgiĩ lɛ, lɔ lɛ a yɛ ǹ di lɛa, bɛ́ wusoo á pɛ nɛ: «Wasa á ke miɛ̃, wɔlɔ n giɛ li á tii. Waa kànaa. Wasa á ke miɛ̃, masɛ nə n nyankoe, waa kànaa pelo, ń giɛ n dɔ foo á kɔɔ̃n koe. N tá re yui biɛ̃ baayɛlɛ yiisoone ka zii saa. N tá re doe piɛ.» 10Sɛnɛ bɛa pinaa kɛ nɛ, Levii min lɛ lɛ kɔ á waa wa. A yoo á zii saa ka a lɔ nɛ, ka dundun màn paa kɛ dɔ nɛ kɛkɛrɛ nə́ ǹ dɔ̀ɔ̃ nɛ. A woo á dɔ Zebuzu kiwi yɔrɔ-a, bɛ n ka Zeruzalɛmu ni.
11Ǹ bɛ́ dirii Zebuzu kiwi la, bɛ̀ wasa mɛ taãn-taãnɛ. Dí-nyali lɛ tɔ́n pɛ a dɛnaagiĩ-n kɛnɛn: «Zebuzu minin kiwi á ke. Daa wɔ wo waa walan.» 12A dɛnaagiĩ lɛ ná a lɛ si: «Wɔ a re golee tɔrɔ kɔsɔn kiwi kɛ-n kànaa wa, kiwi mɛn nə́ ke, Izirayeli min goon ná a ba a-n wa. Wɔ n die woe yǎa Gibeya kiwi.» 13Levii tɔrɔ lɛ wusoo á pɛ a dí-nyali lɛ nɛ: «Daa wɔ wo bǎãn kɛn goon ne, Gibeya hinlaa Ramaa, wɔ waa walan.» 14Ǹ nə́ kiɛ̃ ǹ nə́ woo. Wasa bɛ́ n yii siɛ̃, bɛ̀ maǹ Gibeya lɛkoro-a. Gibeya lɛ n Bɛnzamɛn tɔrɔn kɛn kiwi lɛa. 15Ǹ nə́ tele bɛa bǎã lɛ ganaa, mà maǹ woe wɛɛ Gibeya kiwi.
Levii tɔrɔ lɛ wɔ kiwi lɛ gɔ́ɔ̃ nɛ, á giã tán kiwi lɛ a zaman paã ǹ bǎã nɛ. Sɛnɛ, min kɔn yɛ, á ǹ kũ, mà ǹ da waa asɛ a piɛ wa.
16A din wasamiɛ̃n lɛ nɛ, bɛ̀ giĩ gole goon nə́ ke boe a wuru dí nyaǹ bǎã-n die piɛ. Efrayimu a kele yii bǎãn kɛn min goon ne. Sɛnɛ, a na á goã giã-n Gibeya. A da yaa, bɛa bǎã lɛ a minin man Bɛnzamɛn tɔrɔn lɛa. 17Giĩ gole lɛ bɛ́ á n yii saa á ga, á zii tɔ-wɔle lɛ yɛ giã-n tán kiwi lɛ a zaman paã ǹ bǎã nɛ. Giĩ gole lɛ tɔ́n nɔ̀n da la mà a n boe maa? Mà a n woe maa?
18Levii tɔrɔ lɛ ná a lɛ si kɛnɛn: «Wɔsɛn man boe Bɛtlehɛmu kiwi, Zudaa gána nɛ. Wɔ n woe Efrayimu gána a kele yii bǎãn kɛn kio. Walan min nə ka masɛ nɛ. Man boe Bɛtlehɛmu kiwi, wusii woe piɛ#19.18 woe piɛ: Ebrəə bɔlɔ n pii, mà Dɛnaa Lawa a kion.. Ma min din yɛ má n yu la wa. 19A da yaa, làpaa laanka buu tá wɔsɛn lon, wɔa dundunun wɔ lɛa. Màn-bii laanka duvɛ̃ dɔ tá ma lon ma din laanka maa lɔ kɛ wɔ lɛa ka tɔntɔraa kɛ nɛ, ma diɛ zii. Màn kɔn wɛɛ̃ ba wɔ ganaa wa.»
20Giĩ gole lɛ tɔ́n pɛ nɛ: «Lawa die a là nyantoro kɔ n la! N laadoo bɛ́ màn mɛn tumaa ganaa, masɛ á re bɛ koe n la. Sɛnɛ, n baran waa kanaa zaman paã ǹ bǎã kɛ-n wa.» 21Á ǹ kũ á woo ǹ ne a kion, á buu kɔ dundunun lɛn la. Zii tɔ-wɔlen lɛn nə́ n gòãn pii, ǹ nə́ màn bii, ǹ nə́ màn mi.
22 #
SGK 19.5-8
Ǹ bɛ́ tán màn bii pɔpasɛ pɔpasɛ, bɛ̀ kiwi lɛ a minin nə́ ke die. Min gɛsɛn manɛ. Ǹ nə́ kion lɛ lɛnpɛnɛ, ǹ nə́ kiɛnlɛ dɛdɛ. Giĩ gole mɛn bɛ́ kiondɛnaa lɛa, ǹ nə́ pɛ bɛ-n kɛnɛn: «Giĩ kɛ lɛ á wɔ n kion, a bɔ n soo ne, màn mɛn bɛ́ toɛ, wɔsɛn nə giã kun ni.»
23Kion lɛ a dɛnaa soo á pɛ ǹ nɛ: «Ma dɔɔ̃nɔn lɛn, masɛ n ka nyankoe, ka nyan toa ka sii baraa zɛnaa wa. Kanna, giĩ kɛ lɛ bɛ́ masɛ a tii lɛa, ka baran toa ka bɛa sìi da ǹ sii kɛ zɛnaa wa. 24Maa nɛlɔ á ke, a tɔn giĩ dɔ̃ wa, giĩ lɛ dɔ din a lɔ tan. Ma á re soe ka bɛn nɛ, ma ǹ kɔ ka la. Ka n la nyɛɛ bɛn lɛn ganaa. Bɛ̀ sii mɛn kɔɔ̃n kɔ ka ganaa, ka zɛnaa ǹ nɛ. Sɛnɛ, ka baran toa ka sìi da ǹ sii kɛ miã zɛnaa giĩ kɛ ganaa wa.»
25Minin lɛn ba lɛ koe ǹ tá n too koe a lon wa. Bɛ lɛ nɛ, Levii tɔrɔ kɛ ná a lɔ lɛ kũ, á woo kɔ ǹ la kanaa. Ǹ nə́ giã kun ni, ǹ nə́ bɔ a yii ni tèlò tumu gɔ́ɔ̃ nɛ, yǎa lɛ̀ woo waa. Wɔlɔ bɛ́ á fulu, ǹ nə́ n gɔn bɔ a ganaa, ǹ nə́ da.
26Lɛ̀ bɛ́ re wɛɛ, lɔ lɛ zuũ lɛ goã min mɛn a kion, lɔ lɛ daa mɛnaa tán bɛa kiɛnlɛ-a, á goã tán walan yǎa lɛ̀ waa. 27Ǹ zuũ lɛ yoo baayɛlɛ yiisoone, á kion lɛ a kiɛnlɛ bũ, á soo mà a n die zii siɛ, bɛ̀ a lɔ á ke nyɔmaa-n tán kiɛnlɛ-a, a gɔnɔn nə́ kiɛnlɛ baãbii. 28Á tɔ́n pɛ nɛ: «Yoo wɔ woo.»
Sɛnɛ, lɔ lɛ na a lɛ si wa. Giĩ lɛ tɔ́n saa á da a dundun la, á n bɔyaa á woo piɛ. 29#Sam1 11.7 A bɛ́ á dɔ piɛ, á gɔya saa, á ná a lɔ lɛ gere kukuru, kurii fulupaa, á dia Izirayeli tɔrɔn lɛn tumaa la. 30Min mɛn tumaa bɛ yɛ, bɛn nə́ goã pii: «A saa Izirayeli minin soo Ezipti biikoo ganaa a da pelo yaa, min bin sii kɛ miã zɛnaa wa, min dɔ bin yɛ wa.» Levii tɔrɔ lɛ min mɛnɛn dia, á pɛ bɛn manɛ mà ǹ pɛ Izirayeli minin lɛn tumaa-n kɛnɛn: «A saa kaa soo Ezipti biikoo ganaa a da pelo yaa, sii kɛ miã bin nə n zɛnaa wa. Bɛ lɛ nɛ, ka n taasɛ a ganaa, ka nɔ̀n dada kɔn la, ka boo da a gɔ́ɔ̃ nɛ.»
Currently Selected:
SYB 19: SBPE2011
Highlight
Copy
Compare
Share
Want to have your highlights saved across all your devices? Sign up or sign in
San Bible Protestant Edition © Bible Society of Burkina Faso, 2011.
SYB 19
19
Levii tɔrɔ goon laanka a lɔ a sii Gibeya kiwi
1Kii bɛ́ a goã Izirayeli minin lɛn mìi la ǹ mɛn waáraa wa, Levii tɔrɔ goon na á goã giã-n Efrayimu a kele yii bǎã kɛ kio. Á goã we lɔ goon lɛ Bɛtlehɛmu kiwi, Zudaa gána nɛ. 2Lɔ lɛ kɔrɔbaa zɛnaa nɛ, á soo á n bɔ li, á woo ǹ di kion, Bɛtlehɛmu kiwi, Zudaa gána nɛ. Á giã walan yǎa mui sii. 3Ǹ zuũ lɛ yoo á woo a kio, a n woe boo diɛ nɛ, màn mɛn bɛ́ toɛ, ǹ kũ ǹ da-n piɛ. A dí-nyali na á goã kun ni, ka dundun màn paa nɛ. Lɔ lɛ kũ á wɔ nɛ ǹ di a kion. Lɔ lɛ di bɛ́ á yɛ, á yoo á n da lɛ ka nyɛnyɛɛ nɛ. 4Ǹ daãgiĩ lɛ, a lɔ lɛ a yɛ ǹ di lɛa, bɛ́ kurəə, á giã a piɛ yǎa lɛawaa sɔɔ. Ǹ nə́ màn bii, ǹ nə́ màn mi bɛ̀ ǹ lɛ̀ waa walan. 5A lɛawaa siibaa ǹ wɔ pinaa, ǹ nə́ yoo baayɛlɛ yiisoone. Levii min lɛ bɛ́ á n yɔrɔ bɔ mà a n die woe, lɔ lɛ a díi pɛ nɛ mà a màn-bii kɔn bii a n gù doa nɛ, bɛ kio, a tɔn woo. 6Ǹ dinin min paa giã tán, ǹ nə́ màn bii, ǹ nə́ màn mi. Lɔ lɛ a díi tɔ́n pɛ giĩ lɛ nɛ: «Masɛ nə n nyankoe, lɛ kɔ n waa kànaa pelo, ń giɛ ma dɔ foo á kɔɔ̃n koe.» 7Giĩ lɛ bɛ́ á goã n yɔrɔ boe mà a n die woe, ǹ daãgiĩ lɛ nə́ n lɛ laa a ganaa. Á nɔmaa á n susu, á tèlò goon lɛ zɛnaa walan doo. 8A lɛawaa soorobaa ǹ wɔ pinaa, á yoo baayɛlɛ yiisoone, mà a n die woe. Sɛnɛ, lɔ lɛ a díi pɛ giĩ lɛ-n doo: «Ma nə n nyankoe n màn bii, n golee yǎa wasa basɛ̃.» Ǹ dinin min paa màn bii kun. 9Giĩ lɛ nə́ n yɔrɔ bɔ mà a n die woe, a laanka a lɔ lɛ nɛ, ka a dí-nyali lɛ nɛ. Sɛnɛ, ǹ daãgiĩ lɛ, lɔ lɛ a yɛ ǹ di lɛa, bɛ́ wusoo á pɛ nɛ: «Wasa á ke miɛ̃, wɔlɔ n giɛ li á tii. Waa kànaa. Wasa á ke miɛ̃, masɛ nə n nyankoe, waa kànaa pelo, ń giɛ n dɔ foo á kɔɔ̃n koe. N tá re yui biɛ̃ baayɛlɛ yiisoone ka zii saa. N tá re doe piɛ.» 10Sɛnɛ bɛa pinaa kɛ nɛ, Levii min lɛ lɛ kɔ á waa wa. A yoo á zii saa ka a lɔ nɛ, ka dundun màn paa kɛ dɔ nɛ kɛkɛrɛ nə́ ǹ dɔ̀ɔ̃ nɛ. A woo á dɔ Zebuzu kiwi yɔrɔ-a, bɛ n ka Zeruzalɛmu ni.
11Ǹ bɛ́ dirii Zebuzu kiwi la, bɛ̀ wasa mɛ taãn-taãnɛ. Dí-nyali lɛ tɔ́n pɛ a dɛnaagiĩ-n kɛnɛn: «Zebuzu minin kiwi á ke. Daa wɔ wo waa walan.» 12A dɛnaagiĩ lɛ ná a lɛ si: «Wɔ a re golee tɔrɔ kɔsɔn kiwi kɛ-n kànaa wa, kiwi mɛn nə́ ke, Izirayeli min goon ná a ba a-n wa. Wɔ n die woe yǎa Gibeya kiwi.» 13Levii tɔrɔ lɛ wusoo á pɛ a dí-nyali lɛ nɛ: «Daa wɔ wo bǎãn kɛn goon ne, Gibeya hinlaa Ramaa, wɔ waa walan.» 14Ǹ nə́ kiɛ̃ ǹ nə́ woo. Wasa bɛ́ n yii siɛ̃, bɛ̀ maǹ Gibeya lɛkoro-a. Gibeya lɛ n Bɛnzamɛn tɔrɔn kɛn kiwi lɛa. 15Ǹ nə́ tele bɛa bǎã lɛ ganaa, mà maǹ woe wɛɛ Gibeya kiwi.
Levii tɔrɔ lɛ wɔ kiwi lɛ gɔ́ɔ̃ nɛ, á giã tán kiwi lɛ a zaman paã ǹ bǎã nɛ. Sɛnɛ, min kɔn yɛ, á ǹ kũ, mà ǹ da waa asɛ a piɛ wa.
16A din wasamiɛ̃n lɛ nɛ, bɛ̀ giĩ gole goon nə́ ke boe a wuru dí nyaǹ bǎã-n die piɛ. Efrayimu a kele yii bǎãn kɛn min goon ne. Sɛnɛ, a na á goã giã-n Gibeya. A da yaa, bɛa bǎã lɛ a minin man Bɛnzamɛn tɔrɔn lɛa. 17Giĩ gole lɛ bɛ́ á n yii saa á ga, á zii tɔ-wɔle lɛ yɛ giã-n tán kiwi lɛ a zaman paã ǹ bǎã nɛ. Giĩ gole lɛ tɔ́n nɔ̀n da la mà a n boe maa? Mà a n woe maa?
18Levii tɔrɔ lɛ ná a lɛ si kɛnɛn: «Wɔsɛn man boe Bɛtlehɛmu kiwi, Zudaa gána nɛ. Wɔ n woe Efrayimu gána a kele yii bǎãn kɛn kio. Walan min nə ka masɛ nɛ. Man boe Bɛtlehɛmu kiwi, wusii woe piɛ#19.18 woe piɛ: Ebrəə bɔlɔ n pii, mà Dɛnaa Lawa a kion.. Ma min din yɛ má n yu la wa. 19A da yaa, làpaa laanka buu tá wɔsɛn lon, wɔa dundunun wɔ lɛa. Màn-bii laanka duvɛ̃ dɔ tá ma lon ma din laanka maa lɔ kɛ wɔ lɛa ka tɔntɔraa kɛ nɛ, ma diɛ zii. Màn kɔn wɛɛ̃ ba wɔ ganaa wa.»
20Giĩ gole lɛ tɔ́n pɛ nɛ: «Lawa die a là nyantoro kɔ n la! N laadoo bɛ́ màn mɛn tumaa ganaa, masɛ á re bɛ koe n la. Sɛnɛ, n baran waa kanaa zaman paã ǹ bǎã kɛ-n wa.» 21Á ǹ kũ á woo ǹ ne a kion, á buu kɔ dundunun lɛn la. Zii tɔ-wɔlen lɛn nə́ n gòãn pii, ǹ nə́ màn bii, ǹ nə́ màn mi.
22 #
SGK 19.5-8
Ǹ bɛ́ tán màn bii pɔpasɛ pɔpasɛ, bɛ̀ kiwi lɛ a minin nə́ ke die. Min gɛsɛn manɛ. Ǹ nə́ kion lɛ lɛnpɛnɛ, ǹ nə́ kiɛnlɛ dɛdɛ. Giĩ gole mɛn bɛ́ kiondɛnaa lɛa, ǹ nə́ pɛ bɛ-n kɛnɛn: «Giĩ kɛ lɛ á wɔ n kion, a bɔ n soo ne, màn mɛn bɛ́ toɛ, wɔsɛn nə giã kun ni.»
23Kion lɛ a dɛnaa soo á pɛ ǹ nɛ: «Ma dɔɔ̃nɔn lɛn, masɛ n ka nyankoe, ka nyan toa ka sii baraa zɛnaa wa. Kanna, giĩ kɛ lɛ bɛ́ masɛ a tii lɛa, ka baran toa ka bɛa sìi da ǹ sii kɛ zɛnaa wa. 24Maa nɛlɔ á ke, a tɔn giĩ dɔ̃ wa, giĩ lɛ dɔ din a lɔ tan. Ma á re soe ka bɛn nɛ, ma ǹ kɔ ka la. Ka n la nyɛɛ bɛn lɛn ganaa. Bɛ̀ sii mɛn kɔɔ̃n kɔ ka ganaa, ka zɛnaa ǹ nɛ. Sɛnɛ, ka baran toa ka sìi da ǹ sii kɛ miã zɛnaa giĩ kɛ ganaa wa.»
25Minin lɛn ba lɛ koe ǹ tá n too koe a lon wa. Bɛ lɛ nɛ, Levii tɔrɔ kɛ ná a lɔ lɛ kũ, á woo kɔ ǹ la kanaa. Ǹ nə́ giã kun ni, ǹ nə́ bɔ a yii ni tèlò tumu gɔ́ɔ̃ nɛ, yǎa lɛ̀ woo waa. Wɔlɔ bɛ́ á fulu, ǹ nə́ n gɔn bɔ a ganaa, ǹ nə́ da.
26Lɛ̀ bɛ́ re wɛɛ, lɔ lɛ zuũ lɛ goã min mɛn a kion, lɔ lɛ daa mɛnaa tán bɛa kiɛnlɛ-a, á goã tán walan yǎa lɛ̀ waa. 27Ǹ zuũ lɛ yoo baayɛlɛ yiisoone, á kion lɛ a kiɛnlɛ bũ, á soo mà a n die zii siɛ, bɛ̀ a lɔ á ke nyɔmaa-n tán kiɛnlɛ-a, a gɔnɔn nə́ kiɛnlɛ baãbii. 28Á tɔ́n pɛ nɛ: «Yoo wɔ woo.»
Sɛnɛ, lɔ lɛ na a lɛ si wa. Giĩ lɛ tɔ́n saa á da a dundun la, á n bɔyaa á woo piɛ. 29#Sam1 11.7 A bɛ́ á dɔ piɛ, á gɔya saa, á ná a lɔ lɛ gere kukuru, kurii fulupaa, á dia Izirayeli tɔrɔn lɛn tumaa la. 30Min mɛn tumaa bɛ yɛ, bɛn nə́ goã pii: «A saa Izirayeli minin soo Ezipti biikoo ganaa a da pelo yaa, min bin sii kɛ miã zɛnaa wa, min dɔ bin yɛ wa.» Levii tɔrɔ lɛ min mɛnɛn dia, á pɛ bɛn manɛ mà ǹ pɛ Izirayeli minin lɛn tumaa-n kɛnɛn: «A saa kaa soo Ezipti biikoo ganaa a da pelo yaa, sii kɛ miã bin nə n zɛnaa wa. Bɛ lɛ nɛ, ka n taasɛ a ganaa, ka nɔ̀n dada kɔn la, ka boo da a gɔ́ɔ̃ nɛ.»
San Bible Protestant Edition © Bible Society of Burkina Faso, 2011.