Iza 52
52
Zeruzalɛmu si a diɛ
1 #
SNS 21.2,27 N yii kaa, n yii kaa,
n pàã nyaa *Siɔn.
N mɔnaa sonboren wɔ Zeruzalɛmu,
nsɛ kiwi sonbore.
A giala,
tiin ni ka min mɛnɛn bɛ́
gɔ̀dɛnan lɛa,
bɛn gòã á re miɛ n li doo wa.
2Gusuũ mɛn nə n kɔ n lɛ,
bɛ duduu n bɔ n ganaa.
Zeruzalɛmu, yoo, n giã tán!
Siɔn, kòso nɛ,
zɔrɔka bɔ n bɔ n bɔlɔ-a!
3Dɛnaa Lawa bɛ́ boo mɛn diɛ, á ke: «Maǹ nə́ goã ǹ nə́ ka sã bɛ̀rɛn lɛa kooro. Ǹ tá re wusii ǹ ka mìi bɔ wɔrɔ ná a ba a-n wa.» 4Dɛnaa Lawa bɛ́ boo mɛn diɛ doo, á ke: «A giala kɔ li, maa zaman lɛ na á woo gùli kɔ Ezipti. Sɛnɛ, a giala nyɔmɔɔ, Asiirii minin man nə́ bɔ ǹ yii ni. 5#Rɔm 2.24 Bɛ gɔ́ɔ̃-n sisia, bɛa là n ka wáa nɛ masɛ ganaa? Dɛnaa Lawa a da ǹ boo ne. Ǹ nə́ woo maa zaman lɛ nɛ kòso nɛn lɛa kooro. Min mɛnɛn bɛ́ ǹ mìi la, maǹ nə n lɛ dii, ǹ nə́ sɔ kiɛ ma la duduu, Dɛnaa Lawa a da ǹ boo ne. 6Bɛ lɛ nɛ, maa zaman tá re ma tɔ doɛ̃. Sonbore, ǹ kɔn pinaa ǹ tá re doɛ̃ mà ma din ni pii kɛnɛn: Ma á die!»
Dɛnaa Lawa n wusii die Zeruzalɛmu
7 # Nah 1.15; Rɔm 10.15; Efɛ 6.15 Kɛ n foo kɔɔ̃n lɛa,
dia dí-a wole mɛn bɛ́ boe
kelen mìi ni,
a n là nyantoro boo diɛ,
a n boo tii kɔɔ̃n pii,
a n kirisibaa boo diɛ.
A n pii Siɔn nɛ:
«N Lawa lɛ n kii lɛa.»
8N too kɔ n bǎã-lɛduə̃lin lon,
Ǹ tumaa n foo kɔɔ̃nbaa ǹ lɛ-dɛ
we kun.
A giala, ǹ yii na a ganaa
Dɛnaa Lawa n wusii die Siɔn.
9Zeruzalɛmu a kɛbɔlɔn lɛn,
ka foo kɔɔ̃nbaa ǹ lɛ dɛ,
ka loe lɔ kun!
A giala Dɛnaa Lawa n wusii
a zaman foo taɛ̃.
A n Zeruzalɛmu sii diɛ.
10Dɛnaa Lawa na a pàã
sonbore kɛ tumaa nyɛɛ
tɔrɔn tumaa yɔrɔ-a.
Dɛnaa Lawa bɛ́ wɔ kirisibiɛ lɔn,
min tumaa á re bɛ yii yǎa
kanaa lɛ dan ganaa.
Zaman nə soe n boe Baabilonii kiwi
11 #
Kor2 6.17
Kasɛn mɛnɛn bɛ́
Dɛnaa Lawa a wúlu bɔ ǹ
mànan guĩ,
ka woo, ka wo fufuu!
Ka soo ka n bɔ *Baabilonii,
ka nyan nə n gɔn da
màn gɔ̀dɛnaa kɔn ganaa wa.
Ka soo kiwi lɛ nɛ
ka n dinin *yoreen kɔ.
12Sɛnɛ ka nyan soo kiwi lɛ nɛ
ká baafuubaa nɛ ká maǹ
ka lui wa.
A giala,
Dɛnaa Lawa din nə tɔ we
ka nyɛɛnɛ,
Izirayeli a Lawa n tɔ we ka kio.
Dɛnaa Lawa a dí-nyali
13Dɛnaa Lawa pɛ:
Á ke, maa dí-nyali n die bǐɛ̃ koe.
Ǹ tá re a guguru koe,
ǹ na a laakalaa
gugurubaa n die n koe la.
14Min mɛn tumaa yɛ,
nyɛ́ɛ nə́ ǹ tumaa kũ.
A giala, a yɔrɔ nə́ n bɔyaa á la
yii ni.
A minbuiin nɛ a kɔnboe lɛa
doo wa.
15 #
Rɔm 15.21
Sisia kəni,
tɔrɔ gigiã á re n kaã biɛ a ganaa.
Boo ba kiin lɛ-n a yɔrɔ-a wa.
A giala,
ǹ bɛ́ ǹ màn mɛn pɛ ǹ nɛ wa,
ǹ tá re bɛ yii,
ǹ bin bɛ́ ǹ tɔn boo mɛn ma wa,
ǹ tá re bɛ giala miɛ.
Currently Selected:
Iza 52: SBPE2011
Highlight
Copy
Compare
Share
Want to have your highlights saved across all your devices? Sign up or sign in
San Bible Protestant Edition © Bible Society of Burkina Faso, 2011.
Iza 52
52
Zeruzalɛmu si a diɛ
1 #
SNS 21.2,27 N yii kaa, n yii kaa,
n pàã nyaa *Siɔn.
N mɔnaa sonboren wɔ Zeruzalɛmu,
nsɛ kiwi sonbore.
A giala,
tiin ni ka min mɛnɛn bɛ́
gɔ̀dɛnan lɛa,
bɛn gòã á re miɛ n li doo wa.
2Gusuũ mɛn nə n kɔ n lɛ,
bɛ duduu n bɔ n ganaa.
Zeruzalɛmu, yoo, n giã tán!
Siɔn, kòso nɛ,
zɔrɔka bɔ n bɔ n bɔlɔ-a!
3Dɛnaa Lawa bɛ́ boo mɛn diɛ, á ke: «Maǹ nə́ goã ǹ nə́ ka sã bɛ̀rɛn lɛa kooro. Ǹ tá re wusii ǹ ka mìi bɔ wɔrɔ ná a ba a-n wa.» 4Dɛnaa Lawa bɛ́ boo mɛn diɛ doo, á ke: «A giala kɔ li, maa zaman lɛ na á woo gùli kɔ Ezipti. Sɛnɛ, a giala nyɔmɔɔ, Asiirii minin man nə́ bɔ ǹ yii ni. 5#Rɔm 2.24 Bɛ gɔ́ɔ̃-n sisia, bɛa là n ka wáa nɛ masɛ ganaa? Dɛnaa Lawa a da ǹ boo ne. Ǹ nə́ woo maa zaman lɛ nɛ kòso nɛn lɛa kooro. Min mɛnɛn bɛ́ ǹ mìi la, maǹ nə n lɛ dii, ǹ nə́ sɔ kiɛ ma la duduu, Dɛnaa Lawa a da ǹ boo ne. 6Bɛ lɛ nɛ, maa zaman tá re ma tɔ doɛ̃. Sonbore, ǹ kɔn pinaa ǹ tá re doɛ̃ mà ma din ni pii kɛnɛn: Ma á die!»
Dɛnaa Lawa n wusii die Zeruzalɛmu
7 # Nah 1.15; Rɔm 10.15; Efɛ 6.15 Kɛ n foo kɔɔ̃n lɛa,
dia dí-a wole mɛn bɛ́ boe
kelen mìi ni,
a n là nyantoro boo diɛ,
a n boo tii kɔɔ̃n pii,
a n kirisibaa boo diɛ.
A n pii Siɔn nɛ:
«N Lawa lɛ n kii lɛa.»
8N too kɔ n bǎã-lɛduə̃lin lon,
Ǹ tumaa n foo kɔɔ̃nbaa ǹ lɛ-dɛ
we kun.
A giala, ǹ yii na a ganaa
Dɛnaa Lawa n wusii die Siɔn.
9Zeruzalɛmu a kɛbɔlɔn lɛn,
ka foo kɔɔ̃nbaa ǹ lɛ dɛ,
ka loe lɔ kun!
A giala Dɛnaa Lawa n wusii
a zaman foo taɛ̃.
A n Zeruzalɛmu sii diɛ.
10Dɛnaa Lawa na a pàã
sonbore kɛ tumaa nyɛɛ
tɔrɔn tumaa yɔrɔ-a.
Dɛnaa Lawa bɛ́ wɔ kirisibiɛ lɔn,
min tumaa á re bɛ yii yǎa
kanaa lɛ dan ganaa.
Zaman nə soe n boe Baabilonii kiwi
11 #
Kor2 6.17
Kasɛn mɛnɛn bɛ́
Dɛnaa Lawa a wúlu bɔ ǹ
mànan guĩ,
ka woo, ka wo fufuu!
Ka soo ka n bɔ *Baabilonii,
ka nyan nə n gɔn da
màn gɔ̀dɛnaa kɔn ganaa wa.
Ka soo kiwi lɛ nɛ
ka n dinin *yoreen kɔ.
12Sɛnɛ ka nyan soo kiwi lɛ nɛ
ká baafuubaa nɛ ká maǹ
ka lui wa.
A giala,
Dɛnaa Lawa din nə tɔ we
ka nyɛɛnɛ,
Izirayeli a Lawa n tɔ we ka kio.
Dɛnaa Lawa a dí-nyali
13Dɛnaa Lawa pɛ:
Á ke, maa dí-nyali n die bǐɛ̃ koe.
Ǹ tá re a guguru koe,
ǹ na a laakalaa
gugurubaa n die n koe la.
14Min mɛn tumaa yɛ,
nyɛ́ɛ nə́ ǹ tumaa kũ.
A giala, a yɔrɔ nə́ n bɔyaa á la
yii ni.
A minbuiin nɛ a kɔnboe lɛa
doo wa.
15 #
Rɔm 15.21
Sisia kəni,
tɔrɔ gigiã á re n kaã biɛ a ganaa.
Boo ba kiin lɛ-n a yɔrɔ-a wa.
A giala,
ǹ bɛ́ ǹ màn mɛn pɛ ǹ nɛ wa,
ǹ tá re bɛ yii,
ǹ bin bɛ́ ǹ tɔn boo mɛn ma wa,
ǹ tá re bɛ giala miɛ.
San Bible Protestant Edition © Bible Society of Burkina Faso, 2011.