Iza 48
48
Dɛnaa Lawa n sii soreen pii
1Ka n too kɔ Zakɔba a zaman,
kasɛn mɛnɛn nə yɛ
Zudaa gána nɛ,
Izirayeli tɔ n ka ganaa!
Ka nə n liɛ ka Dɛnaa Lawa tɔ nɛ,
ka n Izirayeli a Lawa nyankoe,
sɛnɛ, ka parsii bie wa,
ka a pepere wa.
2A da yaa, ka nə n dinin bíi
"kiwi sonbore a minin".
Ka nə n doɛ Izirayeli a Lawa ganaa,
asɛ mɛn tɔ bɛ́ Lawa Pàãyiidɛnaa.
3«Sii bibinaan kɛn,
má ǹ boo da ka nɛ haalɛ bibi,
má a boo da ka nɛ, ka ma.
Bǎã goon ne, má siin zɛnaa,
ǹ nə́ yɔrɔ dɔ yɛ.
4Ma á doɛ̃,
ka ǹ tɔrɔ too kakaan lɛa.
Ka wìi n fɔlɔ bàlà lɛa,
ka mìi n laa nɛ ka zan bɛ́ lɔn.
5Bɛ lɛ nɛ, má kɛa boon kɛn pɛ
ka nɛ haalɛ bibi.
Ǹ laan bɛ̀ ǹ nə n zɛnaa,
má ǹ pɛ ka nɛ.
Ma ba li ka pɛ mà kaa dì lɛ
na á ǹ tumaa zɛnaa wa,
mà kaa gɔn màn nyín sɛlɛ hinlaa
kaa fɔlɔ màn nyín zɛnaa
kɛ lɛ na á sii tumaa yɔrɔ bɔ wa.»
6Ma boo mɛn da, ka too ma.
Sii mɛn nə n zɛnaa, ka yii yɛ;
Ka a re lɛ koe ǹ ganaa wa?
«A kũ sisia ganaa,
man sii soreen pii ka nɛ.
Sii duriin manɛ,
ka a ǹ doɛ̃ bɔrɔ wa.
7Ǹ bie sii zizin lɛa wa.
Sisia nɛ, ma á re ǹ zɛnɛɛ.
A da pelo yaa,
ka bin tɔ nə ǹ boo ma wa.
Má goã li ka pɛ mà a boo tá
ka too-n lɛlɛ ǹ dun wa!»
8Haayii, a boo ba ka too-n wa,
ka a màn kɔn doɛ̃ wa.
Kaa yiri koa sii li baã belebɔ.
Ma á doɛ̃, ka n yiri siɛ̃ wolen lɛa.
Maǹ ka bíi piã-wɔlen a kũ kaa
yɛ waáraa ganaa.
9Sɛnɛ, ma tɔ taman yii,
má maa foo-yoo lɛ da.
Ma doamaa bɛ́ ka tɔ bɔ nɛ,
bɛ lɛ nɛ, má n foo kũ ka li,
màn mɛn bɛ́ toɛ,
ma nyan ka papaã wa.
10Má ka *yoreen kɔ,
sɛnɛ a bie ka wɔrɔ wɔ bɛ́ lɔn wa.
Má n da ka gɔ́ɔ̃ li ka
là papara ǹ tɛ nɛ.
11Sonbore, bɛ̀ n yaa má zɛnaa miɛ̃,
ma din tɔ taman yii ni!
A giala, ma a lɛ koe sɔ ganaa wa.
Golebaa mɛn bɛ́ maa wɔ lɛa,
ma a re toɛ bɛ dɔ min kɔsɔ
ganaa wa.
Dɛnaa Lawa n kii Siirusu diɛ
12 #
Iza 44.6; SNS 1.17; 22.13 Dɛnaa Lawa pɛ:
«N too kɔ ma lon, Zakɔba,
nsɛ Izirayeli mɛn bɛ́ má n bíi.
Ma bɛ́ yɔrɔ mɛn la,
man miɛ̃ duduu.
Man sii tumaa a giala kɔ lɛa,
man sii tumaa giala nyɔmiɛ lɛa.
13Ma din ni ma tán giala koa.
Ma din ni ma lon lɛ bɔ.
Bɛ̀ má ǹ bíi lɔn,
maǹ die kun.
14Ka tumaa nə n sɔkɔn,
ka n too kɔ!
Die n ka bii á bɛa boon kɛn da.
Dɛnaa Lawa bɛ́ min mɛn narɛ,
a bɛ́ li mà a sii mɛn
zɛnaa *Baabilonii ni,
asɛ n die bɛ zɛnɛɛ,
á n die n pàã nyɛɛ Kaldee
minin manɛ.
15Ma dinsɔɔ̃ n ma a boo da.
Má lɛ dia giĩ lɛ la,
má daa nɛ.
A sii zɛnaan man bǐɛ̃ koe.»
16Ka n zɔ̃ ka dɔ ma li ka n too kɔ.
A kũ kanaa giala kɔ
waáraa ganaa,
ma tɔn boo durii da wa.
Siin giala kɔ waáraa, bɛ̀ ma tan.
Sisia kəni, Dɛnaa Lawa n ma diɛ,
a yiri n ma la.
Dɛnaa Lawa nə gɔn wɛɛ a zaman nɛ
17Dɛnaa Lawa, n si sii la wole,
Izirayeli a Lawa sonbore n kɛ pii:
«Masɛ Dɛnaa Lawa, n Lawa lɛa.
Màn mɛn là bɛ n ganaa,
ma nə n darɛɛ bɛ-a.
Ma din ni n nyɛɛnaa ǹ boe
zii kɛ la, n tá tɔ we la.
18Bɛ̀ ma n nə́ n yiri koa
maa dí-pɛn kɛn li,
bɛ̀ n yii-nyɛɛ n goɛ̃ ka tà mu
bɛ́ lɔn,
n peperebaa goã ka yìsi mu
gole bɛ́ lɔn,
19bɛ̀ n tɔrɔ n die mɔnɛɛ
ka yìsi mu lɛ-a ǹ nyɔɔsɔ̃ bɛ́ lɔn,
bɛ̀ n nɔ̀ɔnɔn tá re mɔnɛɛ
ka nyɔɔsɔ̃ bɛ́ lɔn,
bɛ̀ n tɔ á re n tuturi a n bɔ
ma yɔrɔ-a duduu wa.»
Dɛnaa Lawa a zaman nə soe Baabilonii
20 #
SNS 18.4
Ka soo ka n bɔ Baabilonii!
Ka baa si *Kaldee minin nyɛɛnɛ,
ka foo kɔɔ̃nbaa ǹ lɛ dɛ nɛ.
Ka bɛa kibərə kɛ pɛ,
ka pɛ kanaa paǹ tumaa ganaa,
ka pɛ:
«Dɛnaa Lawa ná
a dí-nyali Zakɔba kirisibaa.»
21Á woo ka Izirayeli minin ni
diə bǎã nɛ,
mu boro nə ǹ kũ wa.
Ǹ dinin lɛa,
á gɛ̀fu da mu bɔ ganaa.
Á gɛ̀fu lɛ wɔsɔ, mu baa si tán.
22 #
Iza 57.21
Sɛnɛ, Dɛnaa Lawa pɛ:
«Yii-nyɛɛ banban min baraan
wɔ lɛa wa.»
Currently Selected:
Iza 48: SBPE2011
Highlight
Copy
Compare
Share
Want to have your highlights saved across all your devices? Sign up or sign in
San Bible Protestant Edition © Bible Society of Burkina Faso, 2011.
Iza 48
48
Dɛnaa Lawa n sii soreen pii
1Ka n too kɔ Zakɔba a zaman,
kasɛn mɛnɛn nə yɛ
Zudaa gána nɛ,
Izirayeli tɔ n ka ganaa!
Ka nə n liɛ ka Dɛnaa Lawa tɔ nɛ,
ka n Izirayeli a Lawa nyankoe,
sɛnɛ, ka parsii bie wa,
ka a pepere wa.
2A da yaa, ka nə n dinin bíi
"kiwi sonbore a minin".
Ka nə n doɛ Izirayeli a Lawa ganaa,
asɛ mɛn tɔ bɛ́ Lawa Pàãyiidɛnaa.
3«Sii bibinaan kɛn,
má ǹ boo da ka nɛ haalɛ bibi,
má a boo da ka nɛ, ka ma.
Bǎã goon ne, má siin zɛnaa,
ǹ nə́ yɔrɔ dɔ yɛ.
4Ma á doɛ̃,
ka ǹ tɔrɔ too kakaan lɛa.
Ka wìi n fɔlɔ bàlà lɛa,
ka mìi n laa nɛ ka zan bɛ́ lɔn.
5Bɛ lɛ nɛ, má kɛa boon kɛn pɛ
ka nɛ haalɛ bibi.
Ǹ laan bɛ̀ ǹ nə n zɛnaa,
má ǹ pɛ ka nɛ.
Ma ba li ka pɛ mà kaa dì lɛ
na á ǹ tumaa zɛnaa wa,
mà kaa gɔn màn nyín sɛlɛ hinlaa
kaa fɔlɔ màn nyín zɛnaa
kɛ lɛ na á sii tumaa yɔrɔ bɔ wa.»
6Ma boo mɛn da, ka too ma.
Sii mɛn nə n zɛnaa, ka yii yɛ;
Ka a re lɛ koe ǹ ganaa wa?
«A kũ sisia ganaa,
man sii soreen pii ka nɛ.
Sii duriin manɛ,
ka a ǹ doɛ̃ bɔrɔ wa.
7Ǹ bie sii zizin lɛa wa.
Sisia nɛ, ma á re ǹ zɛnɛɛ.
A da pelo yaa,
ka bin tɔ nə ǹ boo ma wa.
Má goã li ka pɛ mà a boo tá
ka too-n lɛlɛ ǹ dun wa!»
8Haayii, a boo ba ka too-n wa,
ka a màn kɔn doɛ̃ wa.
Kaa yiri koa sii li baã belebɔ.
Ma á doɛ̃, ka n yiri siɛ̃ wolen lɛa.
Maǹ ka bíi piã-wɔlen a kũ kaa
yɛ waáraa ganaa.
9Sɛnɛ, ma tɔ taman yii,
má maa foo-yoo lɛ da.
Ma doamaa bɛ́ ka tɔ bɔ nɛ,
bɛ lɛ nɛ, má n foo kũ ka li,
màn mɛn bɛ́ toɛ,
ma nyan ka papaã wa.
10Má ka *yoreen kɔ,
sɛnɛ a bie ka wɔrɔ wɔ bɛ́ lɔn wa.
Má n da ka gɔ́ɔ̃ li ka
là papara ǹ tɛ nɛ.
11Sonbore, bɛ̀ n yaa má zɛnaa miɛ̃,
ma din tɔ taman yii ni!
A giala, ma a lɛ koe sɔ ganaa wa.
Golebaa mɛn bɛ́ maa wɔ lɛa,
ma a re toɛ bɛ dɔ min kɔsɔ
ganaa wa.
Dɛnaa Lawa n kii Siirusu diɛ
12 #
Iza 44.6; SNS 1.17; 22.13 Dɛnaa Lawa pɛ:
«N too kɔ ma lon, Zakɔba,
nsɛ Izirayeli mɛn bɛ́ má n bíi.
Ma bɛ́ yɔrɔ mɛn la,
man miɛ̃ duduu.
Man sii tumaa a giala kɔ lɛa,
man sii tumaa giala nyɔmiɛ lɛa.
13Ma din ni ma tán giala koa.
Ma din ni ma lon lɛ bɔ.
Bɛ̀ má ǹ bíi lɔn,
maǹ die kun.
14Ka tumaa nə n sɔkɔn,
ka n too kɔ!
Die n ka bii á bɛa boon kɛn da.
Dɛnaa Lawa bɛ́ min mɛn narɛ,
a bɛ́ li mà a sii mɛn
zɛnaa *Baabilonii ni,
asɛ n die bɛ zɛnɛɛ,
á n die n pàã nyɛɛ Kaldee
minin manɛ.
15Ma dinsɔɔ̃ n ma a boo da.
Má lɛ dia giĩ lɛ la,
má daa nɛ.
A sii zɛnaan man bǐɛ̃ koe.»
16Ka n zɔ̃ ka dɔ ma li ka n too kɔ.
A kũ kanaa giala kɔ
waáraa ganaa,
ma tɔn boo durii da wa.
Siin giala kɔ waáraa, bɛ̀ ma tan.
Sisia kəni, Dɛnaa Lawa n ma diɛ,
a yiri n ma la.
Dɛnaa Lawa nə gɔn wɛɛ a zaman nɛ
17Dɛnaa Lawa, n si sii la wole,
Izirayeli a Lawa sonbore n kɛ pii:
«Masɛ Dɛnaa Lawa, n Lawa lɛa.
Màn mɛn là bɛ n ganaa,
ma nə n darɛɛ bɛ-a.
Ma din ni n nyɛɛnaa ǹ boe
zii kɛ la, n tá tɔ we la.
18Bɛ̀ ma n nə́ n yiri koa
maa dí-pɛn kɛn li,
bɛ̀ n yii-nyɛɛ n goɛ̃ ka tà mu
bɛ́ lɔn,
n peperebaa goã ka yìsi mu
gole bɛ́ lɔn,
19bɛ̀ n tɔrɔ n die mɔnɛɛ
ka yìsi mu lɛ-a ǹ nyɔɔsɔ̃ bɛ́ lɔn,
bɛ̀ n nɔ̀ɔnɔn tá re mɔnɛɛ
ka nyɔɔsɔ̃ bɛ́ lɔn,
bɛ̀ n tɔ á re n tuturi a n bɔ
ma yɔrɔ-a duduu wa.»
Dɛnaa Lawa a zaman nə soe Baabilonii
20 #
SNS 18.4
Ka soo ka n bɔ Baabilonii!
Ka baa si *Kaldee minin nyɛɛnɛ,
ka foo kɔɔ̃nbaa ǹ lɛ dɛ nɛ.
Ka bɛa kibərə kɛ pɛ,
ka pɛ kanaa paǹ tumaa ganaa,
ka pɛ:
«Dɛnaa Lawa ná
a dí-nyali Zakɔba kirisibaa.»
21Á woo ka Izirayeli minin ni
diə bǎã nɛ,
mu boro nə ǹ kũ wa.
Ǹ dinin lɛa,
á gɛ̀fu da mu bɔ ganaa.
Á gɛ̀fu lɛ wɔsɔ, mu baa si tán.
22 #
Iza 57.21
Sɛnɛ, Dɛnaa Lawa pɛ:
«Yii-nyɛɛ banban min baraan
wɔ lɛa wa.»
San Bible Protestant Edition © Bible Society of Burkina Faso, 2011.