Iza 31
31
Ezipti a dɔmalɛ n wàa lɛa
1Min mɛnɛn bɛ́ woe giɛ
dɔmalɛ li Ezipti gána nɛ,
bɛn wɔ n ka koe ne.
Ǹ yiri nə ǹ sùin ganaa,
ǹ foo n doa nɛ ǹ ziabaa ǹ
wotoro damatan kɛn ganaa,
ka ǹ sùi dabaa wolen ne
a giala maǹ tá kaka.
Sɛnɛ, ǹ nə n yɔrɔ bɔyaa ǹ nə́ dia
Izirayeli a Lawa sonbore
kɛ la wa,
ǹ ba giɛ Dɛnaa Lawa li wa!
2A da yaa, a dɔ á sii doɛ̃.
Á boe la a da ka koe ne,
a wusii a da ǹ boo kio wa.
A n yui min baraan
lɛ sɔkɔn gialaa,
ka sii baraa-zɛnaalin dɔmalɛ nɛ.
3Ezipti minin man minbuiin
nɛn lɛa,
ǹ bie Lawa lɛa wa.
Ǹ sùin man tɔɔ kooron lɛa,
ǹ bie màn kɔsɔn lɛa wa.
Bɛ̀ Dɛnaa Lawa nə́ n gɔn saa
ǹ li lɔn,
min mɛn bɛ́ dɔmalɛ we,
bɛ n mɛnɛɛ.
Min mɛn bɛ́ nɔ̀n diɛ ka
dɔmalɛ nɛ,
bɛ n yalɛɛ.
Ǹ dinin tumaa n giɛ̃ kun.
Dɛnaa Lawa á re Zeruzalɛmu tamɛɛ
4Dɛnaa Lawa boo mɛn da ma nɛ, á ke:
Bɛ̀ yàra hinlaa
yàra nɛ á wɔɔsaa we siĩ la,
haalɛ ta ǹ nə́ tɔɔ-lɛduə̃li
gigiã bii ǹ nə́ ǹ kaa a ganaa,
a nyɛ́ɛbiɛ ǹ gigiãbaa-n wa,
ǹ bɛ́ lɛ-dɛ mɛn we, bɛa nyɛ́ɛ diɛ
a ganaa wa.
A din yɔrɔ goon la masɛ
Dɛnaa Lawa Pàãyiidɛnaa á re gisĩ
*Siɔn kele la,
ma ziabaa ǹ ganaa.
5Ka bàan bɛ́ n nyàa nyoɛ̃
a nɛnyaanan la lɔn,
Dɛnaa Lawa Pàãyiidɛnaa n
die Zeruzalɛmu tamɛɛ miɛ̃.
Á re a zia gii diɛ, a na a kanbaa.
Á re tamɛɛ, a na a kirisibaa.
6Izirayeli minin lɛn, ká n dɔ̀ɔ̃ wɔ Dɛnaa Lawa nɛ taãn-taãnɛ. Ka wusoo ka da a li. 7Ǹ kɔn pinaa, ka gogoonmaa á re kaa dìn kɛn zuĩ, kɛn lɛn wɔrɔ lɛa ka ǹ mɛnɛn bɛ́ sana lɛa, ka ǹ mɛnɛn lɛn zɛnaa ka dinin wɔ lɛa ka ka gɔn gɔgɔrɛn kɛn nɛ.
8Gɔya sa mɛn bɛ́ re Asiirii dii,
minbuiin nɛn wɔ bie wa.
Gɔya sa ke die dii,
minbuiin nɛ a màn zɛnaa bie wa.
Asiirii minin tá re baa sii
ǹ nyɛɛnɛ,
ǹ tá re ǹ sɔraasi tenən kuĩ,
ǹ wo ǹ kaa pàã dí ganaa.
9Ǹ kii gɔ̀nɔn tá re bìn diɛ
nyɛ́ɛ gɔn a baa si.
Ǹ kiãn foo á re ziziɛ̃,
ǹ nə ǹ zanzan daa,
Dɛnaa Lawa a da ǹ boo ne,
asɛ mɛn a tɛ buə̃ bɛ́ Siɔn,
a tɛ koa-n Zeruzalɛmu.
Currently Selected:
Iza 31: SBPE2011
Highlight
Copy
Compare
Share
Want to have your highlights saved across all your devices? Sign up or sign in
San Bible Protestant Edition © Bible Society of Burkina Faso, 2011.
Iza 31
31
Ezipti a dɔmalɛ n wàa lɛa
1Min mɛnɛn bɛ́ woe giɛ
dɔmalɛ li Ezipti gána nɛ,
bɛn wɔ n ka koe ne.
Ǹ yiri nə ǹ sùin ganaa,
ǹ foo n doa nɛ ǹ ziabaa ǹ
wotoro damatan kɛn ganaa,
ka ǹ sùi dabaa wolen ne
a giala maǹ tá kaka.
Sɛnɛ, ǹ nə n yɔrɔ bɔyaa ǹ nə́ dia
Izirayeli a Lawa sonbore
kɛ la wa,
ǹ ba giɛ Dɛnaa Lawa li wa!
2A da yaa, a dɔ á sii doɛ̃.
Á boe la a da ka koe ne,
a wusii a da ǹ boo kio wa.
A n yui min baraan
lɛ sɔkɔn gialaa,
ka sii baraa-zɛnaalin dɔmalɛ nɛ.
3Ezipti minin man minbuiin
nɛn lɛa,
ǹ bie Lawa lɛa wa.
Ǹ sùin man tɔɔ kooron lɛa,
ǹ bie màn kɔsɔn lɛa wa.
Bɛ̀ Dɛnaa Lawa nə́ n gɔn saa
ǹ li lɔn,
min mɛn bɛ́ dɔmalɛ we,
bɛ n mɛnɛɛ.
Min mɛn bɛ́ nɔ̀n diɛ ka
dɔmalɛ nɛ,
bɛ n yalɛɛ.
Ǹ dinin tumaa n giɛ̃ kun.
Dɛnaa Lawa á re Zeruzalɛmu tamɛɛ
4Dɛnaa Lawa boo mɛn da ma nɛ, á ke:
Bɛ̀ yàra hinlaa
yàra nɛ á wɔɔsaa we siĩ la,
haalɛ ta ǹ nə́ tɔɔ-lɛduə̃li
gigiã bii ǹ nə́ ǹ kaa a ganaa,
a nyɛ́ɛbiɛ ǹ gigiãbaa-n wa,
ǹ bɛ́ lɛ-dɛ mɛn we, bɛa nyɛ́ɛ diɛ
a ganaa wa.
A din yɔrɔ goon la masɛ
Dɛnaa Lawa Pàãyiidɛnaa á re gisĩ
*Siɔn kele la,
ma ziabaa ǹ ganaa.
5Ka bàan bɛ́ n nyàa nyoɛ̃
a nɛnyaanan la lɔn,
Dɛnaa Lawa Pàãyiidɛnaa n
die Zeruzalɛmu tamɛɛ miɛ̃.
Á re a zia gii diɛ, a na a kanbaa.
Á re tamɛɛ, a na a kirisibaa.
6Izirayeli minin lɛn, ká n dɔ̀ɔ̃ wɔ Dɛnaa Lawa nɛ taãn-taãnɛ. Ka wusoo ka da a li. 7Ǹ kɔn pinaa, ka gogoonmaa á re kaa dìn kɛn zuĩ, kɛn lɛn wɔrɔ lɛa ka ǹ mɛnɛn bɛ́ sana lɛa, ka ǹ mɛnɛn lɛn zɛnaa ka dinin wɔ lɛa ka ka gɔn gɔgɔrɛn kɛn nɛ.
8Gɔya sa mɛn bɛ́ re Asiirii dii,
minbuiin nɛn wɔ bie wa.
Gɔya sa ke die dii,
minbuiin nɛ a màn zɛnaa bie wa.
Asiirii minin tá re baa sii
ǹ nyɛɛnɛ,
ǹ tá re ǹ sɔraasi tenən kuĩ,
ǹ wo ǹ kaa pàã dí ganaa.
9Ǹ kii gɔ̀nɔn tá re bìn diɛ
nyɛ́ɛ gɔn a baa si.
Ǹ kiãn foo á re ziziɛ̃,
ǹ nə ǹ zanzan daa,
Dɛnaa Lawa a da ǹ boo ne,
asɛ mɛn a tɛ buə̃ bɛ́ Siɔn,
a tɛ koa-n Zeruzalɛmu.
San Bible Protestant Edition © Bible Society of Burkina Faso, 2011.