Iza 22
22
Zeruzalɛmu a gɔn-waa manɛ
1"Sii nyaa ǹ nyankɔrɔ basa"
a boo gii:
Zeruzalɛmu minin lɛn,
a n siɛ lɔn ka tumaa a dii kalan la?
2Zeruzalɛmu,
a n siɛ lɔn bìn diɛ á boe kiwi lɛ-n kɛnɛn,
mànan wuu n boe,
kiwi lɛ n zɔ́n la?
Zia nə n geren lɛn bii wa,
ǹ bie ǹ nə́ ǹ dɛ ziabaa
ǹ bǎã-n wa.
3N sɔraasi nyɛɛnaandɛnaa
tumaa baa si kun,
kiɛ-bɔlen nə́ ǹ baa kòso nɛn lɛa
ǹ nə́ ǹ kiɛ zũ wa.
Zɔ́ɔn nə da min mɛn tumaa yaa,
ǹ nə́ ǹ tumaa baa kòso nɛn lɛa kun,
ǹ baa sii gɔ́ɔ̃ nɛ.
4Bɛ lɛ taman yii, man pii ka nɛ:
«Ka ma toa walan ma dinsɔɔ̃,
ka ma toa walan ma wuu pɛ kɔsɛkɔsɛ.
Maa zaman bɔ̀n baa,
sɛnɛ, ka nyan pɛ mà ka n ma
foo wɛɛ wa.
5A giala, pelo,
Dɛnaa Lawa Pàãyiidɛnaa
na á koe dia wɔ la,
bɔ̀n nɛ, ka yiri lɔlɔkɔn nɛ.»
"Sii-nyaa ǹ nyankɔrɔ basa nɛ",
kungɔn gole mɛnaa,
gú diɛ lɛ n boe woe kelen la.
6San laanka kiɛn man
Elamu gána a zia kurun gɔn.
Ziabaa ǹ wotoron laanka
ǹ da baa-a wolen manə ǹ tan,
ka sùidɛnan nɛ.
Kiiri sɔraasin manə ǹ goóron
yɔrɔ boe.
7Zeruzalɛmu, n nyankɔrɔ
basan kɛn tumaa piɛ̃maa-n
ka n zɔ́ɔn ziabaa ǹ wotoron ne.
Ǹ sùidɛnan kɛn yɔrɔ bɔmaa nɛ,
maǹ doa nɛ n kiɛnlɛn lɛ-a.
8Zudaa gána a tamaa-n doo wa.
Bɛa pinaa lɛ nɛ, daã gɔ́ɔ̃ nɛ ǹ
kion mɛn bɛ́
ka á kaa ziabaa ǹ mànan koɛ a nɛ
ka n ká n yiin doa bɛ la.
9Kungɔn mɛn bɛ́
"Davida a kiwi" lɛ lɛnpɛnɛ,
ka bɛa yuin kɛn yɛ,
ǹ nə́ goã mɔnaa nɛ,
ka mu tamaa tán nɛ a mu dɔǹ kɛ nɛ,
10ka n ká Zeruzalɛmu
a kionən nimi,
ka kionən wuru màn mɛn bɛ́ toɛ,
ka màn da kiwi tamaa ǹ
kungɔn kɛ pàã li.
11Ká mu tamaa ǹ bǎã zɛnaa,
kungɔn màn paa lɛ bii ni,
mu tamaa ǹ bǎã zizi lɛ
a mu taman yii.
Sɛnɛ, siin lɛn bɛ́ boe min mɛn li,
ka n yɔrɔ dia bɛa dɛnaa lɛ la wa.
A nə ǹ yɔrɔ boe haalɛ bibi,
sɛnɛ, ka ǹ baa sii lɛa wa.
12Bɛa pinaa kɛ nɛ,
Dɛnaa Lawa Pàãyiidɛnaa
na á goã li
mà ka wuu pɛ,
ka n lɛ dɛ,
ka n mìi kɔɔ̃,
ka gɛ̀ koa ǹ mɔnaan wɔ.
13 #
Kor1 15.32
Sɛnɛ, ka n ka goã nyɛnyɛɛ
laanka foo kɔɔ̃nbaa la.
Minin man diin dii, ǹ sèren dɛ.
Maǹ siĩ soɛ̃, ǹ duvɛ̃ mi.
Ka n pii:
«Wɔ n màn bii wɔ màn mi
a giala, biɛ̃ wɔ n die giɛ̃!»
14Sɛnɛ, Dɛnaa Lawa Pàãyiidɛnaa
boo durii kɛ pɛ ma nɛ:
«Ma nə n liɛ,
ma a sii baraa kɛ toɛ ka-n duduu
kaa yiikoonaabaa gɔ́ɔ̃-n wa.»
Dɛnaa Lawa Pàãyiidɛnaa
na á pɛ kɛnɛn.
Sebumaa a gɔn waa manɛ
15Dɛnaa Lawa Pàãyiidɛnaa pɛ ma nɛ: – Wo Sebumaa li, asɛ mɛn bɛ́ kii a sumu mìi la, n pɛ nɛ:
16«Wàa mɛn nə kànaa n wɔ lɛa?
N dɔɔ̃n kɔ́n tá kànaa?
A n siɛ lɔn kəni n tá yala
foɛ̃ kànaa.
Ń sɛlɛ kelen mìin ni.
Ń susu ǹ bǎã fɔ̃ gɛ̀fu kɛ nɛ
n wɔ lɛa.
17Á ke Dɛnaa Lawa á re n zuĩ sɔsɔɔ.
Á re n kuĩ kaka,
18a tɔn wo n birikəə̃ tán
ka guruguru bɛ́ lɔn
gána gole kɔn nɛ.
Nsɛ mɛn bɛ́ sìi diɛ
n mìinaa a kion ganaa,
n tá re giɛ̃ walan,
ka n ziabaa ǹ wotoro
sonboren kɛn nɛ!
19Dɛnaa pɛ:
Ma á re n lui ma n bɔ n dí lɛ la,
ma n loo ma n bɔ n giã ǹ bǎã nɛ.
20Bɛa pinaa, ma á re lɛ diɛ
maa dí-nyali
Ilkia a nɛgiĩ Eliyakimu la.
21Ma á re n mɔnaan we a ganaa,
ma n maabɛlɛ kɛ da a binbin ni.
Ma á re n pàã kɛ koe la.
Á re Zeruzalɛmu min tumaa
a díi biɛ,
ka Zudaa gána wɔn nɛ.
22 #
SNS 3.7
Ma á re Davida a kion a
goo nɛ koe la.
Bɛ̀ á bũ, min kɔn ba boe la
a tã wa,
bɛ̀ á tã, min kɔn ba boe la
a bũ wa.
23Man die a gòã we tán parsiini,
ka yirəə bɛ́ lɔn.
Á re gugurubaa koe a díi
a sumu la.»
24A sumu minin mɛnɛn wɔlɔ bɛ́ kunu ka ǹ mɛnɛn wɔlɔ bɛ́ sɔsɔɔ, ǹ tumaa n die n parɛɛ a ganaa, ka n bɛ́ bɔnaa loɛ yirəə ganaa lɔn. 25Bɛa pinaa kɛ nɛ yirəə lɛ á re yiɛ, Dɛnaa Lawa Pàãyiidɛnaa a da ǹ boo ne. A da yaa, a na á n wɔ tán bǎã kaka nɛ. Á re yiɛ a mɛnaa. Guĩ mɛn tumaa bɛ́ a ganaa, á re bɛ tumaa sàabiɛ kəni a giala Dɛnaa Lawa na á boo da.
Currently Selected:
Iza 22: SBPE2011
Highlight
Copy
Compare
Share
Want to have your highlights saved across all your devices? Sign up or sign in
San Bible Protestant Edition © Bible Society of Burkina Faso, 2011.
Iza 22
22
Zeruzalɛmu a gɔn-waa manɛ
1"Sii nyaa ǹ nyankɔrɔ basa"
a boo gii:
Zeruzalɛmu minin lɛn,
a n siɛ lɔn ka tumaa a dii kalan la?
2Zeruzalɛmu,
a n siɛ lɔn bìn diɛ á boe kiwi lɛ-n kɛnɛn,
mànan wuu n boe,
kiwi lɛ n zɔ́n la?
Zia nə n geren lɛn bii wa,
ǹ bie ǹ nə́ ǹ dɛ ziabaa
ǹ bǎã-n wa.
3N sɔraasi nyɛɛnaandɛnaa
tumaa baa si kun,
kiɛ-bɔlen nə́ ǹ baa kòso nɛn lɛa
ǹ nə́ ǹ kiɛ zũ wa.
Zɔ́ɔn nə da min mɛn tumaa yaa,
ǹ nə́ ǹ tumaa baa kòso nɛn lɛa kun,
ǹ baa sii gɔ́ɔ̃ nɛ.
4Bɛ lɛ taman yii, man pii ka nɛ:
«Ka ma toa walan ma dinsɔɔ̃,
ka ma toa walan ma wuu pɛ kɔsɛkɔsɛ.
Maa zaman bɔ̀n baa,
sɛnɛ, ka nyan pɛ mà ka n ma
foo wɛɛ wa.
5A giala, pelo,
Dɛnaa Lawa Pàãyiidɛnaa
na á koe dia wɔ la,
bɔ̀n nɛ, ka yiri lɔlɔkɔn nɛ.»
"Sii-nyaa ǹ nyankɔrɔ basa nɛ",
kungɔn gole mɛnaa,
gú diɛ lɛ n boe woe kelen la.
6San laanka kiɛn man
Elamu gána a zia kurun gɔn.
Ziabaa ǹ wotoron laanka
ǹ da baa-a wolen manə ǹ tan,
ka sùidɛnan nɛ.
Kiiri sɔraasin manə ǹ goóron
yɔrɔ boe.
7Zeruzalɛmu, n nyankɔrɔ
basan kɛn tumaa piɛ̃maa-n
ka n zɔ́ɔn ziabaa ǹ wotoron ne.
Ǹ sùidɛnan kɛn yɔrɔ bɔmaa nɛ,
maǹ doa nɛ n kiɛnlɛn lɛ-a.
8Zudaa gána a tamaa-n doo wa.
Bɛa pinaa lɛ nɛ, daã gɔ́ɔ̃ nɛ ǹ
kion mɛn bɛ́
ka á kaa ziabaa ǹ mànan koɛ a nɛ
ka n ká n yiin doa bɛ la.
9Kungɔn mɛn bɛ́
"Davida a kiwi" lɛ lɛnpɛnɛ,
ka bɛa yuin kɛn yɛ,
ǹ nə́ goã mɔnaa nɛ,
ka mu tamaa tán nɛ a mu dɔǹ kɛ nɛ,
10ka n ká Zeruzalɛmu
a kionən nimi,
ka kionən wuru màn mɛn bɛ́ toɛ,
ka màn da kiwi tamaa ǹ
kungɔn kɛ pàã li.
11Ká mu tamaa ǹ bǎã zɛnaa,
kungɔn màn paa lɛ bii ni,
mu tamaa ǹ bǎã zizi lɛ
a mu taman yii.
Sɛnɛ, siin lɛn bɛ́ boe min mɛn li,
ka n yɔrɔ dia bɛa dɛnaa lɛ la wa.
A nə ǹ yɔrɔ boe haalɛ bibi,
sɛnɛ, ka ǹ baa sii lɛa wa.
12Bɛa pinaa kɛ nɛ,
Dɛnaa Lawa Pàãyiidɛnaa
na á goã li
mà ka wuu pɛ,
ka n lɛ dɛ,
ka n mìi kɔɔ̃,
ka gɛ̀ koa ǹ mɔnaan wɔ.
13 #
Kor1 15.32
Sɛnɛ, ka n ka goã nyɛnyɛɛ
laanka foo kɔɔ̃nbaa la.
Minin man diin dii, ǹ sèren dɛ.
Maǹ siĩ soɛ̃, ǹ duvɛ̃ mi.
Ka n pii:
«Wɔ n màn bii wɔ màn mi
a giala, biɛ̃ wɔ n die giɛ̃!»
14Sɛnɛ, Dɛnaa Lawa Pàãyiidɛnaa
boo durii kɛ pɛ ma nɛ:
«Ma nə n liɛ,
ma a sii baraa kɛ toɛ ka-n duduu
kaa yiikoonaabaa gɔ́ɔ̃-n wa.»
Dɛnaa Lawa Pàãyiidɛnaa
na á pɛ kɛnɛn.
Sebumaa a gɔn waa manɛ
15Dɛnaa Lawa Pàãyiidɛnaa pɛ ma nɛ: – Wo Sebumaa li, asɛ mɛn bɛ́ kii a sumu mìi la, n pɛ nɛ:
16«Wàa mɛn nə kànaa n wɔ lɛa?
N dɔɔ̃n kɔ́n tá kànaa?
A n siɛ lɔn kəni n tá yala
foɛ̃ kànaa.
Ń sɛlɛ kelen mìin ni.
Ń susu ǹ bǎã fɔ̃ gɛ̀fu kɛ nɛ
n wɔ lɛa.
17Á ke Dɛnaa Lawa á re n zuĩ sɔsɔɔ.
Á re n kuĩ kaka,
18a tɔn wo n birikəə̃ tán
ka guruguru bɛ́ lɔn
gána gole kɔn nɛ.
Nsɛ mɛn bɛ́ sìi diɛ
n mìinaa a kion ganaa,
n tá re giɛ̃ walan,
ka n ziabaa ǹ wotoro
sonboren kɛn nɛ!
19Dɛnaa pɛ:
Ma á re n lui ma n bɔ n dí lɛ la,
ma n loo ma n bɔ n giã ǹ bǎã nɛ.
20Bɛa pinaa, ma á re lɛ diɛ
maa dí-nyali
Ilkia a nɛgiĩ Eliyakimu la.
21Ma á re n mɔnaan we a ganaa,
ma n maabɛlɛ kɛ da a binbin ni.
Ma á re n pàã kɛ koe la.
Á re Zeruzalɛmu min tumaa
a díi biɛ,
ka Zudaa gána wɔn nɛ.
22 #
SNS 3.7
Ma á re Davida a kion a
goo nɛ koe la.
Bɛ̀ á bũ, min kɔn ba boe la
a tã wa,
bɛ̀ á tã, min kɔn ba boe la
a bũ wa.
23Man die a gòã we tán parsiini,
ka yirəə bɛ́ lɔn.
Á re gugurubaa koe a díi
a sumu la.»
24A sumu minin mɛnɛn wɔlɔ bɛ́ kunu ka ǹ mɛnɛn wɔlɔ bɛ́ sɔsɔɔ, ǹ tumaa n die n parɛɛ a ganaa, ka n bɛ́ bɔnaa loɛ yirəə ganaa lɔn. 25Bɛa pinaa kɛ nɛ yirəə lɛ á re yiɛ, Dɛnaa Lawa Pàãyiidɛnaa a da ǹ boo ne. A da yaa, a na á n wɔ tán bǎã kaka nɛ. Á re yiɛ a mɛnaa. Guĩ mɛn tumaa bɛ́ a ganaa, á re bɛ tumaa sàabiɛ kəni a giala Dɛnaa Lawa na á boo da.
San Bible Protestant Edition © Bible Society of Burkina Faso, 2011.