Iza 17
17
Damaasi laanka Izirayeli a gɔn-waa manɛ
1 #
Zer 49.23-27; Amɔ 1.3-5; Zak 9.1 Damaasi a boo gii:
Á ke, kànaa ka boɛɛn,
Damaasi a re kiwi biɛ doo wa.
A n die kɛbɔlɔ biɛ.
2Aroɛɛrɛ kiwin kɛn,
á re n la boe bɛn ganaa duduu.
Ǹ tá re tɔɔn buu sɔ̃ ǹ bǎã biɛ,
ǹ tá re wɛɛ tán walan,
min kɔn ná a ba ǹ nɔmɛɛ wa.
3Efrayimu gána nɛ,
lɛduə̃ ǹ kungɔn ba re yii doo wa.
Kii a re yii Damaasi kiwi wa.
Siirin min mɛnɛn yii bɛ́ re goɛ̃ koo,
bɛn man die goɛ̃ kiɛɛrɛ
ka Izirayeli minin bɛ́ lɔn.
Dɛnaa Lawa Pàãyiidɛnaa
a da ǹ boo ne.
4Bɛa pinaa kɛ nɛ,
Zakɔba a yii gugurubaa
kɛ á re kiɛɛrɛ koe.
Á re n biɛ ka paan bɛ́ lɔn.
5A n die n biɛ ka kaa-piɛ
a nya bɛ́ lɔn,
*belee kurii waáraa,
gɔn sara sɔkɔn a nya kio.
A n die n biɛ ka Refayiti
a nyankɔrɔ basa
kɛ bɛ́ lɔn
kaa-piɛ kio.
6Màn bún dinsɔɔ̃ n die goɛ̃.
Gána lɛ n die n biɛ
ka *olivie da bɛ́ lɔn, a nɛ sɔlɛɛ kio,
nɛ paa hinlaa sɔɔ n die goɛ̃
a lɛwɔn ganaa lon.
A gùrù mɛn bɛ́ á nɛ kɔ á la yii ni,
bɛa re liɛ nɛ sii hinlaa
sooro-n wa.
Dɛnaa Lawa,
Izirayeli a Lawa a da ǹ boo ne.
7Bɛa pinaa kɛ nɛ, minbuiinin tá re giɛ ǹ zɛnaali kɛ ganaa, ǹ tá re Izirayeli a Lawa sonbore kɛ yii. 8Ǹ dinin nə wúlu bɔ ǹ bǎãn mɛnɛn dɔ ka ǹ gɔn nɛ, ǹ ba re n yiin doɛ bɛn la doo wa. Ǹ wúlu bɔ ǹ bìbìn kɛn ka ǹ *wúlu màn gìĩ kɔɔ̃n tã ǹ bǎãn kɛn nɛ, ǹ dinin gɔn màn zɛnaa lɛa, ǹ ba re n yɔrɔ diɛ bɛn la doo wa. 9Bɛa pinaa kɛ nɛ, Izirayeli a mìi duru ǹ kiwin kɛn tá re kɛbɔlɔn biɛ. Ǹ tá re n la boe ǹ ganaa ka daãn laanka kele mìin kɛn bɛ́ lɔn, ǹ nə́ n la bɔ ǹ ganaa Izirayeli minin nyɛɛnɛ.
10Izirayeli,
n yiri bɔ n kirisibaa wole
Lawa nɛ.
Gɛ̀fu mɛn bɛ́ n tamɛɛ,
n yiri bɔ ka bɛ nɛ.
Bɛ lɛ nɛ, n da tɔrɔ sonboren zumu,
n tá lawa soreen guguru koe.
11Maǹ gole koe n yii ni
ǹ zumii pinaa.
N da we mɛn kaa baayɛlɛ,
bɛ n buũ koe a din pinaa.
Sɛnɛ bɛ̀ busu daa ǹ mɛn pinaa,
a nɛ a bǐɛ̃ koe wa.
Bɛa busu lɛ, dagòã ba la wa.
Zɔ́ɔn man baa sii Dɛnaa Lawa nyɛɛnɛ
12Wàa koe n ka kɛ nɛ!
Tɔrɔ damata gòã wuu á ke
boe die.
Ǹ gòã wuu n ka yìsi
mu gole a ginii bɛ́ lɔn.
Maǹ gini ka pàã nɛ ka yìsi
mu gole bɛ́ gini lɔn.
13Tɔrɔn gini n ka Yìsi mu gole
a ginii bɛ́ lɔn.
Bɛ̀ Dɛnaa Lawa paraa ǹ li,
maǹ nə n mìi foɛ̃ ǹ wo sɔsɔɔ.
Maǹ nə ǹ lui ka kele mìi ni
ǹ piɛ̃ bɛ́ buu gere siɛ lɔn,
ka la piɛ̃ bɛ́ gusuũ goɛ lɔn.
14Wasamiɛ̃nɛ, nyɛ́ɛ gole ne.
Lɛ̀ laan bɛ̀ a n wɛɛ,
ǹ tumaa papaã.
Min mɛnɛn bɛ́ mɛnɛɛ wɔ la,
bɛn wɔ gii n ka bɛ nɛ,
min mɛnɛn bɛ́ boe wɔ yii ni,
bɛ lɛ n die ǹ yii.
Currently Selected:
Iza 17: SBPE2011
Highlight
Copy
Compare
Share
Want to have your highlights saved across all your devices? Sign up or sign in
San Bible Protestant Edition © Bible Society of Burkina Faso, 2011.
Iza 17
17
Damaasi laanka Izirayeli a gɔn-waa manɛ
1 #
Zer 49.23-27; Amɔ 1.3-5; Zak 9.1 Damaasi a boo gii:
Á ke, kànaa ka boɛɛn,
Damaasi a re kiwi biɛ doo wa.
A n die kɛbɔlɔ biɛ.
2Aroɛɛrɛ kiwin kɛn,
á re n la boe bɛn ganaa duduu.
Ǹ tá re tɔɔn buu sɔ̃ ǹ bǎã biɛ,
ǹ tá re wɛɛ tán walan,
min kɔn ná a ba ǹ nɔmɛɛ wa.
3Efrayimu gána nɛ,
lɛduə̃ ǹ kungɔn ba re yii doo wa.
Kii a re yii Damaasi kiwi wa.
Siirin min mɛnɛn yii bɛ́ re goɛ̃ koo,
bɛn man die goɛ̃ kiɛɛrɛ
ka Izirayeli minin bɛ́ lɔn.
Dɛnaa Lawa Pàãyiidɛnaa
a da ǹ boo ne.
4Bɛa pinaa kɛ nɛ,
Zakɔba a yii gugurubaa
kɛ á re kiɛɛrɛ koe.
Á re n biɛ ka paan bɛ́ lɔn.
5A n die n biɛ ka kaa-piɛ
a nya bɛ́ lɔn,
*belee kurii waáraa,
gɔn sara sɔkɔn a nya kio.
A n die n biɛ ka Refayiti
a nyankɔrɔ basa
kɛ bɛ́ lɔn
kaa-piɛ kio.
6Màn bún dinsɔɔ̃ n die goɛ̃.
Gána lɛ n die n biɛ
ka *olivie da bɛ́ lɔn, a nɛ sɔlɛɛ kio,
nɛ paa hinlaa sɔɔ n die goɛ̃
a lɛwɔn ganaa lon.
A gùrù mɛn bɛ́ á nɛ kɔ á la yii ni,
bɛa re liɛ nɛ sii hinlaa
sooro-n wa.
Dɛnaa Lawa,
Izirayeli a Lawa a da ǹ boo ne.
7Bɛa pinaa kɛ nɛ, minbuiinin tá re giɛ ǹ zɛnaali kɛ ganaa, ǹ tá re Izirayeli a Lawa sonbore kɛ yii. 8Ǹ dinin nə wúlu bɔ ǹ bǎãn mɛnɛn dɔ ka ǹ gɔn nɛ, ǹ ba re n yiin doɛ bɛn la doo wa. Ǹ wúlu bɔ ǹ bìbìn kɛn ka ǹ *wúlu màn gìĩ kɔɔ̃n tã ǹ bǎãn kɛn nɛ, ǹ dinin gɔn màn zɛnaa lɛa, ǹ ba re n yɔrɔ diɛ bɛn la doo wa. 9Bɛa pinaa kɛ nɛ, Izirayeli a mìi duru ǹ kiwin kɛn tá re kɛbɔlɔn biɛ. Ǹ tá re n la boe ǹ ganaa ka daãn laanka kele mìin kɛn bɛ́ lɔn, ǹ nə́ n la bɔ ǹ ganaa Izirayeli minin nyɛɛnɛ.
10Izirayeli,
n yiri bɔ n kirisibaa wole
Lawa nɛ.
Gɛ̀fu mɛn bɛ́ n tamɛɛ,
n yiri bɔ ka bɛ nɛ.
Bɛ lɛ nɛ, n da tɔrɔ sonboren zumu,
n tá lawa soreen guguru koe.
11Maǹ gole koe n yii ni
ǹ zumii pinaa.
N da we mɛn kaa baayɛlɛ,
bɛ n buũ koe a din pinaa.
Sɛnɛ bɛ̀ busu daa ǹ mɛn pinaa,
a nɛ a bǐɛ̃ koe wa.
Bɛa busu lɛ, dagòã ba la wa.
Zɔ́ɔn man baa sii Dɛnaa Lawa nyɛɛnɛ
12Wàa koe n ka kɛ nɛ!
Tɔrɔ damata gòã wuu á ke
boe die.
Ǹ gòã wuu n ka yìsi
mu gole a ginii bɛ́ lɔn.
Maǹ gini ka pàã nɛ ka yìsi
mu gole bɛ́ gini lɔn.
13Tɔrɔn gini n ka Yìsi mu gole
a ginii bɛ́ lɔn.
Bɛ̀ Dɛnaa Lawa paraa ǹ li,
maǹ nə n mìi foɛ̃ ǹ wo sɔsɔɔ.
Maǹ nə ǹ lui ka kele mìi ni
ǹ piɛ̃ bɛ́ buu gere siɛ lɔn,
ka la piɛ̃ bɛ́ gusuũ goɛ lɔn.
14Wasamiɛ̃nɛ, nyɛ́ɛ gole ne.
Lɛ̀ laan bɛ̀ a n wɛɛ,
ǹ tumaa papaã.
Min mɛnɛn bɛ́ mɛnɛɛ wɔ la,
bɛn wɔ gii n ka bɛ nɛ,
min mɛnɛn bɛ́ boe wɔ yii ni,
bɛ lɛ n die ǹ yii.
San Bible Protestant Edition © Bible Society of Burkina Faso, 2011.