A Matye koe‑noogo 21
21
A Zeezi kẽeda Zeruzalɛm ne waoogre
(Mark 11.1-11, Luk 19.28-40, Zã 12.12-19)
1Bãmb sẽn kolg Zeruzalɛm n ta Bɛtfaaze sẽn be oliiv tɩɩs tãngã sẽnẽ, a Zeezi tʋma b karen-biis a yiib 2n yeel-b yaa: «Kẽng-y tẽng ning sẽn be yãmb taoorã. Yãmb sã n kẽ be bala, y na n yãnda bõn-yãang sẽn loe tɩ bõn-bil be ne-a. Lok-y-b n wa n kõ maam. 3Ned sã n yeel‑y tɩ bũmb bɩ y leok tɩ yaa Zu-soabã n dat-ba, la wakat-kãnga, a na n bas-b lame tɩ b looge.» 4Bõn-kãng maaname tɩ Wẽnnaam no-rɛɛsã sẽn gomã paam pidsgu:
5 #
Zaka 9.9
«Yeel-y Sɩyõ nebã yaa:
Ges-y-yã! Yãmb Rĩmã zaoo bõn-yãanga,
bõn-bila, rũng b sẽn zombd biiga,
n wat yãmb nengẽ ne sũ-bʋgsem wʋsgo.»
6Karen-biisã kẽngame n tɩ maan wa a Zeezi sẽn yeel bãmbã. 7Bãmb talla bõn-yãangã ne bõn-bilã n wa, n paal b fut bõensã poɛy t'a Zeezi zombe. 8Neb kʋʋngã kẽer yɛɛda b fut sorã zugu, tɩ kẽerã kɛ tɩɩs vãad n gãneg sorã zugu. 9#Yɩɩn 118.25,26Neb nins sẽn dag n be a Zeezi taoorã ne neb nins sẽn pʋgd-b bãmbã rag n kelemdame n yetẽ yaa:
«Hozaana#21.9 yaa Ebre goam sẽn dat n togs tɩ fãag‑y tõndo. a Davɩɩd Bi-ribla!
Bark bee ned ning sẽn wat
ne Zu-soabã yʋʋrã zugu!
Hozaana hal saasẽ.»
10A Zeezi sẽn kẽ Zeruzalɛm, tẽngã fãa rãmbame tɩ b sokdẽ tɩ yaa yɛ ned la woto? 11Kʋʋngã rag n leokdame tɩ yaa a Zeezi, Wẽnnaam no-rɛɛs sẽn yit Nazarɛt sẽn be Galɩle soolem.
A Zeezi riga koaasdb wẽnd doogẽ wã
(Mark 11.15-19, Luk 19.45-48, Zã 2.13-22)
12A Zeezi kẽe wẽnd doogã zakẽ n dig neb nins fãa sẽn dag n koosd la b raad wẽnd doogã zakẽ wã. Bãmb leeba ligd tekdbã taabl‑dãmba, la wal-koaasdbã goeelse. 13#Eza 56.7, Zer 7.11La a Zeezi yeel-b lame: «A gʋlsame tɩ b na n boola mam doogã tɩ pʋʋsg roogo.» La yãmba, yãmb maan-a lame t'a lebg wagda geongo. 14Zoens la wobs kolga a Zeezi wẽnd doogẽ wã, la a Zeezi maag-b lame. 15Maan-kʋʋdbã kãsem-dãmbã ne tõog karen-saam-dãmbã sẽn yã bõn-yɛɛsds nins a Zeezi sẽn maanã, la kambã sẽn kaasd Wẽnnaam doogẽ wã n yetẽ tɩ «hozaana a Davɩɩd Bi-riblã», b sũyã puugame. 16#Yɩɩn 8.3La bãmb soka a Zeezi yaa: «Yãmb wʋmda kambã sẽn yetã bɩ?» A Zeezi leoka bãmba: N-yẽe, la m sokda yãmb y sã n nan ka karem gom-kãensã sẽn be gʋls sõmyã pʋgẽ wã sẽn yet tɩ:
«Yãmb paama pẽgr sẽn yit
kom-bãooneg la kamb sẽn ket n yẽsemdẽ noyẽ?»
17A Zeezi basa bãmb be n yi tẽngã n kẽng Betani n tɩ pa be yʋn-kãnga.
B kãaba kankang wẽnga
(Mark 11.12-14,20-26)
18La yibeoogo, a Zeezi sẽn wa n lebg n lebd Zeruzalɛmã, kom yõka bãmba. 19La bãmb yãa kankang sẽn be sorã noore. Bãmb kẽngame n tɩ mik t'a ka tar biis ye, yaa vãad bala. La b yeel-a lame yaa: «Fo kõn leb n wom biis ye, abada.» La wakat-kãng bala kankangã kʋɩɩme. 20La karen-biisã sẽn yã woto, a linga bãmba, tɩ b soke: «Kankangã yɩɩ wãn n kʋɩ zĩig pʋgẽ a woto?» 21#Mat 17.20, 1Kor 13.2A Zeezi leoka bãmb n yeele: Mam yeta yãmb sɩda, tɩ yãmb sã n tar tẽeb n ka sãmbdẽ, yãmb na n maana bũmb ning sẽn maan kankangã, la ka rẽ bal ye. Yãmb sã n yeel tãn-kãngã t'a yik a sẽn beẽ wã n kẽ ko-kãsengã pʋgẽ, a na n yɩɩ a woto bala. 22Yãmb sẽn na n pʋʋs n kos bũmb ning fãa ne tẽebo, y na n paamame.
A Zeezi reega b noorã yɛɛnẽ?
(Mark 11.27-33, Luk 20.1-8)
23A Zeezi kẽe wẽnd doogẽ wã, la b sẽn zãmsd nebã wakate, maan-kʋʋdbã kãsem-dãmb ne tẽngã nin-kẽemb wa n soka bãmb yaa: «Yaa ne no-bʋg la yãmb maand bõn-kãngã, la yaa ãnda n kõ yãmb no-kãnga?» 24A Zeezi leoka bãmb yaa: «Mam me na n soka yãmb sokr a yembre. Yãmb sã n leok maam, mam na yaool n togs yãmb mam sẽn paam noorã zĩig ning n maand bõn-kãnga. 25A Zã lisgã yii yɛɛnẽ? Arzãn bɩ, bɩ ninsaalb nengẽ?» La b yẽsa ne taab n yeele: «Tõnd sã n leok t'a yii arzãna, b na n yeelame tɩ la yaa bõe tɩ tõnd ka tẽ bãmba? 26La tõnd sã n leok t'a yii ninsaalb nengẽ, d tog n zoee neb kʋʋngã: Bala, b fãa tẽedame t'a Zã yaa Wẽnnaam no-rɛɛsa.» 27Dẽ, b leoka a Zeezi: «Tõnd ka mi ye.» T'a Zeezi lebs n leok-ba: «Mam me ka na n togs yãmb m sẽn paam noorã zĩig ning n maand bõn-kãngã wã ye.»
Kom-dibli a yiib yel-bũndi
28Yãmb tagsg yaa a wãna? Dao a yembr n dag n tar a kom-dibli a yiibu. Yẽnda goma ne pipi soabã n yeel-a: «M biiga, kẽng n tɩ tʋm m reezẽ tɩɩs pʋʋgẽ wã rũndã.» 29La a leokame: «Mam ka na n kẽng ye.» La yẽnda teka yam n kẽnge. 30Ba wã goma ne yiib-n-soabã n yeel yẽnda me a woto bala. La bi-kãng leokame n yeele: «M baaba, mam na n kẽngame.» La a yaool n ka kẽng ye. 31Bãmb b yiibã sʋka, bʋg n maan a ba wã raabo? La bãmb leokame: «Yaa pipi soabã.» La a Zeezi yeela bãmb yaa: «Mam yeta yãmb sɩd-sɩd tɩ yaood dɛɛgdbã ne pʋg-yoaadbã na n denga yãmb Wẽnnaam soolmã pʋgẽ. 32#Luk 3.12, 7.29,30Bala, a Zã waa yãmb nengẽ n wilg yãmb tɩrlem sore, la yãmb ka tẽ yẽnda ye. La yaood dɛɛgdbã ne pʋg-yoaadbã tẽe yẽnda. La baa ne yãmb sẽn yã bõn-kãngã, yãmb yam ka tek tɩ y tẽ-a ye.»
Reezẽ tɩɩs pʋʋg koaadb yel-bũndi
(Mark 12.1-12, Luk 20.9-19)
33 #
Eza 5.1,2 Kelg-y yel-bũnd a to. Yir soab a yembr n dag n sel reezẽ tɩɩs pʋʋgo, n wẽ yãgr n gũbg-a, la a tuk reezẽ rãam wẽkr bok a pʋgẽ, la me gãosgo, n dɩk-a n peng reezẽ tɩɩs pʋʋg koaadba, la a yi n tog sore. 34Reezẽ wã yãgsg wakat sẽn kolge, yẽnda tʋma a tʋmtʋmdb reezẽ tɩ‑koaadbã nengẽ tɩ b tɩ reeg reezẽ wã. 35La reezẽ tɩ‑koaadbã yõga tʋmtʋmdbã n pãb a yembre, n kʋ a yembre la b lob a tãab soabã ne kuga. 36Yẽnda leb n tʋma tʋmtʋmdb a taaba, sõor sẽn yɩɩd pĩnd dãmbã, la b maana bãmb me a woto. 37A wa n baas n tʋma a meng bi-ribl bãmb nengẽ n yet a sũurẽ a woto: «B na n waoog-a lame.» 38La reezẽ tɩ‑koaadbã sẽn yãnd biigã, b yẽsa ne taab a woto: Yaa yõwã n na n wa soog a ba wã paoongã fãa. Wa-y tɩ d kʋ-a tɩ paoongã lebg tõnd dẽnda. 39La bãmb yõka biigã n yiis reezẽ tɩɩs pʋʋgẽ wã n kʋ. 40Moasã, reezẽ tɩɩs pʋʋgã soab sã n wa, a na n maana koaadb kãens bõe? 41Bãmb leoka a Zeezi yaa: «A na n kɩtame tɩ nin-wẽn‑kãens ki nimbãan-kũum, la a rɩk pʋʋgã n peng koaadb a taab sẽn na kõ yẽnda reezẽ wã a bɩʋʋng wakate.»
42 #
Yɩɩn 118.22,23 Dẽ, a Zeezi yeela bãmb yaa: Yãmb nan ka karem gʋls-sõamyã sẽn yetã la? «Kugr ning tãn-metbã sẽn zãgsã, n lebg roogã pãng kugri, a soakã zĩig kugri. Yaa Zu-soabã n kɩt t'a lebg a woto, la a yaa bõn-kãseng tõnd nifẽ.»
43Yaa woto yĩng tɩ mam yet yãmb tɩ b na n deega Wẽnnaam soolmã yãmb nugẽ n kõ buud a to sẽn na wom soolmã biisi. 44[Ned ning sẽn na n lʋɩ kug-kãngã zug na n tõtmame. La kug-kãngã sẽn na n lʋɩ ned ning zugu, a na n beds-a lame.] 45Maan-kʋʋdbã kãsem-dãmbã ne Fariizẽ-dãmbã sẽn wʋm yel-bũndã, b bãngame tɩ yaa bãmb yell la a Zeezi dag n gomda. 46Bãmb baoome n dat n yõk a Zeezi la b rag n zoeta nebã, bala, nebã tẽedame t'a Zeezi yaa Wẽnnaam no-rɛɛsa.
Currently Selected:
A Matye koe‑noogo 21: MPBU
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
A Matye koe‑noogo 21
21
A Zeezi kẽeda Zeruzalɛm ne waoogre
(Mark 11.1-11, Luk 19.28-40, Zã 12.12-19)
1Bãmb sẽn kolg Zeruzalɛm n ta Bɛtfaaze sẽn be oliiv tɩɩs tãngã sẽnẽ, a Zeezi tʋma b karen-biis a yiib 2n yeel-b yaa: «Kẽng-y tẽng ning sẽn be yãmb taoorã. Yãmb sã n kẽ be bala, y na n yãnda bõn-yãang sẽn loe tɩ bõn-bil be ne-a. Lok-y-b n wa n kõ maam. 3Ned sã n yeel‑y tɩ bũmb bɩ y leok tɩ yaa Zu-soabã n dat-ba, la wakat-kãnga, a na n bas-b lame tɩ b looge.» 4Bõn-kãng maaname tɩ Wẽnnaam no-rɛɛsã sẽn gomã paam pidsgu:
5 #
Zaka 9.9
«Yeel-y Sɩyõ nebã yaa:
Ges-y-yã! Yãmb Rĩmã zaoo bõn-yãanga,
bõn-bila, rũng b sẽn zombd biiga,
n wat yãmb nengẽ ne sũ-bʋgsem wʋsgo.»
6Karen-biisã kẽngame n tɩ maan wa a Zeezi sẽn yeel bãmbã. 7Bãmb talla bõn-yãangã ne bõn-bilã n wa, n paal b fut bõensã poɛy t'a Zeezi zombe. 8Neb kʋʋngã kẽer yɛɛda b fut sorã zugu, tɩ kẽerã kɛ tɩɩs vãad n gãneg sorã zugu. 9#Yɩɩn 118.25,26Neb nins sẽn dag n be a Zeezi taoorã ne neb nins sẽn pʋgd-b bãmbã rag n kelemdame n yetẽ yaa:
«Hozaana#21.9 yaa Ebre goam sẽn dat n togs tɩ fãag‑y tõndo. a Davɩɩd Bi-ribla!
Bark bee ned ning sẽn wat
ne Zu-soabã yʋʋrã zugu!
Hozaana hal saasẽ.»
10A Zeezi sẽn kẽ Zeruzalɛm, tẽngã fãa rãmbame tɩ b sokdẽ tɩ yaa yɛ ned la woto? 11Kʋʋngã rag n leokdame tɩ yaa a Zeezi, Wẽnnaam no-rɛɛs sẽn yit Nazarɛt sẽn be Galɩle soolem.
A Zeezi riga koaasdb wẽnd doogẽ wã
(Mark 11.15-19, Luk 19.45-48, Zã 2.13-22)
12A Zeezi kẽe wẽnd doogã zakẽ n dig neb nins fãa sẽn dag n koosd la b raad wẽnd doogã zakẽ wã. Bãmb leeba ligd tekdbã taabl‑dãmba, la wal-koaasdbã goeelse. 13#Eza 56.7, Zer 7.11La a Zeezi yeel-b lame: «A gʋlsame tɩ b na n boola mam doogã tɩ pʋʋsg roogo.» La yãmba, yãmb maan-a lame t'a lebg wagda geongo. 14Zoens la wobs kolga a Zeezi wẽnd doogẽ wã, la a Zeezi maag-b lame. 15Maan-kʋʋdbã kãsem-dãmbã ne tõog karen-saam-dãmbã sẽn yã bõn-yɛɛsds nins a Zeezi sẽn maanã, la kambã sẽn kaasd Wẽnnaam doogẽ wã n yetẽ tɩ «hozaana a Davɩɩd Bi-riblã», b sũyã puugame. 16#Yɩɩn 8.3La bãmb soka a Zeezi yaa: «Yãmb wʋmda kambã sẽn yetã bɩ?» A Zeezi leoka bãmba: N-yẽe, la m sokda yãmb y sã n nan ka karem gom-kãensã sẽn be gʋls sõmyã pʋgẽ wã sẽn yet tɩ:
«Yãmb paama pẽgr sẽn yit
kom-bãooneg la kamb sẽn ket n yẽsemdẽ noyẽ?»
17A Zeezi basa bãmb be n yi tẽngã n kẽng Betani n tɩ pa be yʋn-kãnga.
B kãaba kankang wẽnga
(Mark 11.12-14,20-26)
18La yibeoogo, a Zeezi sẽn wa n lebg n lebd Zeruzalɛmã, kom yõka bãmba. 19La bãmb yãa kankang sẽn be sorã noore. Bãmb kẽngame n tɩ mik t'a ka tar biis ye, yaa vãad bala. La b yeel-a lame yaa: «Fo kõn leb n wom biis ye, abada.» La wakat-kãng bala kankangã kʋɩɩme. 20La karen-biisã sẽn yã woto, a linga bãmba, tɩ b soke: «Kankangã yɩɩ wãn n kʋɩ zĩig pʋgẽ a woto?» 21#Mat 17.20, 1Kor 13.2A Zeezi leoka bãmb n yeele: Mam yeta yãmb sɩda, tɩ yãmb sã n tar tẽeb n ka sãmbdẽ, yãmb na n maana bũmb ning sẽn maan kankangã, la ka rẽ bal ye. Yãmb sã n yeel tãn-kãngã t'a yik a sẽn beẽ wã n kẽ ko-kãsengã pʋgẽ, a na n yɩɩ a woto bala. 22Yãmb sẽn na n pʋʋs n kos bũmb ning fãa ne tẽebo, y na n paamame.
A Zeezi reega b noorã yɛɛnẽ?
(Mark 11.27-33, Luk 20.1-8)
23A Zeezi kẽe wẽnd doogẽ wã, la b sẽn zãmsd nebã wakate, maan-kʋʋdbã kãsem-dãmb ne tẽngã nin-kẽemb wa n soka bãmb yaa: «Yaa ne no-bʋg la yãmb maand bõn-kãngã, la yaa ãnda n kõ yãmb no-kãnga?» 24A Zeezi leoka bãmb yaa: «Mam me na n soka yãmb sokr a yembre. Yãmb sã n leok maam, mam na yaool n togs yãmb mam sẽn paam noorã zĩig ning n maand bõn-kãnga. 25A Zã lisgã yii yɛɛnẽ? Arzãn bɩ, bɩ ninsaalb nengẽ?» La b yẽsa ne taab n yeele: «Tõnd sã n leok t'a yii arzãna, b na n yeelame tɩ la yaa bõe tɩ tõnd ka tẽ bãmba? 26La tõnd sã n leok t'a yii ninsaalb nengẽ, d tog n zoee neb kʋʋngã: Bala, b fãa tẽedame t'a Zã yaa Wẽnnaam no-rɛɛsa.» 27Dẽ, b leoka a Zeezi: «Tõnd ka mi ye.» T'a Zeezi lebs n leok-ba: «Mam me ka na n togs yãmb m sẽn paam noorã zĩig ning n maand bõn-kãngã wã ye.»
Kom-dibli a yiib yel-bũndi
28Yãmb tagsg yaa a wãna? Dao a yembr n dag n tar a kom-dibli a yiibu. Yẽnda goma ne pipi soabã n yeel-a: «M biiga, kẽng n tɩ tʋm m reezẽ tɩɩs pʋʋgẽ wã rũndã.» 29La a leokame: «Mam ka na n kẽng ye.» La yẽnda teka yam n kẽnge. 30Ba wã goma ne yiib-n-soabã n yeel yẽnda me a woto bala. La bi-kãng leokame n yeele: «M baaba, mam na n kẽngame.» La a yaool n ka kẽng ye. 31Bãmb b yiibã sʋka, bʋg n maan a ba wã raabo? La bãmb leokame: «Yaa pipi soabã.» La a Zeezi yeela bãmb yaa: «Mam yeta yãmb sɩd-sɩd tɩ yaood dɛɛgdbã ne pʋg-yoaadbã na n denga yãmb Wẽnnaam soolmã pʋgẽ. 32#Luk 3.12, 7.29,30Bala, a Zã waa yãmb nengẽ n wilg yãmb tɩrlem sore, la yãmb ka tẽ yẽnda ye. La yaood dɛɛgdbã ne pʋg-yoaadbã tẽe yẽnda. La baa ne yãmb sẽn yã bõn-kãngã, yãmb yam ka tek tɩ y tẽ-a ye.»
Reezẽ tɩɩs pʋʋg koaadb yel-bũndi
(Mark 12.1-12, Luk 20.9-19)
33 #
Eza 5.1,2 Kelg-y yel-bũnd a to. Yir soab a yembr n dag n sel reezẽ tɩɩs pʋʋgo, n wẽ yãgr n gũbg-a, la a tuk reezẽ rãam wẽkr bok a pʋgẽ, la me gãosgo, n dɩk-a n peng reezẽ tɩɩs pʋʋg koaadba, la a yi n tog sore. 34Reezẽ wã yãgsg wakat sẽn kolge, yẽnda tʋma a tʋmtʋmdb reezẽ tɩ‑koaadbã nengẽ tɩ b tɩ reeg reezẽ wã. 35La reezẽ tɩ‑koaadbã yõga tʋmtʋmdbã n pãb a yembre, n kʋ a yembre la b lob a tãab soabã ne kuga. 36Yẽnda leb n tʋma tʋmtʋmdb a taaba, sõor sẽn yɩɩd pĩnd dãmbã, la b maana bãmb me a woto. 37A wa n baas n tʋma a meng bi-ribl bãmb nengẽ n yet a sũurẽ a woto: «B na n waoog-a lame.» 38La reezẽ tɩ‑koaadbã sẽn yãnd biigã, b yẽsa ne taab a woto: Yaa yõwã n na n wa soog a ba wã paoongã fãa. Wa-y tɩ d kʋ-a tɩ paoongã lebg tõnd dẽnda. 39La bãmb yõka biigã n yiis reezẽ tɩɩs pʋʋgẽ wã n kʋ. 40Moasã, reezẽ tɩɩs pʋʋgã soab sã n wa, a na n maana koaadb kãens bõe? 41Bãmb leoka a Zeezi yaa: «A na n kɩtame tɩ nin-wẽn‑kãens ki nimbãan-kũum, la a rɩk pʋʋgã n peng koaadb a taab sẽn na kõ yẽnda reezẽ wã a bɩʋʋng wakate.»
42 #
Yɩɩn 118.22,23 Dẽ, a Zeezi yeela bãmb yaa: Yãmb nan ka karem gʋls-sõamyã sẽn yetã la? «Kugr ning tãn-metbã sẽn zãgsã, n lebg roogã pãng kugri, a soakã zĩig kugri. Yaa Zu-soabã n kɩt t'a lebg a woto, la a yaa bõn-kãseng tõnd nifẽ.»
43Yaa woto yĩng tɩ mam yet yãmb tɩ b na n deega Wẽnnaam soolmã yãmb nugẽ n kõ buud a to sẽn na wom soolmã biisi. 44[Ned ning sẽn na n lʋɩ kug-kãngã zug na n tõtmame. La kug-kãngã sẽn na n lʋɩ ned ning zugu, a na n beds-a lame.] 45Maan-kʋʋdbã kãsem-dãmbã ne Fariizẽ-dãmbã sẽn wʋm yel-bũndã, b bãngame tɩ yaa bãmb yell la a Zeezi dag n gomda. 46Bãmb baoome n dat n yõk a Zeezi la b rag n zoeta nebã, bala, nebã tẽedame t'a Zeezi yaa Wẽnnaam no-rɛɛsa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.