A Matye koe‑noogo 17
17
A Zeezi tedgre
(Mark 9.2-13, Luk 9.28-36)
1Rasem a yoob zugẽ, a Zeezi peega a Pɩyɛɛr ne a Zak la a ba-biig a Zã n tall-b n yi kɛɛnga, n dʋ tãn-lug-lug zugu. 2A Zeezi tedga bãmb taoore: bãmb nengã rag n yãgda wa wĩntoogo, la b futã lebga peels wa vẽenem. 3A Moyiis ne a Eli puka b mens ne bãmba n sõsd ne a Zeezi. 4A Pɩyɛɛr yeela a Zeezi yaa: «Zu-soaba! Yaa sõama tɩ tõnd pa ka. Yãmb sã n data, mam na n tilga fu-rot a tãab ka: a yembr yãmb yĩnga, a yembr a Moyiis yĩnga, la a yembr a Eli yĩnga.» 5#Sɩng 22.2, Yɩɩn 2.7, Eza 42.1, Mat 3.17, 12.18, Mark 1.11, Luk 3.22, Tõ 18.15#2Pɩy 1.17,18La yẽnda sẽn ket n gomda, sawadg sẽn pɩnd wa n lud bãmba. La ade, koɛɛg n yi sawadgẽ wã n yeele: «Ada yaa mam Bi-ribl-nongr sẽn ta mam yam zãnga. Kelg-y-yã-a.» 6La karen-biisã sẽn wʋm koe-kãngã, rabeem kãseng yõk-b lame tɩ b lʋɩ n fõgen b nens tẽnga. 7A Zeezi kolgame n sɩɩs bãmb n yeele: «Yik‑y‑yã, da zoe‑y rabeem ye.» 8Bãmb zẽka b nens n ges la b ka yã ned a to tɩ sã n ka a Zeezi b yembr bal ye. 9Bãmb sẽn wa n yi tãngã zug n sigda, a Zeezi keooga bãmb a woto: «Da gom-y ne ned ba a yembr yã-kãngã yell hal tɩ Ninsaal Bi-riblã wa vʋʋg n bas kũum ye.» 10#Mal 3.23La karen-biisã soka a Zeezi yaa: «Bõe yĩng tɩ tõog karen-saam-dãmbã yetẽ t'a Eli n tog n deng n wa?» 11A Zeezi leok-b lame n yeele: «Yaa sɩd t'a Eli na n deng n wa n lebs n manega bũmb fãa tɩ leb n yɩ wa pĩndã. 12#Mat 11.14La mam yeta yãmb t'a Eli zoe n waame la nebã ka bãng-a ye, la b maana yẽnda wa b sẽn date. Woto me, bãmb na n namsa Ninsaal Bi-riblã.» 13Dẽ, bãmb karen-biisã bãngame tɩ yaa a Zãmbatiis yell la a Zeezi sẽn gom ne bãmbã.
A Zeezi maaga biig kĩsinkĩir sẽn tara
(Mark 9.14-29, Luk 9.37-43a)
14Bãmb sẽn kolg neb kʋʋngã, dao a yembr n wa n yĩgimd a Zeezi taoor n yeele: 15«Zu-soaba, zoe-y mam bi-riblã nimbãaneg tɩ kĩsinkĩir n tar-a t'a namsd wʋsgo. Naoor wʋsgo, a lʋɩta bugmẽ wall koomẽ. 16Mam tall-a lame n wa yãmb karen-biisã nengẽ la b ka tõog n maag-a ye.» 17A Zeezi leok-a lame n yeele: «Zamaan neb sẽn ka tẽeb la sẽn yaa nin-wẽnse! Mam na n paa ne yãmb hal tɩ ta wakat bʋgo? Mam na n maana sũ-mar ne yãmb tɩ ta wakat bʋgo? Tall-y biigã n wa ne ka.» 18A Zeezi tãsa zĩnã, la a yiime n bas biigã, la a paama laafɩ wakat-kãng bala.
19Dẽ, a Zeezi karen-biisã kolga bãmb wakat ning neb sẽn ka be ne bãmb n sok-b yaa: «Bõe tɩ tõnd ka tõog n dig zĩn-kãngã?» 20#Mat 21.21, Mark 11.23, 1Kor 13.2A Zeezi yeela bãmba: «Yaa yãmb tẽebã sẽn paoodã yĩnga. Mam yeta yãmb sɩd-sɩd tɩ yãmb sã n tar tẽeb sẽn zem siin-bila, yãmb na n yeela tãn-kãngã t'a serg ka n kẽng ka, la a na n serg n kẽngame. La bũmb kõn zĩnd yãmb sẽn kõn tõog n maan ye.» 21[La zĩn-kãngã buud ka yita, tɩ ka ne pʋʋsg la no-loeer ye.]
A Zeezi leb n togsa bãmb kũumã yelle
(Mark 9.30-32, Luk 9.43b-45)
22La bãmb sẽn gõod Galɩle, a Zeezi yeela b karen-biisã yaa: «B na n zãmba Ninsaal Bi-riblã n yõk‑b n kõ ninsaalbã. 23B na n kʋ-b lame, la rasem a tãab daarã, b na n vʋʋgame.» La karen-biisã sũyã sãama wʋsgo.
Wẽnd-doog yaoodo
24 #
Yik 30.13, 38.26 A Zeezi ne b karen-biisã sẽn ta Kapɛrnaom, neb nins sẽn deegd wẽnd-doog yaood darkem#17.24 Darkem: Yaa a Zeezi zamaanẽ wã ligdi, la b yeelame tɩ darkem‑yɛng zemsa tʋmtʋmd daar a yembr yaood wakat‑kãnga. a yiib-yiibã wa a pɩyɛɛr nengẽ n sok‑a yaa: «Yãmb karen-saambã ka yaood wẽnd doogã yaoodã la?» 25La a Pɩyɛɛr leokame tɩ b yaoodame sẽ! La bãmb sẽn kẽ roogẽ, a Zeezi renga a Pɩyɛɛr n gom n sok-a: «Sɩmo! Fo tagsda a wãna? Dũni rĩm-dãmbã deegda yaood la yõor yaood ãnda rãmb nengẽ? B kamba nengẽ bɩ, bɩ sãambã nengẽ?» 26La a Pɩyɛɛr leoka bãmb tɩ yaa sãambã nengẽ. La a Zeezi yeela yẽnda yaa: «Sã n yaa a woto, rẽnd tẽngã kamb ka tog n yao ye. 27La sẽn na yɩl tɩ tõnd da wa beeg-ba, kẽng ko-kãsengã noore, n lob zĩm-lɛoog n yõk zĩnf ning sẽn na n yɩ-a pipi n gãd lɛoogã. Yaag a noorã tɩ f na n yãnda ligd beenẽ n yiis n wa n yao maam ne fo yĩnga.»
Currently Selected:
A Matye koe‑noogo 17: MPBU
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
A Matye koe‑noogo 17
17
A Zeezi tedgre
(Mark 9.2-13, Luk 9.28-36)
1Rasem a yoob zugẽ, a Zeezi peega a Pɩyɛɛr ne a Zak la a ba-biig a Zã n tall-b n yi kɛɛnga, n dʋ tãn-lug-lug zugu. 2A Zeezi tedga bãmb taoore: bãmb nengã rag n yãgda wa wĩntoogo, la b futã lebga peels wa vẽenem. 3A Moyiis ne a Eli puka b mens ne bãmba n sõsd ne a Zeezi. 4A Pɩyɛɛr yeela a Zeezi yaa: «Zu-soaba! Yaa sõama tɩ tõnd pa ka. Yãmb sã n data, mam na n tilga fu-rot a tãab ka: a yembr yãmb yĩnga, a yembr a Moyiis yĩnga, la a yembr a Eli yĩnga.» 5#Sɩng 22.2, Yɩɩn 2.7, Eza 42.1, Mat 3.17, 12.18, Mark 1.11, Luk 3.22, Tõ 18.15#2Pɩy 1.17,18La yẽnda sẽn ket n gomda, sawadg sẽn pɩnd wa n lud bãmba. La ade, koɛɛg n yi sawadgẽ wã n yeele: «Ada yaa mam Bi-ribl-nongr sẽn ta mam yam zãnga. Kelg-y-yã-a.» 6La karen-biisã sẽn wʋm koe-kãngã, rabeem kãseng yõk-b lame tɩ b lʋɩ n fõgen b nens tẽnga. 7A Zeezi kolgame n sɩɩs bãmb n yeele: «Yik‑y‑yã, da zoe‑y rabeem ye.» 8Bãmb zẽka b nens n ges la b ka yã ned a to tɩ sã n ka a Zeezi b yembr bal ye. 9Bãmb sẽn wa n yi tãngã zug n sigda, a Zeezi keooga bãmb a woto: «Da gom-y ne ned ba a yembr yã-kãngã yell hal tɩ Ninsaal Bi-riblã wa vʋʋg n bas kũum ye.» 10#Mal 3.23La karen-biisã soka a Zeezi yaa: «Bõe yĩng tɩ tõog karen-saam-dãmbã yetẽ t'a Eli n tog n deng n wa?» 11A Zeezi leok-b lame n yeele: «Yaa sɩd t'a Eli na n deng n wa n lebs n manega bũmb fãa tɩ leb n yɩ wa pĩndã. 12#Mat 11.14La mam yeta yãmb t'a Eli zoe n waame la nebã ka bãng-a ye, la b maana yẽnda wa b sẽn date. Woto me, bãmb na n namsa Ninsaal Bi-riblã.» 13Dẽ, bãmb karen-biisã bãngame tɩ yaa a Zãmbatiis yell la a Zeezi sẽn gom ne bãmbã.
A Zeezi maaga biig kĩsinkĩir sẽn tara
(Mark 9.14-29, Luk 9.37-43a)
14Bãmb sẽn kolg neb kʋʋngã, dao a yembr n wa n yĩgimd a Zeezi taoor n yeele: 15«Zu-soaba, zoe-y mam bi-riblã nimbãaneg tɩ kĩsinkĩir n tar-a t'a namsd wʋsgo. Naoor wʋsgo, a lʋɩta bugmẽ wall koomẽ. 16Mam tall-a lame n wa yãmb karen-biisã nengẽ la b ka tõog n maag-a ye.» 17A Zeezi leok-a lame n yeele: «Zamaan neb sẽn ka tẽeb la sẽn yaa nin-wẽnse! Mam na n paa ne yãmb hal tɩ ta wakat bʋgo? Mam na n maana sũ-mar ne yãmb tɩ ta wakat bʋgo? Tall-y biigã n wa ne ka.» 18A Zeezi tãsa zĩnã, la a yiime n bas biigã, la a paama laafɩ wakat-kãng bala.
19Dẽ, a Zeezi karen-biisã kolga bãmb wakat ning neb sẽn ka be ne bãmb n sok-b yaa: «Bõe tɩ tõnd ka tõog n dig zĩn-kãngã?» 20#Mat 21.21, Mark 11.23, 1Kor 13.2A Zeezi yeela bãmba: «Yaa yãmb tẽebã sẽn paoodã yĩnga. Mam yeta yãmb sɩd-sɩd tɩ yãmb sã n tar tẽeb sẽn zem siin-bila, yãmb na n yeela tãn-kãngã t'a serg ka n kẽng ka, la a na n serg n kẽngame. La bũmb kõn zĩnd yãmb sẽn kõn tõog n maan ye.» 21[La zĩn-kãngã buud ka yita, tɩ ka ne pʋʋsg la no-loeer ye.]
A Zeezi leb n togsa bãmb kũumã yelle
(Mark 9.30-32, Luk 9.43b-45)
22La bãmb sẽn gõod Galɩle, a Zeezi yeela b karen-biisã yaa: «B na n zãmba Ninsaal Bi-riblã n yõk‑b n kõ ninsaalbã. 23B na n kʋ-b lame, la rasem a tãab daarã, b na n vʋʋgame.» La karen-biisã sũyã sãama wʋsgo.
Wẽnd-doog yaoodo
24 #
Yik 30.13, 38.26 A Zeezi ne b karen-biisã sẽn ta Kapɛrnaom, neb nins sẽn deegd wẽnd-doog yaood darkem#17.24 Darkem: Yaa a Zeezi zamaanẽ wã ligdi, la b yeelame tɩ darkem‑yɛng zemsa tʋmtʋmd daar a yembr yaood wakat‑kãnga. a yiib-yiibã wa a pɩyɛɛr nengẽ n sok‑a yaa: «Yãmb karen-saambã ka yaood wẽnd doogã yaoodã la?» 25La a Pɩyɛɛr leokame tɩ b yaoodame sẽ! La bãmb sẽn kẽ roogẽ, a Zeezi renga a Pɩyɛɛr n gom n sok-a: «Sɩmo! Fo tagsda a wãna? Dũni rĩm-dãmbã deegda yaood la yõor yaood ãnda rãmb nengẽ? B kamba nengẽ bɩ, bɩ sãambã nengẽ?» 26La a Pɩyɛɛr leoka bãmb tɩ yaa sãambã nengẽ. La a Zeezi yeela yẽnda yaa: «Sã n yaa a woto, rẽnd tẽngã kamb ka tog n yao ye. 27La sẽn na yɩl tɩ tõnd da wa beeg-ba, kẽng ko-kãsengã noore, n lob zĩm-lɛoog n yõk zĩnf ning sẽn na n yɩ-a pipi n gãd lɛoogã. Yaag a noorã tɩ f na n yãnda ligd beenẽ n yiis n wa n yao maam ne fo yĩnga.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.