Zake 3
3
Zelemde
1M ba-biisi, bɩ yãmb neb wʋsg da bao tɩ lebg karen-saam-dãmb ye. Bala, yãmb miime tɩ tõnd karen-saam-dãmbã bʋʋd na n yɩɩ toog n yɩɩda. 2Tõnd fãa tudgda ne tuudg buud wʋsgo. Ned sã n ka tudg ne a goamã, a yaa ned sẽn zems zãnga, n tõe n gãd a yĩngã tõre. 3Tõnd sã n ningd wiid noy salba tɩ b na sak tõndo, tõnd kɩtdame tɩ b yĩngã kẽnd tõnd sẽn datẽ. 4Ges koom-kogl-bɛdã me, baa b sẽn yaa bɛd to-to, tɩ sob-kãseng tusd-ba, yaa koom-koglg wẽnemdedg-bil bal n kɩtd tɩ koglgã teesd a soabã sẽn datẽ. 5Woto me, zelemd yaa yĩngã wil-bil a yembre, la a waoogda a meng ne bũmb kãsemse. Ges-y bug-bil bal sẽn tõe n yõog we-kãsengã. 6Zelemd me yaool n yaa bugum, a yaa wẽng zĩ-kãsenga. Zelemd bee tõnd yĩnga wila sʋka, a rẽgemda yĩngã tõre, la a wɩngda tõnd vɩɩmã tõr t'a lebg basɩ. A bugmã yita bug-tẽnga. 7Ninsaal wõra we-rũmsã buud fãa, liuuli buud fãa bõn-vuuds buud fãa, koomẽ rũms buud fãa, n kɩt tɩ b sakd yẽnda. 8La ned baa a yembr ka tõe n tõog a zelemd t'a sak-a ye. A yaa wẽng ned sẽn ka tõe n wõr n tõog ye. A pida ne zẽnem-kʋʋdga. 9#Sɩng 1.26Tõnd pʋʋsda Zu-soabã sẽn yaa tõnd ba wã bark ne d zelemdã, la yaa ne yẽnda me la tõnd kãabd neb nins Wẽnnaam sẽn naan n wẽneg b mengã. 10Bark la kãab-wẽng yita noor a yembr pʋgẽ. M ba-biisi, a ka tog n yɩɩ a woto ye. 11Dẽ yĩnga, ko-noog ne ko-tood tõe n bula ko-nif a yembrẽ? 12Dẽ yĩnga m ba-biisi, kankang tõe n woma oliiv‑rãmb sɩda, bɩ reezẽ tɩɩg tõe n woma kankama? Ko-nif sẽn yiisd ko-yamsem ka tõe n yiis ko-noog ye.
Yam sẽn yit yĩngri
13Ãnda yãmb sʋkã n yaa yam soaba, t'a yam weke? Bɩ a yel-manesem-sõngã wilg a tʋʋm sẽn yɩt ne bʋgsem la yam. 14La sũ-ki-toaag sã n be yãmb sũuri, tɩ geesem-geesem me beẽ, da waoog-y y mense, la y da yag zĩrẽ n kɩɩs sɩdã ye. 15Yam‑kãng ka yam sẽn yit yĩngr ye. A yita tẽng zug n yaa yĩng rẽnda, la zĩn-dãmb dẽnda. 16Bala, sũ-kĩir la geesem-geesem sẽn be zĩig ningã, zũnglug la maan wẽns buud fãa bee be. 17Yam sẽn yit yĩngrã yaa sõama zãnga, la sẽn paase, a baooda laafɩ, a wata ne sũ-bʋgsem, la sugri, la a pida ne nimbãan-zoeere la bi-sõamyã fãa, la a ka be bakre, la zãmb ye. 18Tɩrlem bil bʋta laafɩ pʋgẽ, la yaa laafɩ baoodbã n bʋt-a.
Currently Selected:
Zake 3: MPBU
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
Zake 3
3
Zelemde
1M ba-biisi, bɩ yãmb neb wʋsg da bao tɩ lebg karen-saam-dãmb ye. Bala, yãmb miime tɩ tõnd karen-saam-dãmbã bʋʋd na n yɩɩ toog n yɩɩda. 2Tõnd fãa tudgda ne tuudg buud wʋsgo. Ned sã n ka tudg ne a goamã, a yaa ned sẽn zems zãnga, n tõe n gãd a yĩngã tõre. 3Tõnd sã n ningd wiid noy salba tɩ b na sak tõndo, tõnd kɩtdame tɩ b yĩngã kẽnd tõnd sẽn datẽ. 4Ges koom-kogl-bɛdã me, baa b sẽn yaa bɛd to-to, tɩ sob-kãseng tusd-ba, yaa koom-koglg wẽnemdedg-bil bal n kɩtd tɩ koglgã teesd a soabã sẽn datẽ. 5Woto me, zelemd yaa yĩngã wil-bil a yembre, la a waoogda a meng ne bũmb kãsemse. Ges-y bug-bil bal sẽn tõe n yõog we-kãsengã. 6Zelemd me yaool n yaa bugum, a yaa wẽng zĩ-kãsenga. Zelemd bee tõnd yĩnga wila sʋka, a rẽgemda yĩngã tõre, la a wɩngda tõnd vɩɩmã tõr t'a lebg basɩ. A bugmã yita bug-tẽnga. 7Ninsaal wõra we-rũmsã buud fãa, liuuli buud fãa bõn-vuuds buud fãa, koomẽ rũms buud fãa, n kɩt tɩ b sakd yẽnda. 8La ned baa a yembr ka tõe n tõog a zelemd t'a sak-a ye. A yaa wẽng ned sẽn ka tõe n wõr n tõog ye. A pida ne zẽnem-kʋʋdga. 9#Sɩng 1.26Tõnd pʋʋsda Zu-soabã sẽn yaa tõnd ba wã bark ne d zelemdã, la yaa ne yẽnda me la tõnd kãabd neb nins Wẽnnaam sẽn naan n wẽneg b mengã. 10Bark la kãab-wẽng yita noor a yembr pʋgẽ. M ba-biisi, a ka tog n yɩɩ a woto ye. 11Dẽ yĩnga, ko-noog ne ko-tood tõe n bula ko-nif a yembrẽ? 12Dẽ yĩnga m ba-biisi, kankang tõe n woma oliiv‑rãmb sɩda, bɩ reezẽ tɩɩg tõe n woma kankama? Ko-nif sẽn yiisd ko-yamsem ka tõe n yiis ko-noog ye.
Yam sẽn yit yĩngri
13Ãnda yãmb sʋkã n yaa yam soaba, t'a yam weke? Bɩ a yel-manesem-sõngã wilg a tʋʋm sẽn yɩt ne bʋgsem la yam. 14La sũ-ki-toaag sã n be yãmb sũuri, tɩ geesem-geesem me beẽ, da waoog-y y mense, la y da yag zĩrẽ n kɩɩs sɩdã ye. 15Yam‑kãng ka yam sẽn yit yĩngr ye. A yita tẽng zug n yaa yĩng rẽnda, la zĩn-dãmb dẽnda. 16Bala, sũ-kĩir la geesem-geesem sẽn be zĩig ningã, zũnglug la maan wẽns buud fãa bee be. 17Yam sẽn yit yĩngrã yaa sõama zãnga, la sẽn paase, a baooda laafɩ, a wata ne sũ-bʋgsem, la sugri, la a pida ne nimbãan-zoeere la bi-sõamyã fãa, la a ka be bakre, la zãmb ye. 18Tɩrlem bil bʋta laafɩ pʋgẽ, la yaa laafɩ baoodbã n bʋt-a.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.