Yikri 30
30
Wisd yõogr tẽn-kugri
(Yik 37.25-28)
1Maan tẽn-kugr sẽn na n yõogd wisd a zugu. Maan-a ne akasiya raado. 2A woglmã na n yɩɩ kãntɩɩg a yembre, a yalmã me kãntɩɩg a yembre, a tog n yɩɩ maoko, a zãntlmã na n yɩɩ kãntɩɩg a yiibu. Maan yɩɩl n ning-a. 3Lud a zugã ne a kɩrems a yiibã fãa, la a yɩɩlã ne sãnem halaale. La f maan sãnem kogr n gilg-a. 4La f maan sãnem tuiids a yiib a kɩrems a yiibã fãa yĩnga, n ning bãmb a kogrã tẽngre, a kɩremsã gõdgr zĩisẽ. Bãmb yaa tuiids sẽn na n tui da-bɩlem n zã tẽn-kugrã. 5La f maan da-bɩlem ne akasiya raado, n bolg bãmb ne sãnem. 6Bɩ f rɩgl tẽn-kugrã fu-lillidg ning sẽn lill kaset koglgã taoore, la sẽn be bas-taal zĩigã sẽn be kaset koglgã zugã taoorã. Yaa zĩ-kãng la mam na n seg foom. 7Bɩ a Aarõ yõog wisd sẽn tar yũ-noog a zugu. Yẽnda na n yõogd-a-la yibeoog fãa, yẽnda sẽn wat n manegd fɩtl-dãmbã wakate. 8A Aarõ sã n na n yõgen fɩtl-dãmbã zaabre, bɩ a yõog-a. Yaa woto la yãmb na n yõog wisd wakat fãa Sẽn-Ka-Saab taoor yãmb zamaan-dãmbã fãa. 9Bɩ y ra yõog wisd yaar a zug ye. La bɩ y ra yõog maoong bɩ zom kũun a zug ye. La y ra pʋdg bõn-yũudl kũun a zug me ye. 10Yʋʋmd fãa pʋgẽ, bɩ a Aarõ yãk yel-wẽnã maoong zɩɩm vugr n ning tẽn-kugrã yɩɩlã zut n maan paoosg a yĩnga. Yaa vugr yʋʋmd pʋgẽ la yẽnda na n maan paoosg a zugu, yãmb zamaan-dãmbã fãa yĩnga. Bõn-kãng na n yɩɩ bũmb sẽn welg toor meng-meng Sẽn-Ka-Saab yĩnga.
Sɛk roogã yaoodo
11Sẽn-Ka-Saab goma ne a Moyiis n yeel-a yaa: 12«Fo sã n sõd Israyɛll nebã n bãng b sõore, bɩ f kɩt tɩ ned Kam fãa yao Sẽn-Ka-Saab a yõor yaoodo, tɩ bã-loangdg da wa yõk bãmb b sõdbã yĩng ye. 13#Yik 38.25,26, Mat 17.24Ad yaood ned kam fãa b sẽn sõd sẽn tog n yao. Yaa wanzuri ligd zɩslem sẽn zems garem a yopoe la bɛka, sẽn zems sɛk roogã sɩkɛll pʋɩ-sʋka. Sɩkɛll yaa geera pisi. Yaa yaood bãmb sẽn na n yao Sẽn-Ka-Saabo. 14Neb nins b sẽn na n sõdã fãa, sẽn sɩng ne neb nins sẽn tar yʋʋm pisi la sẽn yɩɩd woto wã na n yaoo Sẽn-Ka-Saab b yõor yaoodo. 15La wakat ning yãmb sẽn na n yao Sẽn-Ka-Saab yãmb yõor yaoodã, arzɛk rãmbã ka na n yao sẽn yɩɩd ye, la naong rãmbã me ka na n yao sẽn ka ta sɩkɛll pʋɩ-sʋk ye. 16Bɩ y reeg wanzuri Israyɛll nebã nengẽ tɩ yɩ b yõor yaood sɛk roogã tʋʋmã yĩnga, tɩ yɩ tẽegr Israyɛll nebã yĩng Sẽn-Ka-Saab taoore, na n yɩɩ bãmb mengã yaoodo.»
Yɩlg-m-meng sĩnga
17Sẽn-Ka-Saab goma ne a Moyiis n yeele: 18#Yik 38.8«Maan zũud sĩnga, t'a naoã yaa zũudu, waasg yĩnga. Rɩk-a n dɩgl sɛk roogã ne tẽn-kugrã sʋka, n ning koom a pʋgẽ. 19A Aarõ ne a kom-dibli wã na n yãka koomã be n nudg b nusi la b waas b naoã. 20Bãmb sã n na n kẽ sɛk roogẽ wã, bɩ b nudg b nusi, la b waas b naoã ne ko-kãnga, n da wa ki ye. La bãmb sã n na n kolg tẽn-kugrã me n maan b tʋʋmde, n yõog maoong bugum Sẽn-Ka-Saab waoogr yĩnga, 21bɩ b nudg b nusi, la b waas b naoã, n da wa ki ye. A na n yɩɩ no-tũudg sẽn ka sɛta, a Aarõ ne a yagensã yĩnga, zamaan woo zamaane.»
Kaam sẽn welg toore
22 #
Yik 37.29
Sẽn-Ka-Saab goma ne a Moyiis n yeele: 23«Rɩk parfẽ buud toor-toor sẽn yaa sõama wʋsgo, rɩk miir halaal kɩlo a nii la garem koabg la pis-nii la a nu, la sinamom sẽn tar yũ-noog sẽn zems miirã zɩslem pʋɩ-sʋka, sẽn dat n togs tɩ kɩlo a naase la garem pis-wɛ la a tãabo, la parfẽ sẽn tar yũ-noog sẽn zems kɩlo a naase, la garem pis-wɛ la a tãabo, 24la kass sẽn zems kɩlo a nii la garem koabga la pis-nii la a nu, sẽn zems sɛk roogã sẽn tar n makd bũmb zɩslem, la oliiv kaam sẽn zems litr a yoob la bɛka. 25Rɩk bõn-kãens fãa n maan nug-tikr kaam sẽn welg toore, n yaa kaam buud toor-toor sẽn kalem taaba, t'a yɩ wa parfẽ maand sẽn maand to-to wã. A na n yɩɩ nug-tikr kaam b sẽn tar n maand welg toor tʋʋmdã.
26Yãk ka-kãng n tik sɛk roogã ne kaset koglgã, 27la taablã ne a teedã fãa, la fɩtl doagendgã ne a teedã fãa, la tẽn-kugr ning b sẽn na n yõog wisd a zugã, 28la tẽn-kugr ning b sẽn na n yõog maand bugum a zugã ne teedã fãa, la sĩngã me ne a tɛbendgã. 29Welg-y bãmb tɩ b lebg bũmb sẽn welg toor wʋsgo. La bũmb sã n sɩɩs bãmba, bõn-kãng me na n welga toore. 30La bɩ f pʋdg kaam a Aarõ ne a kom-dibli wã zutu, n welg bãmb toor tɩ b maan maan-kʋʋr tʋʋmdã mam waoogr yĩnga.
31Togs Israyɛll nebã tɩ kaam bu-kãng sẽn pʋdgd maan-kʋʋdbã zutã welga toor mam yĩnga, yãmb zamaan-dãmbã fãa yĩnga. 32B ka tog n dɩk ka-kãngã n sõog ned yaar ye. La yãmb ka tog n maan kaam sẽn wẽnd ka-kãng buudu, wa sẽn zems teed nins yãmb sẽn tall n maan-a wã ye. Ka-kãng yaa bũmb sẽn welg toore, la a na n yɩɩ bũmb sẽn welg toor yãmb yĩnga. 33Ned sã n maan ka-kãngã buudu, wall ned sã n ning-a ned sẽn ka maan-kʋʋd zugu, bɩ b yiis-a a buud sʋk n kʋ.»
Wisdã maanego
34Sẽn-Ka-Saab yeela a Moyiis yaa: «Rɩk kaam buud toor-toor b sẽn boond tɩ ɛstakte#30.34 Ɛstakte: Yaa bũmb buud sẽn tar yũ-noogo, la tõnd ka mi-a tõnd zamaanẽ wã ye. ne onigs la galbanom. Yaa parfẽ bu-kãens la wisd zom-bãanegã. Bãmb fãa zɩslem tog n zema taaba. 35Rɩk bõn-kãens n maan wisd sẽn tar yũ-noogo, wa sẽn maand-a parfẽ wã sẽn maand to-to wã. Maan-a t'a tar yamsem, n yaa sõama zãnga, n welg toore. 36Yãk-a n to t'a lebg bãanega, tɩ f yãk-a n ning kaset koglgã taoor sɛk roogã pʋgẽ, zĩig ning mam sẽn na n seg foomã. A na n yɩɩ bũmb sẽn welg toor wʋsg yãmb yĩnga. 37Bɩ y ra maan wisd a woto buud yãmb mensã yĩng ye. Ne foom, a na n yɩɩ bũmb sẽn welg toor Sẽn-Ka-Saab yĩnga. 38Ned sã n maan wisd sẽn wẽnd a woto buudu, n na n kok a yũ-noogã, bɩ b yiis a soab a buudã sʋk n kʋ.»
Currently Selected:
Yikri 30: MPBU
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
Yikri 30
30
Wisd yõogr tẽn-kugri
(Yik 37.25-28)
1Maan tẽn-kugr sẽn na n yõogd wisd a zugu. Maan-a ne akasiya raado. 2A woglmã na n yɩɩ kãntɩɩg a yembre, a yalmã me kãntɩɩg a yembre, a tog n yɩɩ maoko, a zãntlmã na n yɩɩ kãntɩɩg a yiibu. Maan yɩɩl n ning-a. 3Lud a zugã ne a kɩrems a yiibã fãa, la a yɩɩlã ne sãnem halaale. La f maan sãnem kogr n gilg-a. 4La f maan sãnem tuiids a yiib a kɩrems a yiibã fãa yĩnga, n ning bãmb a kogrã tẽngre, a kɩremsã gõdgr zĩisẽ. Bãmb yaa tuiids sẽn na n tui da-bɩlem n zã tẽn-kugrã. 5La f maan da-bɩlem ne akasiya raado, n bolg bãmb ne sãnem. 6Bɩ f rɩgl tẽn-kugrã fu-lillidg ning sẽn lill kaset koglgã taoore, la sẽn be bas-taal zĩigã sẽn be kaset koglgã zugã taoorã. Yaa zĩ-kãng la mam na n seg foom. 7Bɩ a Aarõ yõog wisd sẽn tar yũ-noog a zugu. Yẽnda na n yõogd-a-la yibeoog fãa, yẽnda sẽn wat n manegd fɩtl-dãmbã wakate. 8A Aarõ sã n na n yõgen fɩtl-dãmbã zaabre, bɩ a yõog-a. Yaa woto la yãmb na n yõog wisd wakat fãa Sẽn-Ka-Saab taoor yãmb zamaan-dãmbã fãa. 9Bɩ y ra yõog wisd yaar a zug ye. La bɩ y ra yõog maoong bɩ zom kũun a zug ye. La y ra pʋdg bõn-yũudl kũun a zug me ye. 10Yʋʋmd fãa pʋgẽ, bɩ a Aarõ yãk yel-wẽnã maoong zɩɩm vugr n ning tẽn-kugrã yɩɩlã zut n maan paoosg a yĩnga. Yaa vugr yʋʋmd pʋgẽ la yẽnda na n maan paoosg a zugu, yãmb zamaan-dãmbã fãa yĩnga. Bõn-kãng na n yɩɩ bũmb sẽn welg toor meng-meng Sẽn-Ka-Saab yĩnga.
Sɛk roogã yaoodo
11Sẽn-Ka-Saab goma ne a Moyiis n yeel-a yaa: 12«Fo sã n sõd Israyɛll nebã n bãng b sõore, bɩ f kɩt tɩ ned Kam fãa yao Sẽn-Ka-Saab a yõor yaoodo, tɩ bã-loangdg da wa yõk bãmb b sõdbã yĩng ye. 13#Yik 38.25,26, Mat 17.24Ad yaood ned kam fãa b sẽn sõd sẽn tog n yao. Yaa wanzuri ligd zɩslem sẽn zems garem a yopoe la bɛka, sẽn zems sɛk roogã sɩkɛll pʋɩ-sʋka. Sɩkɛll yaa geera pisi. Yaa yaood bãmb sẽn na n yao Sẽn-Ka-Saabo. 14Neb nins b sẽn na n sõdã fãa, sẽn sɩng ne neb nins sẽn tar yʋʋm pisi la sẽn yɩɩd woto wã na n yaoo Sẽn-Ka-Saab b yõor yaoodo. 15La wakat ning yãmb sẽn na n yao Sẽn-Ka-Saab yãmb yõor yaoodã, arzɛk rãmbã ka na n yao sẽn yɩɩd ye, la naong rãmbã me ka na n yao sẽn ka ta sɩkɛll pʋɩ-sʋk ye. 16Bɩ y reeg wanzuri Israyɛll nebã nengẽ tɩ yɩ b yõor yaood sɛk roogã tʋʋmã yĩnga, tɩ yɩ tẽegr Israyɛll nebã yĩng Sẽn-Ka-Saab taoore, na n yɩɩ bãmb mengã yaoodo.»
Yɩlg-m-meng sĩnga
17Sẽn-Ka-Saab goma ne a Moyiis n yeele: 18#Yik 38.8«Maan zũud sĩnga, t'a naoã yaa zũudu, waasg yĩnga. Rɩk-a n dɩgl sɛk roogã ne tẽn-kugrã sʋka, n ning koom a pʋgẽ. 19A Aarõ ne a kom-dibli wã na n yãka koomã be n nudg b nusi la b waas b naoã. 20Bãmb sã n na n kẽ sɛk roogẽ wã, bɩ b nudg b nusi, la b waas b naoã ne ko-kãnga, n da wa ki ye. La bãmb sã n na n kolg tẽn-kugrã me n maan b tʋʋmde, n yõog maoong bugum Sẽn-Ka-Saab waoogr yĩnga, 21bɩ b nudg b nusi, la b waas b naoã, n da wa ki ye. A na n yɩɩ no-tũudg sẽn ka sɛta, a Aarõ ne a yagensã yĩnga, zamaan woo zamaane.»
Kaam sẽn welg toore
22 #
Yik 37.29
Sẽn-Ka-Saab goma ne a Moyiis n yeele: 23«Rɩk parfẽ buud toor-toor sẽn yaa sõama wʋsgo, rɩk miir halaal kɩlo a nii la garem koabg la pis-nii la a nu, la sinamom sẽn tar yũ-noog sẽn zems miirã zɩslem pʋɩ-sʋka, sẽn dat n togs tɩ kɩlo a naase la garem pis-wɛ la a tãabo, la parfẽ sẽn tar yũ-noog sẽn zems kɩlo a naase, la garem pis-wɛ la a tãabo, 24la kass sẽn zems kɩlo a nii la garem koabga la pis-nii la a nu, sẽn zems sɛk roogã sẽn tar n makd bũmb zɩslem, la oliiv kaam sẽn zems litr a yoob la bɛka. 25Rɩk bõn-kãens fãa n maan nug-tikr kaam sẽn welg toore, n yaa kaam buud toor-toor sẽn kalem taaba, t'a yɩ wa parfẽ maand sẽn maand to-to wã. A na n yɩɩ nug-tikr kaam b sẽn tar n maand welg toor tʋʋmdã.
26Yãk ka-kãng n tik sɛk roogã ne kaset koglgã, 27la taablã ne a teedã fãa, la fɩtl doagendgã ne a teedã fãa, la tẽn-kugr ning b sẽn na n yõog wisd a zugã, 28la tẽn-kugr ning b sẽn na n yõog maand bugum a zugã ne teedã fãa, la sĩngã me ne a tɛbendgã. 29Welg-y bãmb tɩ b lebg bũmb sẽn welg toor wʋsgo. La bũmb sã n sɩɩs bãmba, bõn-kãng me na n welga toore. 30La bɩ f pʋdg kaam a Aarõ ne a kom-dibli wã zutu, n welg bãmb toor tɩ b maan maan-kʋʋr tʋʋmdã mam waoogr yĩnga.
31Togs Israyɛll nebã tɩ kaam bu-kãng sẽn pʋdgd maan-kʋʋdbã zutã welga toor mam yĩnga, yãmb zamaan-dãmbã fãa yĩnga. 32B ka tog n dɩk ka-kãngã n sõog ned yaar ye. La yãmb ka tog n maan kaam sẽn wẽnd ka-kãng buudu, wa sẽn zems teed nins yãmb sẽn tall n maan-a wã ye. Ka-kãng yaa bũmb sẽn welg toore, la a na n yɩɩ bũmb sẽn welg toor yãmb yĩnga. 33Ned sã n maan ka-kãngã buudu, wall ned sã n ning-a ned sẽn ka maan-kʋʋd zugu, bɩ b yiis-a a buud sʋk n kʋ.»
Wisdã maanego
34Sẽn-Ka-Saab yeela a Moyiis yaa: «Rɩk kaam buud toor-toor b sẽn boond tɩ ɛstakte#30.34 Ɛstakte: Yaa bũmb buud sẽn tar yũ-noogo, la tõnd ka mi-a tõnd zamaanẽ wã ye. ne onigs la galbanom. Yaa parfẽ bu-kãens la wisd zom-bãanegã. Bãmb fãa zɩslem tog n zema taaba. 35Rɩk bõn-kãens n maan wisd sẽn tar yũ-noogo, wa sẽn maand-a parfẽ wã sẽn maand to-to wã. Maan-a t'a tar yamsem, n yaa sõama zãnga, n welg toore. 36Yãk-a n to t'a lebg bãanega, tɩ f yãk-a n ning kaset koglgã taoor sɛk roogã pʋgẽ, zĩig ning mam sẽn na n seg foomã. A na n yɩɩ bũmb sẽn welg toor wʋsg yãmb yĩnga. 37Bɩ y ra maan wisd a woto buud yãmb mensã yĩng ye. Ne foom, a na n yɩɩ bũmb sẽn welg toor Sẽn-Ka-Saab yĩnga. 38Ned sã n maan wisd sẽn wẽnd a woto buudu, n na n kok a yũ-noogã, bɩ b yiis a soab a buudã sʋk n kʋ.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.