A Dãniyɛlle 1
1
A Dãniyɛll ne a tũud-n-taasã bee Babilond
1 #
2Rĩm 24.1, 2Kib 36.5-7 Zʋʋda rĩm a Yoyakim sẽn deeg naam tɩ yʋʋm tãablẽ, Babilond rĩm a Nebukatnedzaar yika zabr ne Zeruzalɛm n tɩ gũbg-a. 2#2Rĩm 20.17,18, 24.10-16, 2Kib 36.10, Eza 39.7,8La Zu-soabã basame t'a Nebukatnedzaar tõog Zʋʋda rĩm a Yoyakim n yõk-a, la a wʋk Wẽnnaam doogã teed kẽere. La a talla teedã n kẽng Sineyaar tẽnga, n tɩ bĩng-b a wẽnnaam-dãmbã roogẽ, b laogã bĩngr zĩigẽ.
3Rĩm a Nebukatnedzaar yeela a sõgen-kãseng a Asepenaaz t'a ges Israyɛll na-kombsã ne b nin-kãsemsã sʋka, 4n yãk kom-bɩɩs kẽer sẽn ka tar zang b yĩngẽ wã, la sẽn yaa ra-sãmbã, n tar yam buud fãa, la bãngr ne minim, n tõe n tʋm na-yirã. La bɩ b zãms-b Kalde rãmbã buud goamã, ne sɛbã kaorengo. 5Rĩm a Nebukatnedzaar kõo noor tɩ b yãkd yẽnda meng rɩɩbã ne a reezẽ rãamã daar fãa, n kẽnd n kõt-ba. B rag n dat n wub-b-la woto yʋʋm a tãabo, tɩ rẽ poore, bɩ b yaool n tall-b n wa tɩ b be rĩmã sɛɛgẽ n tʋmd dĩmã tʋʋmã. 6Zʋʋda kom-bɩɩs nins b sẽn yãkã sʋka, a Dãniyɛll ne a Hananiya, la a Misayɛlle ne a Azariya rag n bee be. 7Rĩmã sõgen-kãsengã teka bãmb yʋya: A pʋda a Dãniyɛll t'a Bɛlsatzaare, n pʋd a Hananiya t'a Sadrake, n pʋd a Misayɛll t'a Mesake, la a pʋd a Azariya t'a Abednego.
8La a Dãniyɛll yãka yam t'a ka na n dɩ rĩmã rɩɩbã, la a yũ a reezẽ rãamã n dẽgem a meng ye. Dẽ, a kosa sõgen-kãsengã t'a ra modg yẽnda t'a rẽgem a meng ye. 9Wẽnnaam kɩtame tɩ sõgen-kãsengã sũur noom ne a Dãniyɛlle, t'a zoet a nimbãanega. 10Sõgen-kãsengã yeela a Dãniyɛll yaa: «Mam zoeta rĩmã sẽn yaa mam soaalã, bala, yaa bãmb n kõ maam noor n wilg b sẽn tog n kõt yãmb rɩɩb ninsi, la b sẽn tog n kõt-y bõn-yũudl ninga. Dẽ, bãmb sã n wa n mik tɩ yãmb nensã yõbame n ka pɩnd wa y kom-bɩ-taasã, yãmb baoo yell n kõ maam, la rĩmã na n fiuuga mam zugã.» 11Dẽ, a Dãniyɛll yeela sõgen-kãsengã sẽn dag n yãk ned ning t'a gũud yẽnda ne a Hananiya, ne a Misayɛll la a Azariya wã yaa: 12«Bɩ y kõt tõnd bõn-koaadl biis ne zẽ-vãad bal tɩ d rɩtẽ, la ko-zaalg tɩ d yũuda, tɩ d ges ka ne rasem piig pʋgẽ na n yɩ a wãna. 13Rẽ zugẽ, bɩ y ges tõnd nensã ne kom-bɩɩs nins sẽn dɩt rĩmã rɩɩbã nensã, la y yaool n maan y sẽn dat ne-do, wa sẽn zems yãmb sẽn yã bũmb ningã.» 14Gũudã maana wa b sẽn kosã, n mak-b rasem piiga. 15La rasem piigã zugẽ, b mikame t'a Dãniyɛll dãmb nobame tɩ b nensã pɩnda, la b yaa neeba, n yɩɩd kom-bɩɩs a taabã sẽn dag n dɩt rĩmã rɩ-noodã. 16La sẽn sɩng ne wakat-kãnga, gũuda basda rĩmã yir rɩ-noodã ne reezẽ rãamã, la a kõt a Dãniyɛll dãmb bõn-koaadl biis ne zẽ-vãad bal tɩ b rɩtẽ.
17Wẽnnaam kõo kom-bɩ-bãmbã b naasã bãngre, la yam tɩ b tõog n bãng sɛbã fãa kaoreng ne yẽesem, la a Dãniyɛll dag n tara bãngr n tõe n bilg vẽnegr ne zãmsd fãa võyã. 18La daar ning rĩm a Nebukatnedzaar sẽn yãk tɩ b tog n tall kom-bɩɩsã n wa a nengẽ wã sẽn ta, sõgen-kãsengã tall-b lame n kẽnge. 19Rĩmã sõsa ne kom-bɩɩsã fãa. La bãmb fãa sʋkã, rĩmã ka yã bi-bɩɩg ba a yembr sẽn yaa wa a Dãniyɛll ne a Hananiya, la a Misayɛll ne a Azariya ye. Rẽ kɩtame tɩ b yãk bãmb tɩ b be rĩmã sɛɛgẽ n tʋmdẽ. 20Yɛl nins fãa sẽn kẽed ne yam la bãngrã wɛɛngẽ, rĩmã sã n sokd n dat n bãng b võore, a mikdame t'a Dãniyɛll dãmb yɩɩda tɩtã-rãmba, ne bãngdbã sẽn be yẽnda soolmã fãa pʋgẽ wã naoor piiga. 21La a Dãniyɛll kell n paa na-yirã hal n tãag rĩm a Siruus naamã deegr yʋʋmde.
Currently Selected:
A Dãniyɛlle 1: MPBU
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
A Dãniyɛlle 1
1
A Dãniyɛll ne a tũud-n-taasã bee Babilond
1 #
2Rĩm 24.1, 2Kib 36.5-7 Zʋʋda rĩm a Yoyakim sẽn deeg naam tɩ yʋʋm tãablẽ, Babilond rĩm a Nebukatnedzaar yika zabr ne Zeruzalɛm n tɩ gũbg-a. 2#2Rĩm 20.17,18, 24.10-16, 2Kib 36.10, Eza 39.7,8La Zu-soabã basame t'a Nebukatnedzaar tõog Zʋʋda rĩm a Yoyakim n yõk-a, la a wʋk Wẽnnaam doogã teed kẽere. La a talla teedã n kẽng Sineyaar tẽnga, n tɩ bĩng-b a wẽnnaam-dãmbã roogẽ, b laogã bĩngr zĩigẽ.
3Rĩm a Nebukatnedzaar yeela a sõgen-kãseng a Asepenaaz t'a ges Israyɛll na-kombsã ne b nin-kãsemsã sʋka, 4n yãk kom-bɩɩs kẽer sẽn ka tar zang b yĩngẽ wã, la sẽn yaa ra-sãmbã, n tar yam buud fãa, la bãngr ne minim, n tõe n tʋm na-yirã. La bɩ b zãms-b Kalde rãmbã buud goamã, ne sɛbã kaorengo. 5Rĩm a Nebukatnedzaar kõo noor tɩ b yãkd yẽnda meng rɩɩbã ne a reezẽ rãamã daar fãa, n kẽnd n kõt-ba. B rag n dat n wub-b-la woto yʋʋm a tãabo, tɩ rẽ poore, bɩ b yaool n tall-b n wa tɩ b be rĩmã sɛɛgẽ n tʋmd dĩmã tʋʋmã. 6Zʋʋda kom-bɩɩs nins b sẽn yãkã sʋka, a Dãniyɛll ne a Hananiya, la a Misayɛlle ne a Azariya rag n bee be. 7Rĩmã sõgen-kãsengã teka bãmb yʋya: A pʋda a Dãniyɛll t'a Bɛlsatzaare, n pʋd a Hananiya t'a Sadrake, n pʋd a Misayɛll t'a Mesake, la a pʋd a Azariya t'a Abednego.
8La a Dãniyɛll yãka yam t'a ka na n dɩ rĩmã rɩɩbã, la a yũ a reezẽ rãamã n dẽgem a meng ye. Dẽ, a kosa sõgen-kãsengã t'a ra modg yẽnda t'a rẽgem a meng ye. 9Wẽnnaam kɩtame tɩ sõgen-kãsengã sũur noom ne a Dãniyɛlle, t'a zoet a nimbãanega. 10Sõgen-kãsengã yeela a Dãniyɛll yaa: «Mam zoeta rĩmã sẽn yaa mam soaalã, bala, yaa bãmb n kõ maam noor n wilg b sẽn tog n kõt yãmb rɩɩb ninsi, la b sẽn tog n kõt-y bõn-yũudl ninga. Dẽ, bãmb sã n wa n mik tɩ yãmb nensã yõbame n ka pɩnd wa y kom-bɩ-taasã, yãmb baoo yell n kõ maam, la rĩmã na n fiuuga mam zugã.» 11Dẽ, a Dãniyɛll yeela sõgen-kãsengã sẽn dag n yãk ned ning t'a gũud yẽnda ne a Hananiya, ne a Misayɛll la a Azariya wã yaa: 12«Bɩ y kõt tõnd bõn-koaadl biis ne zẽ-vãad bal tɩ d rɩtẽ, la ko-zaalg tɩ d yũuda, tɩ d ges ka ne rasem piig pʋgẽ na n yɩ a wãna. 13Rẽ zugẽ, bɩ y ges tõnd nensã ne kom-bɩɩs nins sẽn dɩt rĩmã rɩɩbã nensã, la y yaool n maan y sẽn dat ne-do, wa sẽn zems yãmb sẽn yã bũmb ningã.» 14Gũudã maana wa b sẽn kosã, n mak-b rasem piiga. 15La rasem piigã zugẽ, b mikame t'a Dãniyɛll dãmb nobame tɩ b nensã pɩnda, la b yaa neeba, n yɩɩd kom-bɩɩs a taabã sẽn dag n dɩt rĩmã rɩ-noodã. 16La sẽn sɩng ne wakat-kãnga, gũuda basda rĩmã yir rɩ-noodã ne reezẽ rãamã, la a kõt a Dãniyɛll dãmb bõn-koaadl biis ne zẽ-vãad bal tɩ b rɩtẽ.
17Wẽnnaam kõo kom-bɩ-bãmbã b naasã bãngre, la yam tɩ b tõog n bãng sɛbã fãa kaoreng ne yẽesem, la a Dãniyɛll dag n tara bãngr n tõe n bilg vẽnegr ne zãmsd fãa võyã. 18La daar ning rĩm a Nebukatnedzaar sẽn yãk tɩ b tog n tall kom-bɩɩsã n wa a nengẽ wã sẽn ta, sõgen-kãsengã tall-b lame n kẽnge. 19Rĩmã sõsa ne kom-bɩɩsã fãa. La bãmb fãa sʋkã, rĩmã ka yã bi-bɩɩg ba a yembr sẽn yaa wa a Dãniyɛll ne a Hananiya, la a Misayɛll ne a Azariya ye. Rẽ kɩtame tɩ b yãk bãmb tɩ b be rĩmã sɛɛgẽ n tʋmdẽ. 20Yɛl nins fãa sẽn kẽed ne yam la bãngrã wɛɛngẽ, rĩmã sã n sokd n dat n bãng b võore, a mikdame t'a Dãniyɛll dãmb yɩɩda tɩtã-rãmba, ne bãngdbã sẽn be yẽnda soolmã fãa pʋgẽ wã naoor piiga. 21La a Dãniyɛll kell n paa na-yirã hal n tãag rĩm a Siruus naamã deegr yʋʋmde.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.