2 Sãmwɛlle 1
1
A Davɩɩd wʋma a Sayull ne a Zonatã kũum
1A Sayull kũumã wakate, t'a Davɩɩd dag n tõoga Amalɛk n lebg n wa Siklaag n zĩnd be rasem a yiibu. 2Da-tãtẽ daarã, ned a ye n yi a Sayull tãb-sika zĩigẽ n wa be, la a futa fãa rag n pãrsame t'a zugã yaa tom. Yẽnda sẽn ta a Davɩɩd nengẽ, yẽnda wõgemda tẽnga. 3A Davɩɩd sok-a lame t'a yii yɛ. Yẽnda leokame t'a yii Israyɛll nebã tãb-sik zĩigẽ. 4A Davɩɩd sok-a lame yaa: «M kotame tɩ f togs-ma! Yaa bõe n maan beenẽ?» Dẽ, yẽnda leokame: «Nebã zoeeme, la wʋsg kiime. A Sayull ne a biig a Zonatã me kiime.» 5A Davɩɩd sok-a lame: «Fo maana a wãn n bãng t'a Sayull ne a biig a Zonatã me kiime?» 6#1Sãm 31.1-6, 1Kib 10.1-6Bi-bɩɩgã leokame: «Mam dag n bee Gilboa tãngã zugu, la m yãame t'a Sayull tik a kãnde, la Saar dãmbã ne wed-rʋʋdbã rag n kolg n dɩdg-a lame. 7Dẽ a Sayull sẽn wẽneg n yãnd maam, a boola maam tɩ m wa. La mam leokame tɩ n-na! M waame. 8Dẽ, bãmb soka maam tɩ m yaa ãnda? Mam leokame tɩ m yaa Amalɛk neda. 9Dẽ, bãmb yeela maam yaa: «M kotame tɩ f wa kʋ-m n baase, bala, mam toogã yaa wʋsgo, la m ka kiid ye. 10La mam kolgame n baas-ba. Bala, mam bãngame tɩ b ka tõe n leb n põs b poglgã pʋgẽ ye. Dẽ, mam dɩka b maanfã, ne b zũurã sẽn dag n be b nugẽ wã n wat n na n kõ yãmba m soaalã.» 11A Davɩɩd sũurã sãamame t'a pãrs a futu, la neb nins sẽn dag n be ne yẽnda wã me maana a woto. 12Bãmb wiisame n yãbe, la b loe noor hal tɩ ta zaabre a Sayull ne a biig a Zonatã, la Sẽn-Ka-Saab nebã yĩnga, ne Israyɛll buudã sẽn pa tãp pʋgẽ wã yĩnga. 13A Davɩɩd soka bi-bɩɩg ning sẽn togsã yẽ kibarã t'a yaa yɛ neda? La yẽnda leokame t'a yaa sãan biiga, la yẽnda yaa Amalɛk buudu. 14A Davɩɩd sok-a lame tɩ yɩɩ wãn tɩ yẽnda kʋ Wẽnnaam sẽn yãk-a soab t'a lebg rĩmã, n ka zoe rabeem. 15A Davɩɩd boola bi-bɩɩg a ye t'a wa kʋ-a, la bi-bɩɩgã kolg n kʋ-a lame. 16A Davɩɩd dag n yeela Amalɛk nedã yaa: «Fo yell bee f meng zugu. Bala, fo meng n togs tɩ f kʋʋ Sẽn-Ka-Saab sẽn yãk ned ning t'a lebg rĩmã.»
A Davɩɩd yãba a Sayull ne a Zonatã yĩnga
17A Davɩɩd yɩɩla sũ-sãang yɩɩll a Sayull ne a bi-ribl a Zonatã yĩnga. 18#Zoz 10.13La yẽnda yeelame tɩ b zãms Zʋʋda kambã yɩɩllã. Yɩɩllã bee nin-tɩrg sebrã pʋgẽ.
19«Israyɛll nebã, yãmb ziirã paa tãmsã zutu.
Maana a wãn tɩ gãndaadã sãame?
20Da gom-y-yã a yell Gat tẽngã pʋgẽ ye.
Da gom-y koe-kãngã Askalon soayã zutu,
tɩ Filistẽ pagbã wa maan sũ-noogo,
la tɩ moosã pagb wa kɩdem ye.
21Gilboa tãmse! Bɩ meenem la saag da leb n ni yãmb zutu,
wall y pʋtã ra wom ye.
Bala, gãndaadã gãn-tigs paama paoogr beenẽ,
la a Sayull gãongã kõn tol n leb n paam kaam ye.
22A Zonatã tãpã ka lebg n ka kʋ gãndaadã ye.
A Sayull sʋʋgã ka lebg n ka raag bɛɛbã zɩɩm ye.
23A Sayull ne a Zonatã, nebã rag n nong-y lame,
b sɩd rag n nong-y lame,
B rag n bee ne taab vɩɩmã pʋga,
la b naaga taab kũumã pʋg me.
Bãmb dag n yaa faasg ne zoeese,
wala sɩlse, la b rag n tara pãng wa gɩgma.
24Israyɛll pagba, yãb-y-yã a Sayull yĩnga,
sẽn dag n kõt-a yãmb fu-miid sẽn yaa neeba,
sẽn dag n kõt yãmb sãnem fãn-teedã.
25Yɩɩ wãn tɩ gãndaadã pa tãpẽ?
Maana a wãn t'a Zonatã ki tãmsã zutu?
26M saam-biig a Zonatã, mam tara sũ-sãan-kãsenga,
fo yĩnga. Mam dag n nong-f-la hal wʋsgo. Fo nonglmã
dag n tara pãng wʋsg n yɩɩd ned sẽn nong pagba.
27Maana a wãn tɩ gãndaadã lʋɩ?
Maana a wãn tɩ b zab-teeda sãame?»
Currently Selected:
2 Sãmwɛlle 1: MPBU
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
2 Sãmwɛlle 1
1
A Davɩɩd wʋma a Sayull ne a Zonatã kũum
1A Sayull kũumã wakate, t'a Davɩɩd dag n tõoga Amalɛk n lebg n wa Siklaag n zĩnd be rasem a yiibu. 2Da-tãtẽ daarã, ned a ye n yi a Sayull tãb-sika zĩigẽ n wa be, la a futa fãa rag n pãrsame t'a zugã yaa tom. Yẽnda sẽn ta a Davɩɩd nengẽ, yẽnda wõgemda tẽnga. 3A Davɩɩd sok-a lame t'a yii yɛ. Yẽnda leokame t'a yii Israyɛll nebã tãb-sik zĩigẽ. 4A Davɩɩd sok-a lame yaa: «M kotame tɩ f togs-ma! Yaa bõe n maan beenẽ?» Dẽ, yẽnda leokame: «Nebã zoeeme, la wʋsg kiime. A Sayull ne a biig a Zonatã me kiime.» 5A Davɩɩd sok-a lame: «Fo maana a wãn n bãng t'a Sayull ne a biig a Zonatã me kiime?» 6#1Sãm 31.1-6, 1Kib 10.1-6Bi-bɩɩgã leokame: «Mam dag n bee Gilboa tãngã zugu, la m yãame t'a Sayull tik a kãnde, la Saar dãmbã ne wed-rʋʋdbã rag n kolg n dɩdg-a lame. 7Dẽ a Sayull sẽn wẽneg n yãnd maam, a boola maam tɩ m wa. La mam leokame tɩ n-na! M waame. 8Dẽ, bãmb soka maam tɩ m yaa ãnda? Mam leokame tɩ m yaa Amalɛk neda. 9Dẽ, bãmb yeela maam yaa: «M kotame tɩ f wa kʋ-m n baase, bala, mam toogã yaa wʋsgo, la m ka kiid ye. 10La mam kolgame n baas-ba. Bala, mam bãngame tɩ b ka tõe n leb n põs b poglgã pʋgẽ ye. Dẽ, mam dɩka b maanfã, ne b zũurã sẽn dag n be b nugẽ wã n wat n na n kõ yãmba m soaalã.» 11A Davɩɩd sũurã sãamame t'a pãrs a futu, la neb nins sẽn dag n be ne yẽnda wã me maana a woto. 12Bãmb wiisame n yãbe, la b loe noor hal tɩ ta zaabre a Sayull ne a biig a Zonatã, la Sẽn-Ka-Saab nebã yĩnga, ne Israyɛll buudã sẽn pa tãp pʋgẽ wã yĩnga. 13A Davɩɩd soka bi-bɩɩg ning sẽn togsã yẽ kibarã t'a yaa yɛ neda? La yẽnda leokame t'a yaa sãan biiga, la yẽnda yaa Amalɛk buudu. 14A Davɩɩd sok-a lame tɩ yɩɩ wãn tɩ yẽnda kʋ Wẽnnaam sẽn yãk-a soab t'a lebg rĩmã, n ka zoe rabeem. 15A Davɩɩd boola bi-bɩɩg a ye t'a wa kʋ-a, la bi-bɩɩgã kolg n kʋ-a lame. 16A Davɩɩd dag n yeela Amalɛk nedã yaa: «Fo yell bee f meng zugu. Bala, fo meng n togs tɩ f kʋʋ Sẽn-Ka-Saab sẽn yãk ned ning t'a lebg rĩmã.»
A Davɩɩd yãba a Sayull ne a Zonatã yĩnga
17A Davɩɩd yɩɩla sũ-sãang yɩɩll a Sayull ne a bi-ribl a Zonatã yĩnga. 18#Zoz 10.13La yẽnda yeelame tɩ b zãms Zʋʋda kambã yɩɩllã. Yɩɩllã bee nin-tɩrg sebrã pʋgẽ.
19«Israyɛll nebã, yãmb ziirã paa tãmsã zutu.
Maana a wãn tɩ gãndaadã sãame?
20Da gom-y-yã a yell Gat tẽngã pʋgẽ ye.
Da gom-y koe-kãngã Askalon soayã zutu,
tɩ Filistẽ pagbã wa maan sũ-noogo,
la tɩ moosã pagb wa kɩdem ye.
21Gilboa tãmse! Bɩ meenem la saag da leb n ni yãmb zutu,
wall y pʋtã ra wom ye.
Bala, gãndaadã gãn-tigs paama paoogr beenẽ,
la a Sayull gãongã kõn tol n leb n paam kaam ye.
22A Zonatã tãpã ka lebg n ka kʋ gãndaadã ye.
A Sayull sʋʋgã ka lebg n ka raag bɛɛbã zɩɩm ye.
23A Sayull ne a Zonatã, nebã rag n nong-y lame,
b sɩd rag n nong-y lame,
B rag n bee ne taab vɩɩmã pʋga,
la b naaga taab kũumã pʋg me.
Bãmb dag n yaa faasg ne zoeese,
wala sɩlse, la b rag n tara pãng wa gɩgma.
24Israyɛll pagba, yãb-y-yã a Sayull yĩnga,
sẽn dag n kõt-a yãmb fu-miid sẽn yaa neeba,
sẽn dag n kõt yãmb sãnem fãn-teedã.
25Yɩɩ wãn tɩ gãndaadã pa tãpẽ?
Maana a wãn t'a Zonatã ki tãmsã zutu?
26M saam-biig a Zonatã, mam tara sũ-sãan-kãsenga,
fo yĩnga. Mam dag n nong-f-la hal wʋsgo. Fo nonglmã
dag n tara pãng wʋsg n yɩɩd ned sẽn nong pagba.
27Maana a wãn tɩ gãndaadã lʋɩ?
Maana a wãn tɩ b zab-teeda sãame?»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.