Sakari 11
11
U Tienu baa bolini yaa diema n pia u paalu
1Liban yaaba, luodi mani yi buliñoana,
U mu n baa ki je yi sediri tiidi.
2Yinba sipre tiidi, yaa mua mani,
Kelima sediri tiidi baa.
Laa tiŋandi bodi.
Yinba seni tiidi, yii n ye Basan, mua mani,
Kelima ban den wuondi yaa fuali n den biigi
Jurden kpenu balinma yeni bodi.
3Bi gobidikaaba buudi,
Kelima bi kpiagidi gbeni.
I yangbanli duni,
Kelima yaa fuali n den baali Jurden kpenu
Ke bi wuonkaani ye lienni yeni bodi.
Bi yankpaaliediba
4O Diedo, n Tienu den yedi nni: «Yaa kpaa ban caani yaa pe u yankodikaanu po. 5Yaaba n daa ba yen kodi ba kaa nua kuli tagili. Yaaba n kuadi ba mo tua ke ban tuondi o Diedo kelima bi baa mi piama. Ba bi yankpaaba mo yaa siiga, oba kuli ki gba bi po ninñima. 6N kan go gbadi ninñima ki tinga niba po, n baa teni bi ŋmiali nni, yuakuli n soani o lielo wan fidi maama. N baa ŋaa bi badiba moko n soani ban fidi maama. Bi badiba yeni baa bolini ki tinga niba, nmo kan faabi ba bi nuu nni. Mini o Diedo n yedi yeni.»
7Lanwani, n den kpaa ban den caani yaa pe u yankodikaanu po. N den baa yankpaagbiamilie. U gbayendu den yi “Danligu,” u gbalielu mo “Taanyenma.” N den kpaa i pe yeni. 8Ŋmayendo nni, n den cabi i pe yeni yankpaataadiba. Mii den fidi ki juuni leni ba, bani mo den miadi nni. 9Lanwani, n den yedi i pe yeni: «N kan go kpaa yi. Yua n baa kpe wan kpe. Yua n baa bodi, wan bodi. Yaa pe n sieni mo yaa fidi, ban ŋmani biyaba.»
10N den taa n yankpaagbiamu yuu n yi “Danligu” yeni, ki kua ki biidi U Tienu n den kuani yaa ŋantaado leni bi niba kuli. 11Ku ŋantaado yeni den biidi lanyogu lanyogu. A yankpenda,#11.11 A yankpenda: Gireki yaa maama nni, bi diani ki yedi yaa yandi n pia mi ninñima. Li go diani yeni vedise 7. yaaba n den kpaagi nni den bandi ke n bontienkaala kuli tie o Diedo n yedi yaale. 12N den yedi ba: «Yi yaa sua ke li dagidi, yin pa nni n panpaani. Yi yaa sua ke laa dagidi yin pa nni n cii mo, yin cedi. Lanwani, bi den coadi kujapiena piitaa#11.12 Kujapiena piitaa: tie ban den daa i yonbi yaa dunga. Diidi Ñama 21.32. Juda n den janbi Jesu, o den gaa laa ligi bole yo. Diidi Matie 26.15. ki teni nni.» #Mat 27.9-10. 13O Diedo den yedi nni: «Bi sua ke mii cie laa dunga. Taa laa ligiciami ki ban teni o maano o Diedo diegu nni.» Lanwani n den taa i ligi yeni ki gedi ki ban teni o maano. 14Li yaa puoli, n den kua n yankpaagbiamu yuu n yi “Taanyenma” yeni, ki biidi Juda yaaba leni Isidayeli yaaba taanyenma.
15O Diedo go den yedi nni: «Taa ku yankpaayuogu yaa tiadi, 16kelima n baa cuani mi diema po, yaa yankpaalo n kan yagi o yama yaa pe n baa bodi po. O kan gedi ki ban lingi yaa pebiga n yaadi. O kan buu yaa pia n poagili. O kan dini yaa pe n pia laafia ban guo. Ama o baa yaa ŋmani yaa pe n pia mi kpama, ki ŋmani ki ban taani leni a taawoga kuli.»
17Fala n baa ku yankpaayuogu,
Yaagu n ŋaa i pe.
Bu toabu n bolini o nuu paalu leni o nuni gbanmanu,
Ke o nuu n faani,
O jiennunbu mo n fiadi!
Currently Selected:
Sakari 11: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
Sakari 11
11
U Tienu baa bolini yaa diema n pia u paalu
1Liban yaaba, luodi mani yi buliñoana,
U mu n baa ki je yi sediri tiidi.
2Yinba sipre tiidi, yaa mua mani,
Kelima sediri tiidi baa.
Laa tiŋandi bodi.
Yinba seni tiidi, yii n ye Basan, mua mani,
Kelima ban den wuondi yaa fuali n den biigi
Jurden kpenu balinma yeni bodi.
3Bi gobidikaaba buudi,
Kelima bi kpiagidi gbeni.
I yangbanli duni,
Kelima yaa fuali n den baali Jurden kpenu
Ke bi wuonkaani ye lienni yeni bodi.
Bi yankpaaliediba
4O Diedo, n Tienu den yedi nni: «Yaa kpaa ban caani yaa pe u yankodikaanu po. 5Yaaba n daa ba yen kodi ba kaa nua kuli tagili. Yaaba n kuadi ba mo tua ke ban tuondi o Diedo kelima bi baa mi piama. Ba bi yankpaaba mo yaa siiga, oba kuli ki gba bi po ninñima. 6N kan go gbadi ninñima ki tinga niba po, n baa teni bi ŋmiali nni, yuakuli n soani o lielo wan fidi maama. N baa ŋaa bi badiba moko n soani ban fidi maama. Bi badiba yeni baa bolini ki tinga niba, nmo kan faabi ba bi nuu nni. Mini o Diedo n yedi yeni.»
7Lanwani, n den kpaa ban den caani yaa pe u yankodikaanu po. N den baa yankpaagbiamilie. U gbayendu den yi “Danligu,” u gbalielu mo “Taanyenma.” N den kpaa i pe yeni. 8Ŋmayendo nni, n den cabi i pe yeni yankpaataadiba. Mii den fidi ki juuni leni ba, bani mo den miadi nni. 9Lanwani, n den yedi i pe yeni: «N kan go kpaa yi. Yua n baa kpe wan kpe. Yua n baa bodi, wan bodi. Yaa pe n sieni mo yaa fidi, ban ŋmani biyaba.»
10N den taa n yankpaagbiamu yuu n yi “Danligu” yeni, ki kua ki biidi U Tienu n den kuani yaa ŋantaado leni bi niba kuli. 11Ku ŋantaado yeni den biidi lanyogu lanyogu. A yankpenda,#11.11 A yankpenda: Gireki yaa maama nni, bi diani ki yedi yaa yandi n pia mi ninñima. Li go diani yeni vedise 7. yaaba n den kpaagi nni den bandi ke n bontienkaala kuli tie o Diedo n yedi yaale. 12N den yedi ba: «Yi yaa sua ke li dagidi, yin pa nni n panpaani. Yi yaa sua ke laa dagidi yin pa nni n cii mo, yin cedi. Lanwani, bi den coadi kujapiena piitaa#11.12 Kujapiena piitaa: tie ban den daa i yonbi yaa dunga. Diidi Ñama 21.32. Juda n den janbi Jesu, o den gaa laa ligi bole yo. Diidi Matie 26.15. ki teni nni.» #Mat 27.9-10. 13O Diedo den yedi nni: «Bi sua ke mii cie laa dunga. Taa laa ligiciami ki ban teni o maano o Diedo diegu nni.» Lanwani n den taa i ligi yeni ki gedi ki ban teni o maano. 14Li yaa puoli, n den kua n yankpaagbiamu yuu n yi “Taanyenma” yeni, ki biidi Juda yaaba leni Isidayeli yaaba taanyenma.
15O Diedo go den yedi nni: «Taa ku yankpaayuogu yaa tiadi, 16kelima n baa cuani mi diema po, yaa yankpaalo n kan yagi o yama yaa pe n baa bodi po. O kan gedi ki ban lingi yaa pebiga n yaadi. O kan buu yaa pia n poagili. O kan dini yaa pe n pia laafia ban guo. Ama o baa yaa ŋmani yaa pe n pia mi kpama, ki ŋmani ki ban taani leni a taawoga kuli.»
17Fala n baa ku yankpaayuogu,
Yaagu n ŋaa i pe.
Bu toabu n bolini o nuu paalu leni o nuni gbanmanu,
Ke o nuu n faani,
O jiennunbu mo n fiadi!
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.