Sakari 1
1
Sakari bonlekaala
1—8
U Tienu yini o niba ke ban guani o kani
1O bado Dariyusi bali binlieli, cinii yogunu, o Diedo den maadi leni Ido yaabili Berekia bijua, o saawalipualo Sakari, ki yedi o ke wan waani Isidayeli yaaba yaa maama n tie ne: #Esd 4.24—5.1; 6.14.
2«O Diedo U Paalu Kuli Daano pali den beni yi yaajanba po boncianla. 3Ama moala, ŋan yedi ba daa: ‹Yin lebidi ki guani mani n kani, nmoko baa guani yi kani.› Mini Li Miali Diedo U Paaciamu Kuli Daano n yedi yeni! 4Yin da tua mani nani yi yaajanba yeni. Hali yogu, n saawalipuaba den wangi ba ke n yedi ban lebidi ki ŋaa bi sanbiadi leni bi bontienka-biadila. Ama bi den yie kaa cengi nni, baa den tuo ki ŋoadi min yedi ba yaala. 5Yi yaajanba, bi ye le? Naani bi saawalipuaba yeni baa ki ye? 6Ama min den teni n naacenba, bi saawalipuaba yaa ñoamabona leni yaa mabilikaama kuli, den cuo yi yaajanba pala. Bi den lebidi bi tagi ki yedi: ‹Li Miali Diedo U Paalu Kuli Daano soani ti nani ti tagi leni ti tuona n den teni ke o jagi ke o baa soani ti maama.› »
Sakari bonlekakpiala: i taami
7Dariyusi bali binlieli, piiga n cilo, ban yi yaa ŋmaalo Sevati, piilie n danaali, o Diedo den maadi leni Berekia bijua, Ido yaabili o saawalipualo Sakari.
8Laa ñiagu n den laa li bonlekaala. N den laa o tanjagilo, ke o jagi tanmoano, ki se ku joaloangu nni mirti tiidi siiga. Tantoe den se o puoli po, ke bine moani, bine mo moani ki bua ki yaa boani, bine mo pieni. #Doa 6.2-8. 9N den buali: «I naa taami mo tie be, n Diedo?» Lane maleki yua n den maadi leni nni, den guani ki yedi nni: «N baa bundi a po ban tie yaala.» 10Wani yua n den se militi siiga den pugini ki yedi: «Bi tie o Diedo n soani yaaba ban goandi mi tinfanma.»
11Bi den maadi leni o Diedo Maleki yua n se mirti tiidi siiga yeni, ki yedi: «Ti goandi mi tinfanma ki sua ke mi yanduanma bebe n ye lienni.»
12Lanwani, o Diedo Maleki yeni den maadi, ki yedi: «Li Miali Diedo U Paalu Kuli Daano, dinla n tie bina piilele leni a pali n beni Jerusalemi yaaba po leni Juda dogi yaaba po. Moala, gbadi bi po mi ninñima.» 13O Diedo den lebidi Maleki yeni yaa maama n pia li papaali leni i baagi.
14Lani, o Diedo Maleki yeni den yedi, ke min kpaani ki waani ke Li Miali Diedo U Paalu Kuli Daano yedi yaa maama n tie ne: «N pia Jerusalemi yaaba po leni Siyon juali po, yaa buama n yabi boncianla. 15Ama n pali be yaa nilanbuoli n jigini bi yula po boncianla, kelima n pali n da den be Isidayeli yaaba po waamu waamu yaa yogunu, i nilanbuoli yeni den taani ki cuani bi tingbali. 16Li tie lani yaa po yo, ke Li Miali Diedo U Paalu Kuli Daano yedi yaa maama n tie ne: ‹N go baa lebidi ki cua Jerusalemi leni mi ninñingbadima. N diegu go baa guani ki maa, u dogu moko go baa guani ki maa.› » 17Maleki go den yedi nni, ke min waani yaa maama n tie ne: «Li Miali Diedo U Paaciamu Kuli Daano yedi ke o dogi go baa gbie mi piama. O baa baagi Siyon yaaba, ki go guani ki gandi Jerusalemi.»
Currently Selected:
Sakari 1: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
Sakari 1
1
Sakari bonlekaala
1—8
U Tienu yini o niba ke ban guani o kani
1O bado Dariyusi bali binlieli, cinii yogunu, o Diedo den maadi leni Ido yaabili Berekia bijua, o saawalipualo Sakari, ki yedi o ke wan waani Isidayeli yaaba yaa maama n tie ne: #Esd 4.24—5.1; 6.14.
2«O Diedo U Paalu Kuli Daano pali den beni yi yaajanba po boncianla. 3Ama moala, ŋan yedi ba daa: ‹Yin lebidi ki guani mani n kani, nmoko baa guani yi kani.› Mini Li Miali Diedo U Paaciamu Kuli Daano n yedi yeni! 4Yin da tua mani nani yi yaajanba yeni. Hali yogu, n saawalipuaba den wangi ba ke n yedi ban lebidi ki ŋaa bi sanbiadi leni bi bontienka-biadila. Ama bi den yie kaa cengi nni, baa den tuo ki ŋoadi min yedi ba yaala. 5Yi yaajanba, bi ye le? Naani bi saawalipuaba yeni baa ki ye? 6Ama min den teni n naacenba, bi saawalipuaba yaa ñoamabona leni yaa mabilikaama kuli, den cuo yi yaajanba pala. Bi den lebidi bi tagi ki yedi: ‹Li Miali Diedo U Paalu Kuli Daano soani ti nani ti tagi leni ti tuona n den teni ke o jagi ke o baa soani ti maama.› »
Sakari bonlekakpiala: i taami
7Dariyusi bali binlieli, piiga n cilo, ban yi yaa ŋmaalo Sevati, piilie n danaali, o Diedo den maadi leni Berekia bijua, Ido yaabili o saawalipualo Sakari.
8Laa ñiagu n den laa li bonlekaala. N den laa o tanjagilo, ke o jagi tanmoano, ki se ku joaloangu nni mirti tiidi siiga. Tantoe den se o puoli po, ke bine moani, bine mo moani ki bua ki yaa boani, bine mo pieni. #Doa 6.2-8. 9N den buali: «I naa taami mo tie be, n Diedo?» Lane maleki yua n den maadi leni nni, den guani ki yedi nni: «N baa bundi a po ban tie yaala.» 10Wani yua n den se militi siiga den pugini ki yedi: «Bi tie o Diedo n soani yaaba ban goandi mi tinfanma.»
11Bi den maadi leni o Diedo Maleki yua n se mirti tiidi siiga yeni, ki yedi: «Ti goandi mi tinfanma ki sua ke mi yanduanma bebe n ye lienni.»
12Lanwani, o Diedo Maleki yeni den maadi, ki yedi: «Li Miali Diedo U Paalu Kuli Daano, dinla n tie bina piilele leni a pali n beni Jerusalemi yaaba po leni Juda dogi yaaba po. Moala, gbadi bi po mi ninñima.» 13O Diedo den lebidi Maleki yeni yaa maama n pia li papaali leni i baagi.
14Lani, o Diedo Maleki yeni den yedi, ke min kpaani ki waani ke Li Miali Diedo U Paalu Kuli Daano yedi yaa maama n tie ne: «N pia Jerusalemi yaaba po leni Siyon juali po, yaa buama n yabi boncianla. 15Ama n pali be yaa nilanbuoli n jigini bi yula po boncianla, kelima n pali n da den be Isidayeli yaaba po waamu waamu yaa yogunu, i nilanbuoli yeni den taani ki cuani bi tingbali. 16Li tie lani yaa po yo, ke Li Miali Diedo U Paalu Kuli Daano yedi yaa maama n tie ne: ‹N go baa lebidi ki cua Jerusalemi leni mi ninñingbadima. N diegu go baa guani ki maa, u dogu moko go baa guani ki maa.› » 17Maleki go den yedi nni, ke min waani yaa maama n tie ne: «Li Miali Diedo U Paaciamu Kuli Daano yedi ke o dogi go baa gbie mi piama. O baa baagi Siyon yaaba, ki go guani ki gandi Jerusalemi.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.