Mi Doagidima 4
4
Mi maalima bontabinkaala bonlilele
4.1—8.1
U Tienu bali kalikaanu kani tanpoli po
1Lani n pendi, n go den laa ke bu buliñoabu yaa tanpoli. Min den kpa gbadi yaa nialu ke u naani leni ban piebi kakaci yeni, go den yedi nni: «Do ki cua na, n baa waani a yaa bonla n baa yuandi ki cua tiladi.»
2Lanyogunu U Tienu Fuoma den cuo nni. Diidi, li bali kalikaanu den ye tanpoli, ke o nilo mo den kaa lipo. #Esk 1.26-28; 10.1. 3Yua n den kaa lipo den naani leni jasipe leni sariduani yaa tana yeni. O taniano yua n den naani leni emerodi yaa tanli yeni den lindi ki cebini li bali kalikaanu.
4Piilie n bali kalikaaninaa den se ki lindi li bali kalikaanu yeni, ke piilie n nikpelanaa kaa yi po, ki yie ti tiapiendi ki ciibi wula badifogilimu.
5I tañigi leni i niali leni i tatantani den ñani li bali kalikaanu kani. Fidisanmulele yaamu n co, den ye li bali kalikaanu nintuali. Mu tie U Tienu fuoleleedima. #Ñam 19.16; Doa 8.5; 11.19; 16.18; Esk 1.13; Doa 1.4; Sak 4.2. 6Li bali kalikaanu nintuali, li den tie nani mi ñincianma yaama n naani leni ki madiidiga, ki tie nani mi tanpenpelinma yeni.
Bonfuodanaa den lindi li bali kalikaanu, ki pia i nuni boncianla bi nintuali leni bi puoli po kuli. #Esk 1.5-21; 10.14. 7O bonfuodikpialo den tie nani o yangbanlo yeni. O bonfuodilielo den tie nani ki naabiga yeni. O bonfuoditaalo den pia nani o nisaalo yaa nunga. O bonfuodinaalo mo den tie nani jiebani yua n yugi yeni. 8A bonfuodinaada yeni, yuakuli den pia fiabiluoba luoba, ki pia i nuni boncianla bi lindima leni bi poagima kuli nni. Ku ñiagu leni u yensiinu kuli, bi maadi kaa cedi, ki tua: «O gagidi ki ŋani, o gagidi ki ŋani, o Diedo U Tienu, U Paaciamu Kuli Daano gagidi ki ŋani, wani yua n den kpa ye, ki ye moala ki go baa cua.» #Esk 1.18; 10.12; Esa 6.2-3.
9A bonfuoda yaa kpiagidi ki jigindi ki go tuondi yua n kaa li bali kalikaanu, wani yua n fo ki baa yaa ye hali yaa yogu n tuu yaa yogu kuli, 10bi piilie n nikpenaadiba yeni mo yen gbaandi yua n kaa li bali kalikaanu po. Bi yen kpiagidi wani yua n fo ki baa ye hali yaa yogunu kuli, ki cibidi bi wula badifogilimu, ki lu li bali kalikaanu kani ki tua:
11«Ti Diedo, ti Tienu,
A pundi ki yaa baadi ti kpiagidi
Leni ti jigidi leni u paalu,
Kelima fini n tagi li bonla kuli,
A yanbuama po mo ke likuli tagi,
Ki go baa ye.»
Currently Selected:
Mi Doagidima 4: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
Mi Doagidima 4
4
Mi maalima bontabinkaala bonlilele
4.1—8.1
U Tienu bali kalikaanu kani tanpoli po
1Lani n pendi, n go den laa ke bu buliñoabu yaa tanpoli. Min den kpa gbadi yaa nialu ke u naani leni ban piebi kakaci yeni, go den yedi nni: «Do ki cua na, n baa waani a yaa bonla n baa yuandi ki cua tiladi.»
2Lanyogunu U Tienu Fuoma den cuo nni. Diidi, li bali kalikaanu den ye tanpoli, ke o nilo mo den kaa lipo. #Esk 1.26-28; 10.1. 3Yua n den kaa lipo den naani leni jasipe leni sariduani yaa tana yeni. O taniano yua n den naani leni emerodi yaa tanli yeni den lindi ki cebini li bali kalikaanu.
4Piilie n bali kalikaaninaa den se ki lindi li bali kalikaanu yeni, ke piilie n nikpelanaa kaa yi po, ki yie ti tiapiendi ki ciibi wula badifogilimu.
5I tañigi leni i niali leni i tatantani den ñani li bali kalikaanu kani. Fidisanmulele yaamu n co, den ye li bali kalikaanu nintuali. Mu tie U Tienu fuoleleedima. #Ñam 19.16; Doa 8.5; 11.19; 16.18; Esk 1.13; Doa 1.4; Sak 4.2. 6Li bali kalikaanu nintuali, li den tie nani mi ñincianma yaama n naani leni ki madiidiga, ki tie nani mi tanpenpelinma yeni.
Bonfuodanaa den lindi li bali kalikaanu, ki pia i nuni boncianla bi nintuali leni bi puoli po kuli. #Esk 1.5-21; 10.14. 7O bonfuodikpialo den tie nani o yangbanlo yeni. O bonfuodilielo den tie nani ki naabiga yeni. O bonfuoditaalo den pia nani o nisaalo yaa nunga. O bonfuodinaalo mo den tie nani jiebani yua n yugi yeni. 8A bonfuodinaada yeni, yuakuli den pia fiabiluoba luoba, ki pia i nuni boncianla bi lindima leni bi poagima kuli nni. Ku ñiagu leni u yensiinu kuli, bi maadi kaa cedi, ki tua: «O gagidi ki ŋani, o gagidi ki ŋani, o Diedo U Tienu, U Paaciamu Kuli Daano gagidi ki ŋani, wani yua n den kpa ye, ki ye moala ki go baa cua.» #Esk 1.18; 10.12; Esa 6.2-3.
9A bonfuoda yaa kpiagidi ki jigindi ki go tuondi yua n kaa li bali kalikaanu, wani yua n fo ki baa yaa ye hali yaa yogu n tuu yaa yogu kuli, 10bi piilie n nikpenaadiba yeni mo yen gbaandi yua n kaa li bali kalikaanu po. Bi yen kpiagidi wani yua n fo ki baa ye hali yaa yogunu kuli, ki cibidi bi wula badifogilimu, ki lu li bali kalikaanu kani ki tua:
11«Ti Diedo, ti Tienu,
A pundi ki yaa baadi ti kpiagidi
Leni ti jigidi leni u paalu,
Kelima fini n tagi li bonla kuli,
A yanbuama po mo ke likuli tagi,
Ki go baa ye.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.