Filipi 3
3
Poli tundi Filipi yaaba po
3—4
Tin baa yaa tiegi U Tienu po maama
1N kpiiba, n majuodikaama tie mine: Yin yaa mangidi mani yi pala o Diedo nni. Laa coagini nni min go diani yi po yeni ki pugini, li go baa teni yin yaa se ke li pa. 2Yin yaa fangi yi yula leni yaaba n tie nani i sangbanli leni bi tuonsoanbiadiba, yaaba n ñii ke ban kua ku koanciagu yeni. 3Tinba n tie a jungimoana, yaaba n kpiagidi U Tienu kelima o Fuoma po, ki jigini ti yula Jesu Kilisiti nni, ki naa bili ti dugidi ti gbanandi nni.
4Ama mini, n bi baa fidi ki dugi min tie maama po. Li yaa tie ke nitoaba nua ke bi baa fidi ki dugi ban tie maama po, mini n baa fidi ki cie. 5Bi den kuani nni ku koanciagu ke n pia dananii. N tie Isidayeli yua, Benjamen buolu, ki tie Hebilu ke n yaajanba kuli tie Hebilunba#3.5 Laa yela kuli, Jufinba, Isidayeli yaaba leni Hebilunba tie buoyendu, Abalahama n den cili yaa buolu. Poli yogunu, ban den yi yaaba Hebilunba tie yaaba n maadi bi maceli, ki ŋua bi danbogida cain.. Yaala n tie li bali maama po, n den tie Farisieni. #JTT 23.6; 26.5; Lom 11.1. 6Yaala n tie n yankuali po, n den wangi Kilisiti Nitaanli fala. Yaala n tie yaa teginma n ŋua li bali maama kubima po, bi kan den fidi ki kuli nni leni liba kuli. #JTT 8.3; 22.4; 26.9-11. 7Ama min den nua yaala ke li tie n po bonmoanla yeni kuli, n ji nua likuli ke li tie bonfanla, kelima Kilisiti yaa po. 8N go nua li bonla kuli, ke li tie nani li bonbodikaala yeni. Yaala n tie n po li bonmoanla tie: Ki bandi Jesu Kilisiti n Diedo. Wani yaa po yo, ke n tuo ki luni min pia yaala kuli, ki nua la nani ti baadi yeni, ke min fidi ki baa Kilisiti. 9Mii go pia n yuli po yaa moamoansaali n ñani li bali maama kubima nni, ama yaali n baadi, kelima li dandanli Kilisiti nni yaa po. Li tie yaa moamoansaali n ñani U Tienu kani, ki ŋua leni li dandanli. 10Min bua yaala tie min bandi wani Kilisiti leni o fiima bi tinkpiba siiga paalu. Min go bua yaala tie, ki taani leni o o fala nni, ki yaa naani leni o o kuuma nni. 11Yeni, lan tie maama kuli, mini moko n baa ki pundi bi tinkpiba guafiima.
Poli tiini ki bua ki pundi u bianu
12Laa tie ke n peli ki baa i panpaani no ka, bi ke n ŋanbi ki dagidi cain no ka. Ama n suagi ki tiini, ke min fidi ki cuo n nuama panpaani, kelima Jesu Kilisiti den cuo nni lani yaa po yo. 13N kpiiba, mii nua ke n cuo laa panpaani no ka. Ama n tiendi bonyenla: N sundi yaala n ye n puoli, ki moandi ki suagi liiga. 14Yeni, n tiini ki cuubi n nuama juodima, ki baa baa laa panpaani. Lani n tie U Tienu n yini nni, min baa yaa panpaani tanpoli po Jesu Kilisiti nni.
15Tinba yaaba n cuoni ke li dagidi o Diedo sanŋoadima nni kuli, n yaa pia laa yantiali buolu. Yi yaa pia yantiatoali, lan tie yaala kuli, U Tienu baa yendi yi yama laa bonla po, yin bandi ki pugini. 16Ama tin pundi yaa bianu po, tin taani mani ki suagi liiga yenma.
17N kpiiba, yin yaa ŋua mani n yaa fuuli, ki yaa diidi yaaba n ŋua tin ŋaa yi po yaa bontogidikaala. #1Kor 4.16; 11.1. 18Niba boncianla ye, min den kpa waani yi yaaba yaa maama, ki go wangi yi la moala leni a bubula, ke bi tagi doagidi ke bi tie Kilisiti dapoanpoanli yibalinba. 19Bi juodima baa yaa tie mi bodima. Bi tugidi n die ba. Ban tama ke yaala n tie bi po ti jigidi yeni, tie bi po i fe yo. Bi kuandi bi yama ŋanduna bonla nni bebe. 20Ama tinba, ti tie tanpoli diema yaaba. Ti guu ke ti Candaano o Diedo Jesu Kilisiti baa go ña lankani ki cua. 21O yaa cua, o baa lebidi ti gbanandi, yaadi n tadi kaa go pia kpiagidi, ki teni tin yaa naani leni wani Kilisiti yaa gbanandi, yaadi n pia ti kpiagiciandi. O baa tieni lani, kelima o paalu po, yuu n teni ke o paani li bonla kuli, ki go die la.
Currently Selected:
Filipi 3: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
Filipi 3
3
Poli tundi Filipi yaaba po
3—4
Tin baa yaa tiegi U Tienu po maama
1N kpiiba, n majuodikaama tie mine: Yin yaa mangidi mani yi pala o Diedo nni. Laa coagini nni min go diani yi po yeni ki pugini, li go baa teni yin yaa se ke li pa. 2Yin yaa fangi yi yula leni yaaba n tie nani i sangbanli leni bi tuonsoanbiadiba, yaaba n ñii ke ban kua ku koanciagu yeni. 3Tinba n tie a jungimoana, yaaba n kpiagidi U Tienu kelima o Fuoma po, ki jigini ti yula Jesu Kilisiti nni, ki naa bili ti dugidi ti gbanandi nni.
4Ama mini, n bi baa fidi ki dugi min tie maama po. Li yaa tie ke nitoaba nua ke bi baa fidi ki dugi ban tie maama po, mini n baa fidi ki cie. 5Bi den kuani nni ku koanciagu ke n pia dananii. N tie Isidayeli yua, Benjamen buolu, ki tie Hebilu ke n yaajanba kuli tie Hebilunba#3.5 Laa yela kuli, Jufinba, Isidayeli yaaba leni Hebilunba tie buoyendu, Abalahama n den cili yaa buolu. Poli yogunu, ban den yi yaaba Hebilunba tie yaaba n maadi bi maceli, ki ŋua bi danbogida cain.. Yaala n tie li bali maama po, n den tie Farisieni. #JTT 23.6; 26.5; Lom 11.1. 6Yaala n tie n yankuali po, n den wangi Kilisiti Nitaanli fala. Yaala n tie yaa teginma n ŋua li bali maama kubima po, bi kan den fidi ki kuli nni leni liba kuli. #JTT 8.3; 22.4; 26.9-11. 7Ama min den nua yaala ke li tie n po bonmoanla yeni kuli, n ji nua likuli ke li tie bonfanla, kelima Kilisiti yaa po. 8N go nua li bonla kuli, ke li tie nani li bonbodikaala yeni. Yaala n tie n po li bonmoanla tie: Ki bandi Jesu Kilisiti n Diedo. Wani yaa po yo, ke n tuo ki luni min pia yaala kuli, ki nua la nani ti baadi yeni, ke min fidi ki baa Kilisiti. 9Mii go pia n yuli po yaa moamoansaali n ñani li bali maama kubima nni, ama yaali n baadi, kelima li dandanli Kilisiti nni yaa po. Li tie yaa moamoansaali n ñani U Tienu kani, ki ŋua leni li dandanli. 10Min bua yaala tie min bandi wani Kilisiti leni o fiima bi tinkpiba siiga paalu. Min go bua yaala tie, ki taani leni o o fala nni, ki yaa naani leni o o kuuma nni. 11Yeni, lan tie maama kuli, mini moko n baa ki pundi bi tinkpiba guafiima.
Poli tiini ki bua ki pundi u bianu
12Laa tie ke n peli ki baa i panpaani no ka, bi ke n ŋanbi ki dagidi cain no ka. Ama n suagi ki tiini, ke min fidi ki cuo n nuama panpaani, kelima Jesu Kilisiti den cuo nni lani yaa po yo. 13N kpiiba, mii nua ke n cuo laa panpaani no ka. Ama n tiendi bonyenla: N sundi yaala n ye n puoli, ki moandi ki suagi liiga. 14Yeni, n tiini ki cuubi n nuama juodima, ki baa baa laa panpaani. Lani n tie U Tienu n yini nni, min baa yaa panpaani tanpoli po Jesu Kilisiti nni.
15Tinba yaaba n cuoni ke li dagidi o Diedo sanŋoadima nni kuli, n yaa pia laa yantiali buolu. Yi yaa pia yantiatoali, lan tie yaala kuli, U Tienu baa yendi yi yama laa bonla po, yin bandi ki pugini. 16Ama tin pundi yaa bianu po, tin taani mani ki suagi liiga yenma.
17N kpiiba, yin yaa ŋua mani n yaa fuuli, ki yaa diidi yaaba n ŋua tin ŋaa yi po yaa bontogidikaala. #1Kor 4.16; 11.1. 18Niba boncianla ye, min den kpa waani yi yaaba yaa maama, ki go wangi yi la moala leni a bubula, ke bi tagi doagidi ke bi tie Kilisiti dapoanpoanli yibalinba. 19Bi juodima baa yaa tie mi bodima. Bi tugidi n die ba. Ban tama ke yaala n tie bi po ti jigidi yeni, tie bi po i fe yo. Bi kuandi bi yama ŋanduna bonla nni bebe. 20Ama tinba, ti tie tanpoli diema yaaba. Ti guu ke ti Candaano o Diedo Jesu Kilisiti baa go ña lankani ki cua. 21O yaa cua, o baa lebidi ti gbanandi, yaadi n tadi kaa go pia kpiagidi, ki teni tin yaa naani leni wani Kilisiti yaa gbanandi, yaadi n pia ti kpiagiciandi. O baa tieni lani, kelima o paalu po, yuu n teni ke o paani li bonla kuli, ki go die la.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.