Mi Coadima 3
3
Levi buolu tuona
1Diidi Alono leni Musa puoliŋuani, o Diedo n den maadi leni Musa Sinayi juali kani yaa yogunu. 2Diidi Alono bijaba yela nne: O bijakpelo den yi Nadabi. Yaaba n den ŋua wani mo tie: Abihu, Eleasari leni Itamari. #Coa 26.60. 3Alono bijaba yaaba n den baa mi gagidima, ki den dini li kopadicianbali, ki baa yaa tuuni li kopadiciantuonli n yeni. 4Nadabi leni Abihu den kpe o Diedo nintuali, kelima bi den cuani o Diedo nintuali fantantoama, Sinayi fanpienma nni. Baa den pia bila. Eleasari leni Itamari n den tuuni li kopadiciantuonli, ke bi baa Alono gobidi ba. #Lev 10.1-2; Coa 26.61.
5O Diedo den maadi leni Musa, ki yedi: 6«Yini Levi buolu, ki taa ba ki teni o kopadiciamo Alono, ban yaa todi o. 7Bi baa yaa tuuni u Kadikaanu Gbandieli nintuali, ban puogi ba yaa tuona Alono po leni Isidayeli yaaba nitaanli kuli po. Bi baa yaa tuuni li gbandieli tuona. 8Bi baa yaa guu u Kadikaanu Gbandieli tiadi kuli leni ban piani Isidayeli yaaba yaala kuli. Bi baa yaa tuuni li gbandieli tuona. 9Ŋan taa Levi buolu, ki teni Alono leni o bijaba, ban yaa tuuni bi po, Isidayeli yaaba kuli yeli po. 10Ŋan teni Alono leni o bijaba yo, n yaa tuuni li kopadiciantuonli. Yua n ki tie Alono buolu yua yaa nagini likani, se wan kpe.» 11O Diedo den maadi leni Musa, ki yedi: 12«Diidi, n gandi Levi buolu Isidayeli yaaba siiga, ke bi gaa Isidayeli yaaba bonjakpiala kuli kaanu. Mini n baa n die Levi buolu, 13kelima mini n die bonjakpiaga kuli. Min den kpa Ejipiti yaaba bonjakpiala kuli yaa daali, n den ŋaa n yuli po Isidayeli nni bonjakpiala kuli. Mini n die bi niba bonjakpiala leni ti yandi kuli yaa bontonkpiamu. N tie Li Miali Diedo.» #Ñam 13.2.
Levi buolu coadikpiali
14O Diedo den maadi leni Musa Sinayi fanpienma nni, ki yedi: 15«Ŋan ŋoadi Levi bijaba, ki coadi bi diedi leni bi cuubuliñoana. Ŋan coadi bi jaba, ki cili yaaba n pia ŋmaalo leni yaaba n cie yeni.» 16Musa den ŋoadi ki coadi ba nani o Diedo n den teni o li ñoamabonli maama. 17Levi bijaba yela nne: Gersoni, Kehati leni Merari. 18Diidi Gersoni bijaba yela, ki ŋoadi bi cuuna n tie maama. Lani n den tie Libini leni Simeyi. 19Kehati bijaba nani bi cuuna n tie maama, lani n tie: Amirami, Yitisehali, Hebiron leni Usieli. 20Merari mo yaa bijaba, nani bi cuubuliñoana n tie maama. Lani n tie: Mali leni Musi. Lani n tie Levi buolu diedi, ki ŋoadi cuubuliñoabu cuubuliñoabu.
21Gersoni n den tie Libini leni Simeyi cuubuliñoana yaaja. Laa cuubuliñoana n tie Gersoni puoliŋuani. 22Ban den coadi yaaba kuli, ki cili yaa jaba n den pia ŋmayendo leni yaaba n den cie yeni kuli, den taani ki fii niba tudalele n kobimuu (7 500). 23Gersoni puoliŋuani cuubuliñoana den kpaagi bi naga li gbandieli puoli, ki goa nintuali po. 24Gersoni puoliŋuani yudaano den tie Layeli bijua Eliasafi. 25Bi den puogi Gersoni puoliŋuani u Kadikaanu Gbandieli kubima leni u kaangagidiŋamu kubima leni li gbandieli leni yaa kpalibu n den liibi li leni yaa kpalidoaginkaabu n ye u Kadikaanu buliñoabu po. 26Bani n go den kubi u luolu caba, u luolu buliñoabu kpalidoaginkaabu, li gbandieli gaanilindima, li padibinbinli leni li gbandieli baabi kuli.
27Kehati n den tie Amirami, Yitisehari, Hebiron leni Usieli cuubuliñoana yaaja. Bani n den tie Kehati puoliŋuani yaa cuubuliñoana. 28Ban den coadi bi jaba kuli, ki cili yaaba n den pia ŋmaalo leni yaaba n den cie yeni kuli, den taani ki fii niba tudanii n kobiluoba (8 600).#3.28 Gireki yaa soaginma nni li yedi 8 300. A yaa baani laa 8 300, lani n tie lan dagidi vedise 39 n yedi yaala. Bani n den ye u kaangagidiŋamu tuonli po. 29Kehati cuubuliñoana den kpaagi bi nagili li gbandieli ganu po. 30Kehati puoliŋuani yudaano den tie, Usieli bijua Elitisafani. 31Bi den puogi bani Kehati buolu, ke ban guudi ku ŋantaadikpaku leni yaa tabili ke bi yen maandi ban gagidi U Tienu po yaa dupen, u fidisantuankaanu, a padibinbina, u kaangagidiŋamu tiadi, ban tuuni leni yaa tiadi, bu kpalidoaginkaabu leni yaala n den ye lienni kuli. 32Levi buolu yudanciamo den tie o kopadiciamo Alono bijua Eleasari. Wani n den gobidi yaaba n den tuuni u kaangagidiŋamu nni.
33Merari n den tie Mali leni Musi cuubuliñoana yaaja. Bani n den tie Merari puoliŋuani yaa cuubuliñoana. 34Ban den coadi yaaba, ki cili yaa jaba n den pia ŋmaalo leni yaaba n den cie yeni, den taani ki fii tudaluoba n niba kobilie (6 200). 35Merari cuubuliñoana yudaano den tie Abihayili bijua Tudiyeli. Bi den kpaagi bi nagili li gbandieli jienu po. 36Bi den piani bane li gbandieli daadi, li kudoe, li dasaana, li bunbuna, li tiabidi bidi leni yaa tiadi n den ye lienni kuli. 37Bani n go den kubi u luolu dasaana leni u bunbuna, u kpaana leni u baabi.
38Yaaba n den kpaagi bi nagili ki guu u kaangagidiŋamu ki goa puoli po, lani n tie u Kadikaanu Gbandieli nintuali, den tie Musa, Alono leni o bijaba. Bi den tuuni li gbandieli tuonli Isidayeli yaaba kuli po. Yua n ki den tie Alono buolu yaa den nagini likani, se wan kpe.
39Musa leni Alono n den coadi Levi buolu, nani o Diedo n den yedi maama, ki ŋoadi bi cuubuliñoana, yaa jaba n den pia ŋmaalo leni yaaba n den cie yeni, den taani ki fii piilie n niba tudalie (22 000).
A bikpiala daafaabima
40O Diedo den yedi Musa: «Coadi Isidayeli yaaba bonjakpiala kuli, ki cili yaaba n pia ŋmaalo leni yaaba n cie yeni. Ŋan diani bikuli yela. 41Ŋan paadi Levi buolu, ke ban gaa n po Isidayeli yaaba bonjakpiala kaanu, ki yaa tie mini o Diedo n die yaaba. Bi yandi moko baa gaa n po Isidayeli yaaba yandi yantonkpiamu kaanu, ki yaa tie min die yaa yandi.» 42Musa den coadi Isidayeli yaaba bonjakpiala kuli, nani o Diedo n den yedi o maama. 43Ban den coadi Isidayeli yaaba bonjakpiala yaaba, ki cili yaaba n pia ŋmaalo leni yaaba n den cie yeni kuli, den taani ki fii piilie n tudalie n kobilie n piilele n nibitaa (22 273).
44O Diedo den maadi leni Musa, ki yedi: 45«Ŋan paadi Levi buolu, ke ban gaa n po Isidayeli yaaba bonjakpiala kaanu, ki yaa tie mini o Diedo n die yaaba. Ŋan paadi bi yandi moko, ke tin gaa Isidayeli yaaba yantonkpiamu kaanu, ki yaa tie mini o Diedo n die yaa yandi. Levi yaaba baa yaa tie min die yaaba. N tie Li Miali Diedo. 46Isidayeli yaaba bonjakpiala coali cie Levi buolu, kobilie n piilele n nibitaa. Bi yaa daafaabima tie line: 47Ŋan bili kujapienamuu pani yuakuli po. Ŋan baa gaa yaa kujapiena yeni kpiagu n yaa da leni u kaangagidiŋamu yaa kujapienli kpiagu, lani n tie gera piilie. 48Ŋan teni Alono leni o bijaba laa kujapiena, yaa niba n paani yeni, daafaabima po.» 49Musa den gaa a kujapiena yeni, yaaba n ki baa Levi buolu daafaabima yeni kani. 50O den gaa i ligi Isidayeli yaaba bonjakpiala kani, ke li den tie tudili n kobitaa n piiluoba n kujapienamuu (1 365), nani u kaangagidiŋamu yaa kujapienli yeni. 51Musa den taa mi daafaabima kujapiena, ki teni Alono leni o bijaba ki ŋoadi o Diedo ñoamabonli, nani o Diedo n den puogi o.
Currently Selected:
Mi Coadima 3: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
Mi Coadima 3
3
Levi buolu tuona
1Diidi Alono leni Musa puoliŋuani, o Diedo n den maadi leni Musa Sinayi juali kani yaa yogunu. 2Diidi Alono bijaba yela nne: O bijakpelo den yi Nadabi. Yaaba n den ŋua wani mo tie: Abihu, Eleasari leni Itamari. #Coa 26.60. 3Alono bijaba yaaba n den baa mi gagidima, ki den dini li kopadicianbali, ki baa yaa tuuni li kopadiciantuonli n yeni. 4Nadabi leni Abihu den kpe o Diedo nintuali, kelima bi den cuani o Diedo nintuali fantantoama, Sinayi fanpienma nni. Baa den pia bila. Eleasari leni Itamari n den tuuni li kopadiciantuonli, ke bi baa Alono gobidi ba. #Lev 10.1-2; Coa 26.61.
5O Diedo den maadi leni Musa, ki yedi: 6«Yini Levi buolu, ki taa ba ki teni o kopadiciamo Alono, ban yaa todi o. 7Bi baa yaa tuuni u Kadikaanu Gbandieli nintuali, ban puogi ba yaa tuona Alono po leni Isidayeli yaaba nitaanli kuli po. Bi baa yaa tuuni li gbandieli tuona. 8Bi baa yaa guu u Kadikaanu Gbandieli tiadi kuli leni ban piani Isidayeli yaaba yaala kuli. Bi baa yaa tuuni li gbandieli tuona. 9Ŋan taa Levi buolu, ki teni Alono leni o bijaba, ban yaa tuuni bi po, Isidayeli yaaba kuli yeli po. 10Ŋan teni Alono leni o bijaba yo, n yaa tuuni li kopadiciantuonli. Yua n ki tie Alono buolu yua yaa nagini likani, se wan kpe.» 11O Diedo den maadi leni Musa, ki yedi: 12«Diidi, n gandi Levi buolu Isidayeli yaaba siiga, ke bi gaa Isidayeli yaaba bonjakpiala kuli kaanu. Mini n baa n die Levi buolu, 13kelima mini n die bonjakpiaga kuli. Min den kpa Ejipiti yaaba bonjakpiala kuli yaa daali, n den ŋaa n yuli po Isidayeli nni bonjakpiala kuli. Mini n die bi niba bonjakpiala leni ti yandi kuli yaa bontonkpiamu. N tie Li Miali Diedo.» #Ñam 13.2.
Levi buolu coadikpiali
14O Diedo den maadi leni Musa Sinayi fanpienma nni, ki yedi: 15«Ŋan ŋoadi Levi bijaba, ki coadi bi diedi leni bi cuubuliñoana. Ŋan coadi bi jaba, ki cili yaaba n pia ŋmaalo leni yaaba n cie yeni.» 16Musa den ŋoadi ki coadi ba nani o Diedo n den teni o li ñoamabonli maama. 17Levi bijaba yela nne: Gersoni, Kehati leni Merari. 18Diidi Gersoni bijaba yela, ki ŋoadi bi cuuna n tie maama. Lani n den tie Libini leni Simeyi. 19Kehati bijaba nani bi cuuna n tie maama, lani n tie: Amirami, Yitisehali, Hebiron leni Usieli. 20Merari mo yaa bijaba, nani bi cuubuliñoana n tie maama. Lani n tie: Mali leni Musi. Lani n tie Levi buolu diedi, ki ŋoadi cuubuliñoabu cuubuliñoabu.
21Gersoni n den tie Libini leni Simeyi cuubuliñoana yaaja. Laa cuubuliñoana n tie Gersoni puoliŋuani. 22Ban den coadi yaaba kuli, ki cili yaa jaba n den pia ŋmayendo leni yaaba n den cie yeni kuli, den taani ki fii niba tudalele n kobimuu (7 500). 23Gersoni puoliŋuani cuubuliñoana den kpaagi bi naga li gbandieli puoli, ki goa nintuali po. 24Gersoni puoliŋuani yudaano den tie Layeli bijua Eliasafi. 25Bi den puogi Gersoni puoliŋuani u Kadikaanu Gbandieli kubima leni u kaangagidiŋamu kubima leni li gbandieli leni yaa kpalibu n den liibi li leni yaa kpalidoaginkaabu n ye u Kadikaanu buliñoabu po. 26Bani n go den kubi u luolu caba, u luolu buliñoabu kpalidoaginkaabu, li gbandieli gaanilindima, li padibinbinli leni li gbandieli baabi kuli.
27Kehati n den tie Amirami, Yitisehari, Hebiron leni Usieli cuubuliñoana yaaja. Bani n den tie Kehati puoliŋuani yaa cuubuliñoana. 28Ban den coadi bi jaba kuli, ki cili yaaba n den pia ŋmaalo leni yaaba n den cie yeni kuli, den taani ki fii niba tudanii n kobiluoba (8 600).#3.28 Gireki yaa soaginma nni li yedi 8 300. A yaa baani laa 8 300, lani n tie lan dagidi vedise 39 n yedi yaala. Bani n den ye u kaangagidiŋamu tuonli po. 29Kehati cuubuliñoana den kpaagi bi nagili li gbandieli ganu po. 30Kehati puoliŋuani yudaano den tie, Usieli bijua Elitisafani. 31Bi den puogi bani Kehati buolu, ke ban guudi ku ŋantaadikpaku leni yaa tabili ke bi yen maandi ban gagidi U Tienu po yaa dupen, u fidisantuankaanu, a padibinbina, u kaangagidiŋamu tiadi, ban tuuni leni yaa tiadi, bu kpalidoaginkaabu leni yaala n den ye lienni kuli. 32Levi buolu yudanciamo den tie o kopadiciamo Alono bijua Eleasari. Wani n den gobidi yaaba n den tuuni u kaangagidiŋamu nni.
33Merari n den tie Mali leni Musi cuubuliñoana yaaja. Bani n den tie Merari puoliŋuani yaa cuubuliñoana. 34Ban den coadi yaaba, ki cili yaa jaba n den pia ŋmaalo leni yaaba n den cie yeni, den taani ki fii tudaluoba n niba kobilie (6 200). 35Merari cuubuliñoana yudaano den tie Abihayili bijua Tudiyeli. Bi den kpaagi bi nagili li gbandieli jienu po. 36Bi den piani bane li gbandieli daadi, li kudoe, li dasaana, li bunbuna, li tiabidi bidi leni yaa tiadi n den ye lienni kuli. 37Bani n go den kubi u luolu dasaana leni u bunbuna, u kpaana leni u baabi.
38Yaaba n den kpaagi bi nagili ki guu u kaangagidiŋamu ki goa puoli po, lani n tie u Kadikaanu Gbandieli nintuali, den tie Musa, Alono leni o bijaba. Bi den tuuni li gbandieli tuonli Isidayeli yaaba kuli po. Yua n ki den tie Alono buolu yaa den nagini likani, se wan kpe.
39Musa leni Alono n den coadi Levi buolu, nani o Diedo n den yedi maama, ki ŋoadi bi cuubuliñoana, yaa jaba n den pia ŋmaalo leni yaaba n den cie yeni, den taani ki fii piilie n niba tudalie (22 000).
A bikpiala daafaabima
40O Diedo den yedi Musa: «Coadi Isidayeli yaaba bonjakpiala kuli, ki cili yaaba n pia ŋmaalo leni yaaba n cie yeni. Ŋan diani bikuli yela. 41Ŋan paadi Levi buolu, ke ban gaa n po Isidayeli yaaba bonjakpiala kaanu, ki yaa tie mini o Diedo n die yaaba. Bi yandi moko baa gaa n po Isidayeli yaaba yandi yantonkpiamu kaanu, ki yaa tie min die yaa yandi.» 42Musa den coadi Isidayeli yaaba bonjakpiala kuli, nani o Diedo n den yedi o maama. 43Ban den coadi Isidayeli yaaba bonjakpiala yaaba, ki cili yaaba n pia ŋmaalo leni yaaba n den cie yeni kuli, den taani ki fii piilie n tudalie n kobilie n piilele n nibitaa (22 273).
44O Diedo den maadi leni Musa, ki yedi: 45«Ŋan paadi Levi buolu, ke ban gaa n po Isidayeli yaaba bonjakpiala kaanu, ki yaa tie mini o Diedo n die yaaba. Ŋan paadi bi yandi moko, ke tin gaa Isidayeli yaaba yantonkpiamu kaanu, ki yaa tie mini o Diedo n die yaa yandi. Levi yaaba baa yaa tie min die yaaba. N tie Li Miali Diedo. 46Isidayeli yaaba bonjakpiala coali cie Levi buolu, kobilie n piilele n nibitaa. Bi yaa daafaabima tie line: 47Ŋan bili kujapienamuu pani yuakuli po. Ŋan baa gaa yaa kujapiena yeni kpiagu n yaa da leni u kaangagidiŋamu yaa kujapienli kpiagu, lani n tie gera piilie. 48Ŋan teni Alono leni o bijaba laa kujapiena, yaa niba n paani yeni, daafaabima po.» 49Musa den gaa a kujapiena yeni, yaaba n ki baa Levi buolu daafaabima yeni kani. 50O den gaa i ligi Isidayeli yaaba bonjakpiala kani, ke li den tie tudili n kobitaa n piiluoba n kujapienamuu (1 365), nani u kaangagidiŋamu yaa kujapienli yeni. 51Musa den taa mi daafaabima kujapiena, ki teni Alono leni o bijaba ki ŋoadi o Diedo ñoamabonli, nani o Diedo n den puogi o.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.