Mi Coadima 17
17
Kore cagili yaaba fantantiadi
1O Diedo den maadi leni Musa, ki yedi: 2«Yedi o kopadiciamo Alono bijua Eleasari, ke wan ñani u mu nni, ti fantantiadi yeni, ki ban wuli yaa mukuana n ye lienni foagima, kelima ti tie yaa tiadi n gagidi. 3Ban taa yaa niba n den tieni ti tuonbiadi, ki kpe n den kubi yaa tiadi yeni, ki pua ki tieni ti kucabidi ki bobini li padibinbinli, kelima bi cuani o Diedo nintuali yaa tiadi n gagidi. Ti baa yaa tie maalima Isidayeli yaaba po.»
4O kopadiciamo Eleasari den taa u mu n dini yaaba, n den kubi yaa kumoantiadi yeni, ki pua ki tieni ti kucabidi, ki baa bobini li padibinbinli. 5Li tie bontiadikaala Isidayeli yaaba po, ke nilamo yua n ki tie Alono puoliŋuanu kan nagini ke o baa padi o Diedo nintuali tulale. Nani o Diedo n den waani Musa maama, yua n nia ki tieni la, o baa soani li daano, nani wan den soani Kore leni o cagili yaaba maama yeni.
Ku niligu yenbidi Musa leni Alono po
6Lan den fii ki faa, li nitaanli kuli den yenbidi Musa leni Alono po, ki tua: «Yinba n li kpa o Diedo niba.» 7Isidayeli yaaba kuli den taani ki fii Musa leni Alono po. Bimo den ban gbegidi diidi u Kadikaanu Gbandieli. Ku tawaligu den ŋoagini li, ke o Diedo kpiagidi mo den doagidi. 8Musa leni Alono den gedi u Kadikaanu Gbandieli buliñoabu kani. #Heb 9.4. 9O Diedo den maadi leni Musa, ki yedi: 10«Ña mani yaa nitaanli n tie ne siiga, ke n baa bolini li yenma.» Bi den baa ki labini tiipo. 11Musa den yedi Alono: «Taa ku fantantiagu, ki ñani li padibinbinli po u mu, ki tieni lienni. Ŋan tieni lienni tulale, ki sani ki gedi tonma li nitaanli po, ki ban mia bi po ti tuonbiadi sugili, kelima o Diedo pali fii, hali ke u yianbolinko cili ku niligu nni.»
12Alono den taa ku fantantiagu, nani Musa n den yedi o maama, ki sani ki gedi li nitaanli siiga. Li den sua ke u yianbolinko yeni cili ku niligu nno. O den juu tulale yeni, ki mia sugili ku niligu po. 13O den poani ki sedi, a tinkpila leni yaaba n fo siiga, ke u yianbolinko yeni den sedi. 14U yianbolinko yeni den dini piiga n tudanaa n niba kobilele (14 700), kaa taa leni yaaba n den kpe leni Kore. 15U yianbolinko n den sedi, Alono den lebidi, ki guani Musa kani, u Kadikaanu Gbandieli buliñoabu kani.
Alono gbiamu
16O Diedo den maadi leni Musa, ki yedi: 17«Maadi leni Isidayeli yaaba, ki teni buolu kuli yudaano n teni gbiamu. Likuli baa taani ki fii piiga n gbiamilie, ŋan diani yuakuli yeli o gbiamu po. 18Ŋan diani Alono yeli Levi buolu yaa gbiamu po, kelima buolu kuli yudaano baa yaa pia o gbiamu. 19Ŋan bili laa gbiami u Kadikaanu Gbandieli nni, ku ŋantaadikpaku kani, min yen doagidi n yuli yi po naani. 20Min baa gandi yaa joa yeni, yaa gbiamu baa bundi. Lani, n baa teni Isidayeli yaaba n pia n po yaa yenbidi kuli n gbeni.»
21Musa den maadi leni Isidayeli yaaba, ke bi yudanba kuli den teni bi gbiami, buolu kuli yudaano gbiamu, i kuli den taani ki fii, piiga n gbiamilie. Alono yaa gbiamu moko den ye i gbiami siiga. 22Musa den bili i gbiami yeni, li siedigbandieli nni. 23Lan den fii ki faa, Musa den kua li siedigbandieli nni, ki sua ke Levi buolu Alono yaa gbiamu yeni bundi. U den bundi ki tieni mi puuma, ki loni amandie bonluonkaala, ke li beni. #Heb 9.4. 24Musa den taa i gbiami yeni kuli o Diedo nintuali, ki gedi ki ban waani yi Isidayeli yaaba. Bikuli den laa yi, ke yudaano mo kuli, goa ki gaa o yaa gbiamu.
25O Diedo den yedi Musa: «Guani Alono yaa gbiamu ki ban bili u ku ŋantaadikpaku kani, ke wun yaa ye lankani ki tiadi Isidayeli yaaba ke bi tie yaa niba n pia mi yiema. Lani n tie ŋan teni ban pia n po yaa yenbidi n gbeni, ban da go kpe mo.»
26Musa den tieni yeni. O den tieni nani o Diedo n den puogi o maama.
27Isidayeli yaaba den yedi Musa: «Diidi ti ku, tikuli baa kpe ki gbeni! 28Yua n nagini o Diedo gbandieli kuli se wan kpe. Lanwani, naani tikuli baa kpe ki gbeni yeni yo?»
Currently Selected:
Mi Coadima 17: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
Mi Coadima 17
17
Kore cagili yaaba fantantiadi
1O Diedo den maadi leni Musa, ki yedi: 2«Yedi o kopadiciamo Alono bijua Eleasari, ke wan ñani u mu nni, ti fantantiadi yeni, ki ban wuli yaa mukuana n ye lienni foagima, kelima ti tie yaa tiadi n gagidi. 3Ban taa yaa niba n den tieni ti tuonbiadi, ki kpe n den kubi yaa tiadi yeni, ki pua ki tieni ti kucabidi ki bobini li padibinbinli, kelima bi cuani o Diedo nintuali yaa tiadi n gagidi. Ti baa yaa tie maalima Isidayeli yaaba po.»
4O kopadiciamo Eleasari den taa u mu n dini yaaba, n den kubi yaa kumoantiadi yeni, ki pua ki tieni ti kucabidi, ki baa bobini li padibinbinli. 5Li tie bontiadikaala Isidayeli yaaba po, ke nilamo yua n ki tie Alono puoliŋuanu kan nagini ke o baa padi o Diedo nintuali tulale. Nani o Diedo n den waani Musa maama, yua n nia ki tieni la, o baa soani li daano, nani wan den soani Kore leni o cagili yaaba maama yeni.
Ku niligu yenbidi Musa leni Alono po
6Lan den fii ki faa, li nitaanli kuli den yenbidi Musa leni Alono po, ki tua: «Yinba n li kpa o Diedo niba.» 7Isidayeli yaaba kuli den taani ki fii Musa leni Alono po. Bimo den ban gbegidi diidi u Kadikaanu Gbandieli. Ku tawaligu den ŋoagini li, ke o Diedo kpiagidi mo den doagidi. 8Musa leni Alono den gedi u Kadikaanu Gbandieli buliñoabu kani. #Heb 9.4. 9O Diedo den maadi leni Musa, ki yedi: 10«Ña mani yaa nitaanli n tie ne siiga, ke n baa bolini li yenma.» Bi den baa ki labini tiipo. 11Musa den yedi Alono: «Taa ku fantantiagu, ki ñani li padibinbinli po u mu, ki tieni lienni. Ŋan tieni lienni tulale, ki sani ki gedi tonma li nitaanli po, ki ban mia bi po ti tuonbiadi sugili, kelima o Diedo pali fii, hali ke u yianbolinko cili ku niligu nni.»
12Alono den taa ku fantantiagu, nani Musa n den yedi o maama, ki sani ki gedi li nitaanli siiga. Li den sua ke u yianbolinko yeni cili ku niligu nno. O den juu tulale yeni, ki mia sugili ku niligu po. 13O den poani ki sedi, a tinkpila leni yaaba n fo siiga, ke u yianbolinko yeni den sedi. 14U yianbolinko yeni den dini piiga n tudanaa n niba kobilele (14 700), kaa taa leni yaaba n den kpe leni Kore. 15U yianbolinko n den sedi, Alono den lebidi, ki guani Musa kani, u Kadikaanu Gbandieli buliñoabu kani.
Alono gbiamu
16O Diedo den maadi leni Musa, ki yedi: 17«Maadi leni Isidayeli yaaba, ki teni buolu kuli yudaano n teni gbiamu. Likuli baa taani ki fii piiga n gbiamilie, ŋan diani yuakuli yeli o gbiamu po. 18Ŋan diani Alono yeli Levi buolu yaa gbiamu po, kelima buolu kuli yudaano baa yaa pia o gbiamu. 19Ŋan bili laa gbiami u Kadikaanu Gbandieli nni, ku ŋantaadikpaku kani, min yen doagidi n yuli yi po naani. 20Min baa gandi yaa joa yeni, yaa gbiamu baa bundi. Lani, n baa teni Isidayeli yaaba n pia n po yaa yenbidi kuli n gbeni.»
21Musa den maadi leni Isidayeli yaaba, ke bi yudanba kuli den teni bi gbiami, buolu kuli yudaano gbiamu, i kuli den taani ki fii, piiga n gbiamilie. Alono yaa gbiamu moko den ye i gbiami siiga. 22Musa den bili i gbiami yeni, li siedigbandieli nni. 23Lan den fii ki faa, Musa den kua li siedigbandieli nni, ki sua ke Levi buolu Alono yaa gbiamu yeni bundi. U den bundi ki tieni mi puuma, ki loni amandie bonluonkaala, ke li beni. #Heb 9.4. 24Musa den taa i gbiami yeni kuli o Diedo nintuali, ki gedi ki ban waani yi Isidayeli yaaba. Bikuli den laa yi, ke yudaano mo kuli, goa ki gaa o yaa gbiamu.
25O Diedo den yedi Musa: «Guani Alono yaa gbiamu ki ban bili u ku ŋantaadikpaku kani, ke wun yaa ye lankani ki tiadi Isidayeli yaaba ke bi tie yaa niba n pia mi yiema. Lani n tie ŋan teni ban pia n po yaa yenbidi n gbeni, ban da go kpe mo.»
26Musa den tieni yeni. O den tieni nani o Diedo n den puogi o maama.
27Isidayeli yaaba den yedi Musa: «Diidi ti ku, tikuli baa kpe ki gbeni! 28Yua n nagini o Diedo gbandieli kuli se wan kpe. Lanwani, naani tikuli baa kpe ki gbeni yeni yo?»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.