Mi Coadima 1
1
Li coali
1—4
Isidayeli buoli yaaba coadikpiali
1Isidayeli yaaba ñama Ejipiti binlieli, cilie dakpiali, o Diedo den maadi leni Musa li gbandieli nni, ki yedi: 2«Fini leni Alono n coadi#1.2 Mi Coadima tili ne yeli yegi leni U Tienu n den puogi Musa n tieni yaaba n ñani Ejipiti nni kuli yaa coali. Isidayeli yaaba nitaanli kuli. Yin diani bi jaba kuli yela, yuakuli leni o buolu leni o diegu. 3Fini leni Alono, yin coadi yaa jaba n ye Isidayeli yaaba toacaga nni, ki pundi bina piilie bi ki cie, ki baa fidi ki gedi bu toabu. 4Yin gandi buolu kuli siiga diedanyendo, wan yaa todi yi. 5Yaa jaba n baa yaa todi yi, baa yaa tie bine:
Rubeni buolu nni, Sedewuri bijua Elitisuri.
6Simeon buolu nni, Tisulisadayi bijua, Selumieli.
7Juda buolu nni, Aminadabi bijua Nasoni.
8Isakari buolu nni, Tisuari bijua Netaneyeli.
9Sabuloni buolu nni, Heloni bijua Eliabi.
10Josefi bijaba siiga, Efrayimi buolu nni, Amihudi bijua Elisama.
Manase buolu nni, Pedatisuli bijua Gamilieli.
11Benjamen buolu nni, Gideyoni bijua Abidani.
12Dan buolu nni, Amisadayi bijua, Ahieseri.
13Aseri buolu nni, Okilani bijua, Pagieli.
14Gadi buolu nni, Dewuyeli bijua Eliasafi.
15Nefitali buolu nni, Enani bijua Ahila.»
16Laa niba n tie ban den yini yaaba. Bi den tie badijaba bi yaajanba buoli siiga, ki go tie Isidayeli toatieba tudili tudili yudanba. 17Lanwani, Musa leni Alono den taa laa jaba ban den gandi yaaba yeni, 18ki yini ki taani Isidayeli yaaba kuli, cilie dakpiali. Bi den kali ki baani laa jaba yela, ki coadi yaaba n den pia bina piilie leni yaaba n den cie bina piilie, ki ŋoadi yuakuli leni o buolu leni o diegu. 19Musa den coadi ba Sinayi fanpienma nni, nani o Diedo n den puogi o maama.
20Yaala n tie Jakob bijakpelo Rubeni bijaba po, ki ŋoadi bi buolu, bi cuubuliñoana leni bi diedi, joa kuli joa, ki cili yaaba n den pia bina piilie leni yaaba n den cie yeni, yaaba n den baa fidi ki taa jatiadi, 21ban den coadi yaaba Rubeni buolu nni, den tie jaba tuda piinaa n tudaluoba n kobimuu (46 500).
22Simeon bijaba po, ki ŋoadi bi buolu, bi cuubuliñoana leni bi diedi, joa kuli joa, ki cili yaaba n den pia bina piilie leni yaaba n den cie yeni, yaaba n den baa fidi ki taa jatiadi, 23ban den coadi yaaba Simeon buolu nni, den tie jaba tuda piimuu n tudayia n kobitaa (59 300).
24Gadi bijaba po, ki ŋoadi bi buolu, bi cuubuliñoana leni bi diedi, joa kuli joa, ki cili yaaba n den pia bina piilie leni yaaba n den cie yeni, yaaba n den baa fidi ki taa jatiadi, 25ban den coadi yaaba Gadi buolu nni, den tie jaba tuda piinaa n tudamuu n kobiluoba n piimuu (45 650).
26Juda bijaba po, ki ŋoadi bi buoli, bi cuubuliñoana leni bi diedi, joa kuli joa, ki cili yaaba n den pia bina piilie leni yaaba n den cie yeni, yaaba n den baa fidi ki taa jatiadi kuli, 27ban den coadi yaaba Juda buolu nni, den tie jaba tuda piilele n tudanaa n kobiluoba (74 600).
28Isakari bijaba po, ki ŋoadi bi buoli, bi cuubuliñoana leni bi diedi, joa kuli joa, ki cili yaaba n den pia bina piilie leni yaaba n den cie yeni, yaaba n den baa fidi ki taa jatiadi kuli, 29ban den coadi yaaba Isakari buolu nni, den tie jaba tuda piimuu n tudanaa n kobinaa (54 400).
30Sabuloni bijaba po, ki ŋoadi bi buoli, bi cuubuliñoana leni bi diedi, joa kuli joa, ki cili yaaba n den pia bina piilie leni yaaba n den cie yeni, yaaba n den baa fidi ki taa jatiadi, 31ban den coadi yaaba Sabuloni buolu nni, den tie jaba tuda piimuu n tudalele n kobinaa (57 400).
32Josefi bijaba, Efrayimi bijaba po, ki ŋoadi bi buoli, bi cuubuliñoana leni bi diedi, joa kuli joa, ki cili yaaba n den pia bina piilie leni yaaba n den cie yeni, yaaba n den baa fidi ki taa jatiadi kuli, 33ban den coadi yaaba Efrayimi buolu nni, den tie jaba tuda piinaa n kobimuu (40 500).
34Manase bijaba po, ki ŋoadi bi buoli, bi cuubuliñoana leni bi diedi, joa kuli joa, ki cili yaaba n den pia bina piilie leni yaaba n den cie yeni, yaaba n den baa fidi ki taa jatiadi kuli, 35ban den coadi yaaba Manase buolu nni, den tie jaba tuda piitaa n tudalie n kobilie (32 200).
36Benjamen bijaba po, ki ŋoadi bi buoli, bi cuubuliñoana leni bi diedi, joa kuli joa, ki cili yaaba n den pia bina piilie leni yaaba n den cie yeni, yaaba n den baa fidi ki taa jatiadi kuli, 37ban den coadi yaaba Benjamen buolu nni, den tie jaba tuda piitaa n tudamuu n kobinaa (35 400).
38Dan bijaba po, ki ŋoadi bi buoli, bi cuubuliñoana leni bi diedi, joa kuli joa, ki cili yaaba n den pia bina piilie leni yaaba n den cie yeni, yaaba n den baa fidi ki taa jatiadi kuli, 39ban den coadi yaaba Dan buolu nni, den tie jaba tuda piiluoba n tudalie n kobilele (62 700).
40Aseri bijaba po, ki ŋoadi bi buoli, bi cuubuliñoana leni bi diedi, joa kuli joa, ki cili yaaba n den pia bina piilie leni yaaba n den cie yeni, yaaba n den baa fidi ki taa jatiadi kuli, 41ban den coadi yaaba Aseri buolu nni, den tie jaba tuda piinaa n tudiyenli n kobimuu (41 500).
42Yaala n den tie Nefitali bijaba po, ki ŋoadi bi buoli, bi cuubuliñoana leni bi diedi, joa kuli joa, ki cili yaaba n den pia bina piilie leni yaaba n den cie yeni, yaaba n den baa fidi ki taa jatiadi kuli, 43ban den coadi yaaba Nefitali buolu nni, den tie jaba tuda piimuu n tudataa n kobinaa (53 400).
44Bani n tie Musa, Alono leni Isidayeli piiga n badijaliediba n den coadi yaaba. Buolu kuli nni, niyendo. 45Ban den coadi Isidayeli yaaba siiga yaaba kuli, ki ŋoadi bi diedi, ki cili yaaba n den pia bina piilie leni yaaba n den cie yeni, Isidayeli yaaba, yaaba n den baa fidi ki taa jatiadi kuli, 46ban den coadi yaaba kuli den taani, ki tie jaba tuda kobiluoba n tudataa n kobimuu n piimuu (603 550). #Coa 26.1-51.
Levi buolu tuonceli
47Baa den coadi ki taani Levi buolu leni yaa buoli n sieni.
48O Diedo den maadi leni Musa, ki yedi: 49«A yaa baa coadi Levi buolu, ŋan da coadi ki taani ba Isidayeli yaaba siiga. 50Ŋan puogi bani Levi buolu siedi gbandieli tuonli, li tiadi leni lin die yaala kuli. Bi baa yaa tugi li gbandieli yeni leni li tiadi kuli, ki go tuuni lienni n pia yaa tuona. Bi yen baa kpa bi nagili ki gaani li gbandieli yeni.
51Yi yaa baa fii kaanu, bani n baa kpaadi kpaadi li gbandieli. Yi yaa yen baa n sedi kaanu, ki kpaa yi nagili, bani n go baa kpaa li gbandieli. Yua n ki tie Levi buolu yua yaa nagini li, se wan kpe. 52Isidayeli yaaba, yuakuli baa kpaa o toanagili ki kuli leni o jakoandicabili, ki ŋoadi yuakuli leni o toacaga n tie maama. 53Ama Levi buolu wani baa kpaa bi toanagili ki lindi siedi gbandieli, yeni n tie n pali n da ti fii Isidayeli yaaba nitaanli po. Levi buolu n baa yaa kuu li siedi gbandieli.»
54Isidayeli yaaba den tieni o Diedo n den teni Musa yaa ñoamabona kuli, ki naa poadi liba kuli.
Currently Selected:
Mi Coadima 1: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
Mi Coadima 1
1
Li coali
1—4
Isidayeli buoli yaaba coadikpiali
1Isidayeli yaaba ñama Ejipiti binlieli, cilie dakpiali, o Diedo den maadi leni Musa li gbandieli nni, ki yedi: 2«Fini leni Alono n coadi#1.2 Mi Coadima tili ne yeli yegi leni U Tienu n den puogi Musa n tieni yaaba n ñani Ejipiti nni kuli yaa coali. Isidayeli yaaba nitaanli kuli. Yin diani bi jaba kuli yela, yuakuli leni o buolu leni o diegu. 3Fini leni Alono, yin coadi yaa jaba n ye Isidayeli yaaba toacaga nni, ki pundi bina piilie bi ki cie, ki baa fidi ki gedi bu toabu. 4Yin gandi buolu kuli siiga diedanyendo, wan yaa todi yi. 5Yaa jaba n baa yaa todi yi, baa yaa tie bine:
Rubeni buolu nni, Sedewuri bijua Elitisuri.
6Simeon buolu nni, Tisulisadayi bijua, Selumieli.
7Juda buolu nni, Aminadabi bijua Nasoni.
8Isakari buolu nni, Tisuari bijua Netaneyeli.
9Sabuloni buolu nni, Heloni bijua Eliabi.
10Josefi bijaba siiga, Efrayimi buolu nni, Amihudi bijua Elisama.
Manase buolu nni, Pedatisuli bijua Gamilieli.
11Benjamen buolu nni, Gideyoni bijua Abidani.
12Dan buolu nni, Amisadayi bijua, Ahieseri.
13Aseri buolu nni, Okilani bijua, Pagieli.
14Gadi buolu nni, Dewuyeli bijua Eliasafi.
15Nefitali buolu nni, Enani bijua Ahila.»
16Laa niba n tie ban den yini yaaba. Bi den tie badijaba bi yaajanba buoli siiga, ki go tie Isidayeli toatieba tudili tudili yudanba. 17Lanwani, Musa leni Alono den taa laa jaba ban den gandi yaaba yeni, 18ki yini ki taani Isidayeli yaaba kuli, cilie dakpiali. Bi den kali ki baani laa jaba yela, ki coadi yaaba n den pia bina piilie leni yaaba n den cie bina piilie, ki ŋoadi yuakuli leni o buolu leni o diegu. 19Musa den coadi ba Sinayi fanpienma nni, nani o Diedo n den puogi o maama.
20Yaala n tie Jakob bijakpelo Rubeni bijaba po, ki ŋoadi bi buolu, bi cuubuliñoana leni bi diedi, joa kuli joa, ki cili yaaba n den pia bina piilie leni yaaba n den cie yeni, yaaba n den baa fidi ki taa jatiadi, 21ban den coadi yaaba Rubeni buolu nni, den tie jaba tuda piinaa n tudaluoba n kobimuu (46 500).
22Simeon bijaba po, ki ŋoadi bi buolu, bi cuubuliñoana leni bi diedi, joa kuli joa, ki cili yaaba n den pia bina piilie leni yaaba n den cie yeni, yaaba n den baa fidi ki taa jatiadi, 23ban den coadi yaaba Simeon buolu nni, den tie jaba tuda piimuu n tudayia n kobitaa (59 300).
24Gadi bijaba po, ki ŋoadi bi buolu, bi cuubuliñoana leni bi diedi, joa kuli joa, ki cili yaaba n den pia bina piilie leni yaaba n den cie yeni, yaaba n den baa fidi ki taa jatiadi, 25ban den coadi yaaba Gadi buolu nni, den tie jaba tuda piinaa n tudamuu n kobiluoba n piimuu (45 650).
26Juda bijaba po, ki ŋoadi bi buoli, bi cuubuliñoana leni bi diedi, joa kuli joa, ki cili yaaba n den pia bina piilie leni yaaba n den cie yeni, yaaba n den baa fidi ki taa jatiadi kuli, 27ban den coadi yaaba Juda buolu nni, den tie jaba tuda piilele n tudanaa n kobiluoba (74 600).
28Isakari bijaba po, ki ŋoadi bi buoli, bi cuubuliñoana leni bi diedi, joa kuli joa, ki cili yaaba n den pia bina piilie leni yaaba n den cie yeni, yaaba n den baa fidi ki taa jatiadi kuli, 29ban den coadi yaaba Isakari buolu nni, den tie jaba tuda piimuu n tudanaa n kobinaa (54 400).
30Sabuloni bijaba po, ki ŋoadi bi buoli, bi cuubuliñoana leni bi diedi, joa kuli joa, ki cili yaaba n den pia bina piilie leni yaaba n den cie yeni, yaaba n den baa fidi ki taa jatiadi, 31ban den coadi yaaba Sabuloni buolu nni, den tie jaba tuda piimuu n tudalele n kobinaa (57 400).
32Josefi bijaba, Efrayimi bijaba po, ki ŋoadi bi buoli, bi cuubuliñoana leni bi diedi, joa kuli joa, ki cili yaaba n den pia bina piilie leni yaaba n den cie yeni, yaaba n den baa fidi ki taa jatiadi kuli, 33ban den coadi yaaba Efrayimi buolu nni, den tie jaba tuda piinaa n kobimuu (40 500).
34Manase bijaba po, ki ŋoadi bi buoli, bi cuubuliñoana leni bi diedi, joa kuli joa, ki cili yaaba n den pia bina piilie leni yaaba n den cie yeni, yaaba n den baa fidi ki taa jatiadi kuli, 35ban den coadi yaaba Manase buolu nni, den tie jaba tuda piitaa n tudalie n kobilie (32 200).
36Benjamen bijaba po, ki ŋoadi bi buoli, bi cuubuliñoana leni bi diedi, joa kuli joa, ki cili yaaba n den pia bina piilie leni yaaba n den cie yeni, yaaba n den baa fidi ki taa jatiadi kuli, 37ban den coadi yaaba Benjamen buolu nni, den tie jaba tuda piitaa n tudamuu n kobinaa (35 400).
38Dan bijaba po, ki ŋoadi bi buoli, bi cuubuliñoana leni bi diedi, joa kuli joa, ki cili yaaba n den pia bina piilie leni yaaba n den cie yeni, yaaba n den baa fidi ki taa jatiadi kuli, 39ban den coadi yaaba Dan buolu nni, den tie jaba tuda piiluoba n tudalie n kobilele (62 700).
40Aseri bijaba po, ki ŋoadi bi buoli, bi cuubuliñoana leni bi diedi, joa kuli joa, ki cili yaaba n den pia bina piilie leni yaaba n den cie yeni, yaaba n den baa fidi ki taa jatiadi kuli, 41ban den coadi yaaba Aseri buolu nni, den tie jaba tuda piinaa n tudiyenli n kobimuu (41 500).
42Yaala n den tie Nefitali bijaba po, ki ŋoadi bi buoli, bi cuubuliñoana leni bi diedi, joa kuli joa, ki cili yaaba n den pia bina piilie leni yaaba n den cie yeni, yaaba n den baa fidi ki taa jatiadi kuli, 43ban den coadi yaaba Nefitali buolu nni, den tie jaba tuda piimuu n tudataa n kobinaa (53 400).
44Bani n tie Musa, Alono leni Isidayeli piiga n badijaliediba n den coadi yaaba. Buolu kuli nni, niyendo. 45Ban den coadi Isidayeli yaaba siiga yaaba kuli, ki ŋoadi bi diedi, ki cili yaaba n den pia bina piilie leni yaaba n den cie yeni, Isidayeli yaaba, yaaba n den baa fidi ki taa jatiadi kuli, 46ban den coadi yaaba kuli den taani, ki tie jaba tuda kobiluoba n tudataa n kobimuu n piimuu (603 550). #Coa 26.1-51.
Levi buolu tuonceli
47Baa den coadi ki taani Levi buolu leni yaa buoli n sieni.
48O Diedo den maadi leni Musa, ki yedi: 49«A yaa baa coadi Levi buolu, ŋan da coadi ki taani ba Isidayeli yaaba siiga. 50Ŋan puogi bani Levi buolu siedi gbandieli tuonli, li tiadi leni lin die yaala kuli. Bi baa yaa tugi li gbandieli yeni leni li tiadi kuli, ki go tuuni lienni n pia yaa tuona. Bi yen baa kpa bi nagili ki gaani li gbandieli yeni.
51Yi yaa baa fii kaanu, bani n baa kpaadi kpaadi li gbandieli. Yi yaa yen baa n sedi kaanu, ki kpaa yi nagili, bani n go baa kpaa li gbandieli. Yua n ki tie Levi buolu yua yaa nagini li, se wan kpe. 52Isidayeli yaaba, yuakuli baa kpaa o toanagili ki kuli leni o jakoandicabili, ki ŋoadi yuakuli leni o toacaga n tie maama. 53Ama Levi buolu wani baa kpaa bi toanagili ki lindi siedi gbandieli, yeni n tie n pali n da ti fii Isidayeli yaaba nitaanli po. Levi buolu n baa yaa kuu li siedi gbandieli.»
54Isidayeli yaaba den tieni o Diedo n den teni Musa yaa ñoamabona kuli, ki naa poadi liba kuli.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.