Marki 4
4
I bonbii pagima kpanjama
(Mat 13.1-9; Luk 8.4-8)
1Jesu go den ye mi ñincianma kunu, ki bangi bi niba. Ku niligu den taani o kani boncianla, hali ke o kua ki kali ku ñinbiagu nni mi ñima nni. Ku niligu kuli den ye li wali po. #Luk 5.1-3. 2O den pua mi kpanjama ki bangi ba bonla boncianla, ki yedi ba o bangima yogunu: 3«Cengi mani! O kpakpaalo den ñani ki baa pagi o bonbuoli. 4Wan den pagini, i tiami den baa u sankunu ke ti bonyugiditi den cua ki dini yi. 5I tiami mo den baa ku tancaligu po, mi tama n ki yabi naani. I den pudi tontoni, kelima mi tama ki yabi likani. 6Ama u yienu n den paagi, i den mali ki kuodi, kelima jiinmoani ki den ye. 7I tiami mo den baa ti konkondi nni. Ti konkondi den fii leni yi, ki dini yi, ke yii loni. 8I tiami mo den baa ki tinŋanga nni. Yi den pudi ki kpedi ki pugidi, ki loni. I tiami den loni bonbiyenbu piitaa taa, i tiami piiluoba luoba, i tiami mo kobiga kobiga.» 9Lani, Jesu go den yedi ba: «Yua n pia a tuba ki baa gbadi, wan gbadi.»
Jesu n pua mi kpanjama yaala yaa po
(Mat 13.10-17; Luk 8.9-10)
10Jesu den foagidi leni ku niligu, yaaba n ŋua o leni bi piiga n niliediba den buali o mi kpanjama yeni bundima. 11O den yedi ba: «U Tienu puni yinba ke yin bandi yaa moamoani n duagi nitoaba po, lani n tie U Tienu diema n baa yaa tie maama. Ama yaaba n ki tie yi siiga yaaba, n baa pua ba mi kpanjama lani kuli po.
12Yeni bi baa yaa nua leni bi nuni,
Ki nan da le bi yama nni.
Bi baa yaa cengi leni bi tuba,
Ki nan kan bandi liba.
Lani n tie ke ban da lebidi bi pala,
Ki guani U Tienu kani,
Ki baa bi tuonbiadi sugili.» #Esa 6.9-10.
Jesu bundi i bonbii pagima kpanjama
(Mat 13.18-23; Luk 8.11-15)
13Jesu go den yedi: «Yii bandi mi naa kpanjama bundima yo? Li yaa tie yeni, yi baa gaa lede ki bandi yaa kpanjama n sieni?
14O kpakpaalo n pagini yaala tie U Tienu maama. 15Bi nitianba tie nani yaa bonbii n baa u sankunu yeni. Bi yaa gbadi U Tienu maama yaa yogunu, Sutaani n cua ki ñani yaa maama n pagi bi pala nni. 16Bi nitianba mo tie nani yaa bonbii n baa ku tancaligu nni yeni. Bi yaa gbadi U Tienu maama yaa yogunu, bi yen gaa ma tontoni leni li pamanli, 17ama baa pia jiinmoani bi pala nni. Bi kan juuni ki sedi. Mi yebiadima yaa cua, bi bi niba yaa waani ba fala, kelima U Tienu maama po, tontoni se ban gbali ki baa. 18Bi nitianba mo tie nani yaa bonbii n baa ti konkondi nni yeni. Bani mo n tie yaaba n gbadi U Tienu maama, 19ama mi yema yanyagidi, ŋalimani boandi leni bonbuakatoala kuli yen taani ki je U Tienu maama yeni, ki teni ke mi kan luoni puu. 20Bi nitianba mo tie nani yaa bonbii n baa ki tinŋanga nni yeni. Bani n tie yaaba n gbadi U Tienu maama, ki gaa ma ki luoni. Bi nitianba loni bonbiyenbu piitaa taa, bi tianba piiluoba luoba, bi tianba mo kobiga kobiga.»
Ki fidisanga kpanjama
(Luk 8.16-18)
21Jesu go den yedi ba: «Bi baa cuoni ki fidisanga ki taa li sancianli ki ŋoagini ga, bi baa sieni ga u duanu tiipo yo? Naani baa baa tuani ga u fidisantuankaanu po ka? #Mat 5.15; Luk 11.33. 22Liba kuli ki ye ki wuo ki kan wuodi. Liba kuli ki ye ki duagi ki kan doagidi. #Mat 10.26; Luk 12.2. 23Yua n pia a tuba ki baa gbadi wan gbadi.» 24O go den yedi ba: «Fangi mani yi yula leni yin gba yaa maama na. U Tienu baa taa yin biigidi nitoaba po leni yaa bonbiigikaala, ki biigi yimo yaa po, ki pugini yi po moko. #Mat 7.2; Luk 6.38. 25Bi baa pa yua n pia wan baa ki pugini, ama yua n ki pia, bi baa gaa o kani ba wan pia yaala.» #Mat 13.12; 25.29; Luk 19.26.
Yaa bonbibu n pudi ki kpedi kpanjama
26Jesu go den yedi: «U Tienu diema tie nani o nilo n pagi o bonbuoli u kuanu nni yeni. 27Wan guani, bi wan nua, li yensiinu leni li ñiagu kuli, i bonbuoli baa pudi ki go kpedi ke waa bani lan gaa maama. 28Ki tinga n tuuni la kani kiba. Li yen cili ti kagicandi, ki ŋoadi ti siandi, ki ŋoadi mi bima. 29Li bonluonkaala yaa beni, lanyogunu o baa kua lienni leni o moaciegu, kelima u jetaagu pundi.» #Jl 4.13.
Mutardi leni li dabinli kpanjama
(Mat 13.31-32,34; Luk 13.18-19)
30Jesu go den yedi: «Ti baa nandi U Tienu diema leni be? Ti baa pua lipo mi laa kpanjame? 31Li tie nani yaa kpintiigu bonbibu n wa ki yi mutardi bonbibu yeni. Ban buli bu u kuanu nni yaa yogunu, bu wa ki cie ŋanduna bonbii kuli. 32Ama bu yaa buli, bu yen pudi ki kpedi ki cie ti kpintiidi kuli, ki toa i benciami, hali maama ke ti bonyugiditi baa fidi ki yaa tiendi bi tiana bu soangu nni.»
33O den pua kpanjatoama boncianla yaama n naani leni yaama n tie ne, ki wangi bi niba o Laabaaliŋamo nani ban baa fidi ki gaa maama. 34Waa den maadi leni ba kaa pua mi kpanjama. Ama wani leni o ŋoadikaaba yaa den piadi ki ye bi bebe, o yen bundi bi po mikuli.
Jesu duani ku tafaaciangu
(Mat 8.23-27; Luk 8.22-25)
35Landaali yenjuagu, Jesu den yedi o ŋoadikaaba: «Tin duodi mani napo yaa boanjaali.» 36Lani, bi den cabi ku niligu ki kua Jesu n kaa yaa ñinbiagu nni, ki baa duoni o. Ñinbiatoadi moko den yegi leni o. 37Ku faabiadigu den fii, ki figi ki fiindi a ñinguona, ke a baali ku ñinbiagu nni, hali ke ku bua ki gbie. 38Ama Jesu den dua ki goa ku ñinbiagu juodima, ki kuli o yuli li yukunkuli. Bi den fundi o ki yedi o: «Canbaa, laa yia ŋa leni tin baa bodi?»
39O den fundi ki maadi leni ku faagu leni li bali ki yedi: «Cedi fuugu!» O go den yedi mi ñincianma: «Suoni!» Ku faagu den cuo ki sedi ke likuli duani salam. 40Lani, Jesu den buali ba: «Be n teni ke yi jie nanda? Yii daani yo?» 41Li fangili leni ti jawaandi den cuo ba boncianla, ke bi yedi biyaba: «One wani daa, o tie ŋme ke ba ku faagu leni mi ñincianma kuli tuo ki tiendi wan yedi yaala?»
Currently Selected:
Marki 4: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
Marki 4
4
I bonbii pagima kpanjama
(Mat 13.1-9; Luk 8.4-8)
1Jesu go den ye mi ñincianma kunu, ki bangi bi niba. Ku niligu den taani o kani boncianla, hali ke o kua ki kali ku ñinbiagu nni mi ñima nni. Ku niligu kuli den ye li wali po. #Luk 5.1-3. 2O den pua mi kpanjama ki bangi ba bonla boncianla, ki yedi ba o bangima yogunu: 3«Cengi mani! O kpakpaalo den ñani ki baa pagi o bonbuoli. 4Wan den pagini, i tiami den baa u sankunu ke ti bonyugiditi den cua ki dini yi. 5I tiami mo den baa ku tancaligu po, mi tama n ki yabi naani. I den pudi tontoni, kelima mi tama ki yabi likani. 6Ama u yienu n den paagi, i den mali ki kuodi, kelima jiinmoani ki den ye. 7I tiami mo den baa ti konkondi nni. Ti konkondi den fii leni yi, ki dini yi, ke yii loni. 8I tiami mo den baa ki tinŋanga nni. Yi den pudi ki kpedi ki pugidi, ki loni. I tiami den loni bonbiyenbu piitaa taa, i tiami piiluoba luoba, i tiami mo kobiga kobiga.» 9Lani, Jesu go den yedi ba: «Yua n pia a tuba ki baa gbadi, wan gbadi.»
Jesu n pua mi kpanjama yaala yaa po
(Mat 13.10-17; Luk 8.9-10)
10Jesu den foagidi leni ku niligu, yaaba n ŋua o leni bi piiga n niliediba den buali o mi kpanjama yeni bundima. 11O den yedi ba: «U Tienu puni yinba ke yin bandi yaa moamoani n duagi nitoaba po, lani n tie U Tienu diema n baa yaa tie maama. Ama yaaba n ki tie yi siiga yaaba, n baa pua ba mi kpanjama lani kuli po.
12Yeni bi baa yaa nua leni bi nuni,
Ki nan da le bi yama nni.
Bi baa yaa cengi leni bi tuba,
Ki nan kan bandi liba.
Lani n tie ke ban da lebidi bi pala,
Ki guani U Tienu kani,
Ki baa bi tuonbiadi sugili.» #Esa 6.9-10.
Jesu bundi i bonbii pagima kpanjama
(Mat 13.18-23; Luk 8.11-15)
13Jesu go den yedi: «Yii bandi mi naa kpanjama bundima yo? Li yaa tie yeni, yi baa gaa lede ki bandi yaa kpanjama n sieni?
14O kpakpaalo n pagini yaala tie U Tienu maama. 15Bi nitianba tie nani yaa bonbii n baa u sankunu yeni. Bi yaa gbadi U Tienu maama yaa yogunu, Sutaani n cua ki ñani yaa maama n pagi bi pala nni. 16Bi nitianba mo tie nani yaa bonbii n baa ku tancaligu nni yeni. Bi yaa gbadi U Tienu maama yaa yogunu, bi yen gaa ma tontoni leni li pamanli, 17ama baa pia jiinmoani bi pala nni. Bi kan juuni ki sedi. Mi yebiadima yaa cua, bi bi niba yaa waani ba fala, kelima U Tienu maama po, tontoni se ban gbali ki baa. 18Bi nitianba mo tie nani yaa bonbii n baa ti konkondi nni yeni. Bani mo n tie yaaba n gbadi U Tienu maama, 19ama mi yema yanyagidi, ŋalimani boandi leni bonbuakatoala kuli yen taani ki je U Tienu maama yeni, ki teni ke mi kan luoni puu. 20Bi nitianba mo tie nani yaa bonbii n baa ki tinŋanga nni yeni. Bani n tie yaaba n gbadi U Tienu maama, ki gaa ma ki luoni. Bi nitianba loni bonbiyenbu piitaa taa, bi tianba piiluoba luoba, bi tianba mo kobiga kobiga.»
Ki fidisanga kpanjama
(Luk 8.16-18)
21Jesu go den yedi ba: «Bi baa cuoni ki fidisanga ki taa li sancianli ki ŋoagini ga, bi baa sieni ga u duanu tiipo yo? Naani baa baa tuani ga u fidisantuankaanu po ka? #Mat 5.15; Luk 11.33. 22Liba kuli ki ye ki wuo ki kan wuodi. Liba kuli ki ye ki duagi ki kan doagidi. #Mat 10.26; Luk 12.2. 23Yua n pia a tuba ki baa gbadi wan gbadi.» 24O go den yedi ba: «Fangi mani yi yula leni yin gba yaa maama na. U Tienu baa taa yin biigidi nitoaba po leni yaa bonbiigikaala, ki biigi yimo yaa po, ki pugini yi po moko. #Mat 7.2; Luk 6.38. 25Bi baa pa yua n pia wan baa ki pugini, ama yua n ki pia, bi baa gaa o kani ba wan pia yaala.» #Mat 13.12; 25.29; Luk 19.26.
Yaa bonbibu n pudi ki kpedi kpanjama
26Jesu go den yedi: «U Tienu diema tie nani o nilo n pagi o bonbuoli u kuanu nni yeni. 27Wan guani, bi wan nua, li yensiinu leni li ñiagu kuli, i bonbuoli baa pudi ki go kpedi ke waa bani lan gaa maama. 28Ki tinga n tuuni la kani kiba. Li yen cili ti kagicandi, ki ŋoadi ti siandi, ki ŋoadi mi bima. 29Li bonluonkaala yaa beni, lanyogunu o baa kua lienni leni o moaciegu, kelima u jetaagu pundi.» #Jl 4.13.
Mutardi leni li dabinli kpanjama
(Mat 13.31-32,34; Luk 13.18-19)
30Jesu go den yedi: «Ti baa nandi U Tienu diema leni be? Ti baa pua lipo mi laa kpanjame? 31Li tie nani yaa kpintiigu bonbibu n wa ki yi mutardi bonbibu yeni. Ban buli bu u kuanu nni yaa yogunu, bu wa ki cie ŋanduna bonbii kuli. 32Ama bu yaa buli, bu yen pudi ki kpedi ki cie ti kpintiidi kuli, ki toa i benciami, hali maama ke ti bonyugiditi baa fidi ki yaa tiendi bi tiana bu soangu nni.»
33O den pua kpanjatoama boncianla yaama n naani leni yaama n tie ne, ki wangi bi niba o Laabaaliŋamo nani ban baa fidi ki gaa maama. 34Waa den maadi leni ba kaa pua mi kpanjama. Ama wani leni o ŋoadikaaba yaa den piadi ki ye bi bebe, o yen bundi bi po mikuli.
Jesu duani ku tafaaciangu
(Mat 8.23-27; Luk 8.22-25)
35Landaali yenjuagu, Jesu den yedi o ŋoadikaaba: «Tin duodi mani napo yaa boanjaali.» 36Lani, bi den cabi ku niligu ki kua Jesu n kaa yaa ñinbiagu nni, ki baa duoni o. Ñinbiatoadi moko den yegi leni o. 37Ku faabiadigu den fii, ki figi ki fiindi a ñinguona, ke a baali ku ñinbiagu nni, hali ke ku bua ki gbie. 38Ama Jesu den dua ki goa ku ñinbiagu juodima, ki kuli o yuli li yukunkuli. Bi den fundi o ki yedi o: «Canbaa, laa yia ŋa leni tin baa bodi?»
39O den fundi ki maadi leni ku faagu leni li bali ki yedi: «Cedi fuugu!» O go den yedi mi ñincianma: «Suoni!» Ku faagu den cuo ki sedi ke likuli duani salam. 40Lani, Jesu den buali ba: «Be n teni ke yi jie nanda? Yii daani yo?» 41Li fangili leni ti jawaandi den cuo ba boncianla, ke bi yedi biyaba: «One wani daa, o tie ŋme ke ba ku faagu leni mi ñincianma kuli tuo ki tiendi wan yedi yaala?»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.