Matie 6
6
Mi ŋanma tienma
1Fangi mani yi yula ki da tiendi yi tuonŋama asala nni ke bi niba n le. Yi yaa tiendi yeni, yi kan baa panpaaniba kuli yi Baa yua n ye tanpoli kani. #Mat 23.5.
2Lanwani, a yaa tieni mi ŋanma, ŋan da piebi kakaci nani palalie danba n tiendi maama li bali maama bangima diena nni leni i sani nni, ke bi niba n kpiagi ba. N waani yi i moamoani, bi baa bi panpaani n yeni. 3Ama a yaa tieni mi ŋanma, da cedi a ganu n bandi a jienu n tiendi yaala, 4ke a ŋanma n yaa tiendi ŋasiili nni. A Baa yua n nua ŋasiili nni n baa guani a la.
Jesu n yedi yaala i jaandi po
(Luk 11.2-4)
5Yi yaa jaandi, yin da tie nani palalie danba yaaba n bua ki yaa se li bali maama bangima diena nni leni a sankada nni ki jaandi, ke bi niba n le. N waani yi i moamoani, bi baa bi panpaani n yeni. #Luk 18.10-14. 6Ama fini, a yaa baa jaandi, kua a dieli nni ki luoni a buliñoabu, ki jaandi a Baa yua n ye likani ŋasiili nni. Wani a Baa yua n nua ŋasiili nni n baa guani a la.
7Yi yaa jaandi, yin da figili mi maama fanma fanma, nani bi nilanba n tiendi maama. Bi tama ke U Tienu baa cengi ba kelima bi macianma po. 8Da tiendi mani nani bani, kelima yi Baa U Tienu bani yin luo yaala hali ke yi daa mia o. 9Diidi mani yin baa yaa jaandi maama:
Ti Baa yua n ye tanpoli,
Teni bi niba kuli n bandi ke a gagidi ki ŋani.
10Teni a diema n cua,
A yanbuama mo n tieni ki tinga po,
Nani man tiendi tanpoli po maama.
11Pa ti yaa jiema n baa dagidi ti dinla.
12Tieni sugili ti tudima po
Nani timoko n tieni sugili yaaba n tudi ti po maama yeni.
13Da tuo tin baa mi tulinma nni,
Ama ŋan gaa ti o Biado kani.#6.13 A titiama nni bi pugini ki yedi: “Kelima fini n die li bali, u paalu leni ti kpiagidi hali yaa yogunu kuli. Amina!”
14Yi yaa puni yaa niba n tudi yi po sugili, yi Baa yua n ye tanpoli mo baa pa yi sugili. #Mrk 11.25-26. 15Ama yi yàá puni bi niba sugili, yi Baa moko kan pa yi sugili yi yaa tagili po.
Jesu n yedi yaala mi ñoalolima po
16Yi yaa luo bu ñoabu yaa yogunu,#6.16 Lanyogunu yaa Jufinba n fangi U Tienu den maani ki luo bu ñoabu atani leni alamusa kuli. da biidi mani yi nunmu nani palalie danba, yaaba n biidi bi nunmu ki baa waani bi niba ke bi luo bu ñoabu yeni. N waani yi i moamoani, bi baa bi panpaani n yeni. 17Ama fini, a yaa luo bu ñoabu, ŋan fa a nunga ki sogi tulale, 18ke bi niba n da bandi ke a luo bu ñoabu. Ama a Baa yua n ye ŋasiili nni bebe n yaa bani. Wani a Baa yua n nua ŋasiili nni n baa guani a la.
Tanpoli ŋalimani
(Luk 12.33-34)
19Da biliti mani yi ŋalimano ŋanduna nni, ti lulugidi leni i tantonmoani n baa yaa bolindi naankani, a suuda n baa kua ki su naani. #Jak 5.2-3. 20Ama yin yaa biliti yi ŋalimano tanpoli po, ti lulugidi leni i tantonmoani n kan bolini naankani, a suuda mo n kan kua ki su naankani. 21Yi ŋalimano n ye naankani, yi yantiana mo baa yaa ye lankane.
Ti gbanandi yenma
(Luk 11.34-36)
22Bu nunbu n tie ti gbanandi fidisanga. Lanwani, a nunbu yaa ŋani, a gbanandi kuli baa yaa yieni bonŋanla. 23ama a nunbu yàá ŋani, a gbanandi kuli baa yaa ye li biigili nni. Yaa yenma n ye a niinni yaa tie biigili, laa biigili baa yaa yabi boncianla.
A kan fidi ki yaa tuuni canbaanba lie po
(Luk 16.13)
24Oba kuli kan fidi ki yaa tuuni canbaanbilie po, kelima o yàá baa nani o canbaankpialo ki bua o canbaanlielo, o nan baa yaa taabi o kpialo ki fali o lielo wani. Yi kan fidi ki yaa taa ki tuuni U Tienu leni ŋalimani po.
Dugi U Tienu po
(Luk 12.22-31)
25Li tie lani yaa po ke n yedi yi, da yagi mani yi yama yi miana yema po, li bonjekaala leni li bonñokaala po leni yi gbanandi bonyiekaala po. Yii bani ke li miali cie mi jiema, ke ti gbanandi mo cie ti tiayiekaadi? 26Diidi mani ti bonyugiditi, baa coagi, baa yendi, baa wuo ki kuodi liba a buana nni. Ama yi Baa yua n ye tanpoli n dindi ba. Yii bani ke yi pia mayuli ki cie ti bonyugiditi? 27Yi siiga ŋme yaa yanyagidi po n baa teni wan fidi ki foagidi o miali dana ba waamu?
28Lanwani, be yaa po ke yi bangi li bonyiekaala po? Diidi mani mi moapuuma n ye maama. Maa tuuni, maa pia gaali, 29ba yeni, n yedi yi ke ba o bado Salomon leni o kpiagiciandi kuli, waa den bobi ki pundi mi siiga ba yenma. #1Bad 10.4-7; 2Baj 9.3-6. 30U Tienu yaa bobindi yaa muadi n ye ku muagu nni dinla, ke bi baa fa ki taa ti ki cuoni u mu u fanu nni, laa pia kuli tama ke o baa yieni yi mo, yinba yaaba yaa dandanli n ki fuu. Yeni ka? 31Lani yaa po, da yagini mani yi yama ki tua: ‹Ti baa je be? Ti baa ño be? Ti baa yie be?› 32Laa bonla kuli tie yaaba n ki bani U Tienu n lingi yaale. Yi Baa yua n ye tanpoli bani ke laa bonla kuli tie yi po tiladi. 33Yin kpa lingi mani U Tienu diema leni o yaa teginma, lani, laa bonla kuli baa yuandi ki pugini yi po. 34Lanwani, da yagini mani yi yama saala po, kelima saala baa yaa pia o yanyagidi o yuli po. Daali kuli pia li yaa fala, ke li dagidi.
Currently Selected:
Matie 6: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
Matie 6
6
Mi ŋanma tienma
1Fangi mani yi yula ki da tiendi yi tuonŋama asala nni ke bi niba n le. Yi yaa tiendi yeni, yi kan baa panpaaniba kuli yi Baa yua n ye tanpoli kani. #Mat 23.5.
2Lanwani, a yaa tieni mi ŋanma, ŋan da piebi kakaci nani palalie danba n tiendi maama li bali maama bangima diena nni leni i sani nni, ke bi niba n kpiagi ba. N waani yi i moamoani, bi baa bi panpaani n yeni. 3Ama a yaa tieni mi ŋanma, da cedi a ganu n bandi a jienu n tiendi yaala, 4ke a ŋanma n yaa tiendi ŋasiili nni. A Baa yua n nua ŋasiili nni n baa guani a la.
Jesu n yedi yaala i jaandi po
(Luk 11.2-4)
5Yi yaa jaandi, yin da tie nani palalie danba yaaba n bua ki yaa se li bali maama bangima diena nni leni a sankada nni ki jaandi, ke bi niba n le. N waani yi i moamoani, bi baa bi panpaani n yeni. #Luk 18.10-14. 6Ama fini, a yaa baa jaandi, kua a dieli nni ki luoni a buliñoabu, ki jaandi a Baa yua n ye likani ŋasiili nni. Wani a Baa yua n nua ŋasiili nni n baa guani a la.
7Yi yaa jaandi, yin da figili mi maama fanma fanma, nani bi nilanba n tiendi maama. Bi tama ke U Tienu baa cengi ba kelima bi macianma po. 8Da tiendi mani nani bani, kelima yi Baa U Tienu bani yin luo yaala hali ke yi daa mia o. 9Diidi mani yin baa yaa jaandi maama:
Ti Baa yua n ye tanpoli,
Teni bi niba kuli n bandi ke a gagidi ki ŋani.
10Teni a diema n cua,
A yanbuama mo n tieni ki tinga po,
Nani man tiendi tanpoli po maama.
11Pa ti yaa jiema n baa dagidi ti dinla.
12Tieni sugili ti tudima po
Nani timoko n tieni sugili yaaba n tudi ti po maama yeni.
13Da tuo tin baa mi tulinma nni,
Ama ŋan gaa ti o Biado kani.#6.13 A titiama nni bi pugini ki yedi: “Kelima fini n die li bali, u paalu leni ti kpiagidi hali yaa yogunu kuli. Amina!”
14Yi yaa puni yaa niba n tudi yi po sugili, yi Baa yua n ye tanpoli mo baa pa yi sugili. #Mrk 11.25-26. 15Ama yi yàá puni bi niba sugili, yi Baa moko kan pa yi sugili yi yaa tagili po.
Jesu n yedi yaala mi ñoalolima po
16Yi yaa luo bu ñoabu yaa yogunu,#6.16 Lanyogunu yaa Jufinba n fangi U Tienu den maani ki luo bu ñoabu atani leni alamusa kuli. da biidi mani yi nunmu nani palalie danba, yaaba n biidi bi nunmu ki baa waani bi niba ke bi luo bu ñoabu yeni. N waani yi i moamoani, bi baa bi panpaani n yeni. 17Ama fini, a yaa luo bu ñoabu, ŋan fa a nunga ki sogi tulale, 18ke bi niba n da bandi ke a luo bu ñoabu. Ama a Baa yua n ye ŋasiili nni bebe n yaa bani. Wani a Baa yua n nua ŋasiili nni n baa guani a la.
Tanpoli ŋalimani
(Luk 12.33-34)
19Da biliti mani yi ŋalimano ŋanduna nni, ti lulugidi leni i tantonmoani n baa yaa bolindi naankani, a suuda n baa kua ki su naani. #Jak 5.2-3. 20Ama yin yaa biliti yi ŋalimano tanpoli po, ti lulugidi leni i tantonmoani n kan bolini naankani, a suuda mo n kan kua ki su naankani. 21Yi ŋalimano n ye naankani, yi yantiana mo baa yaa ye lankane.
Ti gbanandi yenma
(Luk 11.34-36)
22Bu nunbu n tie ti gbanandi fidisanga. Lanwani, a nunbu yaa ŋani, a gbanandi kuli baa yaa yieni bonŋanla. 23ama a nunbu yàá ŋani, a gbanandi kuli baa yaa ye li biigili nni. Yaa yenma n ye a niinni yaa tie biigili, laa biigili baa yaa yabi boncianla.
A kan fidi ki yaa tuuni canbaanba lie po
(Luk 16.13)
24Oba kuli kan fidi ki yaa tuuni canbaanbilie po, kelima o yàá baa nani o canbaankpialo ki bua o canbaanlielo, o nan baa yaa taabi o kpialo ki fali o lielo wani. Yi kan fidi ki yaa taa ki tuuni U Tienu leni ŋalimani po.
Dugi U Tienu po
(Luk 12.22-31)
25Li tie lani yaa po ke n yedi yi, da yagi mani yi yama yi miana yema po, li bonjekaala leni li bonñokaala po leni yi gbanandi bonyiekaala po. Yii bani ke li miali cie mi jiema, ke ti gbanandi mo cie ti tiayiekaadi? 26Diidi mani ti bonyugiditi, baa coagi, baa yendi, baa wuo ki kuodi liba a buana nni. Ama yi Baa yua n ye tanpoli n dindi ba. Yii bani ke yi pia mayuli ki cie ti bonyugiditi? 27Yi siiga ŋme yaa yanyagidi po n baa teni wan fidi ki foagidi o miali dana ba waamu?
28Lanwani, be yaa po ke yi bangi li bonyiekaala po? Diidi mani mi moapuuma n ye maama. Maa tuuni, maa pia gaali, 29ba yeni, n yedi yi ke ba o bado Salomon leni o kpiagiciandi kuli, waa den bobi ki pundi mi siiga ba yenma. #1Bad 10.4-7; 2Baj 9.3-6. 30U Tienu yaa bobindi yaa muadi n ye ku muagu nni dinla, ke bi baa fa ki taa ti ki cuoni u mu u fanu nni, laa pia kuli tama ke o baa yieni yi mo, yinba yaaba yaa dandanli n ki fuu. Yeni ka? 31Lani yaa po, da yagini mani yi yama ki tua: ‹Ti baa je be? Ti baa ño be? Ti baa yie be?› 32Laa bonla kuli tie yaaba n ki bani U Tienu n lingi yaale. Yi Baa yua n ye tanpoli bani ke laa bonla kuli tie yi po tiladi. 33Yin kpa lingi mani U Tienu diema leni o yaa teginma, lani, laa bonla kuli baa yuandi ki pugini yi po. 34Lanwani, da yagini mani yi yama saala po, kelima saala baa yaa pia o yanyagidi o yuli po. Daali kuli pia li yaa fala, ke li dagidi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.