Matie 28
28
Jesu fiima bi tinkpiba siiga
28
Jesu fii bi tinkpiba siiga
(Mrk 16.1-10; Luk 24.1-12; Jan 20.1-10)
1 U Tienu fuodima daali n den pendi, a daleleeda cilima daali, ku tiŋaapanpangu Mariyama, Magidala yua leni Mariyama toa den gedi ki baa n le li takuli. 2Lanyogunu, ki tinga den digibi boncianla. O Diedo maleki den ñani tanpoli ki jiidi, ki cua ki bindi yaa tanpabigu n den piigi li takuli buliñoabu ki kali ku po. 3O kaani kuli den yieni nani mi tañigima yeni, o tiayiekaadi mo den pieni paipai. 4Ti jawaandi den cuo yaaba n guu li takuli, ke bi digibi ki baa ki bili bili nani bi tinkpiba yeni. 5Maleki yeni den yedi bi puoba: «Yinba wani n da jie mani, n bani ke yi lingi Jesu ban den joani yua li dapoanpoanli po. 6Waa go ye ne, kelima o fii bi tinkpiba siiga, nani wan den yedi maama. Cua mani ki le wan den dua naankani, 7ki gedi mani tontoni ki ban waani o ŋoadikaaba, ke o fii bi tinkpiba siiga. O gaa yi liiga ki caa Galile. Yi baa le o lanpo. Lani n tie min waani yi yaala.»
8Ba ke ti jawaandi den pia bi puoba yeni, bi pala den mani boncianla, ke bi jaligi ki ñani li takuli kani, ki sani ki baa n pa o ŋoadikaaba li laabaalo. 9Ban den caa yaa yogunu, Jesu den tuogi ba ki yedi: «N faandi yi.» Bi den nagini ki gbaani o nintuali ki cuo o taana, ki kpiagi o. 10Jesu den yedi ba: «Yin da jie mani, gedi mani ki ban waani n kpiiba, ke ban gedi Galile, bi baa n le nni lanpo.»
Yaaba n den guudi li takuli n togidi yaala
11Bi puoba yeni n den ye u sanu nni yaa yogunu, yaaba n den guu li takuli siiga bi tianba den kua u dogu nni ki ban togidi bi kopadicianba yudanba yaala n tieni kuli. 12Bi yudanba den taani leni bi nikpela ki juogi, ki teni bi toatieba i ligi boncianla, 13ki yedi ba: «Yin yedi mani ke o ŋoadikaaba den cua ku ñiagu ki suni o ke yi goa. 14Guveneeri yaa bandi, ti baa duani o yama ki teni ke liba kan tieni yi.» 15Bi toatieba den gaa i ligi ki ban tieni nani ban waani ba maama. Laa faama den yadi Jufinba siiga, ki baa ki ye hali dinla.
Jesu doagidi o yuli o ŋoadikaaba po
(Mrk 16.14-18; Luk 24.36-49; Jan 20.19-23; JTT 1.6-8)
16Jesu ŋoadikaaba, bi piiga n niyendiba yeni, den gedi Galile, Jesu n den waani ba yaa juali po. #Mat 26.32; Mrk 14.28. 17Ban den laa o, bi den labini ki kpiagi o. Ama bi tianba yama den lengidi, ke baa daani ke li tie wani. 18Jesu den nagini ki yedi ba: «U Tienu puni nni u paalu kuli, tanpoli leni ki tinga po kuli. 19Lanwani, gedi mani ki tieni i nibuoli kuli nni bi ŋoadikaaba, ki batisi ba Baa, Bijua leni U Tienu Fuoma Yua yeli nni, ki bangi ba ban yaa kubi min den yedi yi yaala kuli. #JTT 1.8. 20N baa yaa ye leni yi yaa yogunu kuli, hali ŋanduna juodima.»
Currently Selected:
Matie 28: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
Matie 28
28
Jesu fiima bi tinkpiba siiga
28
Jesu fii bi tinkpiba siiga
(Mrk 16.1-10; Luk 24.1-12; Jan 20.1-10)
1 U Tienu fuodima daali n den pendi, a daleleeda cilima daali, ku tiŋaapanpangu Mariyama, Magidala yua leni Mariyama toa den gedi ki baa n le li takuli. 2Lanyogunu, ki tinga den digibi boncianla. O Diedo maleki den ñani tanpoli ki jiidi, ki cua ki bindi yaa tanpabigu n den piigi li takuli buliñoabu ki kali ku po. 3O kaani kuli den yieni nani mi tañigima yeni, o tiayiekaadi mo den pieni paipai. 4Ti jawaandi den cuo yaaba n guu li takuli, ke bi digibi ki baa ki bili bili nani bi tinkpiba yeni. 5Maleki yeni den yedi bi puoba: «Yinba wani n da jie mani, n bani ke yi lingi Jesu ban den joani yua li dapoanpoanli po. 6Waa go ye ne, kelima o fii bi tinkpiba siiga, nani wan den yedi maama. Cua mani ki le wan den dua naankani, 7ki gedi mani tontoni ki ban waani o ŋoadikaaba, ke o fii bi tinkpiba siiga. O gaa yi liiga ki caa Galile. Yi baa le o lanpo. Lani n tie min waani yi yaala.»
8Ba ke ti jawaandi den pia bi puoba yeni, bi pala den mani boncianla, ke bi jaligi ki ñani li takuli kani, ki sani ki baa n pa o ŋoadikaaba li laabaalo. 9Ban den caa yaa yogunu, Jesu den tuogi ba ki yedi: «N faandi yi.» Bi den nagini ki gbaani o nintuali ki cuo o taana, ki kpiagi o. 10Jesu den yedi ba: «Yin da jie mani, gedi mani ki ban waani n kpiiba, ke ban gedi Galile, bi baa n le nni lanpo.»
Yaaba n den guudi li takuli n togidi yaala
11Bi puoba yeni n den ye u sanu nni yaa yogunu, yaaba n den guu li takuli siiga bi tianba den kua u dogu nni ki ban togidi bi kopadicianba yudanba yaala n tieni kuli. 12Bi yudanba den taani leni bi nikpela ki juogi, ki teni bi toatieba i ligi boncianla, 13ki yedi ba: «Yin yedi mani ke o ŋoadikaaba den cua ku ñiagu ki suni o ke yi goa. 14Guveneeri yaa bandi, ti baa duani o yama ki teni ke liba kan tieni yi.» 15Bi toatieba den gaa i ligi ki ban tieni nani ban waani ba maama. Laa faama den yadi Jufinba siiga, ki baa ki ye hali dinla.
Jesu doagidi o yuli o ŋoadikaaba po
(Mrk 16.14-18; Luk 24.36-49; Jan 20.19-23; JTT 1.6-8)
16Jesu ŋoadikaaba, bi piiga n niyendiba yeni, den gedi Galile, Jesu n den waani ba yaa juali po. #Mat 26.32; Mrk 14.28. 17Ban den laa o, bi den labini ki kpiagi o. Ama bi tianba yama den lengidi, ke baa daani ke li tie wani. 18Jesu den nagini ki yedi ba: «U Tienu puni nni u paalu kuli, tanpoli leni ki tinga po kuli. 19Lanwani, gedi mani ki tieni i nibuoli kuli nni bi ŋoadikaaba, ki batisi ba Baa, Bijua leni U Tienu Fuoma Yua yeli nni, ki bangi ba ban yaa kubi min den yedi yi yaala kuli. #JTT 1.8. 20N baa yaa ye leni yi yaa yogunu kuli, hali ŋanduna juodima.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.