Matie 25
25
Puowandiana piiga kpanjama
1Lani yaa po, tanpoli diema baa yaa tie nani puowandiana piiga, yaaba den taa bi fidisanmu ki fii ki baa n tuogi o puocaano calo. #Luk 12.35. 2Bi siiga nni bonbimuu den tie yanpiidanba, bimuu mo n yaa tie yanfuodanba. 3Bi yanpiidanba n den taa bi fidisanmu, baa den taa kpama ki kubi. 4Ama bi yanfuodanba wani den taa bi fidisanmu, ki go kubi mi kpama mu sanbuomu nni. 5O puocaano calo n den waagi mi cuama, mi guama den cuo bikuli ke bi guani. 6Ku yoagisiigu, o nilo den kpaani ki yedi: ‹O puocaano calo kpendi na, fii mani ki ban tuogi o!› 7Lane a puowandiana yeni kuli den fundi ki ŋanbi bi fidisanmu. 8Bi yanpiidanba den yedi bi yanfuodanba: ‹Pa ti mani yi kpama waamu, kelima ti fidisanmu bua ki gbindi.› 9Bi yanfuodanba den guani ki yedi ba: ‹Li fidi ke mi kan dagidi tinba leni yinba kuli po, gedi mani yaaba n kuadi po ki ban daa yi yula po.› 10Ban den caa yaa yogunu ki baa n da, o puocaano calo den pundi. Yaa puowandiana n bogini den yegi leni o ki kua mi puocaajiema kani. Bi den loni bu buliñoabu. 11Lan den pugini waamu, yaa puowandiana n sieni den pundi ki yedi: ‹Canbaa, canbaa, luodi ti po.› #Luk 13.25. 12Ama o den guani ki yedi ba: ‹N waani yi i moamoani, mii bani yi.›
13Lanwani, Jesu den juodi ki yedi: ‹Lani yaa po, yin yaa guu mani, kelima yii bani li daali, yii go bani li yogunu mo.›
Naacenbitaa kpanjama
(Luk 19.11-27)
14Li go baa yaa tie nani yaa joa n den caa u dogu ki yini o naacenba ki guuni ba o piama. 15O den teni yendo wula kujapiena kobimuu, o lielo wula kujapiena kobilie, o taalo mo wula kujapiena kobiga, ki ŋoadi yuakuli n baa fidi maama. Li yaa puoli, o den fii ki gedi. 16Yaa naacemo n den gaa wula kujapiena kobimuu den fii ki ban tieni u kpendu, ki baa wula kujapiena kobimuu ki pugini. 17Yua n den gaa wula kujapiena kobilie moko den tieni yeni, ki mo baa wula kujapiena kobilie ki pugini. 18Yua mo n den gaa wula kujapiena kobiga bebe yeni den gedi ki ban gbiidi ku buogu ki tinga nni, ki wuoni o canbaa ligi.
19Lan den waagi boncianla, bi naacenba yeni canbaa den ti kpeni ki yini ba, ban waani o ban kubi o po yaa ligi maama fuuli. 20Yua n den gaa wula kujapiena kobimuu yeni den cua leni wan den baa yaa kujapienkobimuudi ki pugini yeni, ki yedi: ‹Canbaa, a den teni nni wula kujapiena kobimuu, diidi, n go baa kobimuu ki pugini.› 21O canbaa den yedi o: ‹Li ŋani, n naacendugika, a teni ke n dugi a po li bonwaala po, n baa teni ŋan diedi boncianla. Cua ki taani ki mangi a pali leni nni.› 22Yua n den gaa wula kujapiena kobilie den cua ki yedi: ‹Canbaa, a den teni nni wula kujapiena kobilie, diidi, n go baa kobilie ki pugini.› 23O canbaa den yedi o: ‹Li ŋani, n naacendugika, a teni ke n dugi a po li bonwaala po, n baa teni ŋan diedi boncianla. Cua ki taani ki mangi a pali leni nni.› 24Yua n den gaa wula kujapiena kobiga bebe mo den yuandi ki cua ki yedi: ‹Canbaa, n den bani ke a pia ki mabinga, ki yendi ŋan kaa buli naani, ki wuo ŋan kaa lendi naani. 25Lane ke ti jawaandi den cuo nni, ke n gedi ki ban wuoni a ligi ki tinga nni. Gaa ŋan die yaala.› 26O canbaa den guani ki yedi o: ‹O naacenbiado leni o kpadijedaano na, nani ŋan den bani ke n yendi min kaa buli naani, ki wuo min kaa lendi naani yeni, 27li den baa yaa ŋani ŋan bili n ligi ku ligidiegu nni. Lani, n kpenma yogunu, n bi baa gaa min die yii leni ti ñuadi. 28Gaa mani o kani o kujapienkobiga, ki teni yua n pia wula kujapiena tudili (1 000).› 29Li tie lani yaa po ke bi baa pa ki pugini yua n pia kuli o piama n yaa yabi. Ama yua n kaa pia wani, bi baa gaa o kani ba wan pia yaala. #Mat 13.12; Mrk 4.25; Luk 8.18. 30Lu mani yaa naacemo n tie fanma yeni niinpo li biigili nni, a bubula leni mi ñincegima n baa yaa ye naankani. #Mat 8.12; 22.13; Luk 13.28.
Ti bujuodikaadi
31O Joa Bijua yaa cua o kpiagidi nni yaa yogunu, ki yegi leni o malekinba kuli, o baa kali o bali kalikaanu yuu n pia ti kpiagidi po. #Mat 16.27; 19.28. 32I nibuoli kuli baa taani o nintuali. O baa paadi bine leni biyaba, nani o yankpaalo n paadi i pe leni i ŋuabi maama. 33O baa sieni i pe o jienu, i ŋuabi mo o ganu. 34Lani, o bado baa yedi yaaba n ye o jienu: ‹Cua mani na, yinba n Baa n seligi yaaba! Gaa mani wan den ŋanbi yi po yaa diema hali ŋanduna cilima! 35Mi koma den cuo nni ke yi puni nni ke n dini, u ñuñuunu den cuo nni ke yi puni nni ke n ñuni, n den tie caano ke yi gaa n cangu, 36n den ye mubima ke yi yieni nni, n den yia ke yi cua ki laa nni, n den ye li kpaadidieli nni ke yi cua ki fuondi nni.› 37Bi niteginkaaba baa guani ki yedi o: ‹Canbaa, ti den laa ŋa beyogune ke mi koma pia ŋa ke ti puni a ke a dini? U ñuñuunu den pia ŋa beyogune ke ti puni a ke a ñuni? 38Ti den laa ŋa beyogune ke a tie caano ke ti gaa a cangu? A den ye mubima beyogune ke ti yieni a? 39Ti den laa ŋa beyogune ke a yia, bi ke a ye li kpaadidieli nni, ke ti cua ki fuondi a?› 40Lani, o bado baa guani ki yedi ba: ‹N waani yi i moamoani, yin den tieni la yaa yogunu, n kpiiba na siiga ba yua yaa kpiagidi n wa ki cie po, yi den tieni la n yaa po yo.›
41Li yaa puoli, o baa yedi yaaba n ye o ganu: ‹Fuadi mani n kani, yinba ti solindi yaaba! Gedi mani yaa fantanbuogu n ki pia gbindima po, ban den gbiidi yaagu ku tuotabigu yudaano leni o yaa malekinba po. 42Mi koma den cuo nni ke yii puni nni ke n dini, u ñuñuunu den cuo nni ke yii puni nni ke n ñuni, 43n den tie caano ke yii gaa n cangu, n den ye mubima ke yii yieni nni, n den yia ki go den ye li kpaadidieli nni ke yii cua ki laa nni.› 44Bani moko baa guani ki yedi: ‹Canbaa, ti den laa ŋa beyogune ke mi koma pia ŋa, bi ke u ñuñuunu pia ŋa, bi ke a tie caano, bi ke a ye mubima, bi ke a yia, bi ke a ye li kpaadidieli nni, ke tii cua ki todi a?› 45O baa guani ki yedi ba: ‹N waani yi i moamoani, yaa yogunu ke yii den todi yaaba n tie ne siiga ba yua yaa kpiagidi n wa ki cie, yii den todi mine.› 46Lani, bi baa gedi yaa fala n ki pia juodima kani, ama bi niteginkaaba baa gedi yaa miali n kan gbeni yaa kane.» #Dan 12.2.
Currently Selected:
Matie 25: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
Matie 25
25
Puowandiana piiga kpanjama
1Lani yaa po, tanpoli diema baa yaa tie nani puowandiana piiga, yaaba den taa bi fidisanmu ki fii ki baa n tuogi o puocaano calo. #Luk 12.35. 2Bi siiga nni bonbimuu den tie yanpiidanba, bimuu mo n yaa tie yanfuodanba. 3Bi yanpiidanba n den taa bi fidisanmu, baa den taa kpama ki kubi. 4Ama bi yanfuodanba wani den taa bi fidisanmu, ki go kubi mi kpama mu sanbuomu nni. 5O puocaano calo n den waagi mi cuama, mi guama den cuo bikuli ke bi guani. 6Ku yoagisiigu, o nilo den kpaani ki yedi: ‹O puocaano calo kpendi na, fii mani ki ban tuogi o!› 7Lane a puowandiana yeni kuli den fundi ki ŋanbi bi fidisanmu. 8Bi yanpiidanba den yedi bi yanfuodanba: ‹Pa ti mani yi kpama waamu, kelima ti fidisanmu bua ki gbindi.› 9Bi yanfuodanba den guani ki yedi ba: ‹Li fidi ke mi kan dagidi tinba leni yinba kuli po, gedi mani yaaba n kuadi po ki ban daa yi yula po.› 10Ban den caa yaa yogunu ki baa n da, o puocaano calo den pundi. Yaa puowandiana n bogini den yegi leni o ki kua mi puocaajiema kani. Bi den loni bu buliñoabu. 11Lan den pugini waamu, yaa puowandiana n sieni den pundi ki yedi: ‹Canbaa, canbaa, luodi ti po.› #Luk 13.25. 12Ama o den guani ki yedi ba: ‹N waani yi i moamoani, mii bani yi.›
13Lanwani, Jesu den juodi ki yedi: ‹Lani yaa po, yin yaa guu mani, kelima yii bani li daali, yii go bani li yogunu mo.›
Naacenbitaa kpanjama
(Luk 19.11-27)
14Li go baa yaa tie nani yaa joa n den caa u dogu ki yini o naacenba ki guuni ba o piama. 15O den teni yendo wula kujapiena kobimuu, o lielo wula kujapiena kobilie, o taalo mo wula kujapiena kobiga, ki ŋoadi yuakuli n baa fidi maama. Li yaa puoli, o den fii ki gedi. 16Yaa naacemo n den gaa wula kujapiena kobimuu den fii ki ban tieni u kpendu, ki baa wula kujapiena kobimuu ki pugini. 17Yua n den gaa wula kujapiena kobilie moko den tieni yeni, ki mo baa wula kujapiena kobilie ki pugini. 18Yua mo n den gaa wula kujapiena kobiga bebe yeni den gedi ki ban gbiidi ku buogu ki tinga nni, ki wuoni o canbaa ligi.
19Lan den waagi boncianla, bi naacenba yeni canbaa den ti kpeni ki yini ba, ban waani o ban kubi o po yaa ligi maama fuuli. 20Yua n den gaa wula kujapiena kobimuu yeni den cua leni wan den baa yaa kujapienkobimuudi ki pugini yeni, ki yedi: ‹Canbaa, a den teni nni wula kujapiena kobimuu, diidi, n go baa kobimuu ki pugini.› 21O canbaa den yedi o: ‹Li ŋani, n naacendugika, a teni ke n dugi a po li bonwaala po, n baa teni ŋan diedi boncianla. Cua ki taani ki mangi a pali leni nni.› 22Yua n den gaa wula kujapiena kobilie den cua ki yedi: ‹Canbaa, a den teni nni wula kujapiena kobilie, diidi, n go baa kobilie ki pugini.› 23O canbaa den yedi o: ‹Li ŋani, n naacendugika, a teni ke n dugi a po li bonwaala po, n baa teni ŋan diedi boncianla. Cua ki taani ki mangi a pali leni nni.› 24Yua n den gaa wula kujapiena kobiga bebe mo den yuandi ki cua ki yedi: ‹Canbaa, n den bani ke a pia ki mabinga, ki yendi ŋan kaa buli naani, ki wuo ŋan kaa lendi naani. 25Lane ke ti jawaandi den cuo nni, ke n gedi ki ban wuoni a ligi ki tinga nni. Gaa ŋan die yaala.› 26O canbaa den guani ki yedi o: ‹O naacenbiado leni o kpadijedaano na, nani ŋan den bani ke n yendi min kaa buli naani, ki wuo min kaa lendi naani yeni, 27li den baa yaa ŋani ŋan bili n ligi ku ligidiegu nni. Lani, n kpenma yogunu, n bi baa gaa min die yii leni ti ñuadi. 28Gaa mani o kani o kujapienkobiga, ki teni yua n pia wula kujapiena tudili (1 000).› 29Li tie lani yaa po ke bi baa pa ki pugini yua n pia kuli o piama n yaa yabi. Ama yua n kaa pia wani, bi baa gaa o kani ba wan pia yaala. #Mat 13.12; Mrk 4.25; Luk 8.18. 30Lu mani yaa naacemo n tie fanma yeni niinpo li biigili nni, a bubula leni mi ñincegima n baa yaa ye naankani. #Mat 8.12; 22.13; Luk 13.28.
Ti bujuodikaadi
31O Joa Bijua yaa cua o kpiagidi nni yaa yogunu, ki yegi leni o malekinba kuli, o baa kali o bali kalikaanu yuu n pia ti kpiagidi po. #Mat 16.27; 19.28. 32I nibuoli kuli baa taani o nintuali. O baa paadi bine leni biyaba, nani o yankpaalo n paadi i pe leni i ŋuabi maama. 33O baa sieni i pe o jienu, i ŋuabi mo o ganu. 34Lani, o bado baa yedi yaaba n ye o jienu: ‹Cua mani na, yinba n Baa n seligi yaaba! Gaa mani wan den ŋanbi yi po yaa diema hali ŋanduna cilima! 35Mi koma den cuo nni ke yi puni nni ke n dini, u ñuñuunu den cuo nni ke yi puni nni ke n ñuni, n den tie caano ke yi gaa n cangu, 36n den ye mubima ke yi yieni nni, n den yia ke yi cua ki laa nni, n den ye li kpaadidieli nni ke yi cua ki fuondi nni.› 37Bi niteginkaaba baa guani ki yedi o: ‹Canbaa, ti den laa ŋa beyogune ke mi koma pia ŋa ke ti puni a ke a dini? U ñuñuunu den pia ŋa beyogune ke ti puni a ke a ñuni? 38Ti den laa ŋa beyogune ke a tie caano ke ti gaa a cangu? A den ye mubima beyogune ke ti yieni a? 39Ti den laa ŋa beyogune ke a yia, bi ke a ye li kpaadidieli nni, ke ti cua ki fuondi a?› 40Lani, o bado baa guani ki yedi ba: ‹N waani yi i moamoani, yin den tieni la yaa yogunu, n kpiiba na siiga ba yua yaa kpiagidi n wa ki cie po, yi den tieni la n yaa po yo.›
41Li yaa puoli, o baa yedi yaaba n ye o ganu: ‹Fuadi mani n kani, yinba ti solindi yaaba! Gedi mani yaa fantanbuogu n ki pia gbindima po, ban den gbiidi yaagu ku tuotabigu yudaano leni o yaa malekinba po. 42Mi koma den cuo nni ke yii puni nni ke n dini, u ñuñuunu den cuo nni ke yii puni nni ke n ñuni, 43n den tie caano ke yii gaa n cangu, n den ye mubima ke yii yieni nni, n den yia ki go den ye li kpaadidieli nni ke yii cua ki laa nni.› 44Bani moko baa guani ki yedi: ‹Canbaa, ti den laa ŋa beyogune ke mi koma pia ŋa, bi ke u ñuñuunu pia ŋa, bi ke a tie caano, bi ke a ye mubima, bi ke a yia, bi ke a ye li kpaadidieli nni, ke tii cua ki todi a?› 45O baa guani ki yedi ba: ‹N waani yi i moamoani, yaa yogunu ke yii den todi yaaba n tie ne siiga ba yua yaa kpiagidi n wa ki cie, yii den todi mine.› 46Lani, bi baa gedi yaa fala n ki pia juodima kani, ama bi niteginkaaba baa gedi yaa miali n kan gbeni yaa kane.» #Dan 12.2.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.