Matie 18
18
Yua n baa tugi li yuli tanpoli diema nni
(Mrk 9.33-37; Luk 9.46-48)
1Lanyogunu bi ŋoadikaaba den nagini Jesu kani ki buali o: «Tanpoli diema nni, ŋme n baa tugi li yuli?» #Luk 22.24. 2Jesu den yini ki biwaaga ki sieni o bi siiga ki yedi: 3«N waani yi i moamoani, yi yàá lebidi ki tua nani a biwaala yeni, yi kan kua tanpoli diema nni. #Mrk 10.15; Luk 18.17. 4Yua n miini o yuli ki tua nani yaa biwaaga n tie ne kuli, wani n baa yaa tugi li yuli tanpoli diema nni. 5Yua n gaa nani yaa biwaaga n tie ne cangu n yeli nni, gaa mini yaa cangu yo.
Mi tulinma n bia maama
(Mrk 9.42-48; Luk 17.1-2)
6Ama yua mo n baa teni ke yaa bonwaamu n daani nni na siiga ba yendo n tudi kuli, li bi baa yaa ŋani ki cie landaano po ban lani o li naacianli,#18.6 Jufinba naaciama bindi den kpiagi hali boncianla. ki lu o mi ñincianma nni wan mia ki bodi. 7Fala baa yaa ye leni ŋanduna yua n cuani li tingbali bonla. Li kan tuo ke li tingbali bonla kan yaa ye. Ama fala baa ye leni yaa nilo n cuani la. 8A nuu, yaa ka a taali, yaa tie tingbali bonla, ŋan jia ki lu foagima. A yaa baa yaa miali n kan gbeni leni taayenli bi nuyendu, li baa yaa ŋani a po ki cie ŋan yaa pia taanalie leni niilie, ban nan lu ŋa yaa mu n ki pia gbindima nni. #Mat 5.30. 9A nunbu mo n yaa tie a po tingbali bonla, ŋan logidi bu ki lu foagima, kelima a yaa baa yaa miali n kan gbeni leni nunyenbu, li baa yaa ŋani a po ki cie ŋan yaa pia nunilie ban lu a ku fantanbuogu nni. #Mat 5.29.
10Fangi mani yi yula ki da fali a bonwaala na siiga ba yendo, kelima n yedi yi ke tanpoli po, bi malekinba ye Baa yua n ye tanpoli nintuali yogunu kuli.
Yaa pia n yaadi
(Luk 15.3-7)
[11O Joa Bijua cua ki baa faabi yaaba n yaadi.] #Luk 19.10.
12Yi tama be? O joa yaa pia pekobiga, ke bi siiga yendo n yaadi, o baa tieni lede? Waa baa ŋaa yaa piiyia n peyiadi n sieni bi kpaakaanu a juana kani, ki gedi ki ban lingi yua n yaadi yeni? 13N waani yi i moamoani, o yaa laa o kuli, o baa mangi o pali boncianla kelima laa pia po, ki cie yaa piiyia n peyiadi n ki yaadi yeni. 14Li tie yeni leni yi Baa yua n ye tanpoli, waa bua ke a bonwaala na siiga, ba yendo n yaadi.
A lielo yaa tudi
15A lielo yaa tieni ti tuonbiadi, gedi, fini leni wani yi lielie, ki waani o o tagili. O yaa tuo a tundi, a gaa a lielo yeni. #Luk 17.3. 16Ama o yàá tuo a tundi, ŋan taa niyendo, yaa ka nibilie, ke mi maama kuli n kadi siedinbilie bi siedinbitaa yaa ñoana nni. #Tia 19.15. 17O yaa yie kaa cengi ba mo, ŋan waani Kilisiti Nitaanli. O yaa yie kaa cengi Kilisiti Nitaanli moko, ŋan yaa nua o nani o nilamo leni o lubigaalo yeni.
18N waani yi i moamoani, yin baa loli yaala ŋanduna nni kuli, li baa loli tanpoli po, yin baa lodi yaala mo ŋanduna nni kuli, li baa lodi tanpoli po. #Mat 16.19; Jan 20.23.
19N go waani yi, yi niinni nibilie yaa taani ñoabu ki mia yaala kuli ŋanduna nni, n Baa yua n ye tanpoli baa pa ba la. 20Nibilie bi nibitaa yaa taani n yeli nni, n ye bi siiga.»
Yaa naacemo n ki pia sugili o lieba po
21Lani, Pieli den nagini o kani ki yedi: «O Diedo, n lielo yaa tudi n po, n baa tieni o po sugili hali taalimiŋa? Hali taalimilele bi?» #Luk 17.3-4. 22Jesu den guani ki yedi o: «Mii yedi a hali taalimilele ka, ama n yedi a piilele, hali taalimilele.
23Tanpoli diema tie nani yaa bado n den bua o naacenba n waani o, ban kubi o po yaa ligi fuuli. 24Wan den cili ki coadi yuakuli n kpendinni yaa ligi, bi den cuani o kani yendo ke o pia li panli ke li tie ligiciami. 25Wan ki den pia liba ki baa pa laa panli yeni, o canbaa den yedi ban kuadi o, wani, o pua, o bila leni wan pia yaala kuli, ke li panli n gbeni. 26O naacemo den gbaani o nintuali ki yedi: ‹Canbaa, juuni n po, n baa pa ŋa likuli.› 27Mi ninñima den cuo o canbaa laa naacemo po, ke o puni o sugili o panli kuli po ki cedi ke o gedi.
28Laa naacemo n den ñani, o den tuogi o lieba siiga yendo, yua n den kubi o po kujapiena kobiga.#18.28 O tuonsoanlo n baa soani ŋmaalinaa ki baa yaa ligi. O den bibi o ki cuo o nialu ki yedi o: ‹Pa nni n panli!› 29O lielo yeni den gbaani o taana kani, ki mia o sugili ki yedi: ‹Juuni n po, n baa pa ŋa.› 30Ama o den yie sugili. O den taa o ki ban kuani o li kpaadidieli nni, hali wan baa pa o panli kuli ki gbeni. 31O lieba n den laa wan tieni yaala kuli, bi pala den biidi boncianla. Bi den gedi ki ban togidi bi canbaa yaala n tieni kuli. 32Lanwani, bi canbaa den yini o naacemo yeni ki yedi o: ‹O naacenbiado na, n den cabi a leni a panli kuli kelima a den mia nni. 33Laa pundi ke fini mo n gbadi a lielo po mi ninñima nani min gbadi a po maama yeni?› 34O canbaa pali den beni boncianla. O den teni o li kpaadidieli jiidikaaba ban faligi o, hali wan pa o panli kuli ki gbeni.» 35Jesu den juodi ki yedi: «N Baa yua n ye tanpoli baa soani yimoko yene, yi siiga yua n kaa puni o lielo sugili leni payenli.»
Currently Selected:
Matie 18: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
Matie 18
18
Yua n baa tugi li yuli tanpoli diema nni
(Mrk 9.33-37; Luk 9.46-48)
1Lanyogunu bi ŋoadikaaba den nagini Jesu kani ki buali o: «Tanpoli diema nni, ŋme n baa tugi li yuli?» #Luk 22.24. 2Jesu den yini ki biwaaga ki sieni o bi siiga ki yedi: 3«N waani yi i moamoani, yi yàá lebidi ki tua nani a biwaala yeni, yi kan kua tanpoli diema nni. #Mrk 10.15; Luk 18.17. 4Yua n miini o yuli ki tua nani yaa biwaaga n tie ne kuli, wani n baa yaa tugi li yuli tanpoli diema nni. 5Yua n gaa nani yaa biwaaga n tie ne cangu n yeli nni, gaa mini yaa cangu yo.
Mi tulinma n bia maama
(Mrk 9.42-48; Luk 17.1-2)
6Ama yua mo n baa teni ke yaa bonwaamu n daani nni na siiga ba yendo n tudi kuli, li bi baa yaa ŋani ki cie landaano po ban lani o li naacianli,#18.6 Jufinba naaciama bindi den kpiagi hali boncianla. ki lu o mi ñincianma nni wan mia ki bodi. 7Fala baa yaa ye leni ŋanduna yua n cuani li tingbali bonla. Li kan tuo ke li tingbali bonla kan yaa ye. Ama fala baa ye leni yaa nilo n cuani la. 8A nuu, yaa ka a taali, yaa tie tingbali bonla, ŋan jia ki lu foagima. A yaa baa yaa miali n kan gbeni leni taayenli bi nuyendu, li baa yaa ŋani a po ki cie ŋan yaa pia taanalie leni niilie, ban nan lu ŋa yaa mu n ki pia gbindima nni. #Mat 5.30. 9A nunbu mo n yaa tie a po tingbali bonla, ŋan logidi bu ki lu foagima, kelima a yaa baa yaa miali n kan gbeni leni nunyenbu, li baa yaa ŋani a po ki cie ŋan yaa pia nunilie ban lu a ku fantanbuogu nni. #Mat 5.29.
10Fangi mani yi yula ki da fali a bonwaala na siiga ba yendo, kelima n yedi yi ke tanpoli po, bi malekinba ye Baa yua n ye tanpoli nintuali yogunu kuli.
Yaa pia n yaadi
(Luk 15.3-7)
[11O Joa Bijua cua ki baa faabi yaaba n yaadi.] #Luk 19.10.
12Yi tama be? O joa yaa pia pekobiga, ke bi siiga yendo n yaadi, o baa tieni lede? Waa baa ŋaa yaa piiyia n peyiadi n sieni bi kpaakaanu a juana kani, ki gedi ki ban lingi yua n yaadi yeni? 13N waani yi i moamoani, o yaa laa o kuli, o baa mangi o pali boncianla kelima laa pia po, ki cie yaa piiyia n peyiadi n ki yaadi yeni. 14Li tie yeni leni yi Baa yua n ye tanpoli, waa bua ke a bonwaala na siiga, ba yendo n yaadi.
A lielo yaa tudi
15A lielo yaa tieni ti tuonbiadi, gedi, fini leni wani yi lielie, ki waani o o tagili. O yaa tuo a tundi, a gaa a lielo yeni. #Luk 17.3. 16Ama o yàá tuo a tundi, ŋan taa niyendo, yaa ka nibilie, ke mi maama kuli n kadi siedinbilie bi siedinbitaa yaa ñoana nni. #Tia 19.15. 17O yaa yie kaa cengi ba mo, ŋan waani Kilisiti Nitaanli. O yaa yie kaa cengi Kilisiti Nitaanli moko, ŋan yaa nua o nani o nilamo leni o lubigaalo yeni.
18N waani yi i moamoani, yin baa loli yaala ŋanduna nni kuli, li baa loli tanpoli po, yin baa lodi yaala mo ŋanduna nni kuli, li baa lodi tanpoli po. #Mat 16.19; Jan 20.23.
19N go waani yi, yi niinni nibilie yaa taani ñoabu ki mia yaala kuli ŋanduna nni, n Baa yua n ye tanpoli baa pa ba la. 20Nibilie bi nibitaa yaa taani n yeli nni, n ye bi siiga.»
Yaa naacemo n ki pia sugili o lieba po
21Lani, Pieli den nagini o kani ki yedi: «O Diedo, n lielo yaa tudi n po, n baa tieni o po sugili hali taalimiŋa? Hali taalimilele bi?» #Luk 17.3-4. 22Jesu den guani ki yedi o: «Mii yedi a hali taalimilele ka, ama n yedi a piilele, hali taalimilele.
23Tanpoli diema tie nani yaa bado n den bua o naacenba n waani o, ban kubi o po yaa ligi fuuli. 24Wan den cili ki coadi yuakuli n kpendinni yaa ligi, bi den cuani o kani yendo ke o pia li panli ke li tie ligiciami. 25Wan ki den pia liba ki baa pa laa panli yeni, o canbaa den yedi ban kuadi o, wani, o pua, o bila leni wan pia yaala kuli, ke li panli n gbeni. 26O naacemo den gbaani o nintuali ki yedi: ‹Canbaa, juuni n po, n baa pa ŋa likuli.› 27Mi ninñima den cuo o canbaa laa naacemo po, ke o puni o sugili o panli kuli po ki cedi ke o gedi.
28Laa naacemo n den ñani, o den tuogi o lieba siiga yendo, yua n den kubi o po kujapiena kobiga.#18.28 O tuonsoanlo n baa soani ŋmaalinaa ki baa yaa ligi. O den bibi o ki cuo o nialu ki yedi o: ‹Pa nni n panli!› 29O lielo yeni den gbaani o taana kani, ki mia o sugili ki yedi: ‹Juuni n po, n baa pa ŋa.› 30Ama o den yie sugili. O den taa o ki ban kuani o li kpaadidieli nni, hali wan baa pa o panli kuli ki gbeni. 31O lieba n den laa wan tieni yaala kuli, bi pala den biidi boncianla. Bi den gedi ki ban togidi bi canbaa yaala n tieni kuli. 32Lanwani, bi canbaa den yini o naacemo yeni ki yedi o: ‹O naacenbiado na, n den cabi a leni a panli kuli kelima a den mia nni. 33Laa pundi ke fini mo n gbadi a lielo po mi ninñima nani min gbadi a po maama yeni?› 34O canbaa pali den beni boncianla. O den teni o li kpaadidieli jiidikaaba ban faligi o, hali wan pa o panli kuli ki gbeni.» 35Jesu den juodi ki yedi: «N Baa yua n ye tanpoli baa soani yimoko yene, yi siiga yua n kaa puni o lielo sugili leni payenli.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.