Levi 22
22
c. O Diedo padijiedi kuana
1O Diedo den maadi leni Musa, ki yedi: 2«Waani Alono leni o bijaba ke ban fangi bi yula, ki foagidi leni Isidayeli yaaba n gagidi ki cuani n po yaa padijiedi. Yeni, wani Alono leni o bijaba kan cagini n yeli yaali n gagidi. N tie Li Miali Diedo.
3Yedi ba: Yi puoliŋuani kuli siiga, nifiima n tuu nifiima, yaa joa n nagini Isidayeli yaaba n gagidi yaa padijiedi o Diedo po, ki nan pia joagindi o niinni, n baa paadi ki ñani laa nilo n nintuali. N tie Li Miali Diedo.
4Alono puoliŋuani siiga, yaa joa n pia mi gbaadima, bi o fado, n cuo yua, yàá ŋanbi o baa, o kan je yaa jiema n gagidi ki ŋani. Li baa yaa tie yeni leni yua n sii yaa nilo n joagini kelima o sii o tinkpilo, bi yua n joagini kelima o biidi o kpataali.#22.4 Diidi Levi Yaaba tuona Tili 15.16-17. 5Yua n joagini kelima o sii yaa bonfuodila n balini tiipo po, bi yua n sii yaa nilo n pia joagindi, ke ti tabi o. 6Yaa nilo n sii laa bonbuolu kuli baa yaa ye leni o joagindi, hali ku yenjuagu. O kan fidi ki je yaa jiema n gagidi ki ŋani. Ama o baa wali. 7Lanwani, u yienu yaa kua, o baa ŋanbi. Lani yaa pendi, o baa je yaa padijiema n gagidi ki ŋani, kelima li tie o jiema. 8O kan ŋmani yankpienga bi moayanga n toadi toadi yaa yanga. Lani n tie wan da ti joagini o baa leni ki yanga yeni. N tie Li Miali Diedo.
9Ban kubi n ñoamabonli yeni kuli, ki da ti kua ti tuonbiadi nni, kelima bi jiema po. Bi yaa joagini laa jiema mo, bi baa kpe. N tie Li Miali Diedo yua n gagidi ki ŋanbidi ba.
10Yua n ki tie Alono buolu yua kuli, kan je yaa padijiema n gagidi yeni. Yaa nilo n cani o kopadiciamo deni, bi o tuonsoanlo kan je yaa padijiema n gagidi ki ŋani. 11Ama o kopadiciamo yaa pia o yonbo, ki daa o leni o ligi, o yonbo yeni wani, baa fidi ki je ma. Ban mali yua o kopadiciamo diegu nni moko baa fidi ki je o kopadiciamo jiema. 12O kopadiciamo yaa pia o bisalo ke o kuni yua n ki tie Alono buolu yua, o kan je ban gagidi yaa padijiema o Diedo po yeni. 13Ama o kopadiciamo bisalo yeni calo yaa kpe, bi bi yaa ñani o ke o naa pia bila, ke o kpeni o baa deni nani wan den ñani maama yeni, o baa fidi ki je o baa jiema. Ama yua n ki tie Alono buolu kuli kan je ma. 14O nilo yaa dini yaa padijiema n gagidi ki naa faami, o baa guani ki teni o kopadiciamo mi jiema yeni yaa dunga, ki go maani mi dunga yeni po, bonlimuu kuli siiga bonyenla.
15Bi kopadicianba n da joagini Isidayeli yaaba n cua ki teni yaa jegagidikaama o Diedo po. 16Bi yaa dini ma ke laa bi pundi ban je ma, bi baa tuni Isidayeli yaaba yaa tagili n pundi ban mia sugili. N tie Li Miali Diedo yua n gagidi ki ŋanbidi ba.»
d. Yaa bali maama n ye ti padiyandi gandima po
17O Diedo den maadi leni Musa, ki yedi: 18«Yedi Alono leni o bijaba kuli mine: Yaa nilo n tie Isidayeli buolu yua, bi yaa caano n kaa yi siiga, yaa bua ki cua ki padi li padijuukaali o Diedo po, o baa cuani yaa yanga n tie bontonga, ki naa pia poadi, lan tie nianli padijuukaali, bi lan tie yanbuama paabu. 19O yaa bua min fidi ki gaa o paabu, o baa taa i ne, i pe bi i ŋuabi siiga yaa bontonga n ki pia poadi, ki cuani. 20Yin da cua ki padi yaa yanga n pia poadi, kelima o Diedo kan gaa yi po. #Tia 17.1. 21Li go baa yaa tie yene, o nilo yaa cua ki padi o Diedo po taanyenma padili, li yaa tie yaa yanga n ñani ti yanciandi nni bi ti yanbidi nni. Li yaa tie ke o cuani li nianli po, bi yanbuama po, o padiyanga yeni baa yaa tie yaaga n ki pia poadoba kuli. Yi yaa bua o Diedo n gaa yi paabu, se ki yanga yeni n da pia poadi kuli. 22Yi kan cua ki pa yanjuanga, bi yaaga yaa taali n kua, bi moayandi n toadi toadi yaa yanga. Yin da cuani yaa yanga n pia kpagili, bi mu calimu bi li sinali. Yin da cuani laa yanbuolu ki padi li padibinbinli po, ki juu o Diedo po. 23A baa fidi ki cuani nua bi pia ke o taayenli foagi bi ke li koabi, li yaa tie yanbuama bi tuondi paabu po. Ama li kan tuo ŋan cuani laa yanga buolu li nianli po. 24Yin da cua ki padi o Diedo po yaa yanga yaa koncanbila n fadi, bi ban jaa yaaga, yin da padi laa padili buolu yi diema nni. 25Yi kan gaa laa yandi buolu bi canba kani ki cua ki padi yaa pada n tie yi Tienu jiema yeni. Li tie yaa yandi n biidi ki pia poadi, yi yaa tieni yeni, o Diedo kan gaa yi po.»
26O Diedo go den maadi leni Musa ki yedi: 27«Nua, pia bi ŋuabo yaa mali o biga, ki biga yeni baa ye leni o naa danalele. Li yaa pundi dananii ki yaa ji caa, li baa tuo ban taa ka ki padi o Diedo po li padijuukaali. 28Lan tie nua bi pia, yin da kodi wani leni o biga kuli dayenli.
29Yi yaa cua ki puni o Diedo i tuondi paabu, yi baa tieni nani lan pundi maama, ke o Diedo n gaa yi po. 30Yi baa ŋmani ki padiyanga, yin padi ka yaa daali yeni. Yin da teni liba n sieni hali ku tiŋaagu. N tie Li Miali Diedo.
31Yi baa kubi n bali maama kuli, ki go yaa tiendi likuli. N tie Li Miali Diedo.
32Yin da cagini n yeli yaali n gagidi. Li pundi ke Isidayeli yaaba kuli n fangi n gagidiŋanma. N tie Li Miali Diedo yua n gagidi ki ŋanbidi yi. 33N den teni ke yi ñani Ejipiti diema nni, ki bua ki tua yi Tienu. N tie Li Miali Diedo.»
Currently Selected:
Levi 22: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
Levi 22
22
c. O Diedo padijiedi kuana
1O Diedo den maadi leni Musa, ki yedi: 2«Waani Alono leni o bijaba ke ban fangi bi yula, ki foagidi leni Isidayeli yaaba n gagidi ki cuani n po yaa padijiedi. Yeni, wani Alono leni o bijaba kan cagini n yeli yaali n gagidi. N tie Li Miali Diedo.
3Yedi ba: Yi puoliŋuani kuli siiga, nifiima n tuu nifiima, yaa joa n nagini Isidayeli yaaba n gagidi yaa padijiedi o Diedo po, ki nan pia joagindi o niinni, n baa paadi ki ñani laa nilo n nintuali. N tie Li Miali Diedo.
4Alono puoliŋuani siiga, yaa joa n pia mi gbaadima, bi o fado, n cuo yua, yàá ŋanbi o baa, o kan je yaa jiema n gagidi ki ŋani. Li baa yaa tie yeni leni yua n sii yaa nilo n joagini kelima o sii o tinkpilo, bi yua n joagini kelima o biidi o kpataali.#22.4 Diidi Levi Yaaba tuona Tili 15.16-17. 5Yua n joagini kelima o sii yaa bonfuodila n balini tiipo po, bi yua n sii yaa nilo n pia joagindi, ke ti tabi o. 6Yaa nilo n sii laa bonbuolu kuli baa yaa ye leni o joagindi, hali ku yenjuagu. O kan fidi ki je yaa jiema n gagidi ki ŋani. Ama o baa wali. 7Lanwani, u yienu yaa kua, o baa ŋanbi. Lani yaa pendi, o baa je yaa padijiema n gagidi ki ŋani, kelima li tie o jiema. 8O kan ŋmani yankpienga bi moayanga n toadi toadi yaa yanga. Lani n tie wan da ti joagini o baa leni ki yanga yeni. N tie Li Miali Diedo.
9Ban kubi n ñoamabonli yeni kuli, ki da ti kua ti tuonbiadi nni, kelima bi jiema po. Bi yaa joagini laa jiema mo, bi baa kpe. N tie Li Miali Diedo yua n gagidi ki ŋanbidi ba.
10Yua n ki tie Alono buolu yua kuli, kan je yaa padijiema n gagidi yeni. Yaa nilo n cani o kopadiciamo deni, bi o tuonsoanlo kan je yaa padijiema n gagidi ki ŋani. 11Ama o kopadiciamo yaa pia o yonbo, ki daa o leni o ligi, o yonbo yeni wani, baa fidi ki je ma. Ban mali yua o kopadiciamo diegu nni moko baa fidi ki je o kopadiciamo jiema. 12O kopadiciamo yaa pia o bisalo ke o kuni yua n ki tie Alono buolu yua, o kan je ban gagidi yaa padijiema o Diedo po yeni. 13Ama o kopadiciamo bisalo yeni calo yaa kpe, bi bi yaa ñani o ke o naa pia bila, ke o kpeni o baa deni nani wan den ñani maama yeni, o baa fidi ki je o baa jiema. Ama yua n ki tie Alono buolu kuli kan je ma. 14O nilo yaa dini yaa padijiema n gagidi ki naa faami, o baa guani ki teni o kopadiciamo mi jiema yeni yaa dunga, ki go maani mi dunga yeni po, bonlimuu kuli siiga bonyenla.
15Bi kopadicianba n da joagini Isidayeli yaaba n cua ki teni yaa jegagidikaama o Diedo po. 16Bi yaa dini ma ke laa bi pundi ban je ma, bi baa tuni Isidayeli yaaba yaa tagili n pundi ban mia sugili. N tie Li Miali Diedo yua n gagidi ki ŋanbidi ba.»
d. Yaa bali maama n ye ti padiyandi gandima po
17O Diedo den maadi leni Musa, ki yedi: 18«Yedi Alono leni o bijaba kuli mine: Yaa nilo n tie Isidayeli buolu yua, bi yaa caano n kaa yi siiga, yaa bua ki cua ki padi li padijuukaali o Diedo po, o baa cuani yaa yanga n tie bontonga, ki naa pia poadi, lan tie nianli padijuukaali, bi lan tie yanbuama paabu. 19O yaa bua min fidi ki gaa o paabu, o baa taa i ne, i pe bi i ŋuabi siiga yaa bontonga n ki pia poadi, ki cuani. 20Yin da cua ki padi yaa yanga n pia poadi, kelima o Diedo kan gaa yi po. #Tia 17.1. 21Li go baa yaa tie yene, o nilo yaa cua ki padi o Diedo po taanyenma padili, li yaa tie yaa yanga n ñani ti yanciandi nni bi ti yanbidi nni. Li yaa tie ke o cuani li nianli po, bi yanbuama po, o padiyanga yeni baa yaa tie yaaga n ki pia poadoba kuli. Yi yaa bua o Diedo n gaa yi paabu, se ki yanga yeni n da pia poadi kuli. 22Yi kan cua ki pa yanjuanga, bi yaaga yaa taali n kua, bi moayandi n toadi toadi yaa yanga. Yin da cuani yaa yanga n pia kpagili, bi mu calimu bi li sinali. Yin da cuani laa yanbuolu ki padi li padibinbinli po, ki juu o Diedo po. 23A baa fidi ki cuani nua bi pia ke o taayenli foagi bi ke li koabi, li yaa tie yanbuama bi tuondi paabu po. Ama li kan tuo ŋan cuani laa yanga buolu li nianli po. 24Yin da cua ki padi o Diedo po yaa yanga yaa koncanbila n fadi, bi ban jaa yaaga, yin da padi laa padili buolu yi diema nni. 25Yi kan gaa laa yandi buolu bi canba kani ki cua ki padi yaa pada n tie yi Tienu jiema yeni. Li tie yaa yandi n biidi ki pia poadi, yi yaa tieni yeni, o Diedo kan gaa yi po.»
26O Diedo go den maadi leni Musa ki yedi: 27«Nua, pia bi ŋuabo yaa mali o biga, ki biga yeni baa ye leni o naa danalele. Li yaa pundi dananii ki yaa ji caa, li baa tuo ban taa ka ki padi o Diedo po li padijuukaali. 28Lan tie nua bi pia, yin da kodi wani leni o biga kuli dayenli.
29Yi yaa cua ki puni o Diedo i tuondi paabu, yi baa tieni nani lan pundi maama, ke o Diedo n gaa yi po. 30Yi baa ŋmani ki padiyanga, yin padi ka yaa daali yeni. Yin da teni liba n sieni hali ku tiŋaagu. N tie Li Miali Diedo.
31Yi baa kubi n bali maama kuli, ki go yaa tiendi likuli. N tie Li Miali Diedo.
32Yin da cagini n yeli yaali n gagidi. Li pundi ke Isidayeli yaaba kuli n fangi n gagidiŋanma. N tie Li Miali Diedo yua n gagidi ki ŋanbidi yi. 33N den teni ke yi ñani Ejipiti diema nni, ki bua ki tua yi Tienu. N tie Li Miali Diedo.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.