Levi 20
20
Yaa pada n kua
1O Diedo den maadi leni Musa, ki yedi: 2«Ŋan waani Isidayeli yaaba yaa maama n tie ne: Isidayeli buolu yua, bi caano yua n kaa yi siiga, yaa padi o biga Moleki po, bi baa kpa li daano. Mi diema niba kuli baa taani ki lugidi o a tana ki kpa o. 3Mini mo baa buli n nunga laa nilo po, ki paadi ki ñani o o buolu nni, kelima o den padi o biga Moleki po. O joagini n kaangagidiŋamu, ki biidi n yeli yaali n gagidi ki ŋani. 4Li yaa tie ke mi diema niba cedi yaa nilo n padi o bila Moleki po yeni ki naa kpa o, 5mini n ba, n baa buli n nunga laa nilo leni o niba kuli po, ki paadi ki ñani o o buolu nni, wani leni yaaba n ŋoadi o ki cagini bi yula ki ŋoadi Moleki.
6O nilo yaa gedi yaa niba n maadi leni bi tinkpiba kani, bi a baayuadiida kani, ki cagini o yuli leni ba, n baa buli n nunga laa nilo po, ki paadi ki ñani o o buolu nni. 7Yin gagidi ki yaa ŋani n po, kelima n tie Li Miali Diedo yi Tienu.
8Yin yaa kubi n bali maama, ki yaa tiendi mikuli bonŋanla. N tie Li Miali Diedo yua n gagidi ki ŋanbidi yi.
9Yaa nilo n soli o baa bi o naa kuli, bi baa kpa li daano. O soama baa guani ki jagini o yuli po, kelima o den soli o baa bi o naa. #Ñam 21.17; Mat 15.4; Mrk 7.10.
10Joa yaa conbi leni o lielo pua, o joa yua n conbi yeni leni o pua yua n conbi yeni kuli baa kpe. #Ñam 20.14; Lev 18.20; Tia 5.18.
11Joa yaa duani leni o baa pua, o laa o baa mubima. Laa joa leni laa pua kuli baa kpe, bi soama mo n guani ki jagini bi yula po. #Lev 18.8; Tia 23.1; 27.20.
12Joa yaa dua o biyuaga, bi baa kpa bani bonbilie yeni kuli, kelima bi tieni ti cagindi. Bi soama mo baa guani ki jagini bi yula po. #Lev 18.15.
13Joa yaa dua jatoa, nani o joa n dua o pua maama, bani bonbilie yeni kuli tieni cagini. Bi baa kpa ba, bi soama mo n guani ki jagini bi yula po. #Lev 18.22.
14Joa yaa taa pua leni o bisalo ke bi tua o puoba, li tie caginde. Bi baa juu ba u mu wani leni bi puoba yeni kuli, ban kpe. Yeni, laa cagindi kaa ye yi siiga. #Lev 18.17; Tia 27.23.
15Joa yaa taani leni ki yanga, bi baa kpa li daano. Bi go baa kpa ki yanga yeni mo.
16Pua mo yaa nagini yanga ki taani leni ga, bi baa kpa o pua leni ki yanga yeni kuli. Bi baa kpa ba, bi soama n guani ki jagini bi yula po. #Ñam 22.18; Lev 18.23; Tia 27.21.
17Joa yaa taa o naataanpuoga, lan tie o baa bisalo, bi o naa bisalo, ki laa o mubima, ke omo laa o yaa mubima, li tie yaa bonla n gundi. Bi baa paadi ki ñani ba bi buolu nni, kelima o joa yeni dua o naataanpuoga. Bi baa tugi bi tuonbiadi panpaani. #Lev 18.9; Tia 27.22.
18Joa yaa dua pua o ŋmaalo nni, bi baa paadi ki ñani bani bonbilie yeni kuli bi buolu nni, kelima bi taani ki juogi ki laa o soama n ña naani. #Lev 18.19.
19A kan le a naa naataanpuoga mubima bi a baa naataanpuoga mubima, kelima a yiedi ki sieni fini leni yua n kpi bonŋanla mubima. Yaaba n tieni laa bonla kuli, baa gaa bi tuonbiadi panpaani. #Lev 18.12-14.
20Joa yaa dua o baa kpelo bi o waalo, o laa o puoli mubima. Bi baa tugi bi tuonbiadi panpaani. Bi baa kpe ki naa mali bila.
21Joa yaa taa o kpelo bi o waalo pua, li tie yaala n gundi. O laa o kpelo bi o waalo mubima, bi baa kpe ki naa mali bila. #Lev 18.16.
22Yin yaa kubi n bali maama kuli leni n ñoamabonbilikaana kuli. Yin yaa tiendi likuli ke min caani yi yaa diema nni, yin baa n yaa ye yaama yaa niinni yeni, n da yie yi.
23Yin da togidi min baa deli yaa nibuoli yi kani yeni tuada, kelima bi den tiendi laa bonla buoli kuli. N yama ñani bi niinni. 24N den yedi yi:
‹Yinba n baa diedi bi diema,
N puni yi yin yaa die ma.
Mi tie mi naaŋanma leni ti siadi n dua yaa diema nni.›
N tie Li Miali Diedo yi Tienu yua n den gagidi ki ñani yi i nibuoli siiga. 25Lani yaa po, yin gagidi ki paadi yaa yandi n ŋani leni yaa yandi n joagini, ki paadi yaa nuani n ŋani leni yii n ki ŋani. Yin da joagini yi baa leni ti yandi, i nuani leni yaala n balini tiipo kuli, min den tuodi ki bili ki waani ke yaaba n joagini yeni.
26Yi baa yaa tie n po bi nigagidiŋanba, kelima mini Li Miali Diedo gagidi ki ŋani. N den gagidi ki ñani yi i nibuoli nni, ke yin yaa tie n yaaba.
27Joa, yaa ka pua, yua n baa fidi ki maadi leni bi tinkpiba, bi ki bu ku baagu, bi baa kpa o. Bi baa lugidi o a tana ki kpa o. Laa niba soama baa guani ki jagini bi yula po.»
Currently Selected:
Levi 20: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
Levi 20
20
Yaa pada n kua
1O Diedo den maadi leni Musa, ki yedi: 2«Ŋan waani Isidayeli yaaba yaa maama n tie ne: Isidayeli buolu yua, bi caano yua n kaa yi siiga, yaa padi o biga Moleki po, bi baa kpa li daano. Mi diema niba kuli baa taani ki lugidi o a tana ki kpa o. 3Mini mo baa buli n nunga laa nilo po, ki paadi ki ñani o o buolu nni, kelima o den padi o biga Moleki po. O joagini n kaangagidiŋamu, ki biidi n yeli yaali n gagidi ki ŋani. 4Li yaa tie ke mi diema niba cedi yaa nilo n padi o bila Moleki po yeni ki naa kpa o, 5mini n ba, n baa buli n nunga laa nilo leni o niba kuli po, ki paadi ki ñani o o buolu nni, wani leni yaaba n ŋoadi o ki cagini bi yula ki ŋoadi Moleki.
6O nilo yaa gedi yaa niba n maadi leni bi tinkpiba kani, bi a baayuadiida kani, ki cagini o yuli leni ba, n baa buli n nunga laa nilo po, ki paadi ki ñani o o buolu nni. 7Yin gagidi ki yaa ŋani n po, kelima n tie Li Miali Diedo yi Tienu.
8Yin yaa kubi n bali maama, ki yaa tiendi mikuli bonŋanla. N tie Li Miali Diedo yua n gagidi ki ŋanbidi yi.
9Yaa nilo n soli o baa bi o naa kuli, bi baa kpa li daano. O soama baa guani ki jagini o yuli po, kelima o den soli o baa bi o naa. #Ñam 21.17; Mat 15.4; Mrk 7.10.
10Joa yaa conbi leni o lielo pua, o joa yua n conbi yeni leni o pua yua n conbi yeni kuli baa kpe. #Ñam 20.14; Lev 18.20; Tia 5.18.
11Joa yaa duani leni o baa pua, o laa o baa mubima. Laa joa leni laa pua kuli baa kpe, bi soama mo n guani ki jagini bi yula po. #Lev 18.8; Tia 23.1; 27.20.
12Joa yaa dua o biyuaga, bi baa kpa bani bonbilie yeni kuli, kelima bi tieni ti cagindi. Bi soama mo baa guani ki jagini bi yula po. #Lev 18.15.
13Joa yaa dua jatoa, nani o joa n dua o pua maama, bani bonbilie yeni kuli tieni cagini. Bi baa kpa ba, bi soama mo n guani ki jagini bi yula po. #Lev 18.22.
14Joa yaa taa pua leni o bisalo ke bi tua o puoba, li tie caginde. Bi baa juu ba u mu wani leni bi puoba yeni kuli, ban kpe. Yeni, laa cagindi kaa ye yi siiga. #Lev 18.17; Tia 27.23.
15Joa yaa taani leni ki yanga, bi baa kpa li daano. Bi go baa kpa ki yanga yeni mo.
16Pua mo yaa nagini yanga ki taani leni ga, bi baa kpa o pua leni ki yanga yeni kuli. Bi baa kpa ba, bi soama n guani ki jagini bi yula po. #Ñam 22.18; Lev 18.23; Tia 27.21.
17Joa yaa taa o naataanpuoga, lan tie o baa bisalo, bi o naa bisalo, ki laa o mubima, ke omo laa o yaa mubima, li tie yaa bonla n gundi. Bi baa paadi ki ñani ba bi buolu nni, kelima o joa yeni dua o naataanpuoga. Bi baa tugi bi tuonbiadi panpaani. #Lev 18.9; Tia 27.22.
18Joa yaa dua pua o ŋmaalo nni, bi baa paadi ki ñani bani bonbilie yeni kuli bi buolu nni, kelima bi taani ki juogi ki laa o soama n ña naani. #Lev 18.19.
19A kan le a naa naataanpuoga mubima bi a baa naataanpuoga mubima, kelima a yiedi ki sieni fini leni yua n kpi bonŋanla mubima. Yaaba n tieni laa bonla kuli, baa gaa bi tuonbiadi panpaani. #Lev 18.12-14.
20Joa yaa dua o baa kpelo bi o waalo, o laa o puoli mubima. Bi baa tugi bi tuonbiadi panpaani. Bi baa kpe ki naa mali bila.
21Joa yaa taa o kpelo bi o waalo pua, li tie yaala n gundi. O laa o kpelo bi o waalo mubima, bi baa kpe ki naa mali bila. #Lev 18.16.
22Yin yaa kubi n bali maama kuli leni n ñoamabonbilikaana kuli. Yin yaa tiendi likuli ke min caani yi yaa diema nni, yin baa n yaa ye yaama yaa niinni yeni, n da yie yi.
23Yin da togidi min baa deli yaa nibuoli yi kani yeni tuada, kelima bi den tiendi laa bonla buoli kuli. N yama ñani bi niinni. 24N den yedi yi:
‹Yinba n baa diedi bi diema,
N puni yi yin yaa die ma.
Mi tie mi naaŋanma leni ti siadi n dua yaa diema nni.›
N tie Li Miali Diedo yi Tienu yua n den gagidi ki ñani yi i nibuoli siiga. 25Lani yaa po, yin gagidi ki paadi yaa yandi n ŋani leni yaa yandi n joagini, ki paadi yaa nuani n ŋani leni yii n ki ŋani. Yin da joagini yi baa leni ti yandi, i nuani leni yaala n balini tiipo kuli, min den tuodi ki bili ki waani ke yaaba n joagini yeni.
26Yi baa yaa tie n po bi nigagidiŋanba, kelima mini Li Miali Diedo gagidi ki ŋani. N den gagidi ki ñani yi i nibuoli nni, ke yin yaa tie n yaaba.
27Joa, yaa ka pua, yua n baa fidi ki maadi leni bi tinkpiba, bi ki bu ku baagu, bi baa kpa o. Bi baa lugidi o a tana ki kpa o. Laa niba soama baa guani ki jagini bi yula po.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.