Ose 11
11
U Tienu buama o niba yaaba n yie o po
1O Diedo yedi:
«N bijua Isidayeli n den paani yaa yogunu,
N den bua o ki yini ki ñani o Ejipiti nni. #Ñam 4.22; Mat 2.15.
2Ama min den ŋua ki yi n niba,
Bi den sani ki foagidi leni nni,
Ki ban padi a pada o bulo Baali po,
Ki siagi a dugibila ban kpie yaa buli po.
3Mini n den bangi Efrayimi buolu li cenli,
Ki muubi bi nii ke bi yaadi ki sedi,
Ama bani Isidayeli yaaba,
Ki faami ke mini n den kubi ba.
4N den dia ba mi ninñima leni mi buama baabi,
Ki tie bi po nani yua n nuadi ki biga ki tabini oba yeni.
N den puuni ba li bonjekaala.
5Ban yie kaa guani n kani yeni,
Bi nan kan go lebidi ki gedi Ejipiti po moko,
Ama Asiiri yua n baa diedi ba, ki tua bi bado.
6N niba den ŋoadi bi yaa yantiana,
Lani n teni ke bu toabu baa bolini bi dogi.
Bu baa bolini bi bilinciami buliñoaluoditi,
Ki go bolini bi dogi cain.
7N niba sedi bi yiema nni ke li pa,
Bi yi ba ke ban guani mini tanpoli bado kani,
Ama bi siiga oba kuli ki fii.
8Efrayimi buolu, n baa bili yi le?
Yinba Isidayeli yaaba,
Naani n baa fidi ki ŋaa yi yi yibalinba nuu nni?
Naani n baa fidi ki soani yi,
Nani Adima leni Tiseboyimi yaaba yeni?
N pali kuli biidi,
Mi ninñima cuo nni yi po. #Tia 29.22.
9N kan soani yi nani n pali n den beni ke n jagi maama,
N kan go bolini yinba Isidayeli buolu,
Kelima n tie U Tienu, mii tie nisaalo ka.
N tie yaa Tienu n gagidi ki ŋani, ki ye yi siiga.
N kan cua yi kani leni pabienli.
10Bi baa ŋoadi o Diedo
Yua n baa yaa duni nani o yangbanlo yeni.
O baa yaa duni ki yi o bila,
Ban ña hali mi ñincianma liiga,
Ki jaligi ki sani ki cua.
11Bine mo baa ña Ejipiti po,
Ki jaligi ki cua nani i nuani yeni,
Bine mo n ña Asiiri po nani mu kpaajiemu yeni.
N baa teni bikuli n guani ki kali bi diedi nni.
Mini o Diedo n yedi yeni.»
Currently Selected:
Ose 11: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
Ose 11
11
U Tienu buama o niba yaaba n yie o po
1O Diedo yedi:
«N bijua Isidayeli n den paani yaa yogunu,
N den bua o ki yini ki ñani o Ejipiti nni. #Ñam 4.22; Mat 2.15.
2Ama min den ŋua ki yi n niba,
Bi den sani ki foagidi leni nni,
Ki ban padi a pada o bulo Baali po,
Ki siagi a dugibila ban kpie yaa buli po.
3Mini n den bangi Efrayimi buolu li cenli,
Ki muubi bi nii ke bi yaadi ki sedi,
Ama bani Isidayeli yaaba,
Ki faami ke mini n den kubi ba.
4N den dia ba mi ninñima leni mi buama baabi,
Ki tie bi po nani yua n nuadi ki biga ki tabini oba yeni.
N den puuni ba li bonjekaala.
5Ban yie kaa guani n kani yeni,
Bi nan kan go lebidi ki gedi Ejipiti po moko,
Ama Asiiri yua n baa diedi ba, ki tua bi bado.
6N niba den ŋoadi bi yaa yantiana,
Lani n teni ke bu toabu baa bolini bi dogi.
Bu baa bolini bi bilinciami buliñoaluoditi,
Ki go bolini bi dogi cain.
7N niba sedi bi yiema nni ke li pa,
Bi yi ba ke ban guani mini tanpoli bado kani,
Ama bi siiga oba kuli ki fii.
8Efrayimi buolu, n baa bili yi le?
Yinba Isidayeli yaaba,
Naani n baa fidi ki ŋaa yi yi yibalinba nuu nni?
Naani n baa fidi ki soani yi,
Nani Adima leni Tiseboyimi yaaba yeni?
N pali kuli biidi,
Mi ninñima cuo nni yi po. #Tia 29.22.
9N kan soani yi nani n pali n den beni ke n jagi maama,
N kan go bolini yinba Isidayeli buolu,
Kelima n tie U Tienu, mii tie nisaalo ka.
N tie yaa Tienu n gagidi ki ŋani, ki ye yi siiga.
N kan cua yi kani leni pabienli.
10Bi baa ŋoadi o Diedo
Yua n baa yaa duni nani o yangbanlo yeni.
O baa yaa duni ki yi o bila,
Ban ña hali mi ñincianma liiga,
Ki jaligi ki sani ki cua.
11Bine mo baa ña Ejipiti po,
Ki jaligi ki cua nani i nuani yeni,
Bine mo n ña Asiiri po nani mu kpaajiemu yeni.
N baa teni bikuli n guani ki kali bi diedi nni.
Mini o Diedo n yedi yeni.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.