Mi Ñama 4
4
U Tienu doagidi o paalu Musa po
1 Musa den guani ki yedi: «Bi kan daani n maama, bi kan cengi n yedima. Bi baa yedi nni o Diedo naa den doagidi a po.» 2O Diedo den yedi o: «A kubi be yo a nuu nni?» O go den guani ki yedi: «N kubi gbiamue.» 3O Diedo den yedi: «Lu u tiipo.» O den luni u tiipo ke u tua wa. Musa den sani. 4O Diedo den yedi Musa: «Tandi a nuu ki cuo o juoli.» O den tandi o nuu ki cuo o wa ke o go tua gbiamu o nuu nni. 5O Diedo den yedi: «Ŋan tieni yeni, bi baa daani ke o Diedo bi baanba Tienu den doagidi a kani, wani yua n tie Abalahama, Isaaka leni Jakob Tienu.» 6O Diedo go den yedi o: «Kubini a nuu a liadili nni.» O den kubini o nuu o liadili nni. Wan den ñani o nuu o liadili nni, o den sua ke mi gbaadima cuo o nuu ke u pendi paipai nani a tatana yeni.
7O Diedo den yedi: «Go kubini a nuu a liadili nni.» O go den kubini o nuu o liadili nni, ki go ñani ki sua ke u go guani ki tua nani wun den kpa tie maama. O Diedo den yedi o: 8«Bi yàá daani a maama, ki naa cengi o sinankeenkpialo, bi baa daani o sinankeenjuodika wani. 9Bi yàá daani ba laa sinankeenliediba kuli, ki naa cengi a maama, ŋan ñani u kpenciamu ñima ki wuli tiipo. Ŋan ñani yaa ñima u kpenciamu nni ki wuli tiipo yeni, baa tua soama.»
U Tienu gandi Alono ke wan tua Musa duogili
10Musa den yedi o Diedo: «O! N Diedo, sinja n po. Mii tie mi maama n dingi yua yaa po. Laa cili wonli bi wonlitunma, bi ŋan li maadi leni a naacemo yeni ka. Mi maama n li pa, n ñoabu leni n lanbu po.» 11O Diedo den yedi: «Ŋme n tagi o nisaalo ñoabu. Ŋme n teni ke o nisaalo tie womo, muulo, juamo bi yua n nua? Naani laa tie mini Li Miali Diedo ka? 12Lanwani gedi, N YE leni a, ŋan maadi yaa yogunu. N baa waani a ŋan baa maadi yaala.» 13Musa den yedi: «O! N Diedo, sinja n po. Soani nitoa!»
14Lani yaa po, o Diedo pali den beni Musa po ke o yedi o: «Naani a kpelo Alono Levi buolu yua ki ye likani? N bani ke wan wani, mi maama naa pa o po. Diidi wani n kpendi ki baa tuogi a yeni. O yaa laa ŋa, o pali baa mangi hali boncianla. 15A baa maadi ki tieni mi naa maama o ñoabu nni, nmo YE leni a ñoabu leni o yaa ñoabu mo. N baa bangi yi, yin baa n tieni yaala. 16O baa maadi leni li nitaanli a po. O baa tua a ñoabu, a mo n gaa o po U Tienu kaanu. 17Taa u naa gbiamu a nuu nni, ŋan baa tieni sinankeene leni yuu.»
Musa guani o niba kani
18Musa den gedi. Wan den kuni ki pundi o cuadibaa Jetiro kani, o den yedi o: «N mia ŋa, cedi min guani n kpiiba yaaba n ye Ejipiti nni kani, ki le bi yaa baa ki ye.» Jetiro den yedi Musa: «Gedi leni mi yanduanma.» 19O Diedo den yedi Musa wan ye Madiani diema nni yaa yogunu: «Guani Ejipiti diema nni, kelima yaaba n den bua ki ñani a miali kuli kpe.» 20Musa den taa o pua leni o bijaba ki teni ke bi jagini i ŋunbi, ki guani Ejipiti diema nni. O den kubi U Tienu gbiamu o nuu nni. 21O Diedo den yedi Musa: «A yaa fii ki guani Ejipiti nni yaa yogunu, ŋan diidi min baa tieni a nuu nni yaa bancianma. Ŋan ban tieni likuli Faraon nintuali. Ama mini, n baa teni o pali n juagi ke o kan tuo bi niba n gedi. 22Ŋan yedi Faraon: ‹Li Miali Diedo yedi yaa maama n tie ne: Isidayeli tie n bijua, n bijakpelo. 23N yedi a: Cedi n bijua n gedi ki kpiagi nni. A yaa yie ke o kan gedi, n baa kpa a bijua, yua n tie a bijakpelo yeni.› »#Ñam 12.29.
24Ban den ye u sanu nni, Musa n den duani naani, o Diedo den cua ki tuogi o ki bua ki kpa o. 25Sefora den taa yaa tanli n mani nani ki juga yeni, ki kuani o bijua ku ciagu, ki taa ku punjuogu ki sii Musa taana#4.25 Tianba yedi ke o den taa ku punjuogu yeni ki sii Musa jadi yo., ki yedi: «A tie n po mi soama calo yo.» 26Lanwani, o Diedo den cedi Musa. O pua den yedi: «Mi soama calo.» Li tie ku koanciagu yaa po yo.
27O Diedo den yedi Alono: «Gedi mi fanpienma po ki tuogi Musa.» Alono den fii ki tuogi Musa U Tienu juali kani, ki bibi o. 28Musa den teni ke Alono bandi o Diedo yua n den soani o maama leni wan den puogi o ke wan tieni yaa bancianma kuli. 29Li yaa puoli, Musa leni Alono den gedi ki taani Isidayeli nikpela kuli. 30Alono den waani ba o Diedo n den yedi Musa yaa maama kuli. Musa den tieni o sinankeeninba bi niba kuli nintuali. 31Bi niba den daani o yedima. Bi den bandi ke o Diedo cua ki goandi Isidayeli yaaba, ki laa bi falaciamo. Bikuli den gbaani ki pugi o.
Currently Selected:
Mi Ñama 4: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
Mi Ñama 4
4
U Tienu doagidi o paalu Musa po
1 Musa den guani ki yedi: «Bi kan daani n maama, bi kan cengi n yedima. Bi baa yedi nni o Diedo naa den doagidi a po.» 2O Diedo den yedi o: «A kubi be yo a nuu nni?» O go den guani ki yedi: «N kubi gbiamue.» 3O Diedo den yedi: «Lu u tiipo.» O den luni u tiipo ke u tua wa. Musa den sani. 4O Diedo den yedi Musa: «Tandi a nuu ki cuo o juoli.» O den tandi o nuu ki cuo o wa ke o go tua gbiamu o nuu nni. 5O Diedo den yedi: «Ŋan tieni yeni, bi baa daani ke o Diedo bi baanba Tienu den doagidi a kani, wani yua n tie Abalahama, Isaaka leni Jakob Tienu.» 6O Diedo go den yedi o: «Kubini a nuu a liadili nni.» O den kubini o nuu o liadili nni. Wan den ñani o nuu o liadili nni, o den sua ke mi gbaadima cuo o nuu ke u pendi paipai nani a tatana yeni.
7O Diedo den yedi: «Go kubini a nuu a liadili nni.» O go den kubini o nuu o liadili nni, ki go ñani ki sua ke u go guani ki tua nani wun den kpa tie maama. O Diedo den yedi o: 8«Bi yàá daani a maama, ki naa cengi o sinankeenkpialo, bi baa daani o sinankeenjuodika wani. 9Bi yàá daani ba laa sinankeenliediba kuli, ki naa cengi a maama, ŋan ñani u kpenciamu ñima ki wuli tiipo. Ŋan ñani yaa ñima u kpenciamu nni ki wuli tiipo yeni, baa tua soama.»
U Tienu gandi Alono ke wan tua Musa duogili
10Musa den yedi o Diedo: «O! N Diedo, sinja n po. Mii tie mi maama n dingi yua yaa po. Laa cili wonli bi wonlitunma, bi ŋan li maadi leni a naacemo yeni ka. Mi maama n li pa, n ñoabu leni n lanbu po.» 11O Diedo den yedi: «Ŋme n tagi o nisaalo ñoabu. Ŋme n teni ke o nisaalo tie womo, muulo, juamo bi yua n nua? Naani laa tie mini Li Miali Diedo ka? 12Lanwani gedi, N YE leni a, ŋan maadi yaa yogunu. N baa waani a ŋan baa maadi yaala.» 13Musa den yedi: «O! N Diedo, sinja n po. Soani nitoa!»
14Lani yaa po, o Diedo pali den beni Musa po ke o yedi o: «Naani a kpelo Alono Levi buolu yua ki ye likani? N bani ke wan wani, mi maama naa pa o po. Diidi wani n kpendi ki baa tuogi a yeni. O yaa laa ŋa, o pali baa mangi hali boncianla. 15A baa maadi ki tieni mi naa maama o ñoabu nni, nmo YE leni a ñoabu leni o yaa ñoabu mo. N baa bangi yi, yin baa n tieni yaala. 16O baa maadi leni li nitaanli a po. O baa tua a ñoabu, a mo n gaa o po U Tienu kaanu. 17Taa u naa gbiamu a nuu nni, ŋan baa tieni sinankeene leni yuu.»
Musa guani o niba kani
18Musa den gedi. Wan den kuni ki pundi o cuadibaa Jetiro kani, o den yedi o: «N mia ŋa, cedi min guani n kpiiba yaaba n ye Ejipiti nni kani, ki le bi yaa baa ki ye.» Jetiro den yedi Musa: «Gedi leni mi yanduanma.» 19O Diedo den yedi Musa wan ye Madiani diema nni yaa yogunu: «Guani Ejipiti diema nni, kelima yaaba n den bua ki ñani a miali kuli kpe.» 20Musa den taa o pua leni o bijaba ki teni ke bi jagini i ŋunbi, ki guani Ejipiti diema nni. O den kubi U Tienu gbiamu o nuu nni. 21O Diedo den yedi Musa: «A yaa fii ki guani Ejipiti nni yaa yogunu, ŋan diidi min baa tieni a nuu nni yaa bancianma. Ŋan ban tieni likuli Faraon nintuali. Ama mini, n baa teni o pali n juagi ke o kan tuo bi niba n gedi. 22Ŋan yedi Faraon: ‹Li Miali Diedo yedi yaa maama n tie ne: Isidayeli tie n bijua, n bijakpelo. 23N yedi a: Cedi n bijua n gedi ki kpiagi nni. A yaa yie ke o kan gedi, n baa kpa a bijua, yua n tie a bijakpelo yeni.› »#Ñam 12.29.
24Ban den ye u sanu nni, Musa n den duani naani, o Diedo den cua ki tuogi o ki bua ki kpa o. 25Sefora den taa yaa tanli n mani nani ki juga yeni, ki kuani o bijua ku ciagu, ki taa ku punjuogu ki sii Musa taana#4.25 Tianba yedi ke o den taa ku punjuogu yeni ki sii Musa jadi yo., ki yedi: «A tie n po mi soama calo yo.» 26Lanwani, o Diedo den cedi Musa. O pua den yedi: «Mi soama calo.» Li tie ku koanciagu yaa po yo.
27O Diedo den yedi Alono: «Gedi mi fanpienma po ki tuogi Musa.» Alono den fii ki tuogi Musa U Tienu juali kani, ki bibi o. 28Musa den teni ke Alono bandi o Diedo yua n den soani o maama leni wan den puogi o ke wan tieni yaa bancianma kuli. 29Li yaa puoli, Musa leni Alono den gedi ki taani Isidayeli nikpela kuli. 30Alono den waani ba o Diedo n den yedi Musa yaa maama kuli. Musa den tieni o sinankeeninba bi niba kuli nintuali. 31Bi niba den daani o yedima. Bi den bandi ke o Diedo cua ki goandi Isidayeli yaaba, ki laa bi falaciamo. Bikuli den gbaani ki pugi o.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.