Mi Ñama 32
32
Isidayeli yaaba fidi U Tienu n kuani yaa ŋantaado leni ba
32—34
Wula naabiga
1Isidayeli yaaba n den laa ke Musa waagi li juali yuli po ki naa jiidi, bi den taani Alono kani ki yedi o: «Fii ki duadi ti po yaa tienu n baa yaa cuoni ti liiga, kelima Musa, yaa joa n ñani ti Ejipiti diema nni yeni, tii bani yaala n tieni o.»#JTT 7.40.
2Alono den yedi ba: «Yin ñani mani yi puoba, yi bijaba leni yi bisiaba n pia yaa tubilenlena ke a tie wula ki cuani n kani.» 3Lanwani, bi niba kuli den ñani bi tubilenlena ya n tie wula ki cuani Alono kani. 4O den gaa ŋa bi nii nni, ki duadi bi po ki naabiga nannanli. Lani, bi den yedi: «Isidayeli yaaba, Diidi ki le mani yi tienu, yua n den ñani yi Ejipiti diema nni.»#1Bad 12.28; JTT 7.41. 5Alono n den laa lani kuli, o den maa li padibinbinli ki nintuali, ki kpaani ki yedi: «Saala baa yaa tie mi jaanma o Diedo yeli nni.» 6Lan den fii ki faa, bi den yagidi ki fii ki padi a padijuukaana, ki cuani mi taanyenma pada, ke ku niligu den kali ki dini ki go ñuni. Lani n pendi, bi den fii ki jeli ki ciaga.#1Kor 10.7.
7O Diedo den yedi Musa: «Ŋan fii ki jiidi kelima a niba, ŋan ñani yaaba Ejipiti diema nni yeni biidi bi yula. 8Bi jaligi ki ŋaa min den bili ban yaa ŋua yaa sanu yeni. Bi duadi bi yula po ki naabiga, ki labini ki kani ki pugi, ki padi ki po a pada ki yedi: Isidayeli yaaba, diidi ki le mani yi tienu, yua n den ñani yi Ejipiti diema nni.» 9O Diedo den yedi Musa: «N nua ke yaa nibuolu n tie ne tie i tupaali danba. 10Moala ŋan cedi nni, n pabienli baa pebidi bi po, min bolini ba. Ama n baa teni fini, ŋan tua nibuociamu.»
11Musa den mia o Diedo U Tienu ki yedi: «O Diedo, be n teni ke a pali pebidi a nibuolu po nanda, ŋan den ñani bani yaaba Ejipiti diema nni leni a paalu leni a nuu paalu?#Coa 14.13-19. 12Be yaa po ke a baa teni Ejipiti yaaba n yedi: ‹O den ñani ba nekanba ki bua ki faligi ba, ki kpa ba a juana po, ki bolini ba, ki ñani bi buolu ŋanduna nni.› Ŋan jiini a pali, ki lebidi a yama, ki da bolini a nibuolu, nani ŋan bi jagi ke a baa bolini ba maama yeni. 13Ŋan tiadi a naacenba Abalahama, Isaaka leni Isidayeli po, ŋan den taa a yeli ki poli ki niani yaaba, ki yedi: ‹N baa teni yi puoliŋuani n yabidi nani yaa ŋmabila n ye tanpoli yeni, n baa pa yi yaabila min den maadi yaa diema maama yeni, man yaa tie bi piama hali yaa yogunu kuli.› »#Cil 22.16-17; 17.8.
14Lanwani, o Diedo den lebidi o yama, waa den tieni wan den jagi ke o baa pua o niba yaa nufanu leni yaa yebiadima.
15Musa den lebidi ki jiidi li juali, ki kubi siedi maama tanpabiliedimu o nuu nni. Mu tanpabiliedimu yeni kaliliedi kuli den pia i diani. 16Mu tanpabiliedimu den tie U Tienu wani o ba n den ŋanbi yaamu. I diani mo den tie U Tienu wani o ba yaa diani, wan den diani yii mu tanpabiliedimu po.
17 Josue n den gbadi ku niligu niali ke bi kpaani, o den yedi Musa: «Bu toabu fuugu ña li nagili nni.» 18Musa den guani ki yedi: «Laa tie yaaba n paadi kuudi, laa didi tie ban paadi yaaba mo yaa bubula. Min gba yaala tie yaaba n yiini niali yo.»
19Wan den nagini li nagili yaa yogunu, o den laa ki naabiga leni bi cajeliba. Musa pali den beni boncianla, ke o luni wan kubi yaa tanpabiliedimu o nuu nni, ki mudi mu li juali tinga. 20O den taa ban den duadi yaa naabiga ki juu ka u mu nni, ki mudi ga yomi yomi, ki yadi ki yoma u ñingbanu po, ki ñuni ma Isidayeli yaaba. 21Musa den yedi Alono: «Ku niligu ne tieni a be ke a teni ke bi tieni yaa tuonbiaciandi n tie ne?» 22Alono den guani ki yedi o: «N daano, ŋan da bieni a pali. Fini a ba, a bani ke bi niba ne yama ye mi biadima nni yaa yogunu kuli. 23Bi den yedi nni: ‹Tagi ti po yaa tienu n baa yaa ye ti liiga, kelima Musa yua n den ñani ti Ejipiti nni, tii bani yaala n tieni o.› 24Lane ke nmo den yedi ba: Yaaba n pia wula kuli, ban ñani ki cuani ne. Bi teni nni, ke n luni la u mu nni ke ki naa naabiga ñani mi niinni.»
Bi tuonbiadi panpaani
25Musa den laa ke ku niligu lebidi bi yula ki tie kala, kelima Alono den cedi ba ke bi tie kala ki kpandi maalaadi, bi yibalinba po. 26Lanwani, Musa den gedi ki sedi li nagili buliñoabu kani, ki kpaani ki yedi: «Ŋme n baa ŋoadi o Diedo? Wan cua n kani ne!» Lanwani, Levi buolu kuli den fii ki taani ki cua o kani. 27O den yedi ba: «O Diedo Isidayeli Tienu yedi mine: ‹Yuakuli n bali o jugisiega ki kua li nagili nni, ki cili bu naa buliñoabu, ki ban tuoni buyabu. Yuakuli n kpa o kpiilo, o danli, o waalo bi o kpelo.› » 28Levi buolu den tieni nani Musa n den yedi ba maama. Landaali ku niligu siiga yaaba n den kpe den pundi tudataa (3 000). 29Musa den yedi: «Yin gagidi mani yi yula o Diedo po dinla, kelima yuakuli tuo ki kpa o biga bi o kpiilo. Yeni n tie o Diedo n pa yi li seli dinla.»
Musa mia Isidayeli yaaba po sugili
30Lan den fii ki faa, Musa den yedi ku niligu: «Yi tieni yaa tuonbiadi n bia boncianla. Moala, n baa do ki gedi o Diedo kani ki le n yaa baa baa ti candandi yi tuonbiadi po.» 31Musa den guani ki gedi o Diedo kani ki yedi: «Ŋain, ku niligu ne tieni ti tuonbiadi boncianla. Bi duadi bi yula po wula bulo. 32Moala, n mia ŋan tieni bi po bi tuonbiadi sugili, yeni yaa ka, ŋan duuni ki ñani n yeli ŋan diani li yaa tili nni.»#32.32 Diidi: Pisomi 139.16; Danieli 12.1; Luki 10.20; Doagidima 3.5; 20.15. 33O Diedo den yedi Musa: «N baa duuni ki ñani yua n tieni n po ti tuonbiadi yaa yeli bebe yo n tili nni. 34Ŋan gedi moala ki ban ciani ku niligu, min den waani a naankani. N maleki baa kua a liiga ki yaa cangi a. Ama n pantuuli daali yaa cua, n baa guani ba bi tuonbiadi panpaani, ki tundi ba tundifala bi tuonbiadi po.» 35O Diedo den luni ku niligu u yianbiadu, kelima bi den tagi ki naabiga, Alono n den duadi yaaga yeni.
Currently Selected:
Mi Ñama 32: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
Mi Ñama 32
32
Isidayeli yaaba fidi U Tienu n kuani yaa ŋantaado leni ba
32—34
Wula naabiga
1Isidayeli yaaba n den laa ke Musa waagi li juali yuli po ki naa jiidi, bi den taani Alono kani ki yedi o: «Fii ki duadi ti po yaa tienu n baa yaa cuoni ti liiga, kelima Musa, yaa joa n ñani ti Ejipiti diema nni yeni, tii bani yaala n tieni o.»#JTT 7.40.
2Alono den yedi ba: «Yin ñani mani yi puoba, yi bijaba leni yi bisiaba n pia yaa tubilenlena ke a tie wula ki cuani n kani.» 3Lanwani, bi niba kuli den ñani bi tubilenlena ya n tie wula ki cuani Alono kani. 4O den gaa ŋa bi nii nni, ki duadi bi po ki naabiga nannanli. Lani, bi den yedi: «Isidayeli yaaba, Diidi ki le mani yi tienu, yua n den ñani yi Ejipiti diema nni.»#1Bad 12.28; JTT 7.41. 5Alono n den laa lani kuli, o den maa li padibinbinli ki nintuali, ki kpaani ki yedi: «Saala baa yaa tie mi jaanma o Diedo yeli nni.» 6Lan den fii ki faa, bi den yagidi ki fii ki padi a padijuukaana, ki cuani mi taanyenma pada, ke ku niligu den kali ki dini ki go ñuni. Lani n pendi, bi den fii ki jeli ki ciaga.#1Kor 10.7.
7O Diedo den yedi Musa: «Ŋan fii ki jiidi kelima a niba, ŋan ñani yaaba Ejipiti diema nni yeni biidi bi yula. 8Bi jaligi ki ŋaa min den bili ban yaa ŋua yaa sanu yeni. Bi duadi bi yula po ki naabiga, ki labini ki kani ki pugi, ki padi ki po a pada ki yedi: Isidayeli yaaba, diidi ki le mani yi tienu, yua n den ñani yi Ejipiti diema nni.» 9O Diedo den yedi Musa: «N nua ke yaa nibuolu n tie ne tie i tupaali danba. 10Moala ŋan cedi nni, n pabienli baa pebidi bi po, min bolini ba. Ama n baa teni fini, ŋan tua nibuociamu.»
11Musa den mia o Diedo U Tienu ki yedi: «O Diedo, be n teni ke a pali pebidi a nibuolu po nanda, ŋan den ñani bani yaaba Ejipiti diema nni leni a paalu leni a nuu paalu?#Coa 14.13-19. 12Be yaa po ke a baa teni Ejipiti yaaba n yedi: ‹O den ñani ba nekanba ki bua ki faligi ba, ki kpa ba a juana po, ki bolini ba, ki ñani bi buolu ŋanduna nni.› Ŋan jiini a pali, ki lebidi a yama, ki da bolini a nibuolu, nani ŋan bi jagi ke a baa bolini ba maama yeni. 13Ŋan tiadi a naacenba Abalahama, Isaaka leni Isidayeli po, ŋan den taa a yeli ki poli ki niani yaaba, ki yedi: ‹N baa teni yi puoliŋuani n yabidi nani yaa ŋmabila n ye tanpoli yeni, n baa pa yi yaabila min den maadi yaa diema maama yeni, man yaa tie bi piama hali yaa yogunu kuli.› »#Cil 22.16-17; 17.8.
14Lanwani, o Diedo den lebidi o yama, waa den tieni wan den jagi ke o baa pua o niba yaa nufanu leni yaa yebiadima.
15Musa den lebidi ki jiidi li juali, ki kubi siedi maama tanpabiliedimu o nuu nni. Mu tanpabiliedimu yeni kaliliedi kuli den pia i diani. 16Mu tanpabiliedimu den tie U Tienu wani o ba n den ŋanbi yaamu. I diani mo den tie U Tienu wani o ba yaa diani, wan den diani yii mu tanpabiliedimu po.
17 Josue n den gbadi ku niligu niali ke bi kpaani, o den yedi Musa: «Bu toabu fuugu ña li nagili nni.» 18Musa den guani ki yedi: «Laa tie yaaba n paadi kuudi, laa didi tie ban paadi yaaba mo yaa bubula. Min gba yaala tie yaaba n yiini niali yo.»
19Wan den nagini li nagili yaa yogunu, o den laa ki naabiga leni bi cajeliba. Musa pali den beni boncianla, ke o luni wan kubi yaa tanpabiliedimu o nuu nni, ki mudi mu li juali tinga. 20O den taa ban den duadi yaa naabiga ki juu ka u mu nni, ki mudi ga yomi yomi, ki yadi ki yoma u ñingbanu po, ki ñuni ma Isidayeli yaaba. 21Musa den yedi Alono: «Ku niligu ne tieni a be ke a teni ke bi tieni yaa tuonbiaciandi n tie ne?» 22Alono den guani ki yedi o: «N daano, ŋan da bieni a pali. Fini a ba, a bani ke bi niba ne yama ye mi biadima nni yaa yogunu kuli. 23Bi den yedi nni: ‹Tagi ti po yaa tienu n baa yaa ye ti liiga, kelima Musa yua n den ñani ti Ejipiti nni, tii bani yaala n tieni o.› 24Lane ke nmo den yedi ba: Yaaba n pia wula kuli, ban ñani ki cuani ne. Bi teni nni, ke n luni la u mu nni ke ki naa naabiga ñani mi niinni.»
Bi tuonbiadi panpaani
25Musa den laa ke ku niligu lebidi bi yula ki tie kala, kelima Alono den cedi ba ke bi tie kala ki kpandi maalaadi, bi yibalinba po. 26Lanwani, Musa den gedi ki sedi li nagili buliñoabu kani, ki kpaani ki yedi: «Ŋme n baa ŋoadi o Diedo? Wan cua n kani ne!» Lanwani, Levi buolu kuli den fii ki taani ki cua o kani. 27O den yedi ba: «O Diedo Isidayeli Tienu yedi mine: ‹Yuakuli n bali o jugisiega ki kua li nagili nni, ki cili bu naa buliñoabu, ki ban tuoni buyabu. Yuakuli n kpa o kpiilo, o danli, o waalo bi o kpelo.› » 28Levi buolu den tieni nani Musa n den yedi ba maama. Landaali ku niligu siiga yaaba n den kpe den pundi tudataa (3 000). 29Musa den yedi: «Yin gagidi mani yi yula o Diedo po dinla, kelima yuakuli tuo ki kpa o biga bi o kpiilo. Yeni n tie o Diedo n pa yi li seli dinla.»
Musa mia Isidayeli yaaba po sugili
30Lan den fii ki faa, Musa den yedi ku niligu: «Yi tieni yaa tuonbiadi n bia boncianla. Moala, n baa do ki gedi o Diedo kani ki le n yaa baa baa ti candandi yi tuonbiadi po.» 31Musa den guani ki gedi o Diedo kani ki yedi: «Ŋain, ku niligu ne tieni ti tuonbiadi boncianla. Bi duadi bi yula po wula bulo. 32Moala, n mia ŋan tieni bi po bi tuonbiadi sugili, yeni yaa ka, ŋan duuni ki ñani n yeli ŋan diani li yaa tili nni.»#32.32 Diidi: Pisomi 139.16; Danieli 12.1; Luki 10.20; Doagidima 3.5; 20.15. 33O Diedo den yedi Musa: «N baa duuni ki ñani yua n tieni n po ti tuonbiadi yaa yeli bebe yo n tili nni. 34Ŋan gedi moala ki ban ciani ku niligu, min den waani a naankani. N maleki baa kua a liiga ki yaa cangi a. Ama n pantuuli daali yaa cua, n baa guani ba bi tuonbiadi panpaani, ki tundi ba tundifala bi tuonbiadi po.» 35O Diedo den luni ku niligu u yianbiadu, kelima bi den tagi ki naabiga, Alono n den duadi yaaga yeni.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.