Mi Ñama 30
30
Tulale padibinbinli n baa yaa tie maama
1Ŋan tieni li padibinbinli yaali yaa po ke bi baa yaa juugi tulale. Ŋan tieni li leni akasia daadi.#Ñam 37.25-28. 2Ŋan teni li pianu leni li foaginu n yaa da. Li foaginu baa yaa tie nukpandunyenli, li kpedima mo baa yaa tie nukpanduna lie. Lani, leni li padibinbinli yina kuli baa taani ki yaa tie yenma. 3Ŋan boali li padibinbinli tanpoli, li kali leni li yina yeni kuli leni wulamoano, ŋan kugini likuli leni wula ki ban cebini.
4Ŋan duadi wula ñoagibila bonalie ki tieni a, ŋan kugini li padibinbinli wula tiipo i kaliliedi kuli kani. Laa ñoagibila yaa niinne ke i dopandi baa tuuni li padibinbinli tugima po. 5Ŋan kpie i dopandi yeni kuli leni akasia daadi, ki yuandi ki boali yi leni wula. 6Ŋan bili li padibinbinli ki tegini bu kpalidoaginkaabu yaabu n ye ku ŋantaadikpaku nintuali. Li baa yaa tiegi leni li biili yaali n maa ku ŋantaadikpaku po, min baa yaa kadi leni a naani. 7Tiŋaagu kuli, Alono yaa kua ki baa ŋanbi mu fidisanmu, o baa juu tulale. 8Yenjuagu kuli mo, o yaa baa cuoni mu fidisanmu yaa yogunu, wan yen juu tulale. Ŋan yaa juugi tulale n yeli kpiagidi po, ki da cedi nifiima n tuu nifiima.
9Yin da padi li padibinbinli po tulalefano, bi padijuukaali, bi bu paabu padili, yin da cabi li padibinbinli po liba kuli mo. 10Li binli nni yenma, Alono baa padi ti tuonbiadi sugili padili, ki wuli ki padiyanga soama li padibinbinli yina po. Binli kuli, laa padili baa tieni nifiima n tuu nifiima. Li padibinbinli baa yaa tie o Diedo nintuali yaa bonla n gagidi ki ŋani hali boncianla.»
Li lubili u kaangagidiŋamu po
11O Diedo go den maadi leni Musa ki yedi: 12«A yaa fiini Isidayeli yaaba coali, nilo kuli baa pa yi i panpaani, o miali daafaabima po. Lani n tie falaba kuli n da baa yi li coali yogunu. 13Bi yaa coadi yua kuli, o baa pa kujapienli boagidima, nani ban bili maama, U Tienu diegu po. Yi baa gaa laa ligi o Diedo po.#Ñam 38.25-26; Mat 17.24. 14Isidayeli niba yaaba n pundi bi ki cie bina piilie kuli, baa taani li nicoali nni, bi go baa teni ban gaani yaa paabu o Diedo po mo. 15O piado kan pa ki cie, o luodo mo kan pa yaala n ki pundi kujapienli boagidima. Yuakuli baa pa mini o Diedo o daafaabima po. 16Ŋan gaa Isidayeli yaaba kani bi miana daafaabima ligi. Ŋan taa laa ligi ki yaa ŋanbidi u Kadikaanu Gbandieli. O Diedo nintuali, li baa yaa tie Isidayeli yaaba po, mi tiadima bonla bi miana daafaabima po.»
Ti kumoandi tadigu n tie maama
17O Diedo den maadi leni Musa, ki yedi o: 18«Ŋan duadi ti kumoandi tadigu, ku tuankaanu moko n yaa tie kumoandi. Ŋan sieni ku, u Kadikaanu Gbandieli leni li padibinbinli siiga, ki gbieni ku mi ñima, lan tua mi nigidiŋanbima po.#Ñam 38.8. 19Alono leni o bijaba baa yaa nigidi ki ŋanbi bi taana leni bi nii leni laa ñima, 20bi yaa baa kua u Kadikaanu Gbandieli nni. Li baa yaa tie Isidayeli yaaba po mi tiadima bonla o Diedo nintuali, bi miana daafaabima po. 21Bi baa nigidi bi nii leni bi taana, lani n tie ban da kpe. Li baa yaa tie Alono leni o puoliŋuani po, yaa mabilikaama n baa yaa ye yogunu kuli po.»
Mi kpagagidikaama
22O Diedo den maadi leni Musa, ki yedi: 23«Ŋan lingi tulalemoano yua n yi militi, yua n tie bonñima ke o kpiagu tie kilo bonbimuu, sinamomi yua yaa nuulu n mani kilo bonbilie leni boagidima, kaneli yua yaa nuulu n mani kilo bonbilie leni boagidima, 24kase kilo bonbimuu ki ŋoadi nani u kaangagidiŋamu nni ban biigidi maama. Ŋan go baa olivie tiidi yaa kpama moko litidi bonbiluoba.
25Yua n tuuni tulale tuonli baa kaali likuli ki ñani mi kpagagidikaama, ban baa yaa tuuni leni yaama mi gagidiŋanbima bogida po. 26A yen baa taa mane ki wuli ki gagidi ki ŋanbi u Kadikaanu Gbandieli leni ku ŋantaadikpaku. 27Tabili leni li tiabidi bidi, u fidisantuankaanu leni u tiabidi bidi, tulale padibinbinli, 28a padijuukaana padibinbinli leni li tiabidi bidi, ku kumoantadigu leni ku tuankaanu. 29A yaa gagidi ki ŋanbi laa bonla kuli, li baa gagidi ki yaa ŋani cain, yaala n sii laa bonla kuli baa gagidi. 30Ŋan wuli Alono leni o bijaba yula po mi kpagagidikaama, lan gagidi ki ŋanbi ba ban yaa tuuni n po.
31Li yaa puoli, ŋan yedi Isidayeli yaaba: yaa kpama n tie ne tie mi gagidiŋanbima kpame yogunu kuli po. Laa kpama baa yaa ye o Diedo tuonli po bebe. 32Oba kuli n da sogi laa kpama, oba kuli n da tieni laa kpama buolu mo. Laa kpama gagidi ki ŋani, Lanwani mi baa yaa tie yaama n gagidi ki ŋani yi po. 33Yua n ŋoali laa kpama buolu kuli, bi yua n taa ma ki sogi nilamo#30.33 Yua n ki tie kopadicianbuolu., bi baa ñani o o buolu nni.»
Tulale yua n gagidi ki ŋani n bogidi maama
34O Diedo go den yedi Musa: «Lingi yaa tiidi yaa nuulu n mani, lani n tie sitakite, onigisi leni galibanumi. Ŋan go pugini ŋan baa yaa tiidi yeni po a dugibila mo lan yaa da yeni. 35Yua n tuuni tulale tuonli baa kaali likuli leni mi yaama, lan tua yaa bonla n ki pia joagindi, ki go gagidi ki ŋani. 36Ŋan nugi ki baa li bonyoma ki sieni ma ku ŋantaadikpaku kani, u Kadikaanu Gbandieli nni, min baa bili tin yaa kadi naankani. Li baa yaa tie yi po yaa bonla n gagidi ki ŋani cain.
37Oba kuli n da tagi laa tulale buolu ŋantaaditoa po. Yin bili yi yama nni ke o li ye, mini yaa ŋantaado po bebe yo. 38Nilo yaa tagi laa tulale buolu, ki baa yaa gba u nuulumanu, yin ñani o buolu nni.»#Ñam 37.29.
Currently Selected:
Mi Ñama 30: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
Mi Ñama 30
30
Tulale padibinbinli n baa yaa tie maama
1Ŋan tieni li padibinbinli yaali yaa po ke bi baa yaa juugi tulale. Ŋan tieni li leni akasia daadi.#Ñam 37.25-28. 2Ŋan teni li pianu leni li foaginu n yaa da. Li foaginu baa yaa tie nukpandunyenli, li kpedima mo baa yaa tie nukpanduna lie. Lani, leni li padibinbinli yina kuli baa taani ki yaa tie yenma. 3Ŋan boali li padibinbinli tanpoli, li kali leni li yina yeni kuli leni wulamoano, ŋan kugini likuli leni wula ki ban cebini.
4Ŋan duadi wula ñoagibila bonalie ki tieni a, ŋan kugini li padibinbinli wula tiipo i kaliliedi kuli kani. Laa ñoagibila yaa niinne ke i dopandi baa tuuni li padibinbinli tugima po. 5Ŋan kpie i dopandi yeni kuli leni akasia daadi, ki yuandi ki boali yi leni wula. 6Ŋan bili li padibinbinli ki tegini bu kpalidoaginkaabu yaabu n ye ku ŋantaadikpaku nintuali. Li baa yaa tiegi leni li biili yaali n maa ku ŋantaadikpaku po, min baa yaa kadi leni a naani. 7Tiŋaagu kuli, Alono yaa kua ki baa ŋanbi mu fidisanmu, o baa juu tulale. 8Yenjuagu kuli mo, o yaa baa cuoni mu fidisanmu yaa yogunu, wan yen juu tulale. Ŋan yaa juugi tulale n yeli kpiagidi po, ki da cedi nifiima n tuu nifiima.
9Yin da padi li padibinbinli po tulalefano, bi padijuukaali, bi bu paabu padili, yin da cabi li padibinbinli po liba kuli mo. 10Li binli nni yenma, Alono baa padi ti tuonbiadi sugili padili, ki wuli ki padiyanga soama li padibinbinli yina po. Binli kuli, laa padili baa tieni nifiima n tuu nifiima. Li padibinbinli baa yaa tie o Diedo nintuali yaa bonla n gagidi ki ŋani hali boncianla.»
Li lubili u kaangagidiŋamu po
11O Diedo go den maadi leni Musa ki yedi: 12«A yaa fiini Isidayeli yaaba coali, nilo kuli baa pa yi i panpaani, o miali daafaabima po. Lani n tie falaba kuli n da baa yi li coali yogunu. 13Bi yaa coadi yua kuli, o baa pa kujapienli boagidima, nani ban bili maama, U Tienu diegu po. Yi baa gaa laa ligi o Diedo po.#Ñam 38.25-26; Mat 17.24. 14Isidayeli niba yaaba n pundi bi ki cie bina piilie kuli, baa taani li nicoali nni, bi go baa teni ban gaani yaa paabu o Diedo po mo. 15O piado kan pa ki cie, o luodo mo kan pa yaala n ki pundi kujapienli boagidima. Yuakuli baa pa mini o Diedo o daafaabima po. 16Ŋan gaa Isidayeli yaaba kani bi miana daafaabima ligi. Ŋan taa laa ligi ki yaa ŋanbidi u Kadikaanu Gbandieli. O Diedo nintuali, li baa yaa tie Isidayeli yaaba po, mi tiadima bonla bi miana daafaabima po.»
Ti kumoandi tadigu n tie maama
17O Diedo den maadi leni Musa, ki yedi o: 18«Ŋan duadi ti kumoandi tadigu, ku tuankaanu moko n yaa tie kumoandi. Ŋan sieni ku, u Kadikaanu Gbandieli leni li padibinbinli siiga, ki gbieni ku mi ñima, lan tua mi nigidiŋanbima po.#Ñam 38.8. 19Alono leni o bijaba baa yaa nigidi ki ŋanbi bi taana leni bi nii leni laa ñima, 20bi yaa baa kua u Kadikaanu Gbandieli nni. Li baa yaa tie Isidayeli yaaba po mi tiadima bonla o Diedo nintuali, bi miana daafaabima po. 21Bi baa nigidi bi nii leni bi taana, lani n tie ban da kpe. Li baa yaa tie Alono leni o puoliŋuani po, yaa mabilikaama n baa yaa ye yogunu kuli po.»
Mi kpagagidikaama
22O Diedo den maadi leni Musa, ki yedi: 23«Ŋan lingi tulalemoano yua n yi militi, yua n tie bonñima ke o kpiagu tie kilo bonbimuu, sinamomi yua yaa nuulu n mani kilo bonbilie leni boagidima, kaneli yua yaa nuulu n mani kilo bonbilie leni boagidima, 24kase kilo bonbimuu ki ŋoadi nani u kaangagidiŋamu nni ban biigidi maama. Ŋan go baa olivie tiidi yaa kpama moko litidi bonbiluoba.
25Yua n tuuni tulale tuonli baa kaali likuli ki ñani mi kpagagidikaama, ban baa yaa tuuni leni yaama mi gagidiŋanbima bogida po. 26A yen baa taa mane ki wuli ki gagidi ki ŋanbi u Kadikaanu Gbandieli leni ku ŋantaadikpaku. 27Tabili leni li tiabidi bidi, u fidisantuankaanu leni u tiabidi bidi, tulale padibinbinli, 28a padijuukaana padibinbinli leni li tiabidi bidi, ku kumoantadigu leni ku tuankaanu. 29A yaa gagidi ki ŋanbi laa bonla kuli, li baa gagidi ki yaa ŋani cain, yaala n sii laa bonla kuli baa gagidi. 30Ŋan wuli Alono leni o bijaba yula po mi kpagagidikaama, lan gagidi ki ŋanbi ba ban yaa tuuni n po.
31Li yaa puoli, ŋan yedi Isidayeli yaaba: yaa kpama n tie ne tie mi gagidiŋanbima kpame yogunu kuli po. Laa kpama baa yaa ye o Diedo tuonli po bebe. 32Oba kuli n da sogi laa kpama, oba kuli n da tieni laa kpama buolu mo. Laa kpama gagidi ki ŋani, Lanwani mi baa yaa tie yaama n gagidi ki ŋani yi po. 33Yua n ŋoali laa kpama buolu kuli, bi yua n taa ma ki sogi nilamo#30.33 Yua n ki tie kopadicianbuolu., bi baa ñani o o buolu nni.»
Tulale yua n gagidi ki ŋani n bogidi maama
34O Diedo go den yedi Musa: «Lingi yaa tiidi yaa nuulu n mani, lani n tie sitakite, onigisi leni galibanumi. Ŋan go pugini ŋan baa yaa tiidi yeni po a dugibila mo lan yaa da yeni. 35Yua n tuuni tulale tuonli baa kaali likuli leni mi yaama, lan tua yaa bonla n ki pia joagindi, ki go gagidi ki ŋani. 36Ŋan nugi ki baa li bonyoma ki sieni ma ku ŋantaadikpaku kani, u Kadikaanu Gbandieli nni, min baa bili tin yaa kadi naankani. Li baa yaa tie yi po yaa bonla n gagidi ki ŋani cain.
37Oba kuli n da tagi laa tulale buolu ŋantaaditoa po. Yin bili yi yama nni ke o li ye, mini yaa ŋantaado po bebe yo. 38Nilo yaa tagi laa tulale buolu, ki baa yaa gba u nuulumanu, yin ñani o buolu nni.»#Ñam 37.29.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.