Mi Ñama 24
24
U Tienu kuani o ŋantaado leni Isidayeli yaaba
1U Tienu den yedi Musa: «Ŋan do ki cua mini o Diedo kani, fini leni Alono, Nadabi, Abihu leni Isidayeli nikpela siiga niba piilele. Yin pugi mani nni, ki ye hali foagima. 2Fini Musa bebe n nagini mini o Diedo kani, bani yaaba n sieni n da nagini, ku niligu mo n da do leni a ki cua n kani.»
3Musa den cua ku niligu kani ki waani ba o Diedo ñoamabona leni o bali maama kuli. Ku niligu kuli den taani ki maadi mayenma ki yedi: «Ti baa tieni o Diedo n yedi yaala kuli.»
4Musa den diani o Diedo n den maadi yaa maama kuli. Lani, o den fii ku tiŋaapanpangu ki gedi li juali tinga, ki maa li padibinbinli, ki sieni piiga n tanalie mi tiadima po, nani Isidayeli piiga n buoliedi n da maama. 5O den soani Isidayeli yaaba jawaaba siiga bi tianba, ke bi padi ki juu o Diedo po a padijuukaana, ki go padi a naatona ke a tie mi taanyenma pada. 6Musa den taa mi padisoama boagidima ki kuodi mu tadibuomu nni, ki go taa yaa soama n sieni ki wuli li padibinbinli po. 7O den taa o ŋantaado tili ki cogi bi niba po ke bi yedi: «Ti baa tieni o Diedo n yedi yaala kuli, ti baa tuo ki yaa ŋua likuli.»
8Lanwani, Musa den taa mi soama ki mii mii ku niligu po ki yedi: «Diidi ki le mani, yaa soama n tie ne waani ke o Diedo ŋantaado baa yaa ye nani wan bili yi po maama o ñoamabona nni.»#Mat 26.28; Mrk 14.24; Luk 22.20; 1Kor 11.25; Heb 9.19-20; 10.29.
9Musa den doni li juali leni Alono, Nadabi, Abihu leni Isidayeli nikpela siiga niba piilele. 10Bi den laa Isidayeli Tienu. O taana tiipo den naani leni safiri tana, ki boani nani tanpoli n boani maama, ki ñuliti kolikoli. 11U Tienu naa den tandi o nuu ki faligi Isidayeli yudanba. Bi den laa wani U Tienu, ki nan dini ki go ñuni.
Musa tuogi U Tienu li juali yuli po
12O Diedo den yedi Musa: «Ŋan do li juali ki cua n kani ki guudi. N baa teni a yaa bondiankaani n tie mu tanpabimu, min diani n bali maama leni n ñoamabonbilikaana Isidayeli yaaba bangima po naankani.»
13Musa den fii leni Josue o todika, ki doni U Tienu juali. 14O den yedi a nikpela: «Yin guudi mani ti nekanba, hali tin baa guani yi kani. Alono leni Huri baa yaa ye leni yi. Yua n pia ŋantaadi kuli, wan gedi bi kani.» 15Musa den doni li juali po, ku tawaligu mo den ŋoagini li. 16O Diedo kpiagidi den jiidi Sinayi juali po, ku tawaligu den ŋoagini li danaluoba. Li daleleeli, o Diedo yua n den ye ku tawaligu niinni den yini Musa. 17Isidayeli yaaba den laa o Diedo kpiagidi ke ti den ye li juali yuli po, ki tie nani yaa mu n co ki bolindi yeni. 18Musa den kua ku tawaligu niinni, ki go doni li juali po. Lani, Musa den ye li juali yuli po dana piinaa leni ñiadi piinaa.#Tia 9.9.
Currently Selected:
Mi Ñama 24: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
Mi Ñama 24
24
U Tienu kuani o ŋantaado leni Isidayeli yaaba
1U Tienu den yedi Musa: «Ŋan do ki cua mini o Diedo kani, fini leni Alono, Nadabi, Abihu leni Isidayeli nikpela siiga niba piilele. Yin pugi mani nni, ki ye hali foagima. 2Fini Musa bebe n nagini mini o Diedo kani, bani yaaba n sieni n da nagini, ku niligu mo n da do leni a ki cua n kani.»
3Musa den cua ku niligu kani ki waani ba o Diedo ñoamabona leni o bali maama kuli. Ku niligu kuli den taani ki maadi mayenma ki yedi: «Ti baa tieni o Diedo n yedi yaala kuli.»
4Musa den diani o Diedo n den maadi yaa maama kuli. Lani, o den fii ku tiŋaapanpangu ki gedi li juali tinga, ki maa li padibinbinli, ki sieni piiga n tanalie mi tiadima po, nani Isidayeli piiga n buoliedi n da maama. 5O den soani Isidayeli yaaba jawaaba siiga bi tianba, ke bi padi ki juu o Diedo po a padijuukaana, ki go padi a naatona ke a tie mi taanyenma pada. 6Musa den taa mi padisoama boagidima ki kuodi mu tadibuomu nni, ki go taa yaa soama n sieni ki wuli li padibinbinli po. 7O den taa o ŋantaado tili ki cogi bi niba po ke bi yedi: «Ti baa tieni o Diedo n yedi yaala kuli, ti baa tuo ki yaa ŋua likuli.»
8Lanwani, Musa den taa mi soama ki mii mii ku niligu po ki yedi: «Diidi ki le mani, yaa soama n tie ne waani ke o Diedo ŋantaado baa yaa ye nani wan bili yi po maama o ñoamabona nni.»#Mat 26.28; Mrk 14.24; Luk 22.20; 1Kor 11.25; Heb 9.19-20; 10.29.
9Musa den doni li juali leni Alono, Nadabi, Abihu leni Isidayeli nikpela siiga niba piilele. 10Bi den laa Isidayeli Tienu. O taana tiipo den naani leni safiri tana, ki boani nani tanpoli n boani maama, ki ñuliti kolikoli. 11U Tienu naa den tandi o nuu ki faligi Isidayeli yudanba. Bi den laa wani U Tienu, ki nan dini ki go ñuni.
Musa tuogi U Tienu li juali yuli po
12O Diedo den yedi Musa: «Ŋan do li juali ki cua n kani ki guudi. N baa teni a yaa bondiankaani n tie mu tanpabimu, min diani n bali maama leni n ñoamabonbilikaana Isidayeli yaaba bangima po naankani.»
13Musa den fii leni Josue o todika, ki doni U Tienu juali. 14O den yedi a nikpela: «Yin guudi mani ti nekanba, hali tin baa guani yi kani. Alono leni Huri baa yaa ye leni yi. Yua n pia ŋantaadi kuli, wan gedi bi kani.» 15Musa den doni li juali po, ku tawaligu mo den ŋoagini li. 16O Diedo kpiagidi den jiidi Sinayi juali po, ku tawaligu den ŋoagini li danaluoba. Li daleleeli, o Diedo yua n den ye ku tawaligu niinni den yini Musa. 17Isidayeli yaaba den laa o Diedo kpiagidi ke ti den ye li juali yuli po, ki tie nani yaa mu n co ki bolindi yeni. 18Musa den kua ku tawaligu niinni, ki go doni li juali po. Lani, Musa den ye li juali yuli po dana piinaa leni ñiadi piinaa.#Tia 9.9.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.