Mi Ñama 2
2
Musa madi leni o bonwaama
1Levi buolu joa den taa Levi buolu bonpuoga. 2Laa pua den punbi ki mali bonjaga. O den laa ke o ŋani bonŋanla, ke o wuoni o hali ŋmaalitaa.#JTT 7.20; Heb 11.23. 3Wan den sua ke o kan go fidi ki wuoni o, o den taa ku taalibaabuogu ki boali ku leni yaa sinboanma n ñani tiipo leni sintoama. O den kpieni ki biga ku niinni, ki bili likuli i taali#2.3 I taali tie muadi buolu yo, ki pudi ku baagu nni, ke bi taani yi ki lu ti baabuodi. siiga nni, u kpenciamu kunu. 4Ki biga naataanpuoga den foagidi waamu, ki se ki baa le yaala n baa tieni ki biga.
5 Faraon bisalo den cua u kpenciamu kani ki baa wali. O yegininlieba den goadi ki baali u kpenciamu kunu. O den laa ku taalibaabuogu i taali siiga, ki soani o puotuado ke o gedi ki taa ku. 6O den ŋoagidi ki laa ki biga: Li den tie bonjaga ke ki mua. Mi ninñima den cuo o o po, ke o yedi: «O tie Hebilu yaaba yaa bige.» 7Lani, ki biga naataanpuoga den yedi Faraon bisalo: «Naani a bua min gedi ki ban lingi a po o wubido Hebilu puoba siiga, yua n baa yaa ŋaandi ki biga?» 8Faraon bisalo den yedi o: «Gedi!» O jafaano den gedi ki ban yini ki biga yeni naa. 9Faraon bisalo den yedi o: «Taa ki biga ne, ki yaa ŋaandi ka n po, n baa pa ŋa a panpaani.» O pua den gaa ki biga ki ŋaandi ka. 10Wan den fandi yaa yogunu, o den gedini o Faraon bisalo kani, ke o tua o po nani o bijua yeni. O den yini o Musa#2.10 Musa yeli bundima bua ki yedi: “Dadi ki ñani mi ñima nni.” kelima o den yedi: «N den ñani o mi ñima nni.»#JTT 7.21.
Musa sani ki gedi Madiani diema nni
11Musa n den fandi yaa yogunu, o den gedi o kpiiba kani ki laa bi tuonfala kuli. O go den laa ke Ejipiti nilo pua Hebilu nilo, yua n tie o kpiilo. #Heb 11.24. 12O den diidi ganu leni jienu, ki sua ke nitoa kuli naa kuu likani. O den kpa Ejipiti yua, ki piini o mi tanbiima nni. 13Lan den faa, o go den ñani ki goadi, ki sua ke Hebilu yaaba nibilie koani leni biyaba. O den yedi yua n ki pia moani yeni: «Be yaa po ke a pua a lielo?» 14Laa joa den guani ki yedi o: «Ŋme n dini a li bali ke ŋan tua ti bujialo? A tama ke a baa kpa nni nani ŋan den kpa Ejipiti nilo maama yeni bi?» Ti jawaandi den cuo Musa ke o yedi o yuli: «Bi gaa li bonla yeni laabaalo.» 15Faraon n den gbadi yaala n tieni, o den lingi ki bua ki kpa Musa. Ama Musa den sani Faraon, ki gedi hali Madiani diema nni. O den pundi li caali kani ki kali.#JTT 7.29; Heb 11.27. 16Madiani diema kopadiciamo den pia bisiabilele. Bi den cua li caali kani ki baa luuni mi ñima ki gbieni ti dabiadi, ki ñuni bi baa yangoli. 17Ama bi yankpaaba den cua ki deli ba. Lanwani, Musa den fii ki gaa bi koanli, ki teni ke bi yangoli ñuni. 18Ban den guani ki kuni bi baa Rewuyeli kani, o den yedi ba: «Be n teni ke yi guani tontoni dinla?» 19Bi den guani ki yedi o: «Ejipiti joa n gaa ti bi yankpaaba kani, ki go luuni ti po mi ñima ki ñuni li yangoli.» 20O den buali o bisiaba: «O ye le? Be yaa po yo ke yi ŋaa laa joa lipo? Yini o mani ke wan cua ki je leni ti.» 21Musa den tuo ke o baa kali leni laa joa. Rewuyeli den puni o o bisalo Sefora ke o tua o pua. 22O den mali bonjaga ke Musa yini o Gersomi,#2.22 Gersomi yeli naani leni Hebilu maama nni yaala n bua ki yedi: “O tie caano nekanba,” bi “n sani ki ti wuoni ne.” kelima o den yedi: «N tie caano, ki kaa mi dielanma nni.»
U Tienu gandi Musa ke wan faabi Isidayeli yaaba
23Lan den waagi boncianla, Ejipiti bado den ti guani ke Isidayeli yaaba go den yenbidi ki buudi, kelima bi yonbidi po. Bi yonbidi n den teni ke bi buudi yaa bubula den doni ki pundi hali U Tienu kani. 24U Tienu den gbadi bi dunli ki tiadi wan den niani yaala Abalahama, Isaaka leni Jakob.#Cil 15.13-14. 25U Tienu den noanli Isidayeli yaaba, ki gbadi bi po mi ninñima.
Currently Selected:
Mi Ñama 2: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
Mi Ñama 2
2
Musa madi leni o bonwaama
1Levi buolu joa den taa Levi buolu bonpuoga. 2Laa pua den punbi ki mali bonjaga. O den laa ke o ŋani bonŋanla, ke o wuoni o hali ŋmaalitaa.#JTT 7.20; Heb 11.23. 3Wan den sua ke o kan go fidi ki wuoni o, o den taa ku taalibaabuogu ki boali ku leni yaa sinboanma n ñani tiipo leni sintoama. O den kpieni ki biga ku niinni, ki bili likuli i taali#2.3 I taali tie muadi buolu yo, ki pudi ku baagu nni, ke bi taani yi ki lu ti baabuodi. siiga nni, u kpenciamu kunu. 4Ki biga naataanpuoga den foagidi waamu, ki se ki baa le yaala n baa tieni ki biga.
5 Faraon bisalo den cua u kpenciamu kani ki baa wali. O yegininlieba den goadi ki baali u kpenciamu kunu. O den laa ku taalibaabuogu i taali siiga, ki soani o puotuado ke o gedi ki taa ku. 6O den ŋoagidi ki laa ki biga: Li den tie bonjaga ke ki mua. Mi ninñima den cuo o o po, ke o yedi: «O tie Hebilu yaaba yaa bige.» 7Lani, ki biga naataanpuoga den yedi Faraon bisalo: «Naani a bua min gedi ki ban lingi a po o wubido Hebilu puoba siiga, yua n baa yaa ŋaandi ki biga?» 8Faraon bisalo den yedi o: «Gedi!» O jafaano den gedi ki ban yini ki biga yeni naa. 9Faraon bisalo den yedi o: «Taa ki biga ne, ki yaa ŋaandi ka n po, n baa pa ŋa a panpaani.» O pua den gaa ki biga ki ŋaandi ka. 10Wan den fandi yaa yogunu, o den gedini o Faraon bisalo kani, ke o tua o po nani o bijua yeni. O den yini o Musa#2.10 Musa yeli bundima bua ki yedi: “Dadi ki ñani mi ñima nni.” kelima o den yedi: «N den ñani o mi ñima nni.»#JTT 7.21.
Musa sani ki gedi Madiani diema nni
11Musa n den fandi yaa yogunu, o den gedi o kpiiba kani ki laa bi tuonfala kuli. O go den laa ke Ejipiti nilo pua Hebilu nilo, yua n tie o kpiilo. #Heb 11.24. 12O den diidi ganu leni jienu, ki sua ke nitoa kuli naa kuu likani. O den kpa Ejipiti yua, ki piini o mi tanbiima nni. 13Lan den faa, o go den ñani ki goadi, ki sua ke Hebilu yaaba nibilie koani leni biyaba. O den yedi yua n ki pia moani yeni: «Be yaa po ke a pua a lielo?» 14Laa joa den guani ki yedi o: «Ŋme n dini a li bali ke ŋan tua ti bujialo? A tama ke a baa kpa nni nani ŋan den kpa Ejipiti nilo maama yeni bi?» Ti jawaandi den cuo Musa ke o yedi o yuli: «Bi gaa li bonla yeni laabaalo.» 15Faraon n den gbadi yaala n tieni, o den lingi ki bua ki kpa Musa. Ama Musa den sani Faraon, ki gedi hali Madiani diema nni. O den pundi li caali kani ki kali.#JTT 7.29; Heb 11.27. 16Madiani diema kopadiciamo den pia bisiabilele. Bi den cua li caali kani ki baa luuni mi ñima ki gbieni ti dabiadi, ki ñuni bi baa yangoli. 17Ama bi yankpaaba den cua ki deli ba. Lanwani, Musa den fii ki gaa bi koanli, ki teni ke bi yangoli ñuni. 18Ban den guani ki kuni bi baa Rewuyeli kani, o den yedi ba: «Be n teni ke yi guani tontoni dinla?» 19Bi den guani ki yedi o: «Ejipiti joa n gaa ti bi yankpaaba kani, ki go luuni ti po mi ñima ki ñuni li yangoli.» 20O den buali o bisiaba: «O ye le? Be yaa po yo ke yi ŋaa laa joa lipo? Yini o mani ke wan cua ki je leni ti.» 21Musa den tuo ke o baa kali leni laa joa. Rewuyeli den puni o o bisalo Sefora ke o tua o pua. 22O den mali bonjaga ke Musa yini o Gersomi,#2.22 Gersomi yeli naani leni Hebilu maama nni yaala n bua ki yedi: “O tie caano nekanba,” bi “n sani ki ti wuoni ne.” kelima o den yedi: «N tie caano, ki kaa mi dielanma nni.»
U Tienu gandi Musa ke wan faabi Isidayeli yaaba
23Lan den waagi boncianla, Ejipiti bado den ti guani ke Isidayeli yaaba go den yenbidi ki buudi, kelima bi yonbidi po. Bi yonbidi n den teni ke bi buudi yaa bubula den doni ki pundi hali U Tienu kani. 24U Tienu den gbadi bi dunli ki tiadi wan den niani yaala Abalahama, Isaaka leni Jakob.#Cil 15.13-14. 25U Tienu den noanli Isidayeli yaaba, ki gbadi bi po mi ninñima.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.