Mi Ñama 18
18
Musa leni o cuado Jetiro
1Madiani kopadiciamo Jetiro yua n den tie Musa cuado den gbadi U Tienu n den tieni Musa leni o niba Isidayeli yaaba po yaa ŋanbili. O den gbadi ke o Diedo teni ke Isidayeli yaaba ñani Ejipiti nni. 2Musa cuado Jetiro den taa Musa pua Sefora, ki cuani o, kelima Musa den guani ki kuninni o.#Ñam 2.21-22. 3O den cuani Sefora bijaliediba moko. Sefora bila yeni, yendo den yi Gersomi,#18.3 Diidi Mi Ñama 2.22. kelima Musa den yedi: «N tie caano ki kaa mi dielanma nni.»#JTT 7.29. 4O lielo mo den yi Elieseri#18.4 Elieseri: bundi: “N Tienu todi nni.”, kelima Musa den yedi: «N baa Tienu den todi nni ki faabi nni leni Faraon jugisiega.»
5Musa cuado Jetiro, Musa pua leni o bijaba den cua mi fanpienma nni, Musa n den jiidi naani, ki kuu leni U Tienu juali. 6O den teni ke bi yedi Musa: «Mini a cuado Jetiro n cua a kani ki kubi a pua leni a bijaliediba.» 7Musa den ñani ki tuogi o cuado, ki gbaani, ki gobini o. Ban den baa biyaba laabaali, bi den yegi ki kua Musa gbandieli nni. 8Musa den waani o cuado o Diedo n den tieni Faraon leni Ejipiti yaaba yaala kuli, kelima Isidayeli yaaba po. O den waani o ban den laa yaa fala kuli u sanu nni leni o Diedo n den faabi ba maama. 9Jetiro pali den mangi leni o Diedo n den tieni yaa ŋanbili Isidayeli yaaba po. O go den mangi o pali, kelima o den faabi ba Ejipiti yaaba nuu nni. 10Jetiro den yedi: «O Diedo n baa ti pagidi, wani yua n den faabi yi Ejipiti yaaba leni Faraon nuu nni, ki go faabi bi niba kuli Ejipiti yaaba nuu nni. 11N bani moala ke Li Miali Diedo pia u paalu ki cie i tieni kuli, kelima o teni ke Ejipiti yaaba biadima guani ki baa bi yula po.»
12Musa cuado Jetiro den padi U Tienu po li padijuukaali leni a padifana. Alono leni Isidayeli yaaba nikpela kuli den cua ki taani leni Musa cuado, ki dini U Tienu nintuali.
Musa dini bi niba li bali li bujiali po
13Lan den fii ki faa, Musa den kali ki baa jia bi niba buudi. Bi niba den se o nintuali, ki cili ku tiŋaagu, ki ban pundi hali ku yenjuagu. 14Musa cuado n den laa wan tiendi yaala kuli bi niba po, o den yedi: «A tiendi be mo nne bi naa niba po? Be yaa po ke a ja ti buudi fini a bebe, ke bi naa niba kuli se a nintuali ki cili ku tiŋaagu ki ban tuoni ku yenjuagu?» 15Musa den guani ki yedi o cuado: «Bi niba na kpendi n kani ki bua ki buali U Tienu bonliba yo. 16Bi yaa pia maamiba bi siiga, bi yen cua n kani, min jia bi po ti buudi. N go yen teni ban bandi U Tienu ñoamabona leni o bali maama.»
17Musa cuado den yedi o: «Ŋan tiendi yaala yeni naa ŋani. 18A baa yaa coagini a yuli, ki go coagini yaa niba n ye leni a, kelima li tuonli yeni yabi ki cie a fidu. A kan fidi ki soani li fini a bebe. 19Cengi min pia a po yaa tundi: U Tienu mo n yaa ye leni a. A tuonli n baa yaa tie ŋan gaa li taanli kaanu, ki cuani ban pia yaa maama U Tienu nintuali. 20Ŋan yaa bangi ba a ñoamabona leni li bali maama. Ŋan yen teni ban bandi, ban baa ŋoadi yaa sanu leni ban baa yaa tiendi yaala.
21Ŋan gandi bi niba siiga bi yanfuodanba yaaba n fangi U Tienu, ki bua i moamoani ki nani li suuli. Ŋan dini ba li bali ke ban tua niba tudili tudili, niba kobiga kobiga, niba piimuu muu leni niba piiga piiga yudanba.
22Bani n baa yaa ja ti buudi bi niba po yaa yogunu kuli. Yaa maama n tie macianma kuli, ban cuani ma a kani. Ama mabiga kuli, ban jia ma bi ba. Yeni, a baa wadi li tugili yeni a yuli po. Bi baa taani leni a ki yaa tugi li. 23A yaa tiendi yeni, ke U Tienu mo wangi a ŋan baa tieni yaala, a baa fidi bonla kuli. Bi niba ne mo baa pundi yin caa naani leni laafia.»
24Musa den cengi o cuado tundi, ki tieni wan waani o yaala kuli. 25Musa den gandi bi yanfuodanba Isidayeli yaaba kuli siiga, ki dini ba li bali ke bi tua bi yudanba bi niba po, ki tie niba tudili tudili, niba kobiga kobiga, niba piimuu muu leni niba piiga piiga yudanba. 26Bi den ja bi niba po ti buudi yaa yogunu kuli. Bi yen cuani Musa kani yaa maama n pa, ama yaa maama n wa po, bi yen jia ti buudi bani bi ba. 27Musa den cabi o cuado Jetiro ke o guani o diema nni.
Currently Selected:
Mi Ñama 18: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
Mi Ñama 18
18
Musa leni o cuado Jetiro
1Madiani kopadiciamo Jetiro yua n den tie Musa cuado den gbadi U Tienu n den tieni Musa leni o niba Isidayeli yaaba po yaa ŋanbili. O den gbadi ke o Diedo teni ke Isidayeli yaaba ñani Ejipiti nni. 2Musa cuado Jetiro den taa Musa pua Sefora, ki cuani o, kelima Musa den guani ki kuninni o.#Ñam 2.21-22. 3O den cuani Sefora bijaliediba moko. Sefora bila yeni, yendo den yi Gersomi,#18.3 Diidi Mi Ñama 2.22. kelima Musa den yedi: «N tie caano ki kaa mi dielanma nni.»#JTT 7.29. 4O lielo mo den yi Elieseri#18.4 Elieseri: bundi: “N Tienu todi nni.”, kelima Musa den yedi: «N baa Tienu den todi nni ki faabi nni leni Faraon jugisiega.»
5Musa cuado Jetiro, Musa pua leni o bijaba den cua mi fanpienma nni, Musa n den jiidi naani, ki kuu leni U Tienu juali. 6O den teni ke bi yedi Musa: «Mini a cuado Jetiro n cua a kani ki kubi a pua leni a bijaliediba.» 7Musa den ñani ki tuogi o cuado, ki gbaani, ki gobini o. Ban den baa biyaba laabaali, bi den yegi ki kua Musa gbandieli nni. 8Musa den waani o cuado o Diedo n den tieni Faraon leni Ejipiti yaaba yaala kuli, kelima Isidayeli yaaba po. O den waani o ban den laa yaa fala kuli u sanu nni leni o Diedo n den faabi ba maama. 9Jetiro pali den mangi leni o Diedo n den tieni yaa ŋanbili Isidayeli yaaba po. O go den mangi o pali, kelima o den faabi ba Ejipiti yaaba nuu nni. 10Jetiro den yedi: «O Diedo n baa ti pagidi, wani yua n den faabi yi Ejipiti yaaba leni Faraon nuu nni, ki go faabi bi niba kuli Ejipiti yaaba nuu nni. 11N bani moala ke Li Miali Diedo pia u paalu ki cie i tieni kuli, kelima o teni ke Ejipiti yaaba biadima guani ki baa bi yula po.»
12Musa cuado Jetiro den padi U Tienu po li padijuukaali leni a padifana. Alono leni Isidayeli yaaba nikpela kuli den cua ki taani leni Musa cuado, ki dini U Tienu nintuali.
Musa dini bi niba li bali li bujiali po
13Lan den fii ki faa, Musa den kali ki baa jia bi niba buudi. Bi niba den se o nintuali, ki cili ku tiŋaagu, ki ban pundi hali ku yenjuagu. 14Musa cuado n den laa wan tiendi yaala kuli bi niba po, o den yedi: «A tiendi be mo nne bi naa niba po? Be yaa po ke a ja ti buudi fini a bebe, ke bi naa niba kuli se a nintuali ki cili ku tiŋaagu ki ban tuoni ku yenjuagu?» 15Musa den guani ki yedi o cuado: «Bi niba na kpendi n kani ki bua ki buali U Tienu bonliba yo. 16Bi yaa pia maamiba bi siiga, bi yen cua n kani, min jia bi po ti buudi. N go yen teni ban bandi U Tienu ñoamabona leni o bali maama.»
17Musa cuado den yedi o: «Ŋan tiendi yaala yeni naa ŋani. 18A baa yaa coagini a yuli, ki go coagini yaa niba n ye leni a, kelima li tuonli yeni yabi ki cie a fidu. A kan fidi ki soani li fini a bebe. 19Cengi min pia a po yaa tundi: U Tienu mo n yaa ye leni a. A tuonli n baa yaa tie ŋan gaa li taanli kaanu, ki cuani ban pia yaa maama U Tienu nintuali. 20Ŋan yaa bangi ba a ñoamabona leni li bali maama. Ŋan yen teni ban bandi, ban baa ŋoadi yaa sanu leni ban baa yaa tiendi yaala.
21Ŋan gandi bi niba siiga bi yanfuodanba yaaba n fangi U Tienu, ki bua i moamoani ki nani li suuli. Ŋan dini ba li bali ke ban tua niba tudili tudili, niba kobiga kobiga, niba piimuu muu leni niba piiga piiga yudanba.
22Bani n baa yaa ja ti buudi bi niba po yaa yogunu kuli. Yaa maama n tie macianma kuli, ban cuani ma a kani. Ama mabiga kuli, ban jia ma bi ba. Yeni, a baa wadi li tugili yeni a yuli po. Bi baa taani leni a ki yaa tugi li. 23A yaa tiendi yeni, ke U Tienu mo wangi a ŋan baa tieni yaala, a baa fidi bonla kuli. Bi niba ne mo baa pundi yin caa naani leni laafia.»
24Musa den cengi o cuado tundi, ki tieni wan waani o yaala kuli. 25Musa den gandi bi yanfuodanba Isidayeli yaaba kuli siiga, ki dini ba li bali ke bi tua bi yudanba bi niba po, ki tie niba tudili tudili, niba kobiga kobiga, niba piimuu muu leni niba piiga piiga yudanba. 26Bi den ja bi niba po ti buudi yaa yogunu kuli. Bi yen cuani Musa kani yaa maama n pa, ama yaa maama n wa po, bi yen jia ti buudi bani bi ba. 27Musa den cabi o cuado Jetiro ke o guani o diema nni.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.