Kolosi 2
2
1N bua yin bandi min moa yaa muacianli, yinba leni yaaba n ye Laodise dogu nni yaa po leni yaaba n daa laa n nunga kuli po. 2N tiendi yeni ke ban baa li papaali, ki taani yenma mi buama nni, ki yaa pia yaa yanfuoma n dagidi. Lani, yin bandi yin dugi yaala yaa po cain. Li go tie ke yin bandi U Tienu bondoaginkaala, lani n tie Kilisiti. 3Mi yanfuoma leni U Tienu bandima ŋalimano kuli wuo wani Kilisiti yaa niinne.
4N waani yi laa maama kuli, ke oba kuli n da boandi yi, ki tulini yi leni mi mamanma. 5Ba ke mii ye leni yi n gbanandi nni, n ye leni yi n yantiali nni, ki pia li pamanli leni min nua ke yi dagidi leni yiyaba, ke yi dandanli mo se ke li pa Kilisiti nni maama.
Kilisiti n puni yi yaa miali
6Yin den tuo Jesu Kilisiti o Diedo yeni, yin yaa tuugi mani leni o yi yema kuli nni, 7ki yaa pia yi jiini o niinni, ki suagi liiga o sanŋoadima nni. Yin go yaa se ke li pa yi dandanli nni, nani ban den bangi yi maama. Yi pala n yaa gbie leni i tuondi o po, hali ke li kandi.
8Fangi mani yi yula, ki da tuo oba kuli n cuo yi yama leni o nisaalo yanfuoma, yaama n ŋua bi nisaaliba bangima yaama n tie fanma fanma, ki tie boandi, ki ŋua bi nisaaliba danbogida leni ŋanduna paaciami, ki naa ŋua Kilisiti. 9U Tienu n tie maama kuli ye Kilisiti gbanandi nni, ki dagidi cain. 10Yimo pia li bonla kuli ke li dagidi o yaa niinni, wani yua n tugi li yuli, ki die yaaba n tie mi diema danba leni u paalu danba#2.10 Yaaba n die li bali tanpoli po leni ki tinga nni kuli. kuli.
11O yaa niinne, ke yi kua yaa koanciagu n naa tie o nisaalo nuu n tieni yaala, ama Kilisiti n tieni yaala. Lani n tie ke yi landi ti nisaali-gbanandi tagibiadu. 12Nani ban den taani ki piini yi leni Kilisiti kelima mi batisima po yeni, yi go fii bi tinkpiba siiga o yaa niinni, ki taani leni o, kelima li dandanli U Tienu yua n den fiini o bi tinkpiba siiga paalu po. #Lom 6.4. 13Yinba yaaba n den kpe, kelima yi tuonbiadi leni yin kaa den kua koanciagu yi gbanandi nni maama po, U Tienu guani ki puni yi li miali kelima o po:
O puni ti sugili ti tuonbiadi kuli po. #Efe 2.1-5.
14O den bolini yaa tili yaa diani n buni ki cuo ti,
Ki doagidi tin den yie o mabilikaama maama,
Ki kpaa ki tabini laa tili
Li dapoanpoanli po, ki bolini li.#Efe 2.15.
15O den dindi yaaba n tie mi diema danba
Leni i paaciami danba kuli bali,
Ki doagidi mi tagima kuli po,
Ke o paani ba,
Kelima li dapoanpoanli po.
16Lani yaa po, yin da tuo oba kuli n jia yi buudi, kelima yin di ki go ñu yaala po, bi lan tie yaa jaanma dana po, bi i ŋmapaani jaanma dana, yaa ka mi fuodima dana po. #Lom 14.1-6. 17Laa bonla kuli tie yaala n baa ti cua yaa jinjingu, li bonmoanla liba tie Kilisiti. 18Yin da tuo niloba kuli n fie yi nuama panpaani, nani wan bua maama, ba yaaba n kpali ke bi pia li yumiinli ki jaandi malekinba. Bi puni bi yula li bonlekaala po, ki gbengidi bi yula fanma fanma bi gbanandi yantiana po. 19Baa tuugi leni yua n tie li yuli, ti gbanandi kuli n tuugi yenma, ki go baadi yaala n dagidi yua yaa kani. Li tie kelima i jiini leni a tuga po, ke ti gbanandi kpedi nani U Tienu n puni maama. #Efe 4.16.
Ki kpe ki go fii leni Kilisiti
20Yi yaa kpe leni Kilisiti, yi paadi leni ŋanduna maasuagu. Be yaa po ke yi go tuo ke ŋanduna kuana die yi, nani yi da tie ŋanduna yaaba yeni? 21Laa kuana nne: Ŋan da taa, ŋan da leni, ŋan da sii. 22Laa kuana kuli maadi yaa bonla n pia mi tienma, ki baa bodi yaa maame. Akuli ŋua bi nisaaliba n bili ki bangi yaala bebe. 23A kuana yeni tie nani a pia mi yanfuoma, kelima a cedi bi niba n gandi ban baa yaa jaandi maama, ki go bili bi niba n yaa miindi bi yula ki wangi bi gbanandi fala. Ama laa kuana naa pia mayuli, ki baa todi bi niba ban yaa paani bi gbanandi bonbuakaala.
Currently Selected:
Kolosi 2: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
Kolosi 2
2
1N bua yin bandi min moa yaa muacianli, yinba leni yaaba n ye Laodise dogu nni yaa po leni yaaba n daa laa n nunga kuli po. 2N tiendi yeni ke ban baa li papaali, ki taani yenma mi buama nni, ki yaa pia yaa yanfuoma n dagidi. Lani, yin bandi yin dugi yaala yaa po cain. Li go tie ke yin bandi U Tienu bondoaginkaala, lani n tie Kilisiti. 3Mi yanfuoma leni U Tienu bandima ŋalimano kuli wuo wani Kilisiti yaa niinne.
4N waani yi laa maama kuli, ke oba kuli n da boandi yi, ki tulini yi leni mi mamanma. 5Ba ke mii ye leni yi n gbanandi nni, n ye leni yi n yantiali nni, ki pia li pamanli leni min nua ke yi dagidi leni yiyaba, ke yi dandanli mo se ke li pa Kilisiti nni maama.
Kilisiti n puni yi yaa miali
6Yin den tuo Jesu Kilisiti o Diedo yeni, yin yaa tuugi mani leni o yi yema kuli nni, 7ki yaa pia yi jiini o niinni, ki suagi liiga o sanŋoadima nni. Yin go yaa se ke li pa yi dandanli nni, nani ban den bangi yi maama. Yi pala n yaa gbie leni i tuondi o po, hali ke li kandi.
8Fangi mani yi yula, ki da tuo oba kuli n cuo yi yama leni o nisaalo yanfuoma, yaama n ŋua bi nisaaliba bangima yaama n tie fanma fanma, ki tie boandi, ki ŋua bi nisaaliba danbogida leni ŋanduna paaciami, ki naa ŋua Kilisiti. 9U Tienu n tie maama kuli ye Kilisiti gbanandi nni, ki dagidi cain. 10Yimo pia li bonla kuli ke li dagidi o yaa niinni, wani yua n tugi li yuli, ki die yaaba n tie mi diema danba leni u paalu danba#2.10 Yaaba n die li bali tanpoli po leni ki tinga nni kuli. kuli.
11O yaa niinne, ke yi kua yaa koanciagu n naa tie o nisaalo nuu n tieni yaala, ama Kilisiti n tieni yaala. Lani n tie ke yi landi ti nisaali-gbanandi tagibiadu. 12Nani ban den taani ki piini yi leni Kilisiti kelima mi batisima po yeni, yi go fii bi tinkpiba siiga o yaa niinni, ki taani leni o, kelima li dandanli U Tienu yua n den fiini o bi tinkpiba siiga paalu po. #Lom 6.4. 13Yinba yaaba n den kpe, kelima yi tuonbiadi leni yin kaa den kua koanciagu yi gbanandi nni maama po, U Tienu guani ki puni yi li miali kelima o po:
O puni ti sugili ti tuonbiadi kuli po. #Efe 2.1-5.
14O den bolini yaa tili yaa diani n buni ki cuo ti,
Ki doagidi tin den yie o mabilikaama maama,
Ki kpaa ki tabini laa tili
Li dapoanpoanli po, ki bolini li.#Efe 2.15.
15O den dindi yaaba n tie mi diema danba
Leni i paaciami danba kuli bali,
Ki doagidi mi tagima kuli po,
Ke o paani ba,
Kelima li dapoanpoanli po.
16Lani yaa po, yin da tuo oba kuli n jia yi buudi, kelima yin di ki go ñu yaala po, bi lan tie yaa jaanma dana po, bi i ŋmapaani jaanma dana, yaa ka mi fuodima dana po. #Lom 14.1-6. 17Laa bonla kuli tie yaala n baa ti cua yaa jinjingu, li bonmoanla liba tie Kilisiti. 18Yin da tuo niloba kuli n fie yi nuama panpaani, nani wan bua maama, ba yaaba n kpali ke bi pia li yumiinli ki jaandi malekinba. Bi puni bi yula li bonlekaala po, ki gbengidi bi yula fanma fanma bi gbanandi yantiana po. 19Baa tuugi leni yua n tie li yuli, ti gbanandi kuli n tuugi yenma, ki go baadi yaala n dagidi yua yaa kani. Li tie kelima i jiini leni a tuga po, ke ti gbanandi kpedi nani U Tienu n puni maama. #Efe 4.16.
Ki kpe ki go fii leni Kilisiti
20Yi yaa kpe leni Kilisiti, yi paadi leni ŋanduna maasuagu. Be yaa po ke yi go tuo ke ŋanduna kuana die yi, nani yi da tie ŋanduna yaaba yeni? 21Laa kuana nne: Ŋan da taa, ŋan da leni, ŋan da sii. 22Laa kuana kuli maadi yaa bonla n pia mi tienma, ki baa bodi yaa maame. Akuli ŋua bi nisaaliba n bili ki bangi yaala bebe. 23A kuana yeni tie nani a pia mi yanfuoma, kelima a cedi bi niba n gandi ban baa yaa jaandi maama, ki go bili bi niba n yaa miindi bi yula ki wangi bi gbanandi fala. Ama laa kuana naa pia mayuli, ki baa todi bi niba ban yaa paani bi gbanandi bonbuakaala.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.