Amosi 8
8
Li bonlekanaala: yaa baabuogu n pia li bonluonkaala
1Li Miali Diedo U Tienu, den doagidi n po yaala n tie ne:
N den laa yaa baabuogu n pia yaa bonluonkaala n beni.
2O den buali nni: «Amosi, a nua be?»
N den guani ki yedi o:
«N nua baabuogu ke ku pia yaa bonluonkaala n beni.»
O Diedo den guani ki yedi nni:
«N niba, Isidayeli yaaba juodima#8.2 Hebilu maama nni, yaa bonluonkaala n beni leni mi juodima naani leni liyala. pundi,
N kan go tieni bi po sugili.»
3Mini, o Diedo U Tienu yedi line:
«Landaali yaa pundi, ban yiini badidiegu yaa yani
Baa lebidi ki tua moe.
A tinkpila baa yaa yabi.
Bi niba baa yaa tugi a tinkpila yeni ki ban lu i kaani kuli.
Li baa yaa tie ŋminma bebe.»
A kpenda bonbuakaala baa guli u dogu
4Cengi mani line, yinba a kpenda,
Yaaba n mabindi a luoda,
Ki bolindi bi ninñindanba mi diema nni.
5Yi tua: «O ŋmapaano jaanma daali baa pendi u laa yogune,
Ke tin baa ki kuadi ti ŋalikama?
Mi fuodima daali baa gbeni u laa yogune,
Ke tin baa ki luodi ti buabuana?
Ti baa wadi ku tiabiigikaagu.
Ti baa pugini ki dunga.
Ti baa ŋmiagi li bonbiigikaala, ki yaa janbidi bi niba.
6Ti baa daa taliginba leni i ligi,
Ki daa o luodo leni cacaapiliyenma.
Ti ba kuadi ba ti ŋalikama fiada.»
7Mini o Diedo n poli hali Jakob puoliŋuani
N jigini yaa tinga yeni po, ki yedi:
«N kan sundi yi tuonbiadi siiga ba bonyendi.»
8Lani yaa po, mi diema kuli baa digibi,
Mi diema yaaba kuli baa mua i kumoe,
Mi diema kuli baa yaa fiidi ki goa ki ñuandi nani Ejipiti kpenciamu yeni.
9Li Miali Diedo U Tienu yedi:
«Li daali kpendi ke n baa teni u yienu n kua u yensiinu,
Ki teni ki tinga n biigi u yensiicocolu.
10N baa lebidi yi badi dana, ŋan tua paboanli dana,
Ki lebidi yi yani kuli mo, yin tua kumoe.
N baa teni bi niba kuli n la li paboanli tiadi,
Ki doagidi bi paboanli.
N baa kuo ba yubima,
Ki teni li paboanli n cuo mi diema yaaba kuli,
Nani bonjayenga kuuma yeni.
Landaali cilima hali li juodima baa yaa tie paboanli daali.»
11Li Miali Diedo U Tienu yedi:
«A dana kpendi ke n baa soani mi koma mi diema nni,
Laa tie mi jiema yaa koma ka,
Laa tie mi ñima yaa ñuñuunu moko ka.
Ama li baa yaa tie o Diedo maama gbadima
Yaa koma leni mi yaa ñuñuunu yo.
12Bi niba baa yaa puagi mi diema nni kuli,
Ki ña nujienu ki teli nuganu,
Ki ña puoli ki teli nintuali,
Bi baa yaa puagi laa kaani kuli, ki lingi
Ki bua ki gbadi mini o Diedo maama,
Ama bi nan kan gbadi ma.
13A dana kpendi ke bi jafanŋanba leni bi jawaaba kuli baa kpe u ñuñuunu.
14Isidayeli yaaba baa yaa taagi Samari buli yeli,
Ki polini ki tua: ‹Hali Dan buolu bulo po,
Bi hali Beri-Seba tienu po.›
Bani yaaba n polini yeni kuli baa baa,
Ki kan go fii abada.»
Currently Selected:
Amosi 8: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
Amosi 8
8
Li bonlekanaala: yaa baabuogu n pia li bonluonkaala
1Li Miali Diedo U Tienu, den doagidi n po yaala n tie ne:
N den laa yaa baabuogu n pia yaa bonluonkaala n beni.
2O den buali nni: «Amosi, a nua be?»
N den guani ki yedi o:
«N nua baabuogu ke ku pia yaa bonluonkaala n beni.»
O Diedo den guani ki yedi nni:
«N niba, Isidayeli yaaba juodima#8.2 Hebilu maama nni, yaa bonluonkaala n beni leni mi juodima naani leni liyala. pundi,
N kan go tieni bi po sugili.»
3Mini, o Diedo U Tienu yedi line:
«Landaali yaa pundi, ban yiini badidiegu yaa yani
Baa lebidi ki tua moe.
A tinkpila baa yaa yabi.
Bi niba baa yaa tugi a tinkpila yeni ki ban lu i kaani kuli.
Li baa yaa tie ŋminma bebe.»
A kpenda bonbuakaala baa guli u dogu
4Cengi mani line, yinba a kpenda,
Yaaba n mabindi a luoda,
Ki bolindi bi ninñindanba mi diema nni.
5Yi tua: «O ŋmapaano jaanma daali baa pendi u laa yogune,
Ke tin baa ki kuadi ti ŋalikama?
Mi fuodima daali baa gbeni u laa yogune,
Ke tin baa ki luodi ti buabuana?
Ti baa wadi ku tiabiigikaagu.
Ti baa pugini ki dunga.
Ti baa ŋmiagi li bonbiigikaala, ki yaa janbidi bi niba.
6Ti baa daa taliginba leni i ligi,
Ki daa o luodo leni cacaapiliyenma.
Ti ba kuadi ba ti ŋalikama fiada.»
7Mini o Diedo n poli hali Jakob puoliŋuani
N jigini yaa tinga yeni po, ki yedi:
«N kan sundi yi tuonbiadi siiga ba bonyendi.»
8Lani yaa po, mi diema kuli baa digibi,
Mi diema yaaba kuli baa mua i kumoe,
Mi diema kuli baa yaa fiidi ki goa ki ñuandi nani Ejipiti kpenciamu yeni.
9Li Miali Diedo U Tienu yedi:
«Li daali kpendi ke n baa teni u yienu n kua u yensiinu,
Ki teni ki tinga n biigi u yensiicocolu.
10N baa lebidi yi badi dana, ŋan tua paboanli dana,
Ki lebidi yi yani kuli mo, yin tua kumoe.
N baa teni bi niba kuli n la li paboanli tiadi,
Ki doagidi bi paboanli.
N baa kuo ba yubima,
Ki teni li paboanli n cuo mi diema yaaba kuli,
Nani bonjayenga kuuma yeni.
Landaali cilima hali li juodima baa yaa tie paboanli daali.»
11Li Miali Diedo U Tienu yedi:
«A dana kpendi ke n baa soani mi koma mi diema nni,
Laa tie mi jiema yaa koma ka,
Laa tie mi ñima yaa ñuñuunu moko ka.
Ama li baa yaa tie o Diedo maama gbadima
Yaa koma leni mi yaa ñuñuunu yo.
12Bi niba baa yaa puagi mi diema nni kuli,
Ki ña nujienu ki teli nuganu,
Ki ña puoli ki teli nintuali,
Bi baa yaa puagi laa kaani kuli, ki lingi
Ki bua ki gbadi mini o Diedo maama,
Ama bi nan kan gbadi ma.
13A dana kpendi ke bi jafanŋanba leni bi jawaaba kuli baa kpe u ñuñuunu.
14Isidayeli yaaba baa yaa taagi Samari buli yeli,
Ki polini ki tua: ‹Hali Dan buolu bulo po,
Bi hali Beri-Seba tienu po.›
Bani yaaba n polini yeni kuli baa baa,
Ki kan go fii abada.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.