1 Tesaloniki 5
5
1Ti kpiiba, yaala n tie li yogunu leni li dana po, laa go tie tiladi ke min diani yi po. 2Yi bani bonŋanla ke o Diedo daali baa cua nani o suudo yeni, ku ñiagu. #Mat 24.43; Luk 12.39; 2Pie 3.10. 3Yaa yogunu ke bi niba tua: «Mi yanduanma leni laafia ye,» lanyogunu yo ke mi bolinma baa ludi ba nani u maditugukoanu n yen ludi yaa pua n baa maa yeni. Bi kan fidi ki sani ki cia.
4Ama yinba ti kpiiba, yii ye li biigili nni, ke landaali baa ludi yi nani o suudo yeni. 5Yikuli tie mi yenma leni u yensiinu yaaba. Tii tie ku ñiagu leni li biigili yaaba ka. 6Lani yaa po, tin da goa mani nani yaaba n sieni yeni, ama tin yaa nua ki kubi ti yula ki guu. 7Yaaba n goa, goa ku ñiagoe, yaaba n ñu ki gaadi mo ñu ki gaadi ku ñiagoe. 8Ama tinba, yaaba n tie u yensiinu yaaba, tin yaa kubi ti yula. Tin yaa la li dandanli leni mi buama yaa kudi liadili, ki go ciibi mi tindima yaa suginma nani li kusanli yeni. #Esa 59.17; Efe 6.13-17. 9U Tienu naa den bili ke tin baa o pabienli nni ka, ama ke tin baa mi tindima, kelima ti Diedo Jesu Kilisiti yaa po. 10Wani Jesu n den kpe ti po, ke tin ye ki fo leni tin kpe kuli, tin taani ki yaa ye leni o. 11Lani yaa po, yin yaa paagidi yiyaba pala, ki yaa todi yiyaba ke yikuli n suagi liiga ti Diedo sanŋoadima nni, nani yin mali ki tiendi maama.
I tundijuodike
12Ti kpiiba, ti mia yi yin yaa jigindi yaaba n tuuni o Diedo tuonli yi siiga, bani yaaba n gobidi yi o sanŋoadima nni, ki tuodi ki tundi yi. 13Yin yaa pia bi po li faadili leni mi buama hali bonŋanla, kelima bi tuonli po.
Yin yaa mani leni yiyaba.
14Ti kpiiba, ti go tundi ki mia yi yin tuodi ki yaa tundi yaaba n ye sindi-sindi yema,#5.14 Li fidi ke li go maadi bi kpadijedanba moko yaa po. ki yaa paagidi yaaba yaa gbani n wudi, ki todi yaaba n tadigi, ki yaa pia li juunli leni bi niba kuli.
15Yin fangi yi yula, ki da guani oba kuli o biadima panpaani. Ama yogunu kuli, yin moandi ki yaa tiendi yaala n ŋani yiyaba po leni bi niba kuli po.
16Yaa mangidi mani yi pala yogunu kuli.
17Yaa jaandi mani yogunu kuli ki da cedi. 18Yebuoli kuli nni, yin yaa tuondi U Tienu, kelima lani n tie U Tienu yanbuama yi po Jesu Kilisiti nni.
19Yin da gbindi U Tienu Fuoma Yua mu. 20Yin da fali bi saawalipuaba maama. 21Yin yaa biigidi li bonla kuli, ki yaa kubi yaala n ŋani. 22Yin foagidi leni mi biadima buolu kuli.
23Mi yanduanma Tienu, wani o ba n yaa gagidi ki ŋanbidi yi cain yi pala nni, yi yantiana nni leni yi gbanandi nni kuli. Lani n tie yin da pia tagiliba kuli ti Diedo Jesu Kilisiti cuama daali. 24Yua n yini yi tie dugika, wani n baa tieni la.
25Ti kpiiba, yin yaa miadi U Tienu ti po.
26Fuondi mani ti kpiiba kuli, ki gobini ba leni mi buamoanma.
27N puogi yi o Diedo yeli nni, ke yin cogi yaa tili n tie ne ti kpiiba kuli po.
28Ti Diedo Jesu Kilisiti ŋanbili n yaa ye leni yi.
Currently Selected:
1 Tesaloniki 5: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
1 Tesaloniki 5
5
1Ti kpiiba, yaala n tie li yogunu leni li dana po, laa go tie tiladi ke min diani yi po. 2Yi bani bonŋanla ke o Diedo daali baa cua nani o suudo yeni, ku ñiagu. #Mat 24.43; Luk 12.39; 2Pie 3.10. 3Yaa yogunu ke bi niba tua: «Mi yanduanma leni laafia ye,» lanyogunu yo ke mi bolinma baa ludi ba nani u maditugukoanu n yen ludi yaa pua n baa maa yeni. Bi kan fidi ki sani ki cia.
4Ama yinba ti kpiiba, yii ye li biigili nni, ke landaali baa ludi yi nani o suudo yeni. 5Yikuli tie mi yenma leni u yensiinu yaaba. Tii tie ku ñiagu leni li biigili yaaba ka. 6Lani yaa po, tin da goa mani nani yaaba n sieni yeni, ama tin yaa nua ki kubi ti yula ki guu. 7Yaaba n goa, goa ku ñiagoe, yaaba n ñu ki gaadi mo ñu ki gaadi ku ñiagoe. 8Ama tinba, yaaba n tie u yensiinu yaaba, tin yaa kubi ti yula. Tin yaa la li dandanli leni mi buama yaa kudi liadili, ki go ciibi mi tindima yaa suginma nani li kusanli yeni. #Esa 59.17; Efe 6.13-17. 9U Tienu naa den bili ke tin baa o pabienli nni ka, ama ke tin baa mi tindima, kelima ti Diedo Jesu Kilisiti yaa po. 10Wani Jesu n den kpe ti po, ke tin ye ki fo leni tin kpe kuli, tin taani ki yaa ye leni o. 11Lani yaa po, yin yaa paagidi yiyaba pala, ki yaa todi yiyaba ke yikuli n suagi liiga ti Diedo sanŋoadima nni, nani yin mali ki tiendi maama.
I tundijuodike
12Ti kpiiba, ti mia yi yin yaa jigindi yaaba n tuuni o Diedo tuonli yi siiga, bani yaaba n gobidi yi o sanŋoadima nni, ki tuodi ki tundi yi. 13Yin yaa pia bi po li faadili leni mi buama hali bonŋanla, kelima bi tuonli po.
Yin yaa mani leni yiyaba.
14Ti kpiiba, ti go tundi ki mia yi yin tuodi ki yaa tundi yaaba n ye sindi-sindi yema,#5.14 Li fidi ke li go maadi bi kpadijedanba moko yaa po. ki yaa paagidi yaaba yaa gbani n wudi, ki todi yaaba n tadigi, ki yaa pia li juunli leni bi niba kuli.
15Yin fangi yi yula, ki da guani oba kuli o biadima panpaani. Ama yogunu kuli, yin moandi ki yaa tiendi yaala n ŋani yiyaba po leni bi niba kuli po.
16Yaa mangidi mani yi pala yogunu kuli.
17Yaa jaandi mani yogunu kuli ki da cedi. 18Yebuoli kuli nni, yin yaa tuondi U Tienu, kelima lani n tie U Tienu yanbuama yi po Jesu Kilisiti nni.
19Yin da gbindi U Tienu Fuoma Yua mu. 20Yin da fali bi saawalipuaba maama. 21Yin yaa biigidi li bonla kuli, ki yaa kubi yaala n ŋani. 22Yin foagidi leni mi biadima buolu kuli.
23Mi yanduanma Tienu, wani o ba n yaa gagidi ki ŋanbidi yi cain yi pala nni, yi yantiana nni leni yi gbanandi nni kuli. Lani n tie yin da pia tagiliba kuli ti Diedo Jesu Kilisiti cuama daali. 24Yua n yini yi tie dugika, wani n baa tieni la.
25Ti kpiiba, yin yaa miadi U Tienu ti po.
26Fuondi mani ti kpiiba kuli, ki gobini ba leni mi buamoanma.
27N puogi yi o Diedo yeli nni, ke yin cogi yaa tili n tie ne ti kpiiba kuli po.
28Ti Diedo Jesu Kilisiti ŋanbili n yaa ye leni yi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.