Sofoni 1
1
1A vuo ʋl pʋɔ a Amɔ̃ bidɛb Zozɩasɩ na tɩ ɩ a Zuda tẽw nãà a, a Sore tɩ ƴɛ̀r'ɩ a ʋ ƴɛ̀rʋ kʋ̀ Sofoni. A Sofoni tɩ ɩ n Kusi bidɛb, a Kusi mɩŋa ɩ Gedalɩa bidɛb, a Gedalɩa ɩ Amarɩa bidɛb, ɛ́ a Amarɩa ɩ Ezekɩasɩ bidɛb#1:1 A Zozɩasɩ naalʋ-dɩb daar: A tɩ ɩ n a Yeezu Kɩrɩta na bɛ tɩ wa sɛr a yome 640 tɩ tɔ 609 daar. Sofoni: Ʋlɛ nɩ a naaŋmɩn-ƴɛ̀r-manɛ Zeremi tɩ lãw nɩ daar. Nyɛ̃ Zer 1.2..
A Sore na ìr'ɩ a tẽ-daa za ƴãw
2A Sore yere na:
«Ɩ̃ na kʋ n bʋ̃-vʋʋra za pàw pɛr a tẽw zu.
3Ɩ̃ na kʋ n a nɩsaalbɛ nɩ a dʋn pàw pɛr,
a saa-zu lili nɩ a zʋ́mɛ́,
ɩ̃ na kʋ n a nɩ-faar nɩ a bɛ tõ-faar
na ɩrɛ a nɩbɛ bɛ lore a.
Ɩ̃ na kʋ n a nɩsaalbɛ za pàw pɛr a tẽw zu.»
A Sore na ìr'ɩ a Zuda nɩ a Zerizalɛm ƴãw
4«Ɩ̃ na ìr'ɩ a Zerizalɛm nɩbɛ ƴãw,
nɩ a Zuda nɩbɛ za ƴãw.
Ɩ̃ na ɩ na a Báàl puoru ɩ-ɩrɩ al
na cãà be a, a bɔr a ka,
tɩ lãw nɩ a ŋmɩn ŋa bàwr-maalbɛ yúor.
5Ɩ̃ na kʋ n a bɛlɩ dem na mɩ́ do a garʋ́
tɩ lo vɔblɩ muru ŋmar-bie niŋé a,
a bɛlɩ dem na ƴãwnɛ a, ɛ́ mɩ́ pɔ n a ɩ̃ yúor
ɛ́ lɛb pɔ n a ŋmɩn Mɩlkɔm#1:5 Mɩlkɔm: A Amɔ̃ tẽw dem ŋmɩn-kpɛ̃ɛ n'ʋ. Sɛbr a mɩnɛ pʋɔ a, bɛ bʋɔlɛ ʋ nɩ Molɛkɩ. Nyɛ̃ Lev 18.21. A ʋlɩ daar nɛ a, bɛ mɩ̀ tɩ puore nɩ a salom zu bʋ̃-nyɩwrɩ. Nyɛ̃ 2Na 21.3-5. yúor a.
6Ɩ̃ na kʋ n a bɛlɩ dem
na mɩ́ gùr pùor cɔw a mãa Sore,
ɛ́ bɛ mɩ́ bɔbr mɛ̃, ɛ́ bɛ sowre mɛ̃ bom a.»
7Nyɩ ŋmãa vʋʋrʋ a Sore Naaŋmɩn niŋé,
bʋ̃ʋ n'ʋ vɛ̃, a bibir ʋl
ʋ na na ìr a nɩbɛ ƴãw a pɩɛl'a!
A Sore cɔbr'ɩ bàwr,
ʋ so n a nɩbɛ ʋ na bʋɔlɩ a dɛwr bɛr baarɩ.
8A Sore yere na: «A bàwr ŋa maalʋ bibir a,
ɩ̃ na dɔwr'ɩ a nɩ-bɛrɛ, a nãà bidɛbr
nɩ a bɛlɩ dem za na suur nɩ-bʋʋr-yoru suuru a.
9A ʋlɩ bibir nɛ a, ɩ̃ na dɔwr'ɩ a bɛlɩ dem na mɩ́ vár gãw
a Ŋmɩn-yir-kpɛ̃ɛ dɩ̃dɔr mɛ̃ a tɩbɛ dem a#1:9 Puoru tub kãw na càarɩ a ŋmɩn-bɛlɛbɛlɛ maalʋ a n'ʋ.,
a bɛlɩ dem za na mɩ́ paalɩ a bɛ nɩ-kpɛ̃ɛ yir
nɩ na-bome bɛ na ɩ nyãnyu-ɩb nɩ po-to-fãw-ɩb páw a.
10A Sore yere na, a ʋlɩ bibir nɛ, a Zerizalɛm a,
bɛ na wõ n cɛlsɩ a Zʋ́mɛ́ dɩ̃dɔrɩ́,
ùoru na ùore nɩ a Tẽ-kpɛ̃ɛ-paala pʋɔ
ɛ́ a tãli ɩ gɔmɛ tɛwr.
11Nyɩ ùore, nyɩɩm Bɔw#1:11 Bɔw: A Bɔw, mɛ̃ a Tẽ-kpɛ̃ɛ-paala na be a kan-nɛ́ɛ 10 pʋɔ a, ɩ n a Zerizalɛm tẽ-kpɛ̃ɛ ziir a mɩnɛ. pʋɔ dem i,
bʋ̃ʋ n'ʋ vɛ̃, a bʋ̃-kʋ̀ɔrbɛ za na kpi na,
bɛ na kʋ n a yɛ-yɛrbɛ za pàw pɛr.
12A ʋlɩ daar nɛ a, ɩ̃ na tɔ̃w nɩ vũu
bɔ n a Zerizalɛm tẽw za pʋɔ.
Ɩ̃ na ìr'ɩ a nɩbɛ bɛl bom za na bɛ damnɛ a ƴãw,
bɛl na ɩ mɛ̃ dãa na tewli gã a dã-pɛr zu a.
Bɛ yere nɩ à ŋá: “A Sore kʋ̃ tʋ̃ɔ́ ɩ bom za ɩ,
a vla n'a bɩɩ a faa n'a a!”
13A na ɩ à ŋá a, bɛ na za n a bɛ na-bome
ɛ́ ŋmɛr a bɛ yie bɛr.
Bɛ mɩɛr'ɩ yie ɛ́ kʋ̃ kpɛ a ɩ,
bɛ kʋɔr'ɩ divɛ̃ tɩɩr póru ɛ́ kʋ̃ nyũ a divɛ̃ ɩ.»
A Sore bibir
14A Sore bibi-kpɛ̃ɛ#1:14 Nyɛ̃ Zow 1.15 nɩ a manʋ. pɩɛl'a,
ʋ pɩɛl'a, ʋ páwr'a tarɛ,
a ʋ vɩɛfʋ na ɩ n cɛlsɩ lawlawlaw!
A gãdaar tɛɛ za na bʋɔlɛ na kɛ́ bɛ wa faa bɛ.
15A bibir ŋa na ɩ n suur bibir,
kpɩɛrʋ nɩ pʋl-vʋ̃ɔ bibir,
da-lɔbrʋ nɩ sãw-bɛrʋ bibir.
Ʋ na ɩ n lige, liw-varkpara bibir,
zũzuwe nɩ ulu bibir.
16A ʋlɩ bibir a, bɛ na wone nɩ a sojarɩ
bɛ pɛblɛ a wɩ́ɛ, ɛ́ ŋmɩɛr a zɛbr cɛlsɩ
a tẽ-kpɛn kpɛn ƴãw nɩ a ten á ŋá yir-cõcowli ƴãw.
17A Sore yere na:
«Ɩ̃ na ƴãw nɩ a nɩsaalbɛ kpɩɛrʋ pʋɔ,
bɛ na bɔblɛ na mɛ̃ zɔn a,
bɛ na maalɩ yel-bier sãw mɛ̃ a zũú.
A bɛ zɩ̃ɩ na cir'a pàw a ziir za, mɛ̃ uuru a,
ɛ́ a bɛ kũuni pʋ̃ɔ́ mɛ̃ sagɛ a.»
18A bɛ salm-pla nɩ a bɛ salm-zɩɛ
kʋ̃ tʋ̃ɔ́ faa bɛ a Sore suur bibir ɛ.
A ʋ suur vũu na dɩ n a tẽw za.
A na sɩrɩ na ɩrɛ dɛ̃bɩ̃ɛ yaga:
ʋ na kʋ n a tẽw zu nɩbɛ za pàw pɛr.
Currently Selected:
Sofoni 1: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
Sofoni 1
1
1A vuo ʋl pʋɔ a Amɔ̃ bidɛb Zozɩasɩ na tɩ ɩ a Zuda tẽw nãà a, a Sore tɩ ƴɛ̀r'ɩ a ʋ ƴɛ̀rʋ kʋ̀ Sofoni. A Sofoni tɩ ɩ n Kusi bidɛb, a Kusi mɩŋa ɩ Gedalɩa bidɛb, a Gedalɩa ɩ Amarɩa bidɛb, ɛ́ a Amarɩa ɩ Ezekɩasɩ bidɛb#1:1 A Zozɩasɩ naalʋ-dɩb daar: A tɩ ɩ n a Yeezu Kɩrɩta na bɛ tɩ wa sɛr a yome 640 tɩ tɔ 609 daar. Sofoni: Ʋlɛ nɩ a naaŋmɩn-ƴɛ̀r-manɛ Zeremi tɩ lãw nɩ daar. Nyɛ̃ Zer 1.2..
A Sore na ìr'ɩ a tẽ-daa za ƴãw
2A Sore yere na:
«Ɩ̃ na kʋ n bʋ̃-vʋʋra za pàw pɛr a tẽw zu.
3Ɩ̃ na kʋ n a nɩsaalbɛ nɩ a dʋn pàw pɛr,
a saa-zu lili nɩ a zʋ́mɛ́,
ɩ̃ na kʋ n a nɩ-faar nɩ a bɛ tõ-faar
na ɩrɛ a nɩbɛ bɛ lore a.
Ɩ̃ na kʋ n a nɩsaalbɛ za pàw pɛr a tẽw zu.»
A Sore na ìr'ɩ a Zuda nɩ a Zerizalɛm ƴãw
4«Ɩ̃ na ìr'ɩ a Zerizalɛm nɩbɛ ƴãw,
nɩ a Zuda nɩbɛ za ƴãw.
Ɩ̃ na ɩ na a Báàl puoru ɩ-ɩrɩ al
na cãà be a, a bɔr a ka,
tɩ lãw nɩ a ŋmɩn ŋa bàwr-maalbɛ yúor.
5Ɩ̃ na kʋ n a bɛlɩ dem na mɩ́ do a garʋ́
tɩ lo vɔblɩ muru ŋmar-bie niŋé a,
a bɛlɩ dem na ƴãwnɛ a, ɛ́ mɩ́ pɔ n a ɩ̃ yúor
ɛ́ lɛb pɔ n a ŋmɩn Mɩlkɔm#1:5 Mɩlkɔm: A Amɔ̃ tẽw dem ŋmɩn-kpɛ̃ɛ n'ʋ. Sɛbr a mɩnɛ pʋɔ a, bɛ bʋɔlɛ ʋ nɩ Molɛkɩ. Nyɛ̃ Lev 18.21. A ʋlɩ daar nɛ a, bɛ mɩ̀ tɩ puore nɩ a salom zu bʋ̃-nyɩwrɩ. Nyɛ̃ 2Na 21.3-5. yúor a.
6Ɩ̃ na kʋ n a bɛlɩ dem
na mɩ́ gùr pùor cɔw a mãa Sore,
ɛ́ bɛ mɩ́ bɔbr mɛ̃, ɛ́ bɛ sowre mɛ̃ bom a.»
7Nyɩ ŋmãa vʋʋrʋ a Sore Naaŋmɩn niŋé,
bʋ̃ʋ n'ʋ vɛ̃, a bibir ʋl
ʋ na na ìr a nɩbɛ ƴãw a pɩɛl'a!
A Sore cɔbr'ɩ bàwr,
ʋ so n a nɩbɛ ʋ na bʋɔlɩ a dɛwr bɛr baarɩ.
8A Sore yere na: «A bàwr ŋa maalʋ bibir a,
ɩ̃ na dɔwr'ɩ a nɩ-bɛrɛ, a nãà bidɛbr
nɩ a bɛlɩ dem za na suur nɩ-bʋʋr-yoru suuru a.
9A ʋlɩ bibir nɛ a, ɩ̃ na dɔwr'ɩ a bɛlɩ dem na mɩ́ vár gãw
a Ŋmɩn-yir-kpɛ̃ɛ dɩ̃dɔr mɛ̃ a tɩbɛ dem a#1:9 Puoru tub kãw na càarɩ a ŋmɩn-bɛlɛbɛlɛ maalʋ a n'ʋ.,
a bɛlɩ dem za na mɩ́ paalɩ a bɛ nɩ-kpɛ̃ɛ yir
nɩ na-bome bɛ na ɩ nyãnyu-ɩb nɩ po-to-fãw-ɩb páw a.
10A Sore yere na, a ʋlɩ bibir nɛ, a Zerizalɛm a,
bɛ na wõ n cɛlsɩ a Zʋ́mɛ́ dɩ̃dɔrɩ́,
ùoru na ùore nɩ a Tẽ-kpɛ̃ɛ-paala pʋɔ
ɛ́ a tãli ɩ gɔmɛ tɛwr.
11Nyɩ ùore, nyɩɩm Bɔw#1:11 Bɔw: A Bɔw, mɛ̃ a Tẽ-kpɛ̃ɛ-paala na be a kan-nɛ́ɛ 10 pʋɔ a, ɩ n a Zerizalɛm tẽ-kpɛ̃ɛ ziir a mɩnɛ. pʋɔ dem i,
bʋ̃ʋ n'ʋ vɛ̃, a bʋ̃-kʋ̀ɔrbɛ za na kpi na,
bɛ na kʋ n a yɛ-yɛrbɛ za pàw pɛr.
12A ʋlɩ daar nɛ a, ɩ̃ na tɔ̃w nɩ vũu
bɔ n a Zerizalɛm tẽw za pʋɔ.
Ɩ̃ na ìr'ɩ a nɩbɛ bɛl bom za na bɛ damnɛ a ƴãw,
bɛl na ɩ mɛ̃ dãa na tewli gã a dã-pɛr zu a.
Bɛ yere nɩ à ŋá: “A Sore kʋ̃ tʋ̃ɔ́ ɩ bom za ɩ,
a vla n'a bɩɩ a faa n'a a!”
13A na ɩ à ŋá a, bɛ na za n a bɛ na-bome
ɛ́ ŋmɛr a bɛ yie bɛr.
Bɛ mɩɛr'ɩ yie ɛ́ kʋ̃ kpɛ a ɩ,
bɛ kʋɔr'ɩ divɛ̃ tɩɩr póru ɛ́ kʋ̃ nyũ a divɛ̃ ɩ.»
A Sore bibir
14A Sore bibi-kpɛ̃ɛ#1:14 Nyɛ̃ Zow 1.15 nɩ a manʋ. pɩɛl'a,
ʋ pɩɛl'a, ʋ páwr'a tarɛ,
a ʋ vɩɛfʋ na ɩ n cɛlsɩ lawlawlaw!
A gãdaar tɛɛ za na bʋɔlɛ na kɛ́ bɛ wa faa bɛ.
15A bibir ŋa na ɩ n suur bibir,
kpɩɛrʋ nɩ pʋl-vʋ̃ɔ bibir,
da-lɔbrʋ nɩ sãw-bɛrʋ bibir.
Ʋ na ɩ n lige, liw-varkpara bibir,
zũzuwe nɩ ulu bibir.
16A ʋlɩ bibir a, bɛ na wone nɩ a sojarɩ
bɛ pɛblɛ a wɩ́ɛ, ɛ́ ŋmɩɛr a zɛbr cɛlsɩ
a tẽ-kpɛn kpɛn ƴãw nɩ a ten á ŋá yir-cõcowli ƴãw.
17A Sore yere na:
«Ɩ̃ na ƴãw nɩ a nɩsaalbɛ kpɩɛrʋ pʋɔ,
bɛ na bɔblɛ na mɛ̃ zɔn a,
bɛ na maalɩ yel-bier sãw mɛ̃ a zũú.
A bɛ zɩ̃ɩ na cir'a pàw a ziir za, mɛ̃ uuru a,
ɛ́ a bɛ kũuni pʋ̃ɔ́ mɛ̃ sagɛ a.»
18A bɛ salm-pla nɩ a bɛ salm-zɩɛ
kʋ̃ tʋ̃ɔ́ faa bɛ a Sore suur bibir ɛ.
A ʋ suur vũu na dɩ n a tẽw za.
A na sɩrɩ na ɩrɛ dɛ̃bɩ̃ɛ yaga:
ʋ na kʋ n a tẽw zu nɩbɛ za pàw pɛr.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.