Zakari 9
9
A ƖSƖRAYƐL NA BE A NƖ-BƲƲR-YORU SƆGƆ A
9—14
A Ɩsɩrayɛl tẽ-kpɔwlɩ nɩbɛ ƴɛ̀rʋ-dɩb nɩ a bɛ dɛwr-so-bɛrʋ
1Sore ƴɛ̀rʋ.
A ʋ ƴɛ̀rʋ tɩ ta n a Hadɩrakɩ tẽw vuo pʋɔ,
ɛ́ tɛw àr a Damasɩ tẽw.
Bʋ̃ʋ n'ʋ vɛ̃, a Sore bɛ jɩ́rɛ
a Ɩsɩrayɛl dɔwlʋ tɛwr ɛ,
ʋ mɩ̀ jɩ́rɛ nɩ a nɩsaalbɛ za.
2Ʋ mɩ̀ ƴɛ̀rɛ nɩ a Hamatɩ tẽw zie
na pɩɛlɩ a Damasɩ tẽw a,
nɩ a Tɩ́ɩ̀r nɩ a Sɩdɔ̃ tẽ-bɛrɛ#9:2 Tɩ́ɩ̀r nɩ Sɩdɔ̃ tẽ-bɛrɛ: Nyɛ̃ Ɩza 23.1 nɩ a manʋ.
na bãw tome yaga za a.
3Tɩ́ɩ̀r ŋmãa nɩ zɛbr-yir-kpɛ̃w gù n ʋ tʋɔra,
ʋ bɔ n a salm-pla gbõ taa, sɛw a sɔ́r zu tanɛ,
ɛ́ a salm-zɩɛ sɛw a sɔ́r zu mɛ̃mɛrɛ.
4Ɛcɛ a Sore na de a na,
ʋ na da n a dacin na piw a Tɩ́ɩ̀r tɛr a
lɔb ƴãw a kʋ̃ɔ-kpɛ̃ɛ pʋɔ, ɛ́ vũu dɩ a ʋl tɔr za.
5A Asɩkalon tẽw na nyɛ̃ na zɔ dɛ̃bɩ̃ɛ,
Gaza na màwr'ɩ ʋ za a dɛ̃bɩ̃ɛ zũú,
Ekiron mɩ̀, ʋ na kʋ̃ cãà tɛr kpa-tɩɛrɛ a ƴãw.
Nãà kʋ̃ cãà a Gaza ɩ, nɩr kʋ̃ cãà kpɩɛr a Asɩkalon#9:5 Asɩkalon, Gaza, Ekiron, Asɩdɔdɩ: Nyɛ̃ Sof 2.4-7. ɛ.
6Nɩ-bʋʋrɛ na nyaw taa a na kpɩɛr'ɩ a Asɩdɔdɩ.
A Sore yere na: «À ŋá n'a ɩ̃ na ɩ
a Filisɩtɛ̃ mɩnɛ pɔ̀l-ɩb baarɩ.
7A dʋ̃w bɛ na bɛ ŋmãa a kɔkɔr a nɛn,
nɩ a nɛn ʋl bɛ na kʋ ƴãw tɩbɛ a,
ɩ̃ na taw a na faa a bɛ nɛ̃ɛ́.
A bɛlɩ dem nãà wa cãà vʋʋrɛ a bɛ pʋɔ a,
na ɩ n a ɩ̃ nɩ-sori, mɛ̃ a Zuda dɔwlʋ kãw a.
Ekiron na kpɛ n a ɩ̃ nɩ-bʋʋrɛ pʋɔ,
mɛ̃ a lɛ a Zebi tẽw dem na tɩ ɩ a.
8Ɩ̃ na gù n a ɩ̃ tẽw a lõboge za,
tʋ̃ɔ́ faa ʋ a zɛbr-nɩbɛ na tɔlɛ a ƴãw,
nɩr za kʋ̃ mɩ́ lɛb wa dɔwrɩ a ɩ̃ nɩ-bʋʋrɛ ɩ,
bʋ̃ʋ n'ʋ vɛ̃, ƴɛrɛŋa a, ɩ̃ kaarɛ nɩ a bɛ zie.»
A nãà na waar'ɩ a ƴã-ɓaarʋ a
9Ƴawr'ɩ a fʋ fãw za, Sɩyɔ̃ tẽw i!
Lɔbr nʋ̃ɔ̀ cɛlsɩ Zerizalɛm i!
Nyɛ̃, a fʋ nãà waar'ɩ a fʋ zie,
ɩ nɩ-mɩŋa nɩ nɩr na zɛb tʋ̃ɔ́ a,
su-siwra sob na zɔm bõw a,
bõw-bile, bõw-nyãw bile a.
10Ʋ na ír'ɩ a zɛbr-torkori bɛr a Efarayim,
nɩ a wie a Zerizalɛm.
Ʋ na kár'ɩ a zɛbr tamɛ bɛr.
Ʋ na ƴãw nɩ a ƴã-ɓaarʋ a nɩ-bʋʋrɛ pʋɔ,
ʋ na so nɩ a zie, kʋ̃ɔ-kpɛ̃ɛ tɩ tɔ n kʋ̃ɔ-kpɛ̃ɛ,
a Efaratɩ man tɩ tɔ n a tẽw baarʋ zie.
A Sore na yuo nɩ a nɩ-pàwrɩ bɛr
11A Sore yere na:
«A wõ-taa ɩ̃ na maal'ɩ nyɩ,
a bàwr-maal-zɩ̃ɩ wul kɛ́ sɩza n'a a zũú,
ɩ̃ na ír'ɩ a nyɩ nɩbɛ bɛl na be a gaso pɛrɩ́
mɛ̃ sa-bie-kʋ̃ɔ-bɔw na bɛ tɛr kʋ̃ɔ a pʋɔ a.
12Nɩ-pàwrɩ na tɩɛrɛ nɩdaar na vɩɛl a,
nyɩ lɛb kul a nyɩ tẽ-kpɛ̃ɛ pʋɔ
bɛ na lɛb mɛ a dacine a.
Ƴɛrɛŋa a, ɩ̃ yere na kʋ̀rɛ nyɩ:
ɩ̃ na maalɩ nyɩ nɩ gb'a ayi,
yáa a tuo nyɩ na wõ a san.
13Ɩ̃ na de nɩ Zuda ʋ ɩ a zɛbr tam,
Efarayim n'ʋ na ɩ a pĩi.
Sɩyɔ̃ i, ɩ̃ na ƴãw na a fʋ bibiir cen
tɩ ŋmãa nɩ a Yavan bibiir zɛbr.
Ɩ̃ na de bɛ na bɛ ɩ mɛ̃ gãdaa zɛbr-sɔ-kpɛ̃ɛ a.»
14A Sore na sãá nɩ a ʋ nɩ-bʋʋrɛ zu-sɔw.
A ʋ pĩi na cen na mɛ̃ saa na nyɩwrɩ a.
A Sore Naaŋmɩn na pɛbl'ɩ a wɩ́ɛ,
ʋ na lãw nɩ nɩ a saa-pɛrɩ́-dʋrʋ-lowr sa-pɛlɛ waar.
15A Sore, a Kpɛnʋ-za-sob, na gù n a ʋ nɩ-bʋʋrɛ.
Ʋ na lɔb'ɩ a sa-bi-kube sãw nɩ ɛ́ ŋmɛr ŋmɛr bom za
na bà gbɛ́r a ʋ niŋé a bɛr:
bɛ na ɩ na a dɔ̃ dem zɩ̃ɩ gbɔlɛ mɛ̃ divɛ̃,
bɩɩ mɛ̃ a bàwr-maal-zɩ̃ɩ na paalɩ lali-mɩrɩ,
ɛ́ pàw a bàwr-maal-kuur ɩ́lɛ́ a.
16A lɛn daar a, a Sore Naaŋmɩn
na faa nɩ a ʋ nɩ-bʋʋrɛ,
mɛ̃ dʋ̃-cɩ̃ɩnɛ na mɩ́ faa a ʋ dʋn a.
Bɛ na nyɩwrɛ nɩ a tẽw pʋɔ,
ɩ mɛ̃ nãà-kpawʋɔ kʋsɛ-bi-nyɩlɩ a.
17Nyɛ̃ nʋ̃ɔ̀ na na ɩrɛ bɛ a!
Nyɛ̃ bɛ na na vɩɛl a!
A ble na mɩ́ kʋ̀ n fãw a pɔlbili
ɛ́ a divɛ̃-paala kʋ̀ fãw a pɔwsɩrali.
Currently Selected:
Zakari 9: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
Zakari 9
9
A ƖSƖRAYƐL NA BE A NƖ-BƲƲR-YORU SƆGƆ A
9—14
A Ɩsɩrayɛl tẽ-kpɔwlɩ nɩbɛ ƴɛ̀rʋ-dɩb nɩ a bɛ dɛwr-so-bɛrʋ
1Sore ƴɛ̀rʋ.
A ʋ ƴɛ̀rʋ tɩ ta n a Hadɩrakɩ tẽw vuo pʋɔ,
ɛ́ tɛw àr a Damasɩ tẽw.
Bʋ̃ʋ n'ʋ vɛ̃, a Sore bɛ jɩ́rɛ
a Ɩsɩrayɛl dɔwlʋ tɛwr ɛ,
ʋ mɩ̀ jɩ́rɛ nɩ a nɩsaalbɛ za.
2Ʋ mɩ̀ ƴɛ̀rɛ nɩ a Hamatɩ tẽw zie
na pɩɛlɩ a Damasɩ tẽw a,
nɩ a Tɩ́ɩ̀r nɩ a Sɩdɔ̃ tẽ-bɛrɛ#9:2 Tɩ́ɩ̀r nɩ Sɩdɔ̃ tẽ-bɛrɛ: Nyɛ̃ Ɩza 23.1 nɩ a manʋ.
na bãw tome yaga za a.
3Tɩ́ɩ̀r ŋmãa nɩ zɛbr-yir-kpɛ̃w gù n ʋ tʋɔra,
ʋ bɔ n a salm-pla gbõ taa, sɛw a sɔ́r zu tanɛ,
ɛ́ a salm-zɩɛ sɛw a sɔ́r zu mɛ̃mɛrɛ.
4Ɛcɛ a Sore na de a na,
ʋ na da n a dacin na piw a Tɩ́ɩ̀r tɛr a
lɔb ƴãw a kʋ̃ɔ-kpɛ̃ɛ pʋɔ, ɛ́ vũu dɩ a ʋl tɔr za.
5A Asɩkalon tẽw na nyɛ̃ na zɔ dɛ̃bɩ̃ɛ,
Gaza na màwr'ɩ ʋ za a dɛ̃bɩ̃ɛ zũú,
Ekiron mɩ̀, ʋ na kʋ̃ cãà tɛr kpa-tɩɛrɛ a ƴãw.
Nãà kʋ̃ cãà a Gaza ɩ, nɩr kʋ̃ cãà kpɩɛr a Asɩkalon#9:5 Asɩkalon, Gaza, Ekiron, Asɩdɔdɩ: Nyɛ̃ Sof 2.4-7. ɛ.
6Nɩ-bʋʋrɛ na nyaw taa a na kpɩɛr'ɩ a Asɩdɔdɩ.
A Sore yere na: «À ŋá n'a ɩ̃ na ɩ
a Filisɩtɛ̃ mɩnɛ pɔ̀l-ɩb baarɩ.
7A dʋ̃w bɛ na bɛ ŋmãa a kɔkɔr a nɛn,
nɩ a nɛn ʋl bɛ na kʋ ƴãw tɩbɛ a,
ɩ̃ na taw a na faa a bɛ nɛ̃ɛ́.
A bɛlɩ dem nãà wa cãà vʋʋrɛ a bɛ pʋɔ a,
na ɩ n a ɩ̃ nɩ-sori, mɛ̃ a Zuda dɔwlʋ kãw a.
Ekiron na kpɛ n a ɩ̃ nɩ-bʋʋrɛ pʋɔ,
mɛ̃ a lɛ a Zebi tẽw dem na tɩ ɩ a.
8Ɩ̃ na gù n a ɩ̃ tẽw a lõboge za,
tʋ̃ɔ́ faa ʋ a zɛbr-nɩbɛ na tɔlɛ a ƴãw,
nɩr za kʋ̃ mɩ́ lɛb wa dɔwrɩ a ɩ̃ nɩ-bʋʋrɛ ɩ,
bʋ̃ʋ n'ʋ vɛ̃, ƴɛrɛŋa a, ɩ̃ kaarɛ nɩ a bɛ zie.»
A nãà na waar'ɩ a ƴã-ɓaarʋ a
9Ƴawr'ɩ a fʋ fãw za, Sɩyɔ̃ tẽw i!
Lɔbr nʋ̃ɔ̀ cɛlsɩ Zerizalɛm i!
Nyɛ̃, a fʋ nãà waar'ɩ a fʋ zie,
ɩ nɩ-mɩŋa nɩ nɩr na zɛb tʋ̃ɔ́ a,
su-siwra sob na zɔm bõw a,
bõw-bile, bõw-nyãw bile a.
10Ʋ na ír'ɩ a zɛbr-torkori bɛr a Efarayim,
nɩ a wie a Zerizalɛm.
Ʋ na kár'ɩ a zɛbr tamɛ bɛr.
Ʋ na ƴãw nɩ a ƴã-ɓaarʋ a nɩ-bʋʋrɛ pʋɔ,
ʋ na so nɩ a zie, kʋ̃ɔ-kpɛ̃ɛ tɩ tɔ n kʋ̃ɔ-kpɛ̃ɛ,
a Efaratɩ man tɩ tɔ n a tẽw baarʋ zie.
A Sore na yuo nɩ a nɩ-pàwrɩ bɛr
11A Sore yere na:
«A wõ-taa ɩ̃ na maal'ɩ nyɩ,
a bàwr-maal-zɩ̃ɩ wul kɛ́ sɩza n'a a zũú,
ɩ̃ na ír'ɩ a nyɩ nɩbɛ bɛl na be a gaso pɛrɩ́
mɛ̃ sa-bie-kʋ̃ɔ-bɔw na bɛ tɛr kʋ̃ɔ a pʋɔ a.
12Nɩ-pàwrɩ na tɩɛrɛ nɩdaar na vɩɛl a,
nyɩ lɛb kul a nyɩ tẽ-kpɛ̃ɛ pʋɔ
bɛ na lɛb mɛ a dacine a.
Ƴɛrɛŋa a, ɩ̃ yere na kʋ̀rɛ nyɩ:
ɩ̃ na maalɩ nyɩ nɩ gb'a ayi,
yáa a tuo nyɩ na wõ a san.
13Ɩ̃ na de nɩ Zuda ʋ ɩ a zɛbr tam,
Efarayim n'ʋ na ɩ a pĩi.
Sɩyɔ̃ i, ɩ̃ na ƴãw na a fʋ bibiir cen
tɩ ŋmãa nɩ a Yavan bibiir zɛbr.
Ɩ̃ na de bɛ na bɛ ɩ mɛ̃ gãdaa zɛbr-sɔ-kpɛ̃ɛ a.»
14A Sore na sãá nɩ a ʋ nɩ-bʋʋrɛ zu-sɔw.
A ʋ pĩi na cen na mɛ̃ saa na nyɩwrɩ a.
A Sore Naaŋmɩn na pɛbl'ɩ a wɩ́ɛ,
ʋ na lãw nɩ nɩ a saa-pɛrɩ́-dʋrʋ-lowr sa-pɛlɛ waar.
15A Sore, a Kpɛnʋ-za-sob, na gù n a ʋ nɩ-bʋʋrɛ.
Ʋ na lɔb'ɩ a sa-bi-kube sãw nɩ ɛ́ ŋmɛr ŋmɛr bom za
na bà gbɛ́r a ʋ niŋé a bɛr:
bɛ na ɩ na a dɔ̃ dem zɩ̃ɩ gbɔlɛ mɛ̃ divɛ̃,
bɩɩ mɛ̃ a bàwr-maal-zɩ̃ɩ na paalɩ lali-mɩrɩ,
ɛ́ pàw a bàwr-maal-kuur ɩ́lɛ́ a.
16A lɛn daar a, a Sore Naaŋmɩn
na faa nɩ a ʋ nɩ-bʋʋrɛ,
mɛ̃ dʋ̃-cɩ̃ɩnɛ na mɩ́ faa a ʋ dʋn a.
Bɛ na nyɩwrɛ nɩ a tẽw pʋɔ,
ɩ mɛ̃ nãà-kpawʋɔ kʋsɛ-bi-nyɩlɩ a.
17Nyɛ̃ nʋ̃ɔ̀ na na ɩrɛ bɛ a!
Nyɛ̃ bɛ na na vɩɛl a!
A ble na mɩ́ kʋ̀ n fãw a pɔlbili
ɛ́ a divɛ̃-paala kʋ̀ fãw a pɔwsɩrali.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.