Zakari 1
1
A BƲ̃-NYƐRƖ A ZAKARI NA NYƐ̃ A
1—8
A Sore yere nɩ a Ɩsɩrayɛl nɩbɛ kɛ́ bɛ lɩɛbɩ a bɛ ɩb
1A Daarisɩ naalʋ-dɩb yome ayi sob, a cuwr ani sob, a Sore tɩ ƴɛ̀r'ɩ a naaŋmɩn-ƴɛ̀r-manɛ Zakari na ɩ Berekɩa bidɛb nɩ Ido yãw a#1:1 Yome ayi sob, a cuwr ani sob: A pɛr lɛ k'aa simie cuw nɩ a ũo-yi-paala cuw vuo pʋɔ a Yeezu Kɩrɩta na bɛ tɩ wa sɛr a yome kɔbr anũu dɔwlɩ lɩzɛr (520) daar. Daarisɩ: Ʋ tɩ dɩ n a naalʋ a Pɛrsɩ tẽw a Yeezu Kɩrɩta na bɛ tɩ wa sɛr a yome kɔbr anũu dɔwlɩ lɩzɛr'ɩ ayi (522) tɩ tɔ yome kɔbr anaar dɔwlɩ lɩz'a anaar nɩ a yʋɔb (486). Zakari: A ʋ yúor pɛr'ɩ «A Sore lɛb'a bãwnɩ», ʋ tɩ ɩ n bàwr-maalɛ mɛ̃ bɛ na yel a Neemi sɛbɛ pʋɔ a (12.16). zie.
2-3A Sore tɩ ƴãw na k'ʋʋ yel a Ɩsɩrayɛl nɩbɛ: «A mãa Sore, ɩ̃ nyɛ̃ nɩ nɩ a nyɩ sãàkʋm-kore suur tɩ pi kɔkɛɛ. Ɛcɛ nyɩ lɛb wa a ɩ̃ zie, a mãa Sore Kpɛnʋ-za-sob, ɩ̃ɩ na lɛb'a wa a nyɩ zie, mãa n'ʋ yere. 4Nyɩ ta cɔwrɛ a nyɩ sãàkʋm-kore ɩ. A koro za naaŋmɩn-ƴɛ̀r-manbɛ tɩ kpaalɩ bɛ nɩ a ɩ̃ yúor ƴãw, kɛ́ bɛ bɛr a bɛ cen-faar nɩ a bɛ ɩ-faar, ɛcɛ bɛ bɛ tɩ bɛr wõ ɩ, bɛ bɛ tɩ sàw a ɩ̃ nʋɔr ɛ. 5A nyɩ sãàkʋm-kore wa? Ɛ́ a naaŋmɩn-ƴɛ̀r-manbɛ, bɛ cãà na a? 6Ɛcɛ a ɩ̃ ƴɛ̀rʋ nɩ a ɩ̃ nɛ́ɛ ɩ̃ na tɩ ƴɛ̀r kʋ̀ a ɩ̃ tõ-tõ-biir, a ɩ̃ ƴɛ̀r-manbɛ a, a nyɩ sãàkʋm-kore wa tɩ nyɛ̃ na a ɩ sɩza, bɛ lɩɛbɩ a bɛ ɩb, ɛ́ bãwnɩ a k'ɩ̃ɩ ɩ bɛ na, mɛ̃ a lɛ ɩ̃ na tɩ yel k'ɩ̃ɩ na ɩ bɛ na a, nɩ a lɛ a bɛ cenu nɩ a bɛ ɩ-ɩrɩ mɩ̀ na sɛw taa nɩ a.»
A bʋ̃-nyɛra dãw-niwn sob: a wie
7A Daarisɩ naalʋ-dɩb yome ayi sob, a cuwr pie nɩ been sob na ɩ Sevatɩ cuw#1:7 Sevatɩ cuw: A sɛsɛb cuw põ-zɛ̃-taa vuo pʋɔ n'a, a Yeezu Kɩrɩta na bɛ tɩ wa sɛr a yome kɔbr anũu dɔwlɩ lɩzɛr waɩ (519). a, a bibie lɩzɛr'ɩ anaar sob, a Sore tɩ ƴɛ̀r'ɩ a ʋ ƴɛ̀rʋ kʋ̀ a naaŋmɩn-ƴɛ̀r-manɛ Zakari, na ɩ Berekɩa bidɛb nɩ Ido yãw a.
A Zakari manʋ ʋ na manɩ a n'ɩ ŋa: 8Bʋ̃-nyɛra kãw n'ʋ ɩ̃ nyɛ̃ a tɩ̃ɩsɔw: Nɩr na zɔm wur-zɩɛ a. Ʋ tɩ àr'ɩ mɩrtɩ tɩɩr#1:8 Mɩrtɩ tɩɩr: Tɩli kãw a váar na bɛ suore a n'a. Mediterane kʋ̃ɔ-kpɛ̃ɛ vuo pʋɔ n'a a búle. pʋɔ, a bà-fʋɔla pɛrɩ́ za. Wie a mɩnɛ tɩ be n a ʋ pùorí ɩ zɩɩr, ulsɩ nɩ pɛlɛ. 9Ɩ̃ tɩ sowr'ʋ na: «Ɩ̃ sore e, bʋ̃ʋ n'ʋ a wie á ŋá wule?» A malkɩ na tɩ ƴɛ̀rɛ a ɩ̃ zie a, tɩ sɔw na: «Ɩ̃ na ír'ɩ a pɛr kʋ b.» 10Ɛ́ tɩ be a mɩrtɩ va-pɔrɛ pʋɔ ɛ́ yel: «A Sore n'ʋ tõ a kɛ́ a tɩ zɔ cɔlɩ a tẽw.» 11Lɛ n'a a wi-zɔmnbɛ tɩ man a lɛ na ɩ a, kʋ̀ a Sore malkɩ na be a mɩrtɩ tɩɩr pʋɔ a. Bɛ tɩ yel ʋ na: «Tɩ zɔ na cɔlɩ a tẽw za, ɛ́ bɛ nyɛ̃ damnʋ kãw za ɩ, bom za gã nɩ zoom.» 12Lɛ n'a a Sore malkɩ tɩ lɛb yel: «Sore Kpɛnʋ-za-sob i, yome lɩz'a ata nɩ pie#1:12 Yome lɩz'a ata nɩ pie: Nyɛ̃ Zer 25.11 nɩ 29.10. n'ɩ à ŋá fʋ na nyɛ̃ nɩ a Zerizalɛm nɩ a Zuda ten al na cɛ a, suur a. Debor'a fʋ na zawrɩ na zɔ a nɩbaalʋ tɩ ta n?» 13Lɛ n'a a Sore tɩ ƴɛ̀r sõwfʋ ƴɛ̀rʋ, nɩ mɔwlʋ ƴɛ̀rʋ kʋ̀ a malkɩ na tɩ ƴɛ̀rɛ a ɩ̃ zie a.
A Sore na lɛb'a kaa ír a Zerizalɛm
14A malkɩ na tɩ ƴɛ̀rɛ a ɩ̃ zie a, tɩ yel mɛ̃ na: Hieri yel: À ŋá n'a a Sore, a Kpɛnʋ-za-sob, yere:
«Ɩ̃ nɔnɛ nɩ a Zerizalɛm nɩ a Sɩyɔ̃ tãw vũuvũu.
15Ɛcɛ su-yãyaar kãw tɛr mɛ̃ nɩ
a nɩ-bʋʋr-yoru bɛl bom za na bɛ damnɛ a ƴãw.
Bʋ̃ʋ n'ʋ vɛ̃, ɩ̃ tɩ nyɛ̃ nɩ nɩ a Ɩsɩrayɛl suur blãlɛ,
ɛ́ bɛl wa ɩ a ʋ kpɩɛrʋ a dɔwlɩ.
16Alɛ n'a so ɩ̃ yere,
a mãa, a Sore Kpɛnʋ-za-sob:
Ɩ̃ lɛb'a waar a Zerizalɛm nɩ nɩbaal-zɔba.
A ɩ̃ yir na lɛb'a mɛ a ʋ pʋɔ,
ɛ́ bɛ na lɛb'a mɛ a Zerizalɛm tẽ-kpɛ̃ɛ.»
17Al pùorí a malkɩ tɩ yel'a
k'ɩ̃ɩ lɛb hieri yel à ŋá:
«Bʋ̃-vɩɛlɩ na lɛb'a paalɩ a ɩ̃ tẽ-bɛrɛ,
a Sore Kpɛnʋ-za-sob n'ʋ yere,
ɩ̃ na lɛb'a kaa ír a Zerizalɛm,
ɩ̃ na lɛb'a mɔwlɩ a Sɩyɔ̃.»
Currently Selected:
Zakari 1: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
Zakari 1
1
A BƲ̃-NYƐRƖ A ZAKARI NA NYƐ̃ A
1—8
A Sore yere nɩ a Ɩsɩrayɛl nɩbɛ kɛ́ bɛ lɩɛbɩ a bɛ ɩb
1A Daarisɩ naalʋ-dɩb yome ayi sob, a cuwr ani sob, a Sore tɩ ƴɛ̀r'ɩ a naaŋmɩn-ƴɛ̀r-manɛ Zakari na ɩ Berekɩa bidɛb nɩ Ido yãw a#1:1 Yome ayi sob, a cuwr ani sob: A pɛr lɛ k'aa simie cuw nɩ a ũo-yi-paala cuw vuo pʋɔ a Yeezu Kɩrɩta na bɛ tɩ wa sɛr a yome kɔbr anũu dɔwlɩ lɩzɛr (520) daar. Daarisɩ: Ʋ tɩ dɩ n a naalʋ a Pɛrsɩ tẽw a Yeezu Kɩrɩta na bɛ tɩ wa sɛr a yome kɔbr anũu dɔwlɩ lɩzɛr'ɩ ayi (522) tɩ tɔ yome kɔbr anaar dɔwlɩ lɩz'a anaar nɩ a yʋɔb (486). Zakari: A ʋ yúor pɛr'ɩ «A Sore lɛb'a bãwnɩ», ʋ tɩ ɩ n bàwr-maalɛ mɛ̃ bɛ na yel a Neemi sɛbɛ pʋɔ a (12.16). zie.
2-3A Sore tɩ ƴãw na k'ʋʋ yel a Ɩsɩrayɛl nɩbɛ: «A mãa Sore, ɩ̃ nyɛ̃ nɩ nɩ a nyɩ sãàkʋm-kore suur tɩ pi kɔkɛɛ. Ɛcɛ nyɩ lɛb wa a ɩ̃ zie, a mãa Sore Kpɛnʋ-za-sob, ɩ̃ɩ na lɛb'a wa a nyɩ zie, mãa n'ʋ yere. 4Nyɩ ta cɔwrɛ a nyɩ sãàkʋm-kore ɩ. A koro za naaŋmɩn-ƴɛ̀r-manbɛ tɩ kpaalɩ bɛ nɩ a ɩ̃ yúor ƴãw, kɛ́ bɛ bɛr a bɛ cen-faar nɩ a bɛ ɩ-faar, ɛcɛ bɛ bɛ tɩ bɛr wõ ɩ, bɛ bɛ tɩ sàw a ɩ̃ nʋɔr ɛ. 5A nyɩ sãàkʋm-kore wa? Ɛ́ a naaŋmɩn-ƴɛ̀r-manbɛ, bɛ cãà na a? 6Ɛcɛ a ɩ̃ ƴɛ̀rʋ nɩ a ɩ̃ nɛ́ɛ ɩ̃ na tɩ ƴɛ̀r kʋ̀ a ɩ̃ tõ-tõ-biir, a ɩ̃ ƴɛ̀r-manbɛ a, a nyɩ sãàkʋm-kore wa tɩ nyɛ̃ na a ɩ sɩza, bɛ lɩɛbɩ a bɛ ɩb, ɛ́ bãwnɩ a k'ɩ̃ɩ ɩ bɛ na, mɛ̃ a lɛ ɩ̃ na tɩ yel k'ɩ̃ɩ na ɩ bɛ na a, nɩ a lɛ a bɛ cenu nɩ a bɛ ɩ-ɩrɩ mɩ̀ na sɛw taa nɩ a.»
A bʋ̃-nyɛra dãw-niwn sob: a wie
7A Daarisɩ naalʋ-dɩb yome ayi sob, a cuwr pie nɩ been sob na ɩ Sevatɩ cuw#1:7 Sevatɩ cuw: A sɛsɛb cuw põ-zɛ̃-taa vuo pʋɔ n'a, a Yeezu Kɩrɩta na bɛ tɩ wa sɛr a yome kɔbr anũu dɔwlɩ lɩzɛr waɩ (519). a, a bibie lɩzɛr'ɩ anaar sob, a Sore tɩ ƴɛ̀r'ɩ a ʋ ƴɛ̀rʋ kʋ̀ a naaŋmɩn-ƴɛ̀r-manɛ Zakari, na ɩ Berekɩa bidɛb nɩ Ido yãw a.
A Zakari manʋ ʋ na manɩ a n'ɩ ŋa: 8Bʋ̃-nyɛra kãw n'ʋ ɩ̃ nyɛ̃ a tɩ̃ɩsɔw: Nɩr na zɔm wur-zɩɛ a. Ʋ tɩ àr'ɩ mɩrtɩ tɩɩr#1:8 Mɩrtɩ tɩɩr: Tɩli kãw a váar na bɛ suore a n'a. Mediterane kʋ̃ɔ-kpɛ̃ɛ vuo pʋɔ n'a a búle. pʋɔ, a bà-fʋɔla pɛrɩ́ za. Wie a mɩnɛ tɩ be n a ʋ pùorí ɩ zɩɩr, ulsɩ nɩ pɛlɛ. 9Ɩ̃ tɩ sowr'ʋ na: «Ɩ̃ sore e, bʋ̃ʋ n'ʋ a wie á ŋá wule?» A malkɩ na tɩ ƴɛ̀rɛ a ɩ̃ zie a, tɩ sɔw na: «Ɩ̃ na ír'ɩ a pɛr kʋ b.» 10Ɛ́ tɩ be a mɩrtɩ va-pɔrɛ pʋɔ ɛ́ yel: «A Sore n'ʋ tõ a kɛ́ a tɩ zɔ cɔlɩ a tẽw.» 11Lɛ n'a a wi-zɔmnbɛ tɩ man a lɛ na ɩ a, kʋ̀ a Sore malkɩ na be a mɩrtɩ tɩɩr pʋɔ a. Bɛ tɩ yel ʋ na: «Tɩ zɔ na cɔlɩ a tẽw za, ɛ́ bɛ nyɛ̃ damnʋ kãw za ɩ, bom za gã nɩ zoom.» 12Lɛ n'a a Sore malkɩ tɩ lɛb yel: «Sore Kpɛnʋ-za-sob i, yome lɩz'a ata nɩ pie#1:12 Yome lɩz'a ata nɩ pie: Nyɛ̃ Zer 25.11 nɩ 29.10. n'ɩ à ŋá fʋ na nyɛ̃ nɩ a Zerizalɛm nɩ a Zuda ten al na cɛ a, suur a. Debor'a fʋ na zawrɩ na zɔ a nɩbaalʋ tɩ ta n?» 13Lɛ n'a a Sore tɩ ƴɛ̀r sõwfʋ ƴɛ̀rʋ, nɩ mɔwlʋ ƴɛ̀rʋ kʋ̀ a malkɩ na tɩ ƴɛ̀rɛ a ɩ̃ zie a.
A Sore na lɛb'a kaa ír a Zerizalɛm
14A malkɩ na tɩ ƴɛ̀rɛ a ɩ̃ zie a, tɩ yel mɛ̃ na: Hieri yel: À ŋá n'a a Sore, a Kpɛnʋ-za-sob, yere:
«Ɩ̃ nɔnɛ nɩ a Zerizalɛm nɩ a Sɩyɔ̃ tãw vũuvũu.
15Ɛcɛ su-yãyaar kãw tɛr mɛ̃ nɩ
a nɩ-bʋʋr-yoru bɛl bom za na bɛ damnɛ a ƴãw.
Bʋ̃ʋ n'ʋ vɛ̃, ɩ̃ tɩ nyɛ̃ nɩ nɩ a Ɩsɩrayɛl suur blãlɛ,
ɛ́ bɛl wa ɩ a ʋ kpɩɛrʋ a dɔwlɩ.
16Alɛ n'a so ɩ̃ yere,
a mãa, a Sore Kpɛnʋ-za-sob:
Ɩ̃ lɛb'a waar a Zerizalɛm nɩ nɩbaal-zɔba.
A ɩ̃ yir na lɛb'a mɛ a ʋ pʋɔ,
ɛ́ bɛ na lɛb'a mɛ a Zerizalɛm tẽ-kpɛ̃ɛ.»
17Al pùorí a malkɩ tɩ yel'a
k'ɩ̃ɩ lɛb hieri yel à ŋá:
«Bʋ̃-vɩɛlɩ na lɛb'a paalɩ a ɩ̃ tẽ-bɛrɛ,
a Sore Kpɛnʋ-za-sob n'ʋ yere,
ɩ̃ na lɛb'a kaa ír a Zerizalɛm,
ɩ̃ na lɛb'a mɔwlɩ a Sɩyɔ̃.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.