Bɛn Sɩɩra 51
51
YEL-DƆWLƖ
51
Sɩɩrakɩ bidɛb Yeezu puoru
1Ɩ̃ bɔbr'a k'ɩ̃ɩ puori fʋ a barka,
Sore e, fʋ̃ʋ na ɩ Nãà a.
Ɩ̃ bɔbr'a k'ɩ̃ɩ danɩ fʋ, Naaŋmɩn ɩ̃ faarɛ ɛ.
Fʋ̃ʋ n'ʋ ɩ̃ puore a barka,
2bʋ̃ʋ n'ʋ vɛ̃, fʋ gù m a, fʋ sõw mɛ̃ na,
ɛ́ faa mɛ̃ a kũu pʋɔ.
Fʋ ír mɛ̃ na bɛr a gɛgɛrɩ bɛra pʋɔ,
a zir-ŋmarbɛ nɛ̃ɛ́.
A ɩ̃ dɔ̃ dem niŋé a,
fʋ sõw mɛ̃ na ɛ́ faa mɛ̃.
3Fʋ wul'ɩ a fʋ su-ɓaarʋ na bɛ dɩ vuo a,
fʋ tu n a lɛ a fʋ yúor na yi a,
faa mɛ̃ a nɩbɛ bɛ ŋa
na tɩ bɔbr kɛ́ bɛ kʋ m a nuru pʋɔ.
Fʋ faa mɛ̃ nɩ kpɩɛrʋ yaga na tɩ ta m a pʋɔ,
4vũu na tɩ jil koli mɛ̃ ɩ̃ bɛ tʋɔr vʋʋrɛ a pʋɔ,
vũu ɩ̃ na bɛ tɩ gbɔw a pʋɔ.
5Fʋ ɩ na ɩ̃ bɛ siw a kpɩmɛ tẽ-zulu pʋɔ ɩ,
fʋ faa mɛ̃ nɩ a ƴɛ̀r-faar ƴãw, a ƴɛ̀r-ziri ƴãw,
6a nɔ-faa pime ƴãw.
Ɩ̃ tɩ pɩɛl'ɩ a kũu,
ɩ̃ tɩ siw na tɩ ta a kpɩmɛ tẽw dɩ̃dɔrɩ́.
7A ɩ̃ dɔ̃ dem tɩ jil mɛ̃ nɩ a ziir za,
ɛ́ nɩr za bɛ tɩ ka be na sõw mɛ̃ ɩ.
Ɩ̃ tɩ tɩɛrɛ na ƴãwn a nɩsaalbɛ sõwfʋ ƴãw,
ɛcɛ a bɛ tɩ ka be ɩ!
8Lɛ n'a ɩ̃ tɩ lɛb tɩɛrɩ a fʋ su-ɓaarʋ, Sore e,
nɩ a fʋ nɔ̃wfʋ ɩb a koro kãw za:
kɛ́ fʋ mɩ́ faa nɩ a bɛlɩ dem na tɩ́ɛrɛ fʋ a,
kɛ́ fʋ mɩ́ ír bɛ na bɛr a po-to-dem nuru pʋɔ.
9Ɩ̃ɩ tɩ ɩ na a ɩ̃ yãayãa zɛlʋ
yi a tẽw ŋa zu do wa a fʋ zie,
ɩ̃ zɛlɩ fʋ na kɛ́ fʋ faa mɛ̃ a kũu pʋɔ.
10Ɩ̃ bʋɔlɩ fʋ na yel: «Sore e, fʋ̃ʋ n'ɩ a ɩ̃ sãà,
taa zawrɛ mɛ̃ bɛrɛ a kpɩɛrʋ bibir,
ɩ̃ na be a pɔ̀lʋ dem niŋé, bɛ tɛr sõwfʋ a ɩ.
11Ɩ̃ na sʋ̃ɔ̀nɛ nɩ a fʋ yúor, ɛ́ kʋ̃ bɛr ɛ,
ɩ̃ na yiele na puore nɩ fʋ barka.»
Lɛ n'a fʋ tɩ sàw de a ɩ̃ puoru,
12ɛ́ faa mɛ̃ a wɛb ɩ̃ nãà wɛ a pʋɔ,
ɛ́ bɛ sàw ɩ̃ nyɛ̃ a kpɩɛrʋ daar ŋa ɩ.
Alɛ n'a so ɩ̃ bɔbr k'ɩ̃ɩ puori fʋ a barka, Sore e,
ɛ́ danɩ fʋ, ɛ́ manɩ a vla za fʋ na maalɩ mɛ̃ a.
A yã-bãwfʋ bɔb
13Ɩ̃ na tɩ cãà ɩ a pɔlbile, bɛ yɔ sɛr a,
ɩ̃ tɩ càar'a bɔ a yã-bãwfʋ a ɩ̃ puoru pʋɔ.
14Ɩ̃ puor'ɩ a ŋmɩn-yir-kpɛ̃ɛ niŋé a ʋ ƴãw,
ɩ̃ɩ na bɔ ʋ na tɩ ta a ɩ̃ nyɔ-vʋʋrʋ baarʋ daar.
15Ʋ na wa kɛ̀rɩ baarɩ
mɛ̃ divɛ̃ tɩɛ wɔm na mʋ̃ɔnɛ a,
ʋ ɩ n a ɩ̃ nʋ̃ɔ̀ yib zie.
Ɩ̃ lo n a sɔr-vla,
ɩ̃ tu n a ʋ gbɛ́ɛ a ɩ̃ pɔ̀lʋ daar za.
16A blãlɛ ɩ̃ na bɛr wõ ʋ a, ɩ̃ páw ʋ na,
ɩ̃ɩ páw nɩ wulu yaga a ɩ̃ ƴãw.
17A yã-bãwfʋ zũú n'a ɩ̃ cen tɔl nidaa,
alɛ so ɩ̃ na ír a sob nɛ
na kʋ̀ m a yã-bãwfʋ a yúor.
18Ɩ̃ yel'a k'ɩ̃ɩ na tu n a yã-bãwfʋ pùor,
ɩ̃ mʋ̃ɔ nɩ mimir bɔ a vla,
ɩ̃ɩ bɛ be za na yel kɛ́ mãa tɩ bãw kɛ́ lɛ ɩ.
19Ɩ̃ mɔ̃ nɩ kpɛ̃w kpɛ̃w za k'ɩ̃ɩ tʋ̃ɔ́ tɛr a yã-bãwfʋ,
ɩ̃ cɛlɩ nɩ be vla tu a wulu pùor.
Ɩ̃ zɛw nɩ a nuru cɔw a salom,
ɛ́ a sãwna ɩ̃ na sãw ʋ, ɛ́ bɛ bãwnɩ a a,
ɩ m kpɩɛrʋ yaga.
20Ɩ̃ lɩɛb'ɩ niwn cɔw a yã-bãwfʋ,
ɩ̃ɩ na maal tɛr ɩ̃ tʋɔra vɩɛl a, ɩ̃ nyɛ̃ ʋ na.
Ʋlɛ n'ʋ ɩ ɩ̃ tɛr a yã a pɛr-tib daar za.
A na ɩ lɛ a, ʋ kʋ̃ zawrɩ mɛ̃ bɛr towtow ɛ.
21A ʋ páwfʋ vʋla tɩ tɛr mɛ̃ nɩ yaga za,
alɛ so ɩ̃ páw a bʋ̃-vla vla ŋa.
22A Sore ɩ na k'ɩ̃ bãw a ƴɛ̀rʋ, a ɩ a ɩ̃ tɔnɛ,
ɛ́ a bãwfʋ ŋa n'ʋ ɩ̃ bɔbr k'ɩ̃ɩ danɛ nɩ ʋ.
23Nyɩ taw pɩɛlɩ mɛ̃,
nyɩɩm na bɛ bãw bom za a,
nyɩ kpɛ a yã-bãwfʋ nakoli.
24Bʋnʋ ƴãw n'a nyɩ na cãà cɛlɩ ɛ́ bɛ tɛr ʋ,
ɛ́ a ʋ vʋla kʋrɛ nyɩ?
25Ɩ̃ yere nɩ kpɛ̃w kpɛ̃w za à ŋá:
«Nyɩ dà a yã-bãwfʋ, ɛ́ ta dà n libir ɛ.
26Nyɩ sàw a ʋ dàa dĩ a nyɩ nyuru,
ɛ́ nyɩ de a ʋ wulu.
Nyɩ na nyɛ̃ ʋ na ʋ pɩɛlɩ nyɩ yɩ̃ɛlɛ.
27Nyɩ nyɛ̃ nɩ nɩ mimir, k'ɩ̃ɩ bɛ hanɩ yaga
ɛ́ bãw nyɛ̃ pɩ̃ɛnʋ na ɩ kpɛ̃ɛ a ɩ.
28Nyɩ de a ɩ̃ wulu, nyɩ dà ʋ nɩ libi-bɛrʋ,
ʋʋ na ɩ na nyɩ páw salm-zɩɛ yaga.»
29Nyɩ cɩlɛ a Sore su-ɓaarʋ ƴãw,
nyɩ ta zɔrɛ vĩ a ʋ danʋ ƴãw ɛ.
30Nyɩ tõ a nyɩ ton ɛ́ a daar na ƴãw a bãw ta,
a Sore na kʋ̀ nyɩ nɩ a nyɩ sã-ya a daar wa ta a.
Currently Selected:
Bɛn Sɩɩra 51: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
Bɛn Sɩɩra 51
51
YEL-DƆWLƖ
51
Sɩɩrakɩ bidɛb Yeezu puoru
1Ɩ̃ bɔbr'a k'ɩ̃ɩ puori fʋ a barka,
Sore e, fʋ̃ʋ na ɩ Nãà a.
Ɩ̃ bɔbr'a k'ɩ̃ɩ danɩ fʋ, Naaŋmɩn ɩ̃ faarɛ ɛ.
Fʋ̃ʋ n'ʋ ɩ̃ puore a barka,
2bʋ̃ʋ n'ʋ vɛ̃, fʋ gù m a, fʋ sõw mɛ̃ na,
ɛ́ faa mɛ̃ a kũu pʋɔ.
Fʋ ír mɛ̃ na bɛr a gɛgɛrɩ bɛra pʋɔ,
a zir-ŋmarbɛ nɛ̃ɛ́.
A ɩ̃ dɔ̃ dem niŋé a,
fʋ sõw mɛ̃ na ɛ́ faa mɛ̃.
3Fʋ wul'ɩ a fʋ su-ɓaarʋ na bɛ dɩ vuo a,
fʋ tu n a lɛ a fʋ yúor na yi a,
faa mɛ̃ a nɩbɛ bɛ ŋa
na tɩ bɔbr kɛ́ bɛ kʋ m a nuru pʋɔ.
Fʋ faa mɛ̃ nɩ kpɩɛrʋ yaga na tɩ ta m a pʋɔ,
4vũu na tɩ jil koli mɛ̃ ɩ̃ bɛ tʋɔr vʋʋrɛ a pʋɔ,
vũu ɩ̃ na bɛ tɩ gbɔw a pʋɔ.
5Fʋ ɩ na ɩ̃ bɛ siw a kpɩmɛ tẽ-zulu pʋɔ ɩ,
fʋ faa mɛ̃ nɩ a ƴɛ̀r-faar ƴãw, a ƴɛ̀r-ziri ƴãw,
6a nɔ-faa pime ƴãw.
Ɩ̃ tɩ pɩɛl'ɩ a kũu,
ɩ̃ tɩ siw na tɩ ta a kpɩmɛ tẽw dɩ̃dɔrɩ́.
7A ɩ̃ dɔ̃ dem tɩ jil mɛ̃ nɩ a ziir za,
ɛ́ nɩr za bɛ tɩ ka be na sõw mɛ̃ ɩ.
Ɩ̃ tɩ tɩɛrɛ na ƴãwn a nɩsaalbɛ sõwfʋ ƴãw,
ɛcɛ a bɛ tɩ ka be ɩ!
8Lɛ n'a ɩ̃ tɩ lɛb tɩɛrɩ a fʋ su-ɓaarʋ, Sore e,
nɩ a fʋ nɔ̃wfʋ ɩb a koro kãw za:
kɛ́ fʋ mɩ́ faa nɩ a bɛlɩ dem na tɩ́ɛrɛ fʋ a,
kɛ́ fʋ mɩ́ ír bɛ na bɛr a po-to-dem nuru pʋɔ.
9Ɩ̃ɩ tɩ ɩ na a ɩ̃ yãayãa zɛlʋ
yi a tẽw ŋa zu do wa a fʋ zie,
ɩ̃ zɛlɩ fʋ na kɛ́ fʋ faa mɛ̃ a kũu pʋɔ.
10Ɩ̃ bʋɔlɩ fʋ na yel: «Sore e, fʋ̃ʋ n'ɩ a ɩ̃ sãà,
taa zawrɛ mɛ̃ bɛrɛ a kpɩɛrʋ bibir,
ɩ̃ na be a pɔ̀lʋ dem niŋé, bɛ tɛr sõwfʋ a ɩ.
11Ɩ̃ na sʋ̃ɔ̀nɛ nɩ a fʋ yúor, ɛ́ kʋ̃ bɛr ɛ,
ɩ̃ na yiele na puore nɩ fʋ barka.»
Lɛ n'a fʋ tɩ sàw de a ɩ̃ puoru,
12ɛ́ faa mɛ̃ a wɛb ɩ̃ nãà wɛ a pʋɔ,
ɛ́ bɛ sàw ɩ̃ nyɛ̃ a kpɩɛrʋ daar ŋa ɩ.
Alɛ n'a so ɩ̃ bɔbr k'ɩ̃ɩ puori fʋ a barka, Sore e,
ɛ́ danɩ fʋ, ɛ́ manɩ a vla za fʋ na maalɩ mɛ̃ a.
A yã-bãwfʋ bɔb
13Ɩ̃ na tɩ cãà ɩ a pɔlbile, bɛ yɔ sɛr a,
ɩ̃ tɩ càar'a bɔ a yã-bãwfʋ a ɩ̃ puoru pʋɔ.
14Ɩ̃ puor'ɩ a ŋmɩn-yir-kpɛ̃ɛ niŋé a ʋ ƴãw,
ɩ̃ɩ na bɔ ʋ na tɩ ta a ɩ̃ nyɔ-vʋʋrʋ baarʋ daar.
15Ʋ na wa kɛ̀rɩ baarɩ
mɛ̃ divɛ̃ tɩɛ wɔm na mʋ̃ɔnɛ a,
ʋ ɩ n a ɩ̃ nʋ̃ɔ̀ yib zie.
Ɩ̃ lo n a sɔr-vla,
ɩ̃ tu n a ʋ gbɛ́ɛ a ɩ̃ pɔ̀lʋ daar za.
16A blãlɛ ɩ̃ na bɛr wõ ʋ a, ɩ̃ páw ʋ na,
ɩ̃ɩ páw nɩ wulu yaga a ɩ̃ ƴãw.
17A yã-bãwfʋ zũú n'a ɩ̃ cen tɔl nidaa,
alɛ so ɩ̃ na ír a sob nɛ
na kʋ̀ m a yã-bãwfʋ a yúor.
18Ɩ̃ yel'a k'ɩ̃ɩ na tu n a yã-bãwfʋ pùor,
ɩ̃ mʋ̃ɔ nɩ mimir bɔ a vla,
ɩ̃ɩ bɛ be za na yel kɛ́ mãa tɩ bãw kɛ́ lɛ ɩ.
19Ɩ̃ mɔ̃ nɩ kpɛ̃w kpɛ̃w za k'ɩ̃ɩ tʋ̃ɔ́ tɛr a yã-bãwfʋ,
ɩ̃ cɛlɩ nɩ be vla tu a wulu pùor.
Ɩ̃ zɛw nɩ a nuru cɔw a salom,
ɛ́ a sãwna ɩ̃ na sãw ʋ, ɛ́ bɛ bãwnɩ a a,
ɩ m kpɩɛrʋ yaga.
20Ɩ̃ lɩɛb'ɩ niwn cɔw a yã-bãwfʋ,
ɩ̃ɩ na maal tɛr ɩ̃ tʋɔra vɩɛl a, ɩ̃ nyɛ̃ ʋ na.
Ʋlɛ n'ʋ ɩ ɩ̃ tɛr a yã a pɛr-tib daar za.
A na ɩ lɛ a, ʋ kʋ̃ zawrɩ mɛ̃ bɛr towtow ɛ.
21A ʋ páwfʋ vʋla tɩ tɛr mɛ̃ nɩ yaga za,
alɛ so ɩ̃ páw a bʋ̃-vla vla ŋa.
22A Sore ɩ na k'ɩ̃ bãw a ƴɛ̀rʋ, a ɩ a ɩ̃ tɔnɛ,
ɛ́ a bãwfʋ ŋa n'ʋ ɩ̃ bɔbr k'ɩ̃ɩ danɛ nɩ ʋ.
23Nyɩ taw pɩɛlɩ mɛ̃,
nyɩɩm na bɛ bãw bom za a,
nyɩ kpɛ a yã-bãwfʋ nakoli.
24Bʋnʋ ƴãw n'a nyɩ na cãà cɛlɩ ɛ́ bɛ tɛr ʋ,
ɛ́ a ʋ vʋla kʋrɛ nyɩ?
25Ɩ̃ yere nɩ kpɛ̃w kpɛ̃w za à ŋá:
«Nyɩ dà a yã-bãwfʋ, ɛ́ ta dà n libir ɛ.
26Nyɩ sàw a ʋ dàa dĩ a nyɩ nyuru,
ɛ́ nyɩ de a ʋ wulu.
Nyɩ na nyɛ̃ ʋ na ʋ pɩɛlɩ nyɩ yɩ̃ɛlɛ.
27Nyɩ nyɛ̃ nɩ nɩ mimir, k'ɩ̃ɩ bɛ hanɩ yaga
ɛ́ bãw nyɛ̃ pɩ̃ɛnʋ na ɩ kpɛ̃ɛ a ɩ.
28Nyɩ de a ɩ̃ wulu, nyɩ dà ʋ nɩ libi-bɛrʋ,
ʋʋ na ɩ na nyɩ páw salm-zɩɛ yaga.»
29Nyɩ cɩlɛ a Sore su-ɓaarʋ ƴãw,
nyɩ ta zɔrɛ vĩ a ʋ danʋ ƴãw ɛ.
30Nyɩ tõ a nyɩ ton ɛ́ a daar na ƴãw a bãw ta,
a Sore na kʋ̀ nyɩ nɩ a nyɩ sã-ya a daar wa ta a.
La Bible en Dagara © Alliance Biblique du Burkina Faso, 2013.