Bɛn Sɩɩra 48
48
Eli
1Lɛ n'a a naaŋmɩn-ƴɛ̀r-manɛ Eli
tɩ ìr mɛ̃ vũu a,
ɛ́ a ʋ ƴɛ̀rʋ dɩrɛ mɛ̃ mɔ̃-'lena vũu a.
2Ʋ tɩ ɩ na kɔ̃ lo a Ɩsɩrayɛl tẽw#48:2 Nyɛ̃ 1Na 17.1, Luk 4.25.,
ɛ́ a Sore ʋ na nɔnɛ vũuvũu a zũú,
ʋ tɩ ɩ na a nɩbɛ siwri tɩ cɛ zaa blã.
3A Sore na yel a zũú a,
a Eli tɩ piw nɩ a saa tɛr ʋ bɛ wa ɩ,
ɛ́ mɩ́ ɩ a vũu yi a salom zu siw gb'a ata#48:3 Nyɛ̃ 1Na 18.38, 2Na 1.10..
4Yúor bɛ n'ʋ fʋ páw ɛ, Eli i,
nɩ a fʋ nɔ-ɓãa-yele fʋ na maalɩ a!
Ãa n'ʋ na tʋ̃ɔ́ pɔrɛ k'ʋʋ ŋmɛ̃ na taa nɩ fʋ?
5A Naaŋmɩn-na-do-saa-bɛ-pɩɛl-a ƴɛ̀rʋ zũú a,
fʋ ɩ n kũu ʋ lɛb vʋʋrɛ, ʋ yi a kpɩmɛ tẽw pʋɔ.
6A fʋ zũú n'a na-mɩnɛ yele sãw.
Fʋ ír'ɩ nɩ-tɩbrɛ, bàalbɛ gadori zu,
ɛ́ lɔb bɛ ƴãw a yàa-bɔw pʋɔ.
7A Sinayi a, a Orɛb tãw zu a,
fʋ wõ n a Sore na yere fʋ
ɛ́ ƴɛ̀rɛ ƴɛ̀rʋ-dɩb na kpɛmɛ a ƴɛ̀rʋ a.
8Fʋ cir'ɩ kãá ƴãw nãà zũú,
k'ʋʋ tʋ̃ɔ́ tu a ƴɛ̀rʋ na dɩ a pùor,
fʋ cir'ɩ kãá ƴãw naaŋmɩn-ƴɛ̀r-manɛ zũú,
k'ʋʋ ɩ a fʋ lɩɛrɛ.
9Bɛ ɓáw fʋ na do n a salom zu,
vũu sɛsɛb-pɩl pʋɔ,
torko, wie na ɩ vũu a na tawr a zu.
10Mɛ̃ a lɛ a sɛb-sõw na yel a,
fʋ cɔbr'a gù a bibir ʋl
fʋ na na ɓãa a Sore suur,
ʋʋ wa bãw ìr a.
A fɛr'a kɛ́ fʋ ɩ sãà nɩ bidɛb lɛb kpɛ taa,
ɛ́ fʋ lɛb cɔbrɩ a Zakɔb dɔwlʋ ƴãw.
11Zu-nʋ̃ɔ̀ dem'ɩ a bɛlɩ dem na na nyɛ b a
nɩ a bɛlɩ dem na na nɔ̃w a Sore gúr'ɩ a kũu gʋ̃ɔ a.
Bʋ̃ʋ n'ʋ vɛ̃, a tɩɩm mɩ̀ a,
tɩ nãà vʋʋrɛ na, bʋnʋ bɛ ka be ɩ.
Elize
12A Eli na tɩ bɔr a sɛsɛb-pɩl pʋɔ baar'a,
a ʋ vʋʋrʋ tɩ paal'ɩ a Elize.
A Elize nyɔ-vʋʋrʋ daar a,
ʋ bɛ tɩ màw nɩ-kpɛ̃ɛ kãw za niŋé ɩ,
ɛ́ nɩr za bɛ tɩ tʋ̃ɔ́ ƴãw ʋ dɛ̃bɩ̃ɛ ɩ.
13Bom za bɛ tɩ be be kpɛmɛ zuo ʋ ɛ.
A ʋ kũu gʋ̃ɔ tɛɛ za pʋɔ a,
a ʋ ƴã-gan tɩ tõ n naaŋmɩn-ƴɛ̀r-manɛ ton.
14A ʋ nyɔ-vʋʋrʋ daar a,
ʋ maal'ɩ yel-bɛ-dãw-nyɛrɩ,
ɛ́ wa kpi baarɩ a ʋ tome ɩ nɔ-ɓãan.
15A na saa tɩ ɩ à à ŋá a,
a Ɩsɩrayɛl nɩbɛ bɛ tɩ lɩɛbɩ a bɛ ɩb ɛ.
Bɛ bɛ tɩ bɛr a bɛ yel-bebe maalʋ ɛ,
wa tɩ ta a lɛ bɛ na ír bɛ a bɛ tẽw pʋɔ,
ɛ́ diw bɛ yaarɩ a tẽ-daa za zu a.
Nɩbɛ zaa pʋrɩlɛ tɛwr nɛbɛ tɩ cɛ,
nɩ nãà na yi a Daviir yir pʋɔ a.
16A Zuda tẽw na-mɩnɛ bɛ mɩnɛ
tɩ ɩ n a lɛ na pɛlɩ a Naaŋmɩn pʋɔ a,
ɛ́ bɛ mɩnɛ maalɩ a yel-bebe dɔwlɩ dɔwlɩ taa.
A nãà Ezekɩasɩ nɩ a naaŋmɩn-ƴɛ̀r-manɛ Ɩzayi
17A Ezekɩasɩ tɩ mɛ n dacine
viiri koli a Zerizalɛm,
ɛ́ taw a kʋ̃ɔ wa n a tẽ-kpɛ̃ɛ pʋɔ.
Ʋ tɩ ƴãw na bɛ tuw a pìir
nɩ kure tõ-tõ-bome,
ɛ́ mɛ a kʋ̃ɔ ƴãwfʋ ziir.
18A ʋ daar, a nãà Senakerib
tɩ wa na wa zɛb'ɩ a Zerizalɛm.
Ʋ tɩ tõ n a sojarɩ nɩ-kpɛ̃ɛ na mɩ́ be a ʋ zie a,
ʋ tɩ gùr nũu cɔw a Sɩyɔ̃,
ɛ́ ɩ pɔ̀l-ɩb bɛ dɩ vuo ɩ.
19Lɛ n'a a socie nɩ a nuru
tɩ màwr a Zerizalɛm tẽw pʋɔ
ɛ́ 'wɔbrʋ 'wɔbr a nɩbɛ
mɛ̃ pɔw na ta dɔwfʋ a.
20Bɛ tɩ zɛlɩ nɩ a Sore
na ɩ su-ɓaarʋ tɛwr a sõwfʋ,
bɛ tɩ tur'ɩ a nuru cɔw ʋ#48:20 Nyɛ̃ Ssy 28.2..
A Naaŋmɩn na ɩ sõw, be a salom zu a,
tɩ sɔw bɛ nɩ fɔ̃wlɛ,
ʋ tɩ tu n Ɩzayi faa bɛ.
21A Sore tɩ zɛb'ɩ nɩ a Asiiri tẽw dem
a bɛ zɛbr-laɩ pʋɔ,
ɛ́ a ʋ malkɩ kʋ bɛ pàw pɛr.
22Bʋ̃ʋ n'ʋ vɛ̃, a Ezekɩasɩ tɩ ɩ n a lɛ
na pɛlɩ a Sore pʋɔ a,
ɛ́ tɩ tuur a ʋ sãàkʋm-kʋra Daviir sɔ́r
bɛ lɛbr pùor ɛ,
mɛ̃ a lɛ a naaŋmɩn-ƴɛ̀r-man-kpɛ̃ɛ Ɩzayi,
a bʋ̃-nyɛrɩ na bɛ tɛr bʋnʋ a,
na tɩ yel kʋ̀ ʋ a.
23A ʋlɩ daar nɛ, a Ɩzayi
tɩ ɩ na a mʋ̃tɔ̃w tɩ̃wnɩ pùor,
ʋʋ ɩ a nãà vʋʋrɩ tɔl yɩ̃ɛ́.
24A Vʋʋrʋ kpɛnʋ zũú a,
ʋ tɩ de nɩ niwn nyɛ̃ a zie baarʋ,
ɛ́ mɔwlɩ a Sɩyɔ̃ tẽw wahala dem.
25Ʋ tɩ de nɩ niwn yel a ʋlɩ bom nɛ na na ɩ,
ɛ́ a zie bãw baarɩ a,
nɩ a yele na cãà sɔwlɩ,
ɛ́ a wa bãw ta a.
Currently Selected:
Bɛn Sɩɩra 48: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
Bɛn Sɩɩra 48
48
Eli
1Lɛ n'a a naaŋmɩn-ƴɛ̀r-manɛ Eli
tɩ ìr mɛ̃ vũu a,
ɛ́ a ʋ ƴɛ̀rʋ dɩrɛ mɛ̃ mɔ̃-'lena vũu a.
2Ʋ tɩ ɩ na kɔ̃ lo a Ɩsɩrayɛl tẽw#48:2 Nyɛ̃ 1Na 17.1, Luk 4.25.,
ɛ́ a Sore ʋ na nɔnɛ vũuvũu a zũú,
ʋ tɩ ɩ na a nɩbɛ siwri tɩ cɛ zaa blã.
3A Sore na yel a zũú a,
a Eli tɩ piw nɩ a saa tɛr ʋ bɛ wa ɩ,
ɛ́ mɩ́ ɩ a vũu yi a salom zu siw gb'a ata#48:3 Nyɛ̃ 1Na 18.38, 2Na 1.10..
4Yúor bɛ n'ʋ fʋ páw ɛ, Eli i,
nɩ a fʋ nɔ-ɓãa-yele fʋ na maalɩ a!
Ãa n'ʋ na tʋ̃ɔ́ pɔrɛ k'ʋʋ ŋmɛ̃ na taa nɩ fʋ?
5A Naaŋmɩn-na-do-saa-bɛ-pɩɛl-a ƴɛ̀rʋ zũú a,
fʋ ɩ n kũu ʋ lɛb vʋʋrɛ, ʋ yi a kpɩmɛ tẽw pʋɔ.
6A fʋ zũú n'a na-mɩnɛ yele sãw.
Fʋ ír'ɩ nɩ-tɩbrɛ, bàalbɛ gadori zu,
ɛ́ lɔb bɛ ƴãw a yàa-bɔw pʋɔ.
7A Sinayi a, a Orɛb tãw zu a,
fʋ wõ n a Sore na yere fʋ
ɛ́ ƴɛ̀rɛ ƴɛ̀rʋ-dɩb na kpɛmɛ a ƴɛ̀rʋ a.
8Fʋ cir'ɩ kãá ƴãw nãà zũú,
k'ʋʋ tʋ̃ɔ́ tu a ƴɛ̀rʋ na dɩ a pùor,
fʋ cir'ɩ kãá ƴãw naaŋmɩn-ƴɛ̀r-manɛ zũú,
k'ʋʋ ɩ a fʋ lɩɛrɛ.
9Bɛ ɓáw fʋ na do n a salom zu,
vũu sɛsɛb-pɩl pʋɔ,
torko, wie na ɩ vũu a na tawr a zu.
10Mɛ̃ a lɛ a sɛb-sõw na yel a,
fʋ cɔbr'a gù a bibir ʋl
fʋ na na ɓãa a Sore suur,
ʋʋ wa bãw ìr a.
A fɛr'a kɛ́ fʋ ɩ sãà nɩ bidɛb lɛb kpɛ taa,
ɛ́ fʋ lɛb cɔbrɩ a Zakɔb dɔwlʋ ƴãw.
11Zu-nʋ̃ɔ̀ dem'ɩ a bɛlɩ dem na na nyɛ b a
nɩ a bɛlɩ dem na na nɔ̃w a Sore gúr'ɩ a kũu gʋ̃ɔ a.
Bʋ̃ʋ n'ʋ vɛ̃, a tɩɩm mɩ̀ a,
tɩ nãà vʋʋrɛ na, bʋnʋ bɛ ka be ɩ.
Elize
12A Eli na tɩ bɔr a sɛsɛb-pɩl pʋɔ baar'a,
a ʋ vʋʋrʋ tɩ paal'ɩ a Elize.
A Elize nyɔ-vʋʋrʋ daar a,
ʋ bɛ tɩ màw nɩ-kpɛ̃ɛ kãw za niŋé ɩ,
ɛ́ nɩr za bɛ tɩ tʋ̃ɔ́ ƴãw ʋ dɛ̃bɩ̃ɛ ɩ.
13Bom za bɛ tɩ be be kpɛmɛ zuo ʋ ɛ.
A ʋ kũu gʋ̃ɔ tɛɛ za pʋɔ a,
a ʋ ƴã-gan tɩ tõ n naaŋmɩn-ƴɛ̀r-manɛ ton.
14A ʋ nyɔ-vʋʋrʋ daar a,
ʋ maal'ɩ yel-bɛ-dãw-nyɛrɩ,
ɛ́ wa kpi baarɩ a ʋ tome ɩ nɔ-ɓãan.
15A na saa tɩ ɩ à à ŋá a,
a Ɩsɩrayɛl nɩbɛ bɛ tɩ lɩɛbɩ a bɛ ɩb ɛ.
Bɛ bɛ tɩ bɛr a bɛ yel-bebe maalʋ ɛ,
wa tɩ ta a lɛ bɛ na ír bɛ a bɛ tẽw pʋɔ,
ɛ́ diw bɛ yaarɩ a tẽ-daa za zu a.
Nɩbɛ zaa pʋrɩlɛ tɛwr nɛbɛ tɩ cɛ,
nɩ nãà na yi a Daviir yir pʋɔ a.
16A Zuda tẽw na-mɩnɛ bɛ mɩnɛ
tɩ ɩ n a lɛ na pɛlɩ a Naaŋmɩn pʋɔ a,
ɛ́ bɛ mɩnɛ maalɩ a yel-bebe dɔwlɩ dɔwlɩ taa.
A nãà Ezekɩasɩ nɩ a naaŋmɩn-ƴɛ̀r-manɛ Ɩzayi
17A Ezekɩasɩ tɩ mɛ n dacine
viiri koli a Zerizalɛm,
ɛ́ taw a kʋ̃ɔ wa n a tẽ-kpɛ̃ɛ pʋɔ.
Ʋ tɩ ƴãw na bɛ tuw a pìir
nɩ kure tõ-tõ-bome,
ɛ́ mɛ a kʋ̃ɔ ƴãwfʋ ziir.
18A ʋ daar, a nãà Senakerib
tɩ wa na wa zɛb'ɩ a Zerizalɛm.
Ʋ tɩ tõ n a sojarɩ nɩ-kpɛ̃ɛ na mɩ́ be a ʋ zie a,
ʋ tɩ gùr nũu cɔw a Sɩyɔ̃,
ɛ́ ɩ pɔ̀l-ɩb bɛ dɩ vuo ɩ.
19Lɛ n'a a socie nɩ a nuru
tɩ màwr a Zerizalɛm tẽw pʋɔ
ɛ́ 'wɔbrʋ 'wɔbr a nɩbɛ
mɛ̃ pɔw na ta dɔwfʋ a.
20Bɛ tɩ zɛlɩ nɩ a Sore
na ɩ su-ɓaarʋ tɛwr a sõwfʋ,
bɛ tɩ tur'ɩ a nuru cɔw ʋ#48:20 Nyɛ̃ Ssy 28.2..
A Naaŋmɩn na ɩ sõw, be a salom zu a,
tɩ sɔw bɛ nɩ fɔ̃wlɛ,
ʋ tɩ tu n Ɩzayi faa bɛ.
21A Sore tɩ zɛb'ɩ nɩ a Asiiri tẽw dem
a bɛ zɛbr-laɩ pʋɔ,
ɛ́ a ʋ malkɩ kʋ bɛ pàw pɛr.
22Bʋ̃ʋ n'ʋ vɛ̃, a Ezekɩasɩ tɩ ɩ n a lɛ
na pɛlɩ a Sore pʋɔ a,
ɛ́ tɩ tuur a ʋ sãàkʋm-kʋra Daviir sɔ́r
bɛ lɛbr pùor ɛ,
mɛ̃ a lɛ a naaŋmɩn-ƴɛ̀r-man-kpɛ̃ɛ Ɩzayi,
a bʋ̃-nyɛrɩ na bɛ tɛr bʋnʋ a,
na tɩ yel kʋ̀ ʋ a.
23A ʋlɩ daar nɛ, a Ɩzayi
tɩ ɩ na a mʋ̃tɔ̃w tɩ̃wnɩ pùor,
ʋʋ ɩ a nãà vʋʋrɩ tɔl yɩ̃ɛ́.
24A Vʋʋrʋ kpɛnʋ zũú a,
ʋ tɩ de nɩ niwn nyɛ̃ a zie baarʋ,
ɛ́ mɔwlɩ a Sɩyɔ̃ tẽw wahala dem.
25Ʋ tɩ de nɩ niwn yel a ʋlɩ bom nɛ na na ɩ,
ɛ́ a zie bãw baarɩ a,
nɩ a yele na cãà sɔwlɩ,
ɛ́ a wa bãw ta a.
La Bible en Dagara © Alliance Biblique du Burkina Faso, 2013.