Bɛn Sɩɩra 45
45
1A Moyiir'ʋ.
A Naaŋmɩn nɩ a nɩsaalbɛ za tɩ nɔ̃w ʋ na.
Bɛlɛ wa tɩ́ɛrɛ a ʋ yele a,
bɛ mɩ́ puor'ɩ a Naaŋmɩn barka.
2A Sore tɩ kʋ̀ ʋ nɩ yúor-vɩɛlʋ-danʋ
na sɛw a malkɩ mɩnɛ dem a,
ɛ́ ɩ k'ʋ ɩ kpɛ̃ɛ, ɩrɛ a Ɩsɩrayɛl dɔ̃ dem dɛ̃bɩ̃ɛ.
3A Moyiir na mɩ́ tɩ yel
kɛ́ nɔ-ɓãa-yele na maal'a a,
a Sore mɩ́ tɩ maalɩ a nɩ daadaalɛ,
ɛ́ kʋ̀ ʋ fãw a na-mɩnɛ niŋé.
Ʋ tɩ kʋ̀ ʋ nɩ a ʋ nɛ-ƴãwnɩ a ʋ nɩ-bʋʋrɛ ƴãw,
ɛ́ wul ʋ a ʋ yúor-vɩɛlʋ-danʋ blã.
4A Moyiir tɩ ɩ n nɩr na bɛ lɛbr pùor
ɛ́ ɩ nɩsaal-baalʋ a.
Alɛ n'a so a Sore ka nũu ƴãw ʋ,
ɛ́ kaa ír ʋ a nɩsaalbɛ za pʋɔ.
5Ʋ tɩ ɩ na a Moyiir wõ a ʋ kɔkɔr,
ʋ tɩ tɛr ʋ na kpɛ n a zũzuwr sɛbla pʋɔ.
Bɛ tɩ tori nɩ taa a be,
ʋ kʋ̀ ʋ a nɛ-ƴãwnɩ,
a wulu na ɩrɛ bɛ vʋʋrɛ a,
ʋʋ tɩrɛ yã a.
À ŋá n'a a Sore tɩ wul
a wõ-taa tub a Zakɔb bʋʋrɛ,
ɛ́ wul a Ɩsɩrayɛl nɩ-bʋʋrɛ a lɛ ʋ na yel a.
Aarɔ̃
6Ʋ̀ zɛw nɩ Aarɔ̃,
nɩ-sõw na ɩ mɛ̃ a Moyiir a,
a ʋ yɛb na yi Levi dɔwlʋ pʋɔ a.
7Ʋ maal'ɩ ʋ nɩ wõ-taa na be be kʋralɛ a,
ƴãw ʋ ɩ a ʋ nɩbɛ bàwr-maalɛ.
A Sore ɩ na k'ʋ su
kpar-son vɩɛlɩ vɩɛlɩ, nʋ̃ɔ̀ ɩrɛ ʋ,
ʋ su ʋ nɩ dɛpaal-kparʋ.
8Ʋ su ʋ nɩ kpar-mawra,
ɛ́ ƴãw ʋ a ʋ nɩ-kpɛ̃ɛnʋ bãwfʋ bome:
lɛ̃ pɛn bʋ̃-suuri na mɩ́ be a pile a,
kpar-wogo nɩ bàwr-maal-kara nyãa-kpale.
9Ʋ tɩ ƴãw nɩ bome kãw
a ʋ kparʋ ƴãw viiri koli,
a ɩ mɛ̃ girenadɩ tɩɛ wɔmɛ a,
nɩ salm-zɩɛ gbelsɩ-cãpili na yãwmɛ a,
a Aarɔ̃ wa gél gbɛ́r cen a, ãa ŋmɩɛr.
À ŋá n'a a mɩ́ tɩ kone
a Ŋmɩn-yir-kpɛ̃ɛ pʋɔ,
sɩ̃wnɛ a Sore tɩ̀ɛrʋ a ʋ nɩbɛ na be a be a ƴãw.
10A Aarɔ̃ mɩ́ tɩ su n a kpar-sõw,
kpar-bãw-mawrɛ na wob'ɩ salm-zɩɛ fomiwr,
fomi-zɩɩr-mʋɔlɛ nɩ fomi-zɩɩr-ɓõɓõ a.
Ɛ́ a ƴɛ̀rʋ-dɩb nyãa-zu-zʋbɛ be a zu-sɔw,
tɛr a Uurim nɩ a Tumim#45:10 Nyɛ̃ Ety 28.30 nɩ a manʋ na be a be a. .
11Pɛn-mawrɛ n'ʋ tɩ wob
a nyãa-zu-zʋbɛ ŋa nɩ fomi-zɩɩr-mʋɔlɛ.
Bɛ tɩ ƴãw ʋ nɩ kʋsɛ-bi-nyɩlɩ pɩ̃ɛmɛ.
A kʋsɛ-bi-nyɩlɩ á ŋá zu a,
bɛ tɩ wi n a Ɩsɩrayɛl dɔwlʋ pie nɩ ayi yée
mɛ̃ ŋmaarʋ-bʋ̃-ƴãwnɩ a,
k'aa Naaŋmɩn tʋ̃ɔ́ mɩ́ cãà bãwnɩ a dɔwlʋ á ŋá.
Kʋsɛ-bi-nyɩla za tɩ sawl'ɩ sawlʋ zie
bãw-bãw-kara na maal'ɩ salm-zɩɛ a.
12A Aarɔ̃ zu-pɛn-vila ʋl zu a,
salm-zɩɛ pɩ̃ɛmɛ kãw tɩ be n be,
bɛ wi a ƴɛ̀r-bie á ŋá ƴãw:
«Sore nɩ-sora».
Ƴãwfʋ bãwfʋ tɩ n'ʋ, tõ-vla vla,
mimie nʋ̃ɔ̀, pɩ̃ɛmɛ na vɩɛl ʋ za a.
13Nɩr bɛ de niwn nyɛ̃
a kpar-vɩɛlɩ á ŋá taabɛ a Aarɔ̃ ƴãw ɛ.
Nɩr kãw za bɛ su a,
a bɛ ɩ a ʋ bidɛbr nɩ a bɛ bʋʋrɛ
na tɛr sɔ́r na suur a kʋralɛ a ɩ.
14A bàgɛ ʋ na mɩ́ tɩ maalɩ
gb'a ayi a bibir za,
ɛ́ a na ɩrɛ kʋralɛ a,
a mɩ́ tɩ fɛr'a k'aa bàwr-maal-bome
dɩ vũu pelẽpelẽ.
15Moyiir'ʋ tɩ cir
a kãá-sõw ƴãw ʋ a zũú,
ƴãw ʋ a Sore tome pʋɔ.
Wõ-taa na be kʋralɛ a tɩ n'ʋ,
a Aarɔ̃ nɩ a ʋ bʋʋrɛ ƴãw,
wõ-taa na na cɛlɩ lɛn daar za
a salom na be be a.
A tɩ fɛr'a kɛ́ bɛ tone a Sore tome,
bɛ na ɩ bàwr-maalbɛ a,
ɛ́ mɩ́ ƴɛ̀r nɔ-vla kʋ̀ a nɩbɛ a ʋ yúor ƴãw.
16A Sore kaa na ír a Aarɔ̃ a nɩ-vʋʋrɩ za pʋɔ,
k'ʋʋ mɩ́ maalɩ a nyɩw-a-za-bàwr kʋ̀ ʋ,
k'ʋʋ mɩ́ de a tɩ-suur-zɔ̃-na-nyùur-vla-vla-a
nɩ a parfɛ̃ kʋ̀ ʋ,
ɛ́ tu a yel-bebe suur-páwfʋ tub a nɩbɛ ƴãw.
17Ʋ kʋ̀ n a Aarɔ̃ a fãw,
a ʋ nɛ-ƴãwnɩ pɛ́ɛ íru ƴãw,
k'ʋʋ mɩ́ wul a Ɩsɩrayɛl
a lɛ a ʋl Sore na bɔbr a,
ɛ́ caalɩ a nɩbɛ nɩ a ʋl Sore wulu.
18A wɛja-kpalɛ pʋɔ a,
nɩbɛ na bɛ ɩ a ʋ yir dem a,
tɩ ìr'ɩ a ʋ ƴãw, nyuur'ɩ ʋ,
ɩ suur, su-yãyaar tɛwr.
Datan nɩ Abiram nɩ a bɛ nɩbɛ tɩ nɛbɛ,
de nɩ Koore nɩbɛ.
19A Sore tɩ nyɛ̃ a na, a bɛ pɛlɩ a ʋ pʋɔ ɩ,
ʋ tɩ kʋ bɛ na pàw pɛr a ʋ su-yãyaar pʋɔ,
maalɩ nɔ-ɓãa-yele ƴãw a ʋ vũu dɩ bɛ.
20Ɛcɛ ʋ tɩ cãà na lɛb maalɩ a Aarɔ̃ ƴãw pʋɔ:
ʋ tɩ kʋ̀ n ʋlɛ nɩ a ʋ bidɛbr a tẽsɔw bʋ̃-dan,
bɛ na mɩ́ wa n a ɩ de-kʋ̀b bome a.
A na ɩ à ŋá a, ʋ kʋ̀ ʋ nɩ bʋ̃-dɩrɩ yaga za.
21Bʋ̃ʋ n'ʋ vɛ̃, a bàwr-maalbɛ bʋ̃-dɩrɩ
tɩ n'ɩ a bome bɛ na maal'ɩ a bàwr kʋ̀ a Sore a.
Ʋlɛ n'ʋ kʋ̀ a a Aarɔ̃ nɩ a ʋ bʋʋrɛ.
22Ɛcɛ bɛ bɛ tɩ tɛr tẽsɔw a Ɩsɩrayɛl tẽw pʋɔ ɩ,
bɛ bɛ tɩ tɛr zi-sóra mɛ̃ a nɩbɛ a ɩ,
bʋ̃ʋ n'ʋ vɛ̃, a Sore tɩ yel'ɩ a Aarɔ̃:
«Mãa n'ɩ a fʋ bom, a fʋ zi-sóra.#45:22 Nyɛ̃ Sɔr-n 18.20, Wl-ayi 10.9, Ezek 44.28, Ssy 16.5.»
Pɩnasɩ
23Eleazaar bidɛb, Pɩnasɩ,
n'ɩ a sãàkʋm-kore ata sob a yúor na yi a,
ʋ na bɛ tɩ ƴãw dɩ̃ɛnʋ
a Sore zɔba tɛrʋ ƴãw a zũú.
A lɛ a nɩbɛ na tɩ gaarɩ a,
ʋ bɛ tɩ sàw a lɛ kʋ̀ bɛ ɩ,
ɛ́ tɩ tɛr soci-kpɛ̃w vla,
ɛ́ à à ŋá n'a ʋ tɩ páw
a Sore suur-dɩ-kʋ̀b kʋ̀ a Ɩsɩrayɛl nɩbɛ.
24Alɛ n'a so a Sore tɩ maal'ɩ ʋ
ƴã-ɓaarʋ wõ-taa:
ʋ ɩ a zi-sõw nɩ-kpɛ̃ɛ
nɩ a ʋ nɩ-bʋʋrɛ lɩɛrɛ.
À ŋá n'a ʋ tɩ kʋ̀ a bàwr-maal-kara ton
a Pɩnasɩ nɩ a ʋ bʋʋrɛ a nʋɔr kʋ.
25Ʋ̀ mɩ̀ tɩ maalɩ wõ-taa,
ʋlɛ nɩ Daviir, Zese bidɛb,
na yi Zuda dɔwlʋ pʋɔ a.
Ʋ tɩ yel'a kɛ́ a naalʋ
na mɩ́ yi n sãà lʋ̃ɔ a bidɛb, bidɛb-been yõ!
Ɛcɛ a Aarɔ̃ gbã-dɩrʋ ʋl
na mɩ́ lʋ̃ɔ nɩ a ʋ bʋʋrɛ za.
26Ɛ́ a nyɩɩm, Aarɔ̃ bʋʋrɛ ɛ,
ɩ̃ zɛlɛ nɩ a Sore k'ʋʋ paalɩ
a nyɩ socie nɩ yã-bãwfʋ,
kɛ̀ nyɩ mɩ́ dɩ a ƴɛ̀rʋ nɩ mɩnʋ kʋ̀ a ʋ nɩ-bʋʋrɛ.
Ɛ́ a yel-vɩɛlɩ na ɩ nyɩɩm yõ dem a,
nɩ a ƴãwfʋ nyɩ na so a,
nyɩ taa wa bɔrɛ a bɛrɛ towtow a nɩdaar ɛ.
Currently Selected:
Bɛn Sɩɩra 45: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
Bɛn Sɩɩra 45
45
1A Moyiir'ʋ.
A Naaŋmɩn nɩ a nɩsaalbɛ za tɩ nɔ̃w ʋ na.
Bɛlɛ wa tɩ́ɛrɛ a ʋ yele a,
bɛ mɩ́ puor'ɩ a Naaŋmɩn barka.
2A Sore tɩ kʋ̀ ʋ nɩ yúor-vɩɛlʋ-danʋ
na sɛw a malkɩ mɩnɛ dem a,
ɛ́ ɩ k'ʋ ɩ kpɛ̃ɛ, ɩrɛ a Ɩsɩrayɛl dɔ̃ dem dɛ̃bɩ̃ɛ.
3A Moyiir na mɩ́ tɩ yel
kɛ́ nɔ-ɓãa-yele na maal'a a,
a Sore mɩ́ tɩ maalɩ a nɩ daadaalɛ,
ɛ́ kʋ̀ ʋ fãw a na-mɩnɛ niŋé.
Ʋ tɩ kʋ̀ ʋ nɩ a ʋ nɛ-ƴãwnɩ a ʋ nɩ-bʋʋrɛ ƴãw,
ɛ́ wul ʋ a ʋ yúor-vɩɛlʋ-danʋ blã.
4A Moyiir tɩ ɩ n nɩr na bɛ lɛbr pùor
ɛ́ ɩ nɩsaal-baalʋ a.
Alɛ n'a so a Sore ka nũu ƴãw ʋ,
ɛ́ kaa ír ʋ a nɩsaalbɛ za pʋɔ.
5Ʋ tɩ ɩ na a Moyiir wõ a ʋ kɔkɔr,
ʋ tɩ tɛr ʋ na kpɛ n a zũzuwr sɛbla pʋɔ.
Bɛ tɩ tori nɩ taa a be,
ʋ kʋ̀ ʋ a nɛ-ƴãwnɩ,
a wulu na ɩrɛ bɛ vʋʋrɛ a,
ʋʋ tɩrɛ yã a.
À ŋá n'a a Sore tɩ wul
a wõ-taa tub a Zakɔb bʋʋrɛ,
ɛ́ wul a Ɩsɩrayɛl nɩ-bʋʋrɛ a lɛ ʋ na yel a.
Aarɔ̃
6Ʋ̀ zɛw nɩ Aarɔ̃,
nɩ-sõw na ɩ mɛ̃ a Moyiir a,
a ʋ yɛb na yi Levi dɔwlʋ pʋɔ a.
7Ʋ maal'ɩ ʋ nɩ wõ-taa na be be kʋralɛ a,
ƴãw ʋ ɩ a ʋ nɩbɛ bàwr-maalɛ.
A Sore ɩ na k'ʋ su
kpar-son vɩɛlɩ vɩɛlɩ, nʋ̃ɔ̀ ɩrɛ ʋ,
ʋ su ʋ nɩ dɛpaal-kparʋ.
8Ʋ su ʋ nɩ kpar-mawra,
ɛ́ ƴãw ʋ a ʋ nɩ-kpɛ̃ɛnʋ bãwfʋ bome:
lɛ̃ pɛn bʋ̃-suuri na mɩ́ be a pile a,
kpar-wogo nɩ bàwr-maal-kara nyãa-kpale.
9Ʋ tɩ ƴãw nɩ bome kãw
a ʋ kparʋ ƴãw viiri koli,
a ɩ mɛ̃ girenadɩ tɩɛ wɔmɛ a,
nɩ salm-zɩɛ gbelsɩ-cãpili na yãwmɛ a,
a Aarɔ̃ wa gél gbɛ́r cen a, ãa ŋmɩɛr.
À ŋá n'a a mɩ́ tɩ kone
a Ŋmɩn-yir-kpɛ̃ɛ pʋɔ,
sɩ̃wnɛ a Sore tɩ̀ɛrʋ a ʋ nɩbɛ na be a be a ƴãw.
10A Aarɔ̃ mɩ́ tɩ su n a kpar-sõw,
kpar-bãw-mawrɛ na wob'ɩ salm-zɩɛ fomiwr,
fomi-zɩɩr-mʋɔlɛ nɩ fomi-zɩɩr-ɓõɓõ a.
Ɛ́ a ƴɛ̀rʋ-dɩb nyãa-zu-zʋbɛ be a zu-sɔw,
tɛr a Uurim nɩ a Tumim#45:10 Nyɛ̃ Ety 28.30 nɩ a manʋ na be a be a. .
11Pɛn-mawrɛ n'ʋ tɩ wob
a nyãa-zu-zʋbɛ ŋa nɩ fomi-zɩɩr-mʋɔlɛ.
Bɛ tɩ ƴãw ʋ nɩ kʋsɛ-bi-nyɩlɩ pɩ̃ɛmɛ.
A kʋsɛ-bi-nyɩlɩ á ŋá zu a,
bɛ tɩ wi n a Ɩsɩrayɛl dɔwlʋ pie nɩ ayi yée
mɛ̃ ŋmaarʋ-bʋ̃-ƴãwnɩ a,
k'aa Naaŋmɩn tʋ̃ɔ́ mɩ́ cãà bãwnɩ a dɔwlʋ á ŋá.
Kʋsɛ-bi-nyɩla za tɩ sawl'ɩ sawlʋ zie
bãw-bãw-kara na maal'ɩ salm-zɩɛ a.
12A Aarɔ̃ zu-pɛn-vila ʋl zu a,
salm-zɩɛ pɩ̃ɛmɛ kãw tɩ be n be,
bɛ wi a ƴɛ̀r-bie á ŋá ƴãw:
«Sore nɩ-sora».
Ƴãwfʋ bãwfʋ tɩ n'ʋ, tõ-vla vla,
mimie nʋ̃ɔ̀, pɩ̃ɛmɛ na vɩɛl ʋ za a.
13Nɩr bɛ de niwn nyɛ̃
a kpar-vɩɛlɩ á ŋá taabɛ a Aarɔ̃ ƴãw ɛ.
Nɩr kãw za bɛ su a,
a bɛ ɩ a ʋ bidɛbr nɩ a bɛ bʋʋrɛ
na tɛr sɔ́r na suur a kʋralɛ a ɩ.
14A bàgɛ ʋ na mɩ́ tɩ maalɩ
gb'a ayi a bibir za,
ɛ́ a na ɩrɛ kʋralɛ a,
a mɩ́ tɩ fɛr'a k'aa bàwr-maal-bome
dɩ vũu pelẽpelẽ.
15Moyiir'ʋ tɩ cir
a kãá-sõw ƴãw ʋ a zũú,
ƴãw ʋ a Sore tome pʋɔ.
Wõ-taa na be kʋralɛ a tɩ n'ʋ,
a Aarɔ̃ nɩ a ʋ bʋʋrɛ ƴãw,
wõ-taa na na cɛlɩ lɛn daar za
a salom na be be a.
A tɩ fɛr'a kɛ́ bɛ tone a Sore tome,
bɛ na ɩ bàwr-maalbɛ a,
ɛ́ mɩ́ ƴɛ̀r nɔ-vla kʋ̀ a nɩbɛ a ʋ yúor ƴãw.
16A Sore kaa na ír a Aarɔ̃ a nɩ-vʋʋrɩ za pʋɔ,
k'ʋʋ mɩ́ maalɩ a nyɩw-a-za-bàwr kʋ̀ ʋ,
k'ʋʋ mɩ́ de a tɩ-suur-zɔ̃-na-nyùur-vla-vla-a
nɩ a parfɛ̃ kʋ̀ ʋ,
ɛ́ tu a yel-bebe suur-páwfʋ tub a nɩbɛ ƴãw.
17Ʋ kʋ̀ n a Aarɔ̃ a fãw,
a ʋ nɛ-ƴãwnɩ pɛ́ɛ íru ƴãw,
k'ʋʋ mɩ́ wul a Ɩsɩrayɛl
a lɛ a ʋl Sore na bɔbr a,
ɛ́ caalɩ a nɩbɛ nɩ a ʋl Sore wulu.
18A wɛja-kpalɛ pʋɔ a,
nɩbɛ na bɛ ɩ a ʋ yir dem a,
tɩ ìr'ɩ a ʋ ƴãw, nyuur'ɩ ʋ,
ɩ suur, su-yãyaar tɛwr.
Datan nɩ Abiram nɩ a bɛ nɩbɛ tɩ nɛbɛ,
de nɩ Koore nɩbɛ.
19A Sore tɩ nyɛ̃ a na, a bɛ pɛlɩ a ʋ pʋɔ ɩ,
ʋ tɩ kʋ bɛ na pàw pɛr a ʋ su-yãyaar pʋɔ,
maalɩ nɔ-ɓãa-yele ƴãw a ʋ vũu dɩ bɛ.
20Ɛcɛ ʋ tɩ cãà na lɛb maalɩ a Aarɔ̃ ƴãw pʋɔ:
ʋ tɩ kʋ̀ n ʋlɛ nɩ a ʋ bidɛbr a tẽsɔw bʋ̃-dan,
bɛ na mɩ́ wa n a ɩ de-kʋ̀b bome a.
A na ɩ à ŋá a, ʋ kʋ̀ ʋ nɩ bʋ̃-dɩrɩ yaga za.
21Bʋ̃ʋ n'ʋ vɛ̃, a bàwr-maalbɛ bʋ̃-dɩrɩ
tɩ n'ɩ a bome bɛ na maal'ɩ a bàwr kʋ̀ a Sore a.
Ʋlɛ n'ʋ kʋ̀ a a Aarɔ̃ nɩ a ʋ bʋʋrɛ.
22Ɛcɛ bɛ bɛ tɩ tɛr tẽsɔw a Ɩsɩrayɛl tẽw pʋɔ ɩ,
bɛ bɛ tɩ tɛr zi-sóra mɛ̃ a nɩbɛ a ɩ,
bʋ̃ʋ n'ʋ vɛ̃, a Sore tɩ yel'ɩ a Aarɔ̃:
«Mãa n'ɩ a fʋ bom, a fʋ zi-sóra.#45:22 Nyɛ̃ Sɔr-n 18.20, Wl-ayi 10.9, Ezek 44.28, Ssy 16.5.»
Pɩnasɩ
23Eleazaar bidɛb, Pɩnasɩ,
n'ɩ a sãàkʋm-kore ata sob a yúor na yi a,
ʋ na bɛ tɩ ƴãw dɩ̃ɛnʋ
a Sore zɔba tɛrʋ ƴãw a zũú.
A lɛ a nɩbɛ na tɩ gaarɩ a,
ʋ bɛ tɩ sàw a lɛ kʋ̀ bɛ ɩ,
ɛ́ tɩ tɛr soci-kpɛ̃w vla,
ɛ́ à à ŋá n'a ʋ tɩ páw
a Sore suur-dɩ-kʋ̀b kʋ̀ a Ɩsɩrayɛl nɩbɛ.
24Alɛ n'a so a Sore tɩ maal'ɩ ʋ
ƴã-ɓaarʋ wõ-taa:
ʋ ɩ a zi-sõw nɩ-kpɛ̃ɛ
nɩ a ʋ nɩ-bʋʋrɛ lɩɛrɛ.
À ŋá n'a ʋ tɩ kʋ̀ a bàwr-maal-kara ton
a Pɩnasɩ nɩ a ʋ bʋʋrɛ a nʋɔr kʋ.
25Ʋ̀ mɩ̀ tɩ maalɩ wõ-taa,
ʋlɛ nɩ Daviir, Zese bidɛb,
na yi Zuda dɔwlʋ pʋɔ a.
Ʋ tɩ yel'a kɛ́ a naalʋ
na mɩ́ yi n sãà lʋ̃ɔ a bidɛb, bidɛb-been yõ!
Ɛcɛ a Aarɔ̃ gbã-dɩrʋ ʋl
na mɩ́ lʋ̃ɔ nɩ a ʋ bʋʋrɛ za.
26Ɛ́ a nyɩɩm, Aarɔ̃ bʋʋrɛ ɛ,
ɩ̃ zɛlɛ nɩ a Sore k'ʋʋ paalɩ
a nyɩ socie nɩ yã-bãwfʋ,
kɛ̀ nyɩ mɩ́ dɩ a ƴɛ̀rʋ nɩ mɩnʋ kʋ̀ a ʋ nɩ-bʋʋrɛ.
Ɛ́ a yel-vɩɛlɩ na ɩ nyɩɩm yõ dem a,
nɩ a ƴãwfʋ nyɩ na so a,
nyɩ taa wa bɔrɛ a bɛrɛ towtow a nɩdaar ɛ.
La Bible en Dagara © Alliance Biblique du Burkina Faso, 2013.