Mise 7
7
A naaŋmɩn-ƴɛ̀r-manɛ kone nɩ a nɩbɛ faalʋ ƴãw
1'Woi! Mãa baw-bi-nɩr!
Ɩ̃ ɩ na mɛ̃ nɩr na cere tɩ-wɔmɛ pɔrʋ a pɔrʋ daar a,
mɛ̃ nɩr bɛ na pɔr a divɛ̃ tɩ-wɔmɛ baarɩ ʋʋ cere a yiiru a:
ʋ bɛ nyɛrɛ divɛ̃ tɩ-wɔm-cãacul kãw za dɩrɛ ɩ,
ʋ bɛ nyɛrɛ kãkãw wɔ̃-dãw been za
a vʋla na tɩ kpɩɛr ʋ a ɩ.
2Nɩbɛ na tu a Naaŋmɩn a, bɛ cãà a tẽw pʋɔ ɩ,
nɩ-mɩŋa bɛ cãà be ɩ.
Nɩ-kʋ tɩɛrʋ n'a bɛ za tɛr, yɛb mɩ́ jɩɛrɛ nɩ ʋ yɛb.
3Bɛ de nɩ jalɩ a ɩ-faar maalʋ ƴãw.
A nɩ-bɛrɛ nɩ a ƴɛ̀r-dɩrbɛ mɩ́ fɛr'a ƴãw bɛ ŋmɛ bɛ nʋɔr.
A nɩ-yée mɩ́ yel'ɩ a bɛ bʋ̃-bɔbrɩ cãàmɩ́ lɛ,
ɛ́ a bɛ za ɓã taa tɛr a bɛ gõlõgõlõ ɩb.
4A nɩ-vla vla za a bɛ pʋɔ ɩ na mɛ̃ gʋ̀ɔ́ a,
ɛ́ a nɩ-mɩŋa za kpɛ faa zuo gɔ-tuw.
A nyɩ dɔwrʋ bibir'ɩ ŋan tarɛ,
a bibir ʋl a nyɩ zi-piwrbɛ,
a naaŋmɩn-ƴɛ̀r-manbɛ, na yel a.
Dɛ̃bɩ̃ɛ tĩ na kpɩɛr nyɩ.
5Nyɩ ta mɩ́ sàw de a nyɩ nɩbɛ ƴɛ̀rʋ ɛ,
nyɩ ta mɩ́ ƴãw a nyɩ tɩɛrʋ a nyɩ bárɩ ƴãw ɛ.
Nyɩ gù vla taa háarɛ nʋɔr ɛ,
a nyɩ mɩŋa pɔw zie saa n'a a.
6Bʋ̃ʋ n'ʋ vɛ̃, bidɛb mɩ́ tʋʋr'ɩ a ʋ sãà,
pɔwyaa mɩ́ ìr'a ʋlɛ nɩ a ʋ mã taw teli taa,
bie-pɔw ìr ʋlɛ nɩ a ʋ sɩr-mã taw teli taa,
ŋa za dɔ̃ dem mɩ́ ɩ n a ʋ yir nɩbɛ tɛɛ za#7:6 Nyɛ̃ Mat 10.35-36, Luk 12.53.
7Ɛcɛ mãa a, a Sore n'ʋ ɩ̃ jɩ́rɛ,
a Naaŋmɩn ɩ̃ faarɛ ƴãw n'a ɩ̃ ƴãw a ɩ̃ tɩɛrʋ,
a Naaŋmɩn na wõ n a ɩ̃ bʋɔlʋ.
A Ɩsɩrayɛl nɩbɛ tɩɛrʋ nɩ a bɛ puoru a Naaŋmɩn zie
8Alɛ! Nyɩɩm tɩ dɔ̃ dem i! Nyɩ ta laar tɩ ɛ!
Tɩmɛ saa lo a, tɩ na lɛb'a ìr.
Tɩmɛ saa be lige pʋɔ a, a Sore n'ɩ a tɩ cãà!
9A fɛr'a kɛ́ tɩ sàw a Sore suur ʋ na nyɛ̃ nɩ tɩ a,
bʋ̃ʋ n'ʋ vɛ̃, tɩ maal'ɩ yel-bier sãw ʋ.
Ɛcɛ a daar waar'a, ʋ na na ƴɛ̀r kpɛ tɩ,
ɛ́ ɩ a tɩ yel-mɩŋa ʋ sãá a.
Ʋ na tɛr tɩ na lɛb wa n a cãà pʋɔ,
ɛ́ paalɩ tɩ nɩ a ʋ maalʋ.
10A tɩ dɔ̃ dem wa nyɛ̃ à ŋá a,
vĩ na kpɛ bɛ na bɛ dɩ vuo ɩ,
bɛl na mɩ́ tɩ sowre tɩ à ŋá a:
«Bʋ̃ʋ n'ʋ a Sore nyɩ Naaŋmɩn ɩrɛ mɔ̃?»
A bɛ dɔ̃ dem na nɛb'ɩ bɛ nɩ gbɛ́ɛ,
mɛ̃ sɔ́r zu mɛ̃mɛrɛ a, ɛ́ tɩ na jɩ́r bɛ na wõ nʋ̃ɔ̀!
11A bibir waar'a bɛ na na lɛb mɛ
a nyɩ tẽ-kpɛ̃ɛ dacine a.
A ʋlɩ bibir nɛ a, bɛ na taw nɩ
a nyɩ tẽw tʋr-bɔwrɩ tɔl'ɩ nidaa.
12A ʋlɩ bibir nɛ a,
a nyɩ tẽ-bi-taabɛ na be a voru á ŋá pʋɔ a:
Asiiri tɩ tɔ a Eziptɩ, Eziptɩ tɩ tɔ Efaratɩ man,
kʋ̃ɔ-kpɛ̃ɛ tɩ tɔ kʋ̃ɔ-kpɛ̃ɛ, tãw tɩ tɔ tãw,
bɛ na yi n a be lɛb wa a nyɩ zie.
13A tẽ-daa na cɛ a na lɩɛb'ɩ tẽw na bɛ tɛr kpɛb a,
a nɩbɛ na kpɩɛr a ʋ pʋɔ a faalʋ zũú.
14Sore e, cɩ̃ɩnɛ a nɩbɛ fʋ na so a,
nɩ a fʋ na-cɩ̃ɩn-da-kʋra.
Bɛ àr'ɩ bɛ yõ zie wɛ-kar pʋɔ tɩ-wɔnɩ
zaadɛ̃ na jil koli a.
Cɩ̃ɩnɩ bɛ mɛ̃ a dãwdãw a,
cen nɩ a Basan tẽw nɩ a Galaadɩ tẽw
dʋn mʋ̃ɔ 'wɔbrʋ zie.
15— Mɛ̃ a lɛn daar fʋ na tɩ ɩ tɩ yi a Eziptɩ a,
ɩ tɩ nyɛ̃ nɔ-ɓãa-yele. —
16Nɩ-bʋʋr-yoru na nyɛ̃ a na, ɛ́ vĩ kpɛ bɛ,
bɛlɛ nɩ a bɛ fãw za bɛ na tɛr a.
Nʋɔr na ɓãá bɛ na, bɛ bɛ tɛr ƴɛ̀rʋ ɛ,
ɛ́ bãw kɛ́ ɩ won.
17Bɛ na mɔwr'ɩ tanɛ mɛ̃ a wɩɩr a,
mɛ̃ a tẽsɔw bʋ̃-vuri za a.
Bɛ na yi n a bɛ zɛbr-yir-kpɛn pʋɔ,
màwr waar'ɩ a fʋ̃ʋ Sore tɩ Naaŋmɩn zie.
Pʋ̀lá na vʋ̃ɔnɛ bɛ na ɛ́ a fʋ dɛ̃bɩ̃ɛ ɩrɛ bɛ.
18Sore e, ŋmɩn kãw bɛ ŋmɛ̃ taa nɩ fʋ ɛ,
fʋ mɩ́ de nɩ a sãwna bɛr a baarɩ,
ɛ́ dɩ a yel-bebe suur kʋ̀
a fʋ nɩ-bʋʋrɛ na cɛ bɛ kpi a.
Fʋ bɛ mɩ́ nyɛ̃ a suur ʋ ka baarʋ ɛ,
a na nʋmɛ a fʋ zie
kɛ́ fʋ mɩ́ wul tɩ a fʋ nɔ̃wfʋ a ƴãw.
19Fʋ na lɛb'a maal zɔ tɩ nɩbaalʋ,
fʋ kʋ̃ cɛlɛ a tɩ sãwna zie ɩ,
fʋ na lɔb'ɩ a tɩ yel-bebe za ƴãw a kʋ̃ɔ-kpɛ̃ɛ pɛrɩ́.
20Fʋ na wul'ɩ a fʋ nɔ̃wfʋ na bɛ lɛbr pùor a,
a Abraham nɩ a Zakɔb bʋʋrɛ,
mɛ̃ a lɛ fʋ na tɩ pɔ a koro za
a tɩ sãàkʋm-kore zie a.
Currently Selected:
Mise 7: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
Mise 7
7
A naaŋmɩn-ƴɛ̀r-manɛ kone nɩ a nɩbɛ faalʋ ƴãw
1'Woi! Mãa baw-bi-nɩr!
Ɩ̃ ɩ na mɛ̃ nɩr na cere tɩ-wɔmɛ pɔrʋ a pɔrʋ daar a,
mɛ̃ nɩr bɛ na pɔr a divɛ̃ tɩ-wɔmɛ baarɩ ʋʋ cere a yiiru a:
ʋ bɛ nyɛrɛ divɛ̃ tɩ-wɔm-cãacul kãw za dɩrɛ ɩ,
ʋ bɛ nyɛrɛ kãkãw wɔ̃-dãw been za
a vʋla na tɩ kpɩɛr ʋ a ɩ.
2Nɩbɛ na tu a Naaŋmɩn a, bɛ cãà a tẽw pʋɔ ɩ,
nɩ-mɩŋa bɛ cãà be ɩ.
Nɩ-kʋ tɩɛrʋ n'a bɛ za tɛr, yɛb mɩ́ jɩɛrɛ nɩ ʋ yɛb.
3Bɛ de nɩ jalɩ a ɩ-faar maalʋ ƴãw.
A nɩ-bɛrɛ nɩ a ƴɛ̀r-dɩrbɛ mɩ́ fɛr'a ƴãw bɛ ŋmɛ bɛ nʋɔr.
A nɩ-yée mɩ́ yel'ɩ a bɛ bʋ̃-bɔbrɩ cãàmɩ́ lɛ,
ɛ́ a bɛ za ɓã taa tɛr a bɛ gõlõgõlõ ɩb.
4A nɩ-vla vla za a bɛ pʋɔ ɩ na mɛ̃ gʋ̀ɔ́ a,
ɛ́ a nɩ-mɩŋa za kpɛ faa zuo gɔ-tuw.
A nyɩ dɔwrʋ bibir'ɩ ŋan tarɛ,
a bibir ʋl a nyɩ zi-piwrbɛ,
a naaŋmɩn-ƴɛ̀r-manbɛ, na yel a.
Dɛ̃bɩ̃ɛ tĩ na kpɩɛr nyɩ.
5Nyɩ ta mɩ́ sàw de a nyɩ nɩbɛ ƴɛ̀rʋ ɛ,
nyɩ ta mɩ́ ƴãw a nyɩ tɩɛrʋ a nyɩ bárɩ ƴãw ɛ.
Nyɩ gù vla taa háarɛ nʋɔr ɛ,
a nyɩ mɩŋa pɔw zie saa n'a a.
6Bʋ̃ʋ n'ʋ vɛ̃, bidɛb mɩ́ tʋʋr'ɩ a ʋ sãà,
pɔwyaa mɩ́ ìr'a ʋlɛ nɩ a ʋ mã taw teli taa,
bie-pɔw ìr ʋlɛ nɩ a ʋ sɩr-mã taw teli taa,
ŋa za dɔ̃ dem mɩ́ ɩ n a ʋ yir nɩbɛ tɛɛ za#7:6 Nyɛ̃ Mat 10.35-36, Luk 12.53.
7Ɛcɛ mãa a, a Sore n'ʋ ɩ̃ jɩ́rɛ,
a Naaŋmɩn ɩ̃ faarɛ ƴãw n'a ɩ̃ ƴãw a ɩ̃ tɩɛrʋ,
a Naaŋmɩn na wõ n a ɩ̃ bʋɔlʋ.
A Ɩsɩrayɛl nɩbɛ tɩɛrʋ nɩ a bɛ puoru a Naaŋmɩn zie
8Alɛ! Nyɩɩm tɩ dɔ̃ dem i! Nyɩ ta laar tɩ ɛ!
Tɩmɛ saa lo a, tɩ na lɛb'a ìr.
Tɩmɛ saa be lige pʋɔ a, a Sore n'ɩ a tɩ cãà!
9A fɛr'a kɛ́ tɩ sàw a Sore suur ʋ na nyɛ̃ nɩ tɩ a,
bʋ̃ʋ n'ʋ vɛ̃, tɩ maal'ɩ yel-bier sãw ʋ.
Ɛcɛ a daar waar'a, ʋ na na ƴɛ̀r kpɛ tɩ,
ɛ́ ɩ a tɩ yel-mɩŋa ʋ sãá a.
Ʋ na tɛr tɩ na lɛb wa n a cãà pʋɔ,
ɛ́ paalɩ tɩ nɩ a ʋ maalʋ.
10A tɩ dɔ̃ dem wa nyɛ̃ à ŋá a,
vĩ na kpɛ bɛ na bɛ dɩ vuo ɩ,
bɛl na mɩ́ tɩ sowre tɩ à ŋá a:
«Bʋ̃ʋ n'ʋ a Sore nyɩ Naaŋmɩn ɩrɛ mɔ̃?»
A bɛ dɔ̃ dem na nɛb'ɩ bɛ nɩ gbɛ́ɛ,
mɛ̃ sɔ́r zu mɛ̃mɛrɛ a, ɛ́ tɩ na jɩ́r bɛ na wõ nʋ̃ɔ̀!
11A bibir waar'a bɛ na na lɛb mɛ
a nyɩ tẽ-kpɛ̃ɛ dacine a.
A ʋlɩ bibir nɛ a, bɛ na taw nɩ
a nyɩ tẽw tʋr-bɔwrɩ tɔl'ɩ nidaa.
12A ʋlɩ bibir nɛ a,
a nyɩ tẽ-bi-taabɛ na be a voru á ŋá pʋɔ a:
Asiiri tɩ tɔ a Eziptɩ, Eziptɩ tɩ tɔ Efaratɩ man,
kʋ̃ɔ-kpɛ̃ɛ tɩ tɔ kʋ̃ɔ-kpɛ̃ɛ, tãw tɩ tɔ tãw,
bɛ na yi n a be lɛb wa a nyɩ zie.
13A tẽ-daa na cɛ a na lɩɛb'ɩ tẽw na bɛ tɛr kpɛb a,
a nɩbɛ na kpɩɛr a ʋ pʋɔ a faalʋ zũú.
14Sore e, cɩ̃ɩnɛ a nɩbɛ fʋ na so a,
nɩ a fʋ na-cɩ̃ɩn-da-kʋra.
Bɛ àr'ɩ bɛ yõ zie wɛ-kar pʋɔ tɩ-wɔnɩ
zaadɛ̃ na jil koli a.
Cɩ̃ɩnɩ bɛ mɛ̃ a dãwdãw a,
cen nɩ a Basan tẽw nɩ a Galaadɩ tẽw
dʋn mʋ̃ɔ 'wɔbrʋ zie.
15— Mɛ̃ a lɛn daar fʋ na tɩ ɩ tɩ yi a Eziptɩ a,
ɩ tɩ nyɛ̃ nɔ-ɓãa-yele. —
16Nɩ-bʋʋr-yoru na nyɛ̃ a na, ɛ́ vĩ kpɛ bɛ,
bɛlɛ nɩ a bɛ fãw za bɛ na tɛr a.
Nʋɔr na ɓãá bɛ na, bɛ bɛ tɛr ƴɛ̀rʋ ɛ,
ɛ́ bãw kɛ́ ɩ won.
17Bɛ na mɔwr'ɩ tanɛ mɛ̃ a wɩɩr a,
mɛ̃ a tẽsɔw bʋ̃-vuri za a.
Bɛ na yi n a bɛ zɛbr-yir-kpɛn pʋɔ,
màwr waar'ɩ a fʋ̃ʋ Sore tɩ Naaŋmɩn zie.
Pʋ̀lá na vʋ̃ɔnɛ bɛ na ɛ́ a fʋ dɛ̃bɩ̃ɛ ɩrɛ bɛ.
18Sore e, ŋmɩn kãw bɛ ŋmɛ̃ taa nɩ fʋ ɛ,
fʋ mɩ́ de nɩ a sãwna bɛr a baarɩ,
ɛ́ dɩ a yel-bebe suur kʋ̀
a fʋ nɩ-bʋʋrɛ na cɛ bɛ kpi a.
Fʋ bɛ mɩ́ nyɛ̃ a suur ʋ ka baarʋ ɛ,
a na nʋmɛ a fʋ zie
kɛ́ fʋ mɩ́ wul tɩ a fʋ nɔ̃wfʋ a ƴãw.
19Fʋ na lɛb'a maal zɔ tɩ nɩbaalʋ,
fʋ kʋ̃ cɛlɛ a tɩ sãwna zie ɩ,
fʋ na lɔb'ɩ a tɩ yel-bebe za ƴãw a kʋ̃ɔ-kpɛ̃ɛ pɛrɩ́.
20Fʋ na wul'ɩ a fʋ nɔ̃wfʋ na bɛ lɛbr pùor a,
a Abraham nɩ a Zakɔb bʋʋrɛ,
mɛ̃ a lɛ fʋ na tɩ pɔ a koro za
a tɩ sãàkʋm-kore zie a.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.