Matie 25
25
A pɔwsɩrali pie zʋkpar
1«A lɛn daar, a tẽ-vla Naalʋ na ŋmɛ̃ na taa nɩ pɔwsɩrali pie kãw na tɩ de a bɛ fɩ̃tɩlɩ kɛ́ bɛ yi tuor'ɩ a dɛb-sãan a. 2A bɛ anũu bɛ tɩ cɩ ɛ, ɛ́ anũu cɩ. 3A bɛl na bɛ tɩ cɩ a, tɩ de nɩ a bɛ fɩ̃tɩlɩ ɛ́ bɛ tɛr kãá ƴãw pʋɔ ɩ. 4A bɛl na cɩ a, bɛl tɩ tɛr'ɩ kãá koli pʋɔ lãwnɩ a bɛ fɩ̃tɩlɩ. 5A dɛb-sãan na tɩ kɔwrɛ a, gʋ̃ɔ tɩ ɩrɛ nɩ bɛ za, bɛ gúr gã. 6A zie na wa bɩ põ-zɛ̃-taa a, bɛ wõ n cɛl: “A dɛb-sãan n'ɩ ŋan! Nyɩ yi tuor'ʋ!” 7Lɛ n'a a pɔwsɩrali pie bɛ ŋa tɩ zaw ìr cɔbrɛ a bɛ fɩ̃tɩlɩ. 8A bɛl na bɛ cɩ a, tɩ yel'ɩ a bɛl na cɩ a: “Nyɩ ɩ a nyɩ kãá kʋ̀ tɩ, a tɩ fɩ̃tɩlɩ kpiire na.” 9A bɛl na cɩ a, tɩ sɔw bɛ na: “Towtow! A kʋ̃ tʋ̃ɔ́ ta tɩɩm nɩ a nyɩɩm ɛ. Alɛ sa kɛ́ nyɩ cen a yɛ-yɛrbɛ zie tɩ da a nyɩ dem.” 10Bɛ na tɩ cere a kãá dab a, a dɛb-sãan tɩ ta na. A bɛl na tɩ cɔbrɩ baarɩ a, páw ʋ na kpɛ a kul-taa cuw dɩb dĩó, ɛ́ bɛ kpa a pan. 11A pɔwsɩrali bɛl na cɛ a, wa bɩɛr'a wa, wa yere: “Sore e, Sore e, yuo tɩ a pan!” 12Ɛcɛ ʋ tɩ sɔw na: “Yel-mɩŋa sɩza, ɩ̃ yere na kʋ̀rɛ nyɩ, ɩ̃ bɛ bãw nyɩ ɛ.”» 13A Yeezu tɩ yel bɛ na: «A na ɩ lɛ a, nyɩ bɛr gʋ̃ɔ ɛ́ gùre, nyɩ na bɛ bãw a bibir nɩ a tɛm a ƴãw.»
A tõ-tõ-biir ata zʋkpar
(Luk 19:11-27)
14«A yele na ɩ na mɛ̃ nɩr kãw na tɩ yire yɔb a: ʋ tɩ bʋɔl'ɩ a ʋ tõ-tõ-biir wa de a ʋ bʋ̃-tɛrɩ kʋ̀ bɛ kɛ́ bɛ kaarɛ. 15Ʋ tɩ de nɩ salm-zɩɛ libie kɔbr anũu (500) kʋ̀ a kãw. Ɛ́ kʋ̀ kãw kɔbr ayi (200), ɛ́ baa kʋ̀ kãw kʋba (100), man nɩ ŋa za fãw, ɛ́ cen. 16Daadaalɛ, a tõ-tõ-bie ʋl na tɩ páw a salm-zɩɛ libie kɔbr anũu (500) a, tɩ cen na tɩ tõ n, páw kɔbr anũu (500) dɔwlɩ. 17A salm-zɩɛ libie kɔbr ayi (200) sob mɩ̀ tɩ ɩ n a lɛ, páw kɔbr ayi (200) dɔwlɩ. 18Ɛcɛ a ʋl na tɩ páw a kʋba (100) a, tɩ cen na tɩ tuw bɔw ɛ́ de a ʋ nɩ-kpɛ̃ɛ libie sɔwlɩ a be.
19A tɩ kɔwrɩ na, ɛ́ a tõ-tõ-biir bɛ ŋa nɩ-kpɛ̃ɛ wa lɛb wa, wa ƴãw kɛ́ bɛ manɩ a ʋ libie yele. 20A ʋl na tɩ páw a salm-zɩɛ libie kɔbr anũu (500) a, tɩ taw na ta wul kɔbr anũu (500) dɔwlɩ ɛ́ yel: “Zu-sob i, salm-zɩɛ libie kɔbr anũu (500) n'a fʋ tɩ kʋ̀ m, nyɛ̃, kɔbr anũu (500) n'ɩ á ŋá ɩ̃ páw dɔwlɩ.” 21A ʋ nɩ-kpɛ̃ɛ tɩ yel ʋ na: “A vɩɛl'a, tõ-tõ-bi-vla, tõ-tõ-bi-mɩŋa nɛ b, fʋ na kaa bʋ̃-pʋrɩ zie vla a, ɩ̃ na kʋ̀ b'ɩ bʋ̃-yaga fʋ kaarɛ. Wa pʋɔ a fʋ nɩ-kpɛ̃ɛ nʋ̃ɔ̀ pʋɔ.” 22A salm-zɩɛ libie kɔbr ayi (200) sob mɩ̀ tɩ taw na ta ɛ́ yel: “Zu-sob i, salm-zɩɛ libie kɔbr ayi (200) n'a fʋ tɩ kʋ̀ m, nyɛ̃, kɔbr ayi (200) n'ɩ á ŋá ɩ̃ páw dɔwlɩ.” 23A ʋ nɩ-kpɛ̃ɛ tɩ yel ʋ na: “A vɩɛl'a, tõ-tõ-bi-vla, tõ-tõ-bi-mɩŋa nɛ b! Fʋ na kaa bʋ̃-pʋrɩ zie vla a, ɩ̃ na kʋ̀ b'ɩ bʋ̃-yaga fʋ kaarɛ. Wa pʋɔ a fʋ nɩ-kpɛ̃ɛ nʋ̃ɔ̀ pʋɔ.” 24A ʋl na tɩ páw a salm-zɩɛ libie kʋba (100) a mɩ̀ tɩ taw na ta ɛ́ yel: “Zu-sob i, ɩ̃ tɩ bãwnɩ a na a fʋ yele na kpɛmɛ a: fʋ mɩ́ cɛ n a be fʋ na bɛ bʋ̀r a, ɛ́ de bom be fʋ na bɛ kɔ a. 25Ɩ̃ zɔ n dɛ̃bɩ̃ɛ cen tɩ tuw bɔw sɔwlɩ a fʋ libie: alɛ n'ɩ a ŋan, de a fʋ bome.” 26Ɛcɛ ʋ tɩ sɔw ʋ na: “Tõ-tõ-bi-faa, ƴã-tuo sob ŋa! Fʋ tɩ bãwnɩ a na k'ɩ̃ɩ mɩ́ cɛ n be ɩ̃ na bɛ bʋ̀r a, ɛ́ de bom be ɩ̃ na bɛ kɔ a, 27fʋ nãá tɩ de nɩ a ɩ̃ libie tɩ ƴãw ban pʋɔ, ɩ̃ na tɩ lɛb wa a, ɩ̃ nãá de nɩ a ɩ̃ libie lãwnɩ dɔwlɛ.” 28Nyɩ faa a ʋ salm-zɩɛ libie kʋba (100) kʋ̀ a ʋlɩ sob na tɛr a túr (1 000) a. 29Sob nɛ za na tɛr a a, bɛ na kʋ̀ ʋ na, ʋ tɛr a dɔwlɩ, ɛ́ sob nɛ na bɛ tɛr a a, bɛ na fa nɩ a blã al ʋ na tɛr a. 30Ɛ́ a tõ-tõ-bie ŋa na bɛ tɛr yel-ɩra a, nyɩ nyɔw ʋ lɔb bɛr yẽw lige pʋɔ, be n'a kon na kone 'wɔbr'ɩ nyɩmɛ.»
A ƴɛ̀rʋ na na maalɩ a tẽw baarʋ daar a
31«A Nɩsaal Bie wa lɛb wa n yúor-vɩɛlʋ-danʋ a, ʋlɛ nɩ a ʋ malkɩ mɩnɛ za a, ʋ na zɩ̃ n a ʋ naalʋ-dà-kɔw zu. 32A tẽ-daa nɩ-bʋʋrɛ za na ɓã n taa a ʋ niŋé, ʋʋ na bʋ́r'ɩ a nɩbɛ mɛ̃ a lɛ a dʋ̃-cɩ̃ɩnɛ na mɩ́ ow a píir bʋʋr pʋɔ a. 33Ʋ na ƴãw nɩ a píir a ʋ dʋrʋ lowr, ɛ́ ƴãw a bʋʋr a ʋ gʋba lowr. 34Lɛ n'a a nãà na yel a ʋ dʋrʋ lowr dem: “Nyɩ wa, nyɩɩm a ɩ̃ Sãà na maalɩ a, nyɩ wa pʋɔ a tẽ-vla Naalʋ pʋɔ ʋ na cɔbrɩ a nyɩ ƴãw a tẽ-daa íru daar za a. 35Bʋ̃ʋ n'ʋ vɛ̃, kɔ̃ tɩ kpɛ m'a, nyɩ kʋ̀ m bʋ̃-dɩrɩ, kʋ̃ɔ-nyúur tɩ kpɛ m'a, nyɩ kʋ̀ m kʋ̃ɔ, ɩ̃ tɩ ɩ n sãan, nyɩ de m sãanʋ, 36ɩ̃ tɩ tɛr'ɩ ƴã-gã-zawla, nyɩ kʋ̀ m bʋ̃-suuri, ɩ̃ tɩ ɩ n bàal nyɩ wa nyɛ̃ m, ɩ̃ tɩ be n gaso pʋɔ, nyɩ bɩɛrɩ wa nyɛ̃ m.” 37Lɛ n'a a nɩ-mɩn na sɔw ʋ yel: “Sore e, debor daar'a tɩ tɩ nyɛ̃ b, kɔ̃ kpɩɛr fʋ, tɩ kʋ̀ b bʋ̃-dɩrɩ, kʋ̃ɔ-nyúur kpɩɛr fʋ, tɩ kʋ̀ b kʋ̃ɔ? 38Debor daar'a tɩ tɩ nyɛ̃ b, fʋ ɩ sãan, tɩ de b a sãanʋ, fʋ ɩ ƴã-gã-zawla, tɩ kʋ̀ b bʋ̃-suuri? 39Debor daar'a tɩ tɩ nyɛ̃ b, fʋ ɩ bàal bɩɩ be gaso pʋɔ, ɛ́ tɩ bɩɛrɩ wa nyɛ̃ b?” 40A nãà na sɔw bɛ na: “Yel-mɩŋa sɩza, ɩ̃ yere na kʋ̀rɛ nyɩ, sãw nɛ za nyɩ na ɩ à à ŋá a pʋrmɛ bɛ ŋa kãw zie na ɩ a ɩ̃ yɛbr a, mãa zie n'a nyɩ ɩ a lɛ.”
41Lɛn daar'a ʋ na yel a ʋ gʋba lowr dem: “Nyɩ cen taw zãá nɩ mɛ̃, nyɩɩm bɛ na ŋmɛ ƴãw a, nyɩ cen a vũu na bɛ tɛr kpiiru daar a pʋɔ, bɛ na cɔbrɩ a Sɩtaana nɩ a ʋ malkɩ mɩnɛ ƴãw a. 42Bʋ̃ʋ n'ʋ vɛ̃, kɔ̃ tɩ kpɛ m'a, nyɩ bɛ kʋ̀ m bʋ̃-dɩrɩ ɛ, kʋ̃ɔ-nyúur tɩ kpɛ m'a, nyɩ bɛ kʋ̀ m kʋ̃ɔ ɩ, 43ɩ̃ tɩ ɩ n sãan nyɩ bɛ de m a sãanʋ ɛ, ɩ̃ tɩ ɩ n ƴã-gã-zawla, nyɩ bɛ kʋ̀ m bʋ̃-suuri ɛ, ɩ̃ tɩ ɩ n bàal, ɩ̃ tɩ be n gaso pʋɔ, ɛ́ nyɩ bɛ wa wa nyɛ̃ m ɛ.” 44Lɛ n'a bɛ mɩ̀ na sɔw ʋ yel: “Sore e, debor'a tɩ tɩ nyɛ̃ b kɔ̃ nɩ kʋ̃ɔ-nyúur kpɩɛr fʋ, bɩɩ fʋ ɩ sãan, fʋ ɩ ƴã-gã-zawla, fʋ ɩ bàal bɩɩ fʋ be gaso pʋɔ, ɛ́ tɩ bɛ sõw fʋ?” 45A nãà na sɔw bɛ na: “Yel-mɩŋa sɩza, ɩ̃ yere na kʋ̀rɛ nyɩ, sãw nɛ za nyɩ na bɛ ɩ à à ŋá a pʋrmɛ bɛ ŋa kãw zie a, mãa zie mɩ̀ n'a nyɩ bɛ ɩ a lɛ ɩ.” 46A bɩɛrɩ bɛ ŋa na cen nɩ a dɔwrʋ na bɛ tɛr baarʋ a pʋɔ, ɛ́ a nɩ-mɩn cen a nyɔ-vʋʋrʋ na be kʋralɛ a pʋɔ.»
Currently Selected:
Matie 25: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
Matie 25
25
A pɔwsɩrali pie zʋkpar
1«A lɛn daar, a tẽ-vla Naalʋ na ŋmɛ̃ na taa nɩ pɔwsɩrali pie kãw na tɩ de a bɛ fɩ̃tɩlɩ kɛ́ bɛ yi tuor'ɩ a dɛb-sãan a. 2A bɛ anũu bɛ tɩ cɩ ɛ, ɛ́ anũu cɩ. 3A bɛl na bɛ tɩ cɩ a, tɩ de nɩ a bɛ fɩ̃tɩlɩ ɛ́ bɛ tɛr kãá ƴãw pʋɔ ɩ. 4A bɛl na cɩ a, bɛl tɩ tɛr'ɩ kãá koli pʋɔ lãwnɩ a bɛ fɩ̃tɩlɩ. 5A dɛb-sãan na tɩ kɔwrɛ a, gʋ̃ɔ tɩ ɩrɛ nɩ bɛ za, bɛ gúr gã. 6A zie na wa bɩ põ-zɛ̃-taa a, bɛ wõ n cɛl: “A dɛb-sãan n'ɩ ŋan! Nyɩ yi tuor'ʋ!” 7Lɛ n'a a pɔwsɩrali pie bɛ ŋa tɩ zaw ìr cɔbrɛ a bɛ fɩ̃tɩlɩ. 8A bɛl na bɛ cɩ a, tɩ yel'ɩ a bɛl na cɩ a: “Nyɩ ɩ a nyɩ kãá kʋ̀ tɩ, a tɩ fɩ̃tɩlɩ kpiire na.” 9A bɛl na cɩ a, tɩ sɔw bɛ na: “Towtow! A kʋ̃ tʋ̃ɔ́ ta tɩɩm nɩ a nyɩɩm ɛ. Alɛ sa kɛ́ nyɩ cen a yɛ-yɛrbɛ zie tɩ da a nyɩ dem.” 10Bɛ na tɩ cere a kãá dab a, a dɛb-sãan tɩ ta na. A bɛl na tɩ cɔbrɩ baarɩ a, páw ʋ na kpɛ a kul-taa cuw dɩb dĩó, ɛ́ bɛ kpa a pan. 11A pɔwsɩrali bɛl na cɛ a, wa bɩɛr'a wa, wa yere: “Sore e, Sore e, yuo tɩ a pan!” 12Ɛcɛ ʋ tɩ sɔw na: “Yel-mɩŋa sɩza, ɩ̃ yere na kʋ̀rɛ nyɩ, ɩ̃ bɛ bãw nyɩ ɛ.”» 13A Yeezu tɩ yel bɛ na: «A na ɩ lɛ a, nyɩ bɛr gʋ̃ɔ ɛ́ gùre, nyɩ na bɛ bãw a bibir nɩ a tɛm a ƴãw.»
A tõ-tõ-biir ata zʋkpar
(Luk 19:11-27)
14«A yele na ɩ na mɛ̃ nɩr kãw na tɩ yire yɔb a: ʋ tɩ bʋɔl'ɩ a ʋ tõ-tõ-biir wa de a ʋ bʋ̃-tɛrɩ kʋ̀ bɛ kɛ́ bɛ kaarɛ. 15Ʋ tɩ de nɩ salm-zɩɛ libie kɔbr anũu (500) kʋ̀ a kãw. Ɛ́ kʋ̀ kãw kɔbr ayi (200), ɛ́ baa kʋ̀ kãw kʋba (100), man nɩ ŋa za fãw, ɛ́ cen. 16Daadaalɛ, a tõ-tõ-bie ʋl na tɩ páw a salm-zɩɛ libie kɔbr anũu (500) a, tɩ cen na tɩ tõ n, páw kɔbr anũu (500) dɔwlɩ. 17A salm-zɩɛ libie kɔbr ayi (200) sob mɩ̀ tɩ ɩ n a lɛ, páw kɔbr ayi (200) dɔwlɩ. 18Ɛcɛ a ʋl na tɩ páw a kʋba (100) a, tɩ cen na tɩ tuw bɔw ɛ́ de a ʋ nɩ-kpɛ̃ɛ libie sɔwlɩ a be.
19A tɩ kɔwrɩ na, ɛ́ a tõ-tõ-biir bɛ ŋa nɩ-kpɛ̃ɛ wa lɛb wa, wa ƴãw kɛ́ bɛ manɩ a ʋ libie yele. 20A ʋl na tɩ páw a salm-zɩɛ libie kɔbr anũu (500) a, tɩ taw na ta wul kɔbr anũu (500) dɔwlɩ ɛ́ yel: “Zu-sob i, salm-zɩɛ libie kɔbr anũu (500) n'a fʋ tɩ kʋ̀ m, nyɛ̃, kɔbr anũu (500) n'ɩ á ŋá ɩ̃ páw dɔwlɩ.” 21A ʋ nɩ-kpɛ̃ɛ tɩ yel ʋ na: “A vɩɛl'a, tõ-tõ-bi-vla, tõ-tõ-bi-mɩŋa nɛ b, fʋ na kaa bʋ̃-pʋrɩ zie vla a, ɩ̃ na kʋ̀ b'ɩ bʋ̃-yaga fʋ kaarɛ. Wa pʋɔ a fʋ nɩ-kpɛ̃ɛ nʋ̃ɔ̀ pʋɔ.” 22A salm-zɩɛ libie kɔbr ayi (200) sob mɩ̀ tɩ taw na ta ɛ́ yel: “Zu-sob i, salm-zɩɛ libie kɔbr ayi (200) n'a fʋ tɩ kʋ̀ m, nyɛ̃, kɔbr ayi (200) n'ɩ á ŋá ɩ̃ páw dɔwlɩ.” 23A ʋ nɩ-kpɛ̃ɛ tɩ yel ʋ na: “A vɩɛl'a, tõ-tõ-bi-vla, tõ-tõ-bi-mɩŋa nɛ b! Fʋ na kaa bʋ̃-pʋrɩ zie vla a, ɩ̃ na kʋ̀ b'ɩ bʋ̃-yaga fʋ kaarɛ. Wa pʋɔ a fʋ nɩ-kpɛ̃ɛ nʋ̃ɔ̀ pʋɔ.” 24A ʋl na tɩ páw a salm-zɩɛ libie kʋba (100) a mɩ̀ tɩ taw na ta ɛ́ yel: “Zu-sob i, ɩ̃ tɩ bãwnɩ a na a fʋ yele na kpɛmɛ a: fʋ mɩ́ cɛ n a be fʋ na bɛ bʋ̀r a, ɛ́ de bom be fʋ na bɛ kɔ a. 25Ɩ̃ zɔ n dɛ̃bɩ̃ɛ cen tɩ tuw bɔw sɔwlɩ a fʋ libie: alɛ n'ɩ a ŋan, de a fʋ bome.” 26Ɛcɛ ʋ tɩ sɔw ʋ na: “Tõ-tõ-bi-faa, ƴã-tuo sob ŋa! Fʋ tɩ bãwnɩ a na k'ɩ̃ɩ mɩ́ cɛ n be ɩ̃ na bɛ bʋ̀r a, ɛ́ de bom be ɩ̃ na bɛ kɔ a, 27fʋ nãá tɩ de nɩ a ɩ̃ libie tɩ ƴãw ban pʋɔ, ɩ̃ na tɩ lɛb wa a, ɩ̃ nãá de nɩ a ɩ̃ libie lãwnɩ dɔwlɛ.” 28Nyɩ faa a ʋ salm-zɩɛ libie kʋba (100) kʋ̀ a ʋlɩ sob na tɛr a túr (1 000) a. 29Sob nɛ za na tɛr a a, bɛ na kʋ̀ ʋ na, ʋ tɛr a dɔwlɩ, ɛ́ sob nɛ na bɛ tɛr a a, bɛ na fa nɩ a blã al ʋ na tɛr a. 30Ɛ́ a tõ-tõ-bie ŋa na bɛ tɛr yel-ɩra a, nyɩ nyɔw ʋ lɔb bɛr yẽw lige pʋɔ, be n'a kon na kone 'wɔbr'ɩ nyɩmɛ.»
A ƴɛ̀rʋ na na maalɩ a tẽw baarʋ daar a
31«A Nɩsaal Bie wa lɛb wa n yúor-vɩɛlʋ-danʋ a, ʋlɛ nɩ a ʋ malkɩ mɩnɛ za a, ʋ na zɩ̃ n a ʋ naalʋ-dà-kɔw zu. 32A tẽ-daa nɩ-bʋʋrɛ za na ɓã n taa a ʋ niŋé, ʋʋ na bʋ́r'ɩ a nɩbɛ mɛ̃ a lɛ a dʋ̃-cɩ̃ɩnɛ na mɩ́ ow a píir bʋʋr pʋɔ a. 33Ʋ na ƴãw nɩ a píir a ʋ dʋrʋ lowr, ɛ́ ƴãw a bʋʋr a ʋ gʋba lowr. 34Lɛ n'a a nãà na yel a ʋ dʋrʋ lowr dem: “Nyɩ wa, nyɩɩm a ɩ̃ Sãà na maalɩ a, nyɩ wa pʋɔ a tẽ-vla Naalʋ pʋɔ ʋ na cɔbrɩ a nyɩ ƴãw a tẽ-daa íru daar za a. 35Bʋ̃ʋ n'ʋ vɛ̃, kɔ̃ tɩ kpɛ m'a, nyɩ kʋ̀ m bʋ̃-dɩrɩ, kʋ̃ɔ-nyúur tɩ kpɛ m'a, nyɩ kʋ̀ m kʋ̃ɔ, ɩ̃ tɩ ɩ n sãan, nyɩ de m sãanʋ, 36ɩ̃ tɩ tɛr'ɩ ƴã-gã-zawla, nyɩ kʋ̀ m bʋ̃-suuri, ɩ̃ tɩ ɩ n bàal nyɩ wa nyɛ̃ m, ɩ̃ tɩ be n gaso pʋɔ, nyɩ bɩɛrɩ wa nyɛ̃ m.” 37Lɛ n'a a nɩ-mɩn na sɔw ʋ yel: “Sore e, debor daar'a tɩ tɩ nyɛ̃ b, kɔ̃ kpɩɛr fʋ, tɩ kʋ̀ b bʋ̃-dɩrɩ, kʋ̃ɔ-nyúur kpɩɛr fʋ, tɩ kʋ̀ b kʋ̃ɔ? 38Debor daar'a tɩ tɩ nyɛ̃ b, fʋ ɩ sãan, tɩ de b a sãanʋ, fʋ ɩ ƴã-gã-zawla, tɩ kʋ̀ b bʋ̃-suuri? 39Debor daar'a tɩ tɩ nyɛ̃ b, fʋ ɩ bàal bɩɩ be gaso pʋɔ, ɛ́ tɩ bɩɛrɩ wa nyɛ̃ b?” 40A nãà na sɔw bɛ na: “Yel-mɩŋa sɩza, ɩ̃ yere na kʋ̀rɛ nyɩ, sãw nɛ za nyɩ na ɩ à à ŋá a pʋrmɛ bɛ ŋa kãw zie na ɩ a ɩ̃ yɛbr a, mãa zie n'a nyɩ ɩ a lɛ.”
41Lɛn daar'a ʋ na yel a ʋ gʋba lowr dem: “Nyɩ cen taw zãá nɩ mɛ̃, nyɩɩm bɛ na ŋmɛ ƴãw a, nyɩ cen a vũu na bɛ tɛr kpiiru daar a pʋɔ, bɛ na cɔbrɩ a Sɩtaana nɩ a ʋ malkɩ mɩnɛ ƴãw a. 42Bʋ̃ʋ n'ʋ vɛ̃, kɔ̃ tɩ kpɛ m'a, nyɩ bɛ kʋ̀ m bʋ̃-dɩrɩ ɛ, kʋ̃ɔ-nyúur tɩ kpɛ m'a, nyɩ bɛ kʋ̀ m kʋ̃ɔ ɩ, 43ɩ̃ tɩ ɩ n sãan nyɩ bɛ de m a sãanʋ ɛ, ɩ̃ tɩ ɩ n ƴã-gã-zawla, nyɩ bɛ kʋ̀ m bʋ̃-suuri ɛ, ɩ̃ tɩ ɩ n bàal, ɩ̃ tɩ be n gaso pʋɔ, ɛ́ nyɩ bɛ wa wa nyɛ̃ m ɛ.” 44Lɛ n'a bɛ mɩ̀ na sɔw ʋ yel: “Sore e, debor'a tɩ tɩ nyɛ̃ b kɔ̃ nɩ kʋ̃ɔ-nyúur kpɩɛr fʋ, bɩɩ fʋ ɩ sãan, fʋ ɩ ƴã-gã-zawla, fʋ ɩ bàal bɩɩ fʋ be gaso pʋɔ, ɛ́ tɩ bɛ sõw fʋ?” 45A nãà na sɔw bɛ na: “Yel-mɩŋa sɩza, ɩ̃ yere na kʋ̀rɛ nyɩ, sãw nɛ za nyɩ na bɛ ɩ à à ŋá a pʋrmɛ bɛ ŋa kãw zie a, mãa zie mɩ̀ n'a nyɩ bɛ ɩ a lɛ ɩ.” 46A bɩɛrɩ bɛ ŋa na cen nɩ a dɔwrʋ na bɛ tɛr baarʋ a pʋɔ, ɛ́ a nɩ-mɩn cen a nyɔ-vʋʋrʋ na be kʋralɛ a pʋɔ.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.