Zakɩ 5
5
A nyɩɩm tɛra dem, baw-bio páw nyɩ na
1Ƴɛrɛŋa a, nyɩ bɛrɛ wone, nyɩɩm tɛra dem i! Nyɩ kone lɔbr'ɩ cɛlsɩ, a kpɩɛrʋ na na ta nyɩ a ƴãw! 2A nyɩ na-bome pɔ̃ na, ɛ́ mɔwr mɔw a nyɩ fɔbr. 3A nyɩ salm-zɩɛ nɩ a nyɩ libie lo n bazɩ̃ɩ, bazɩ̃ɩ na na wul a nyɩ sãwna a. A na dɩ n a nyɩ ƴã-gã-nɛn mɛ̃ vũu a. Nyɩ bɔ n na-bome gbõ taa a zie baarʋ daar. 4A tõ-tõ-biir na tõ a nyɩ póru pʋɔ a, nyɩ sɩb'ɩ a bɛ sã-ya. Nɛb-taa na bɛ maal'ɩ wob a n'ʋ! A tõ-tõ-biir na kone a, a bɛ cɛlsɩ lo n a Naaŋmɩn, tẽ-daa za Sore, tobe pʋɔ. 5Nyɩ tɩ be n nʋ̃ɔ̀ nɩ dɛpaalʋ pʋɔ a tẽw zu. Nyɩ dɩ na 'wɔr kpɛ kãá mɛ̃ dʋn a, gùre nɩ a kʋb bibir. 6Nyɩ yel'a k'aa nɩ-mɩn sãw na ɛ́ nyɔw bɛ kʋ, ɛ́ bɛ bɛ bà gbɛ́r a nyɩ niŋé ɩ.
Nyɩ dɩrɛ kanyir ɛ́ puore
7A na ɩ lɛ a, yɛbr i, nyɩ nyɔw nyɩ tʋɔra tɩ ta n a Sore waa daar. Nyɩ nyɛ̃ a kʋ́ɔra a, ʋ mɩ́ nyɔw nɩ ʋ tʋɔra ɛ́ gùre a tẽsɔw bʋ̃-kʋ́ɔrɩ wɔmɛ na ɩ bʋ̃-sɩza a, a bʋ̃-dan lãwnɩ a bɩɛrɩ. 8A nyɩɩm mɩ̀, nyɩ nyɔw nyɩ tʋɔra, nyɩ kpɛmɛ socir, a Sore waa na pɩɛlɩ a ƴãw.
9 Yɛbr i, ŋa ta mɩ́ kone a ʋ tɔ na sãw ʋ a ɩ, k'aa Naaŋmɩn taa wa maalɛ nɩ nyɩ ƴɛ̀rʋ ɛ. Nyɩ nyɛ̃, a ƴɛ̀r-maalɛ n'ɩ ŋan àr a dɩ̃dɛɛ ƴãw. 10Yɛbr i, a naaŋmɩn-ƴɛ̀r-manbɛ na ƴɛ̀r a Sore yúor ƴãw a, nyɩ cɔwrɛ bɛ a kanyir bɛ na dɩ a kpɩɛrʋ pʋɔ a ƴãw. 11Nyɩ nyɛ̃, a bɛlɩ dem na mɩ́ dɩ kanyir a, tɩ mɩ́ yel'a kɛ́ bɛ tɛr'ɩ zu-nʋ̃ɔ̀. Nyɩ wõ n a Zɔb kanyir yele, ɛ́ nyɩ nyɛ̃ nɩ a lɛ a Sore na maal'ʋ a baarʋ daar a. A Sore sɩrɩ na tɛr su-ɓaarʋ yaga ɛ́ zɔrɛ nɩbaalʋ.
12Ɛcɛ baa zuo a za, ɩ̃ yɛbr i, nyɩ ta mɩ́ pɔ ɩ: nyɩ ta mɩ́ pɔ n a saa ɩ, nyɩ ta mɩ́ pɔ n a tẽ-gan ɛ, nyɩ mɩ̀ ta mɩ́ pɔ pɔb-bʋʋrɛ kãw za ɩ. A nyɩ ʋ̃ʋ ʋ mɩ́ ɩ ʋ̃ʋ, ɛ́ a nyɩ ʋ̃ʋ'hʋ̃ ɩ ʋ̃ʋ'hʋ̃, a Naaŋmɩn taa wa maalɛ nɩ nyɩ ƴɛ̀rʋ ɛ.
13A nyɩ kãw wone nɩ tuo bɩɩ? Ʋ puore. Ʋ wone nɩ nʋ̃ɔ̀ bɩɩ? Ʋ yiele danʋ yielu. 14A nyɩ kãw ɩ n bàal bɩɩ? Ʋ ƴãw bɛ bʋɔlɩ a Lãw-yir nɩ-kore bɛ wa puori kʋ̀ ʋ, ɛ́ fʋɔr'ʋ nɩ kãá a Sore yúor ƴãw. 15A puoru ŋa tɔ na puori nɩ naaŋmɩn-sàw-deb a na faa nɩ a bàal: a Sore na nyɔw ʋ na ʋ lɛb ìr, ɛ́ ʋlɛ wa tɛr yel-bebe a, Naaŋmɩn na dɩ n suur kʋ̀ ʋ. 16A na ɩ lɛ a, nyɩ wore a nyɩ yel-bebe kʋ̀rɛ taa ɛ́ puore kʋ̀rɛ taa, kɛ́ nyɩ tʋ̃ɔ́ sanɩ. A nɩ-mɩŋa zɛlʋ puoru tɛr'ɩ fãw yaga. 17A naaŋmɩn-ƴɛ̀r-manɛ Eli tɩ ɩ n nɩsaal mɛ̃ a tɩɩm a, ɛcɛ ʋ tɩ puor'a nɩ ʋ pʋɔ za k'aa saa ta wa ɩ, ɛ́ a saa bɛ tɩ wa a tẽw zu ɛ, tɩ maalɩ yome ata nɩ cuwr ayʋɔb. 18Al pùorí ʋ lɛb puori a salom bɛr a saa ʋ wa, a tẽsɔw bʋ̃-kʋ́ɔrɩ wɔ̃ a wɔmɛ.
19Ɩ̃ yɛbr i, a nyɩ ƴen sob wa bɔr zãá nɩ a yel-mɩŋa, ɛ́ kãw lɛb taw ʋ wa n a, 20nyɩ bãwnɩ a, nɩr na tɛr yel-bier-maalɛ a ʋ bɔrʋ sɔ́r zu lɛb wa n a na faa ʋ nɩ a kũu pʋɔ ɛ́ páw yel-bebe yaga suur-dɩ-kʋ̀b.
Currently Selected:
Zakɩ 5: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
Zakɩ 5
5
A nyɩɩm tɛra dem, baw-bio páw nyɩ na
1Ƴɛrɛŋa a, nyɩ bɛrɛ wone, nyɩɩm tɛra dem i! Nyɩ kone lɔbr'ɩ cɛlsɩ, a kpɩɛrʋ na na ta nyɩ a ƴãw! 2A nyɩ na-bome pɔ̃ na, ɛ́ mɔwr mɔw a nyɩ fɔbr. 3A nyɩ salm-zɩɛ nɩ a nyɩ libie lo n bazɩ̃ɩ, bazɩ̃ɩ na na wul a nyɩ sãwna a. A na dɩ n a nyɩ ƴã-gã-nɛn mɛ̃ vũu a. Nyɩ bɔ n na-bome gbõ taa a zie baarʋ daar. 4A tõ-tõ-biir na tõ a nyɩ póru pʋɔ a, nyɩ sɩb'ɩ a bɛ sã-ya. Nɛb-taa na bɛ maal'ɩ wob a n'ʋ! A tõ-tõ-biir na kone a, a bɛ cɛlsɩ lo n a Naaŋmɩn, tẽ-daa za Sore, tobe pʋɔ. 5Nyɩ tɩ be n nʋ̃ɔ̀ nɩ dɛpaalʋ pʋɔ a tẽw zu. Nyɩ dɩ na 'wɔr kpɛ kãá mɛ̃ dʋn a, gùre nɩ a kʋb bibir. 6Nyɩ yel'a k'aa nɩ-mɩn sãw na ɛ́ nyɔw bɛ kʋ, ɛ́ bɛ bɛ bà gbɛ́r a nyɩ niŋé ɩ.
Nyɩ dɩrɛ kanyir ɛ́ puore
7A na ɩ lɛ a, yɛbr i, nyɩ nyɔw nyɩ tʋɔra tɩ ta n a Sore waa daar. Nyɩ nyɛ̃ a kʋ́ɔra a, ʋ mɩ́ nyɔw nɩ ʋ tʋɔra ɛ́ gùre a tẽsɔw bʋ̃-kʋ́ɔrɩ wɔmɛ na ɩ bʋ̃-sɩza a, a bʋ̃-dan lãwnɩ a bɩɛrɩ. 8A nyɩɩm mɩ̀, nyɩ nyɔw nyɩ tʋɔra, nyɩ kpɛmɛ socir, a Sore waa na pɩɛlɩ a ƴãw.
9 Yɛbr i, ŋa ta mɩ́ kone a ʋ tɔ na sãw ʋ a ɩ, k'aa Naaŋmɩn taa wa maalɛ nɩ nyɩ ƴɛ̀rʋ ɛ. Nyɩ nyɛ̃, a ƴɛ̀r-maalɛ n'ɩ ŋan àr a dɩ̃dɛɛ ƴãw. 10Yɛbr i, a naaŋmɩn-ƴɛ̀r-manbɛ na ƴɛ̀r a Sore yúor ƴãw a, nyɩ cɔwrɛ bɛ a kanyir bɛ na dɩ a kpɩɛrʋ pʋɔ a ƴãw. 11Nyɩ nyɛ̃, a bɛlɩ dem na mɩ́ dɩ kanyir a, tɩ mɩ́ yel'a kɛ́ bɛ tɛr'ɩ zu-nʋ̃ɔ̀. Nyɩ wõ n a Zɔb kanyir yele, ɛ́ nyɩ nyɛ̃ nɩ a lɛ a Sore na maal'ʋ a baarʋ daar a. A Sore sɩrɩ na tɛr su-ɓaarʋ yaga ɛ́ zɔrɛ nɩbaalʋ.
12Ɛcɛ baa zuo a za, ɩ̃ yɛbr i, nyɩ ta mɩ́ pɔ ɩ: nyɩ ta mɩ́ pɔ n a saa ɩ, nyɩ ta mɩ́ pɔ n a tẽ-gan ɛ, nyɩ mɩ̀ ta mɩ́ pɔ pɔb-bʋʋrɛ kãw za ɩ. A nyɩ ʋ̃ʋ ʋ mɩ́ ɩ ʋ̃ʋ, ɛ́ a nyɩ ʋ̃ʋ'hʋ̃ ɩ ʋ̃ʋ'hʋ̃, a Naaŋmɩn taa wa maalɛ nɩ nyɩ ƴɛ̀rʋ ɛ.
13A nyɩ kãw wone nɩ tuo bɩɩ? Ʋ puore. Ʋ wone nɩ nʋ̃ɔ̀ bɩɩ? Ʋ yiele danʋ yielu. 14A nyɩ kãw ɩ n bàal bɩɩ? Ʋ ƴãw bɛ bʋɔlɩ a Lãw-yir nɩ-kore bɛ wa puori kʋ̀ ʋ, ɛ́ fʋɔr'ʋ nɩ kãá a Sore yúor ƴãw. 15A puoru ŋa tɔ na puori nɩ naaŋmɩn-sàw-deb a na faa nɩ a bàal: a Sore na nyɔw ʋ na ʋ lɛb ìr, ɛ́ ʋlɛ wa tɛr yel-bebe a, Naaŋmɩn na dɩ n suur kʋ̀ ʋ. 16A na ɩ lɛ a, nyɩ wore a nyɩ yel-bebe kʋ̀rɛ taa ɛ́ puore kʋ̀rɛ taa, kɛ́ nyɩ tʋ̃ɔ́ sanɩ. A nɩ-mɩŋa zɛlʋ puoru tɛr'ɩ fãw yaga. 17A naaŋmɩn-ƴɛ̀r-manɛ Eli tɩ ɩ n nɩsaal mɛ̃ a tɩɩm a, ɛcɛ ʋ tɩ puor'a nɩ ʋ pʋɔ za k'aa saa ta wa ɩ, ɛ́ a saa bɛ tɩ wa a tẽw zu ɛ, tɩ maalɩ yome ata nɩ cuwr ayʋɔb. 18Al pùorí ʋ lɛb puori a salom bɛr a saa ʋ wa, a tẽsɔw bʋ̃-kʋ́ɔrɩ wɔ̃ a wɔmɛ.
19Ɩ̃ yɛbr i, a nyɩ ƴen sob wa bɔr zãá nɩ a yel-mɩŋa, ɛ́ kãw lɛb taw ʋ wa n a, 20nyɩ bãwnɩ a, nɩr na tɛr yel-bier-maalɛ a ʋ bɔrʋ sɔ́r zu lɛb wa n a na faa ʋ nɩ a kũu pʋɔ ɛ́ páw yel-bebe yaga suur-dɩ-kʋ̀b.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.