Ɩzayi 7
7
Ƴɛ̀rʋ a Sore na ƴãw bɛ ƴɛ̀r kʋ̀ a nãà Akaazɩ a
1A Zuda tẽw nãà Akaazɩ na ɩ Yotam bidɛb, ɛ́ ɩ Ozɩasɩ yãw a, daar tɩ n'a. Siiri tẽw nãà, Eresin, tɩ wa na, ʋlɛ nɩ a Ɩsɩrayɛl tẽw nãà Peka na ɩ Eremalyahu bidɛb a, kɛ́ bɛ wa zɛb'ɩ a Zerizalɛm#7:1 A Siiri tẽw nãà nɩ a Ɩsɩrayɛl tẽw nãà tɩ ŋmãa nɩ nɩ a Zuda naalʋ-tẽw zɛbr, a Yeezu Kɩrɩta na bɛ tɩ wa sɛr a yome 734 vuo pʋɔ. Bɛ tɩ bɔbr'a kɛ́ bɛ fɛr a Zuda naalʋ-tẽw ʋ lãwnɩ bɛ zɛb'ɩ a Asiiri tẽw dem.. Ɛcɛ bɛ bɛ tɩ tʋ̃ɔ́ zɛb'ɩ ʋ ɛ. 2Bɛ tɩ yel'ɩ a Daviir bʋʋrɛ nɩr Akaazɩ nɩ a ʋ tõ-tõ-bi-bɛrɛ à ŋá: «A Siiri tẽw dem maal'ɩ a bɛ zɛbr laɩ a Efarayim#7:2 Efarayim: Ʋ tɩ ɩ n a Saa-pɛrɩ́-gʋba-lowr Ɩsɩrayɛl nɩbɛ dɔwlʋ ʋl na ɩ kpɛ̃ɛ zuo a za a. A ka a, a Efarayim yúor ŋa wule nɩ a Saa-pɛrɩ́-gʋba-lowr Ɩsɩrayɛl nɩbɛ naalʋ-tẽw, bɩɩ a Ɩsɩrayɛl naalʋ-tẽw. tẽw pʋɔ.» A yel ŋa tɩ dam'ɩ a nãà nɩ a ʋ nɩbɛ mɛ̃ sɛsɛb na mɩ́ fu dam tuw tɩɩr a.
3Lɛ n'a a Sore tɩ yel a Ɩzayi: «Tɛr a fʋ bidɛb Seyaar-Yasuvʋ#7:3 Seyaar-Yasuvʋ: A yúor ŋa pɛr'ɩ “ŋmãa na cɩ̃ɛ na” bɩɩ “ŋmãa na lɛb'a wa (a Naaŋmɩn zie)”. yi tuor'ɩ a Akaazɩ. Ʋ be n a kʋ̃ɔ-ƴãwfʋ-zie ʋl na be a saa-zu a, a bɔw-wɛra baarʋ zie, a sɔ́r na cere a fɔbr-pɛwrbɛ púo pʋɔ a zu. 4Fʋ na tɩ yel ʋ na: “Cɛlɛ be! Ta damnɛ ɩ, ta zɔrɛ dɛ̃bɩ̃ɛ ɩ. A fʋ socir, ʋ ta màwr a Siiri tẽw Eresin nɩ a Eremalyahu bidɛb su-tʋlʋ kpãkpã ƴãw ɛ. Da-ŋmaarɛ ayi na ɩrɛ zʋ̀ʋ́r a tɛwr nɛbɛ. 5Yel-mɩŋa n'a, a Siiri tẽw dem, de nɩ a Peka nɩ a Efarayim zɛbr-nɩbɛ yel'a kɛ́ bɛ na maalɩ fʋ nɩ faa. Bɛ yel'a: 6“Nyɩ ɩ tɩ cen a Zuda naalʋ-tẽw ƴãw! Tɩ tɩ ƴãw ʋ dɛ̃bɩ̃ɛ, ɛ́ fɛr ʋ ƴãw ʋ tu tɩ! Ɛ́ tɩ ƴãw Taveyɛl bidɛb ɩ a nãà a be#7:6 A Siiri tẽw dem nɩ a Saa-pɛrɩ́-gʋba-lowr Ɩsɩrayɛl nɩbɛ tɩ bɔbr'a kɛ́ bɛ de na-sãan, Taveyɛl bidɛb, lɩɛr'ɩ a nãà Akaazɩ na ɩ Daviir yir nɩr a. Ɛcɛ a Naaŋmɩn tɩ yel'ɩ a Daviir k'aa ʋ yir pʋɔ n'a a naalʋ na dɩrɛ kʋralɛ. Nyɛ̃ 2Sa 7.16. .” 7Ɛcɛ à ŋá n'a a Sore Naaŋmɩn yere: “A bɛ nyɔwr ɛ, a bɛ ɩrɛ ɩ!”
8-9Bʋ̃ʋ n'ʋ vɛ̃, a Siiri tẽw tẽ-kpɛ̃ɛ n'ɩ Damasɩ,
ɛ́ a Damasɩ tɛwr'a a Eresin ɩ a nɩ-kpɛ̃ɛ.
Yome lɩz'a ata nɩ a nũu n'a cãà cɛ,
ɛ́ a Efarayim bʋʋrɛ kʋ̃ cãà ɩ.
Bʋ̃ʋ n'ʋ vɛ̃, Samaari n'ɩ
a Efarayim tẽw tẽ-kpɛ̃ɛ
ɛ́ a Samaari tɛwr'a a Peka ɩ a nɩ-kpɛ̃ɛ.
Nyɩmɛ bɛ wa sàw de a,
nyɩ kʋ̃ cãà be ɩ.”»
A Ɩmanɩɛl bãwfʋ a Sore na tɩr a
10A Sore tɩ cãà na ƴɛ̀r a Akaazɩ zie à ŋá: 11«Zɛlɩ bãwfʋ kãw a Sore fʋ Naaŋmɩn zie a kpɩmɛ-tẽw pɛrɩ́ za, bɩɩ a saa-zu za a salom zu.» 12Ɛcɛ a Akaazɩ tɩ sɔw na: «Ɩ̃ bɛ zɛlɛ ɩ, ɩ̃ bɛ ɩrɛ a Sore kaar ɛ.»
13Lɛ n'a a Ɩzayi tɩ yel: «Nyɩ bɛrɛ wone, Daviir yir dem i! Pʋrɩ n'a a ɩ nyɩ na bàlɛ a nɩsaalbɛ a a, nyɩ mɩ̀ bàlɛ a ɩ̃ Naaŋmɩn ɩ? 14A na ɩ à ŋá a, a Sore mɩŋa na kʋ̀ nyɩ nɩ bãwfʋ: a pɔwsɩra na tɛr'ɩ pʋɔ dɔw dɛb por ʋ Ɩmanɩɛl, a pɛr lɛ kɛ́ “Ŋmɩn-be-n-tɩ-zie”. 15Bʋ̀r-jɛ̃jɛlɛ nɩ sɩwr'a ʋ na dɩrɛ tɩ ta a lɛn daar ʋ na na bãw a faa zawr-bɛrʋ nɩ a vla kaa-íru a. 16A bie kʋ̃ bãw a faa zawr-bɛrʋ nɩ a vla kaa-íru sɛr ɛ, ɛ́ a nɩbɛ bɛr a tẽw a na-mɩnɛ ayi na ɩrɛ fʋ dɛ̃bɩ̃ɛ a, ʋ gã. 17A Sore na ɩ na bibie kãw vɩɛ a fʋ zu, a fʋ nɩ-bʋʋrɛ zu, bibie na bɛ vɩɛ a lɛn daar za a Ɩsɩrayɛl naalʋ-tẽw na bʋ́r yi a Zuda naalʋ-tẽw pʋɔ wa tɔ a ka a. — A Asiiri tẽw nãà yele n'a.—»
A Asiiri tẽw dem kpɛ na so a tẽw
18Bibir kãw, a Sore
na pɛbl'ɩ wele bʋɔlɩ a nazʋʋr
na be a be a Nɩl man kʋ̃ɔ
na zɔrɛ kpɩɛr a kʋ̃ɔ-kpɛ̃ɛ pʋɔ a Eziptɩ tẽw a,
nɩ a sɩw-bie na be a Asiiri tẽw a.
19A za na wa na
wa dɔm a fʋɔl-cũgbuli pʋɔ,
a pì-wɛrsɩ pʋɔ, a tuwr za pʋɔ
nɩ a ziir al za kʋ̃ɔ na be a.
20A ʋlɩ bibir a,
a Sore na ya n bʋra
ʋ na na tõ n ɛ́ lɛb tɩr
a Efaratɩ man gãwn a
—a Asiiri tẽw nãà n'ʋ—,
ʋ na fɔr'ɩ nɩ a nyɩ zuru,
ɛ́ põ a nyɩ ƴã-gamɛ kɔblʋ za,
tɩ lãwnɩ a nyɩ tɩ̃ɛmɛ#7:20 À à ŋá n'a bɛ mɩ́ tɩ ɩ a zɛbr-nɩbɛ bɛ na nyɔw a, kɛ́ bɛ ƴãw bɛ vĩ..
21A ʋlɩ bibir mɩ̀ a,
ŋa za na mɩ́ guole nɩ
na-nyãw nɩ bʋ-nyan ayi,
22ɛ́ a bʋ̀rʋ na na mɩ́ ʋr a zũú,
a nɩbɛ na dɩrɛ nɩ bʋ̀r-jɛ̃jɛlɛ.
A bɛlɩ dem za na na cãà be a tẽw pʋɔ a
na sɩrɩ na dɩrɛ bʋ̀r-jɛ̃jɛlɛ nɩ sɩwr.
23A ʋlɩ bibir lɛb maalɛ,
púo na mɩ́ tɩ tɛr divɛ̃ tɩɩr túr
a dàarʋ ta salm-pla libie túr a,
na mɩ́ gã na ɩ gɔ-tuwr.
24A nɩbɛ na mɩ́ tɛr'ɩ tamɛ nɩ lɔwr
wa bawlɛ nɩ a be.
Bʋ̃ʋ n'ʋ vɛ̃, a tẽw za na ɩ n gɔ-tuwr tɛwr.
25A tãli bɛ na tɩ kʋɔr'ɩ kùur a,
nɩr kʋ̃ mɩ́ lɛb sàw cen a be ɩ,
a gɔ-tuwr bɛ na zɔrɛ a ƴãw.
A na lɩɛb'ɩ nĩi mʋ̃ɔ 'wɔbrʋ zie nɩ píir àrʋ zie.
Currently Selected:
Ɩzayi 7: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
Ɩzayi 7
7
Ƴɛ̀rʋ a Sore na ƴãw bɛ ƴɛ̀r kʋ̀ a nãà Akaazɩ a
1A Zuda tẽw nãà Akaazɩ na ɩ Yotam bidɛb, ɛ́ ɩ Ozɩasɩ yãw a, daar tɩ n'a. Siiri tẽw nãà, Eresin, tɩ wa na, ʋlɛ nɩ a Ɩsɩrayɛl tẽw nãà Peka na ɩ Eremalyahu bidɛb a, kɛ́ bɛ wa zɛb'ɩ a Zerizalɛm#7:1 A Siiri tẽw nãà nɩ a Ɩsɩrayɛl tẽw nãà tɩ ŋmãa nɩ nɩ a Zuda naalʋ-tẽw zɛbr, a Yeezu Kɩrɩta na bɛ tɩ wa sɛr a yome 734 vuo pʋɔ. Bɛ tɩ bɔbr'a kɛ́ bɛ fɛr a Zuda naalʋ-tẽw ʋ lãwnɩ bɛ zɛb'ɩ a Asiiri tẽw dem.. Ɛcɛ bɛ bɛ tɩ tʋ̃ɔ́ zɛb'ɩ ʋ ɛ. 2Bɛ tɩ yel'ɩ a Daviir bʋʋrɛ nɩr Akaazɩ nɩ a ʋ tõ-tõ-bi-bɛrɛ à ŋá: «A Siiri tẽw dem maal'ɩ a bɛ zɛbr laɩ a Efarayim#7:2 Efarayim: Ʋ tɩ ɩ n a Saa-pɛrɩ́-gʋba-lowr Ɩsɩrayɛl nɩbɛ dɔwlʋ ʋl na ɩ kpɛ̃ɛ zuo a za a. A ka a, a Efarayim yúor ŋa wule nɩ a Saa-pɛrɩ́-gʋba-lowr Ɩsɩrayɛl nɩbɛ naalʋ-tẽw, bɩɩ a Ɩsɩrayɛl naalʋ-tẽw. tẽw pʋɔ.» A yel ŋa tɩ dam'ɩ a nãà nɩ a ʋ nɩbɛ mɛ̃ sɛsɛb na mɩ́ fu dam tuw tɩɩr a.
3Lɛ n'a a Sore tɩ yel a Ɩzayi: «Tɛr a fʋ bidɛb Seyaar-Yasuvʋ#7:3 Seyaar-Yasuvʋ: A yúor ŋa pɛr'ɩ “ŋmãa na cɩ̃ɛ na” bɩɩ “ŋmãa na lɛb'a wa (a Naaŋmɩn zie)”. yi tuor'ɩ a Akaazɩ. Ʋ be n a kʋ̃ɔ-ƴãwfʋ-zie ʋl na be a saa-zu a, a bɔw-wɛra baarʋ zie, a sɔ́r na cere a fɔbr-pɛwrbɛ púo pʋɔ a zu. 4Fʋ na tɩ yel ʋ na: “Cɛlɛ be! Ta damnɛ ɩ, ta zɔrɛ dɛ̃bɩ̃ɛ ɩ. A fʋ socir, ʋ ta màwr a Siiri tẽw Eresin nɩ a Eremalyahu bidɛb su-tʋlʋ kpãkpã ƴãw ɛ. Da-ŋmaarɛ ayi na ɩrɛ zʋ̀ʋ́r a tɛwr nɛbɛ. 5Yel-mɩŋa n'a, a Siiri tẽw dem, de nɩ a Peka nɩ a Efarayim zɛbr-nɩbɛ yel'a kɛ́ bɛ na maalɩ fʋ nɩ faa. Bɛ yel'a: 6“Nyɩ ɩ tɩ cen a Zuda naalʋ-tẽw ƴãw! Tɩ tɩ ƴãw ʋ dɛ̃bɩ̃ɛ, ɛ́ fɛr ʋ ƴãw ʋ tu tɩ! Ɛ́ tɩ ƴãw Taveyɛl bidɛb ɩ a nãà a be#7:6 A Siiri tẽw dem nɩ a Saa-pɛrɩ́-gʋba-lowr Ɩsɩrayɛl nɩbɛ tɩ bɔbr'a kɛ́ bɛ de na-sãan, Taveyɛl bidɛb, lɩɛr'ɩ a nãà Akaazɩ na ɩ Daviir yir nɩr a. Ɛcɛ a Naaŋmɩn tɩ yel'ɩ a Daviir k'aa ʋ yir pʋɔ n'a a naalʋ na dɩrɛ kʋralɛ. Nyɛ̃ 2Sa 7.16. .” 7Ɛcɛ à ŋá n'a a Sore Naaŋmɩn yere: “A bɛ nyɔwr ɛ, a bɛ ɩrɛ ɩ!”
8-9Bʋ̃ʋ n'ʋ vɛ̃, a Siiri tẽw tẽ-kpɛ̃ɛ n'ɩ Damasɩ,
ɛ́ a Damasɩ tɛwr'a a Eresin ɩ a nɩ-kpɛ̃ɛ.
Yome lɩz'a ata nɩ a nũu n'a cãà cɛ,
ɛ́ a Efarayim bʋʋrɛ kʋ̃ cãà ɩ.
Bʋ̃ʋ n'ʋ vɛ̃, Samaari n'ɩ
a Efarayim tẽw tẽ-kpɛ̃ɛ
ɛ́ a Samaari tɛwr'a a Peka ɩ a nɩ-kpɛ̃ɛ.
Nyɩmɛ bɛ wa sàw de a,
nyɩ kʋ̃ cãà be ɩ.”»
A Ɩmanɩɛl bãwfʋ a Sore na tɩr a
10A Sore tɩ cãà na ƴɛ̀r a Akaazɩ zie à ŋá: 11«Zɛlɩ bãwfʋ kãw a Sore fʋ Naaŋmɩn zie a kpɩmɛ-tẽw pɛrɩ́ za, bɩɩ a saa-zu za a salom zu.» 12Ɛcɛ a Akaazɩ tɩ sɔw na: «Ɩ̃ bɛ zɛlɛ ɩ, ɩ̃ bɛ ɩrɛ a Sore kaar ɛ.»
13Lɛ n'a a Ɩzayi tɩ yel: «Nyɩ bɛrɛ wone, Daviir yir dem i! Pʋrɩ n'a a ɩ nyɩ na bàlɛ a nɩsaalbɛ a a, nyɩ mɩ̀ bàlɛ a ɩ̃ Naaŋmɩn ɩ? 14A na ɩ à ŋá a, a Sore mɩŋa na kʋ̀ nyɩ nɩ bãwfʋ: a pɔwsɩra na tɛr'ɩ pʋɔ dɔw dɛb por ʋ Ɩmanɩɛl, a pɛr lɛ kɛ́ “Ŋmɩn-be-n-tɩ-zie”. 15Bʋ̀r-jɛ̃jɛlɛ nɩ sɩwr'a ʋ na dɩrɛ tɩ ta a lɛn daar ʋ na na bãw a faa zawr-bɛrʋ nɩ a vla kaa-íru a. 16A bie kʋ̃ bãw a faa zawr-bɛrʋ nɩ a vla kaa-íru sɛr ɛ, ɛ́ a nɩbɛ bɛr a tẽw a na-mɩnɛ ayi na ɩrɛ fʋ dɛ̃bɩ̃ɛ a, ʋ gã. 17A Sore na ɩ na bibie kãw vɩɛ a fʋ zu, a fʋ nɩ-bʋʋrɛ zu, bibie na bɛ vɩɛ a lɛn daar za a Ɩsɩrayɛl naalʋ-tẽw na bʋ́r yi a Zuda naalʋ-tẽw pʋɔ wa tɔ a ka a. — A Asiiri tẽw nãà yele n'a.—»
A Asiiri tẽw dem kpɛ na so a tẽw
18Bibir kãw, a Sore
na pɛbl'ɩ wele bʋɔlɩ a nazʋʋr
na be a be a Nɩl man kʋ̃ɔ
na zɔrɛ kpɩɛr a kʋ̃ɔ-kpɛ̃ɛ pʋɔ a Eziptɩ tẽw a,
nɩ a sɩw-bie na be a Asiiri tẽw a.
19A za na wa na
wa dɔm a fʋɔl-cũgbuli pʋɔ,
a pì-wɛrsɩ pʋɔ, a tuwr za pʋɔ
nɩ a ziir al za kʋ̃ɔ na be a.
20A ʋlɩ bibir a,
a Sore na ya n bʋra
ʋ na na tõ n ɛ́ lɛb tɩr
a Efaratɩ man gãwn a
—a Asiiri tẽw nãà n'ʋ—,
ʋ na fɔr'ɩ nɩ a nyɩ zuru,
ɛ́ põ a nyɩ ƴã-gamɛ kɔblʋ za,
tɩ lãwnɩ a nyɩ tɩ̃ɛmɛ#7:20 À à ŋá n'a bɛ mɩ́ tɩ ɩ a zɛbr-nɩbɛ bɛ na nyɔw a, kɛ́ bɛ ƴãw bɛ vĩ..
21A ʋlɩ bibir mɩ̀ a,
ŋa za na mɩ́ guole nɩ
na-nyãw nɩ bʋ-nyan ayi,
22ɛ́ a bʋ̀rʋ na na mɩ́ ʋr a zũú,
a nɩbɛ na dɩrɛ nɩ bʋ̀r-jɛ̃jɛlɛ.
A bɛlɩ dem za na na cãà be a tẽw pʋɔ a
na sɩrɩ na dɩrɛ bʋ̀r-jɛ̃jɛlɛ nɩ sɩwr.
23A ʋlɩ bibir lɛb maalɛ,
púo na mɩ́ tɩ tɛr divɛ̃ tɩɩr túr
a dàarʋ ta salm-pla libie túr a,
na mɩ́ gã na ɩ gɔ-tuwr.
24A nɩbɛ na mɩ́ tɛr'ɩ tamɛ nɩ lɔwr
wa bawlɛ nɩ a be.
Bʋ̃ʋ n'ʋ vɛ̃, a tẽw za na ɩ n gɔ-tuwr tɛwr.
25A tãli bɛ na tɩ kʋɔr'ɩ kùur a,
nɩr kʋ̃ mɩ́ lɛb sàw cen a be ɩ,
a gɔ-tuwr bɛ na zɔrɛ a ƴãw.
A na lɩɛb'ɩ nĩi mʋ̃ɔ 'wɔbrʋ zie nɩ píir àrʋ zie.
La Bible en Dagara © Alliance Biblique du Burkina Faso, 2013.